درس الفلسفة

بسم الله الرحمن الرحيم

الحمد لله اننا لسه عايشين بنقول سبحان الله الحمد لله نستغفر الله

وبعد/
قابلت النهاردة راجل بقالي كتير مشوفتوش ولما حكيتله قالي سبحان الله أحنا دليما بنتقابل في الظروف دي
الحمد لله علي كل حال
كلما أفتكر اني اتمكنت منها إلاقيها تبعد وتظهر المشاكل قدامي
حقا أني أنتصر لكني مش عارف النصر الحاسم اللي من بعده يحصل نوع من الهدوء والإستقرارهيكون أمتي
الدنيا دلوقتي عاملة زي لعبة الشطرنج وأنا وملك من الملوك بنلعب
كان الملك بياكل العساكر وهو فرحان وفي حركة مكشوفة وباين منها أنه طمع وأعتبرتها تجاوز وخط الأحمر بيهدد الوزير بتاعتي عايز يموته
وإذا به فجأة بيسمع كلمة كش ملك
(ويمكرون ويمكر الله)
وأصبح الملك في مأذق ومش شايفله مخرج
والله أعلم بالدنيا عاملة أذاي وأني لا أأمن مكر الله
وإن خسرت فهي مش أول خسارة وإنا لله وإنا إليه راجعون إن خسرت أو كسبت فأنا وكلنا سايبين مكاسبنا وخسايرنا وراجعين لربنا

وأني دايما باقبل اللعب علي حاجات الناس إن كانوا عايزين يلعبوا عليها إنما حاجاتي أنا مبلعبش عليها
فالخسارة إن ربنا قدرها فهي خسارة مكسب كان نفسي أحصل عليه
والمكسب إن شاء الله هيكون مكسب للغالب والمغلوب ويمكن للمغلوب أكتر
مش عارف الناس مش بتصدقني ليه لما بأقولهم أني عايزلهم خير وهما مشافوش إلا خير وجد مش لعب بدأت بيه فيبدأوا بالشر بالكدب والإستهبال والطمع والغدر فيجعلوا لي سلطان عليهم فأدخل في حياتهم وحاجاتهم وألعب براحتي وهما بتصرفاتهم السيئة كأنهم بيمضوا علي عقد أنهم موافقين بإرادتهم وبكامل قواهم العقلية يلعبوا عليها وهذا يعني أنها عندهم رخيصة فمفيش مانع أني آخدها وممكن أكسبها فأنا شايفها غالية لهذا أقبل منهم وإن بأة من حاجاتي فأنا مبلعبش بحاجاتي أصل أنا حاجاتي غالية علية وإن مكسبتهاش فهي رخيصة عند أصحابها

الحمد لله اني اغلب دايما
شوفت وكأن جسد قوي كبير مربوط بحبال اطرافها في ايدي
ثم أني لأبقي كبيرا وأفكه من أسره وكل واحد حر في أفعاله
ومش ممكن هينسي في يوم انه قابلني واذا اتذكر اسمي هيعرفني ومش هينسي افعاله ولا افعالي
وكان وقت قصير وفصل في حكاية
غير اني مليت
والفرصة الحقيقية امتي ؟؟؟

خطة حربية

كانت هتبأه موتة وحشة وضمير الوزير مش هيستريحلها وعشان كده بس فتح للملك طريق للعودة لملكه وجنوده وعساكره ونفوذه
وإذا بالملك يعاود الهجوم من جديد وبنفس الطريقة
ولأن الوزير محتاج لحاجة عنده ولسة محتاج وقت عشان يسيبه أو يخضعه له بطريقة صح بدأ ينفذ عملية أنسحاب منظم ويتراجع أمام الملك بجنوده رغم أنه لسه في موقف أقوي منه
وبينما هو يتراجع من بعيد خرج الحصان في مهمة خاصة سرية للغاية .....

الحصان التاني كمان خرج في مهمة محدش يعرف عنها حاجة بينما الوزير يفكر في عملية تالته يقوم بيها بنفسه
الفيل ده وعساكره لهم معاه سابقة سيئة وهو شافهم قريبين ليه ميسددلهمش حسابهم دلوقتي وهي ضربة مزدوجة إن أخطأها هيزيد عدد أعداؤه ويصبح في موقف شديد الحرج
لكنه يحب أن يفعلها هو يحتاج إلي بعض الوقت لابد من تعطيلهم بأي طريقة لأنه علي وشك الإختناق

دي حرب حقيقية مش لعبة والأعصاب مشدودة والله هو الناصر يتجاوز عن سيئاتنا وينصرنا
الدعاء
ربنا أغفر لنا ذنوبنا وإسرافنا في أمرنا وثبت أقدامنا وأنصرنا علي القوم الكافرين
وصلي اللهم علي سيدنا محمد وعلي آله وصحبه وسلم

واني زعلان بقول أني زعلان عشان حاجة كبيرة ممكن أخسرها
لكني برد علي نفسي وهو أنا اللي عديت من كل اللي فات ووصلت لحد هنا ولا كنت أعرف

السقوط المرادي هيكون أذاي ؟؟؟
أصل المرة اللي فاتت وقعت اتكسرت خمسميت حته
وسبحان الله والحمد لله أني قمت تاني

المرادي هيحصل أيه ؟؟؟؟؟
إن شاء الله ربنا هيعديني من غير ما أقع إن شاء الله
وخير كتير إن شاء الله


والناس اللي معايا دلوقتي مش أنا اللي جبتهم دلوقتي في وقت واحد وهما مش مع بعض وميعرفوش بعض وكل واحد فيهم في مكان وجايين كل واحد عشان يساعدني في حاجة
أرجو من الله أنه يحقق لي نصر كبير وأستقرار في الأوضاع لأني ناسي نفسي خالص من زمان
آمين
وصلي الله علي سيدنا محمد وعلي آله وصحبه وسلم

انباء مؤكدة عن تحطمه وأن كيانه ينهار
وكانت حكاية غريبة وكأن ربنا بعتني ليه عشان يهزمه بأيدي أنا أضعف واحد علي وجه الأرض
والحمد لله