محكمه الحب والرومانسيه

من طرف **Crespowbas** الجمعة نوفمبر 16, 2007 5:13 pm

الحب والرومانسيه كلنا طبعا عارفنهم كويس بس احنا بقا عملنا المحكمه عشان نعرف الحب والرومانسيه عن كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحكمه
وعلى الجميع الاتزام بكل قواعد المحكمه الحكم هيكون عادل باْذن الله وياريت يكون الاجابه صادقه
احنا عاملين المحكمه عشان كل وحد فينا يقف قدام نفسه مره وحده بقلبه وياريت اللى يدخل المحكمه يكون عقله بعيد عن رده

قواعد المحكمة

1- الاجابه عن جميع الاسئله بكل صراحه..........
2- تكون صادق
3- لاتحاول ان تبعد عن مضمون الموضوع

فكره الموضوع جميله جدا وهتعجبكوا يا جماعه ياريت كلنا نشارك كلنا نبقا مع بعض
وياريت محدش يفهم الموضوع غلط احنا مش هنخش فى خصوصيات حد احنا عاملين محكمه عن الحب والرومانسيه
دى اول طريقه لـ تحديث المحكمه للأعضاء
دلوقتى المحكمه يجماعه عملت النهارده ان من حق الاعضاء اختيار العضو القادم
وطبعا عشان يكون فى تنظيم اكتر فى الموضوع
والى عايز العضو ده يكون فى المحكمه
يكتب فى الرد بتاعوا اسم العضو.

من طرف **Crespowbas** الجمعة نوفمبر 16, 2007 5:16 pm

انا مستنى اختياركم علشان نحط اساله للى عاوز يكون معانا فى المحكمه وطبعا الشخص دة يكون جريئ جدا

علشان هنسال اساله فى الحب هتكون محتاجه لناس جامدة طبعا

يلا بقى مستنى ردودكم

من طرف **snow white** الخميس نوفمبر 22, 2007 8:00 pm

انا معاكوا يا كريسبو
بس قاضي او نيابه
متهمه نوووووووووووووووووووو

من طرف **eamo** الجمعة نوفمبر 23, 2007 2:06 am

موضوع رائع جدا جدا ياكرسبو انا ياسيدي عندي استعداد اتحط فوضع المتهمه وبردو القاضي والأدعاء اللي انتو حابينه

من طرف **Crespowbas** الجمعة نوفمبر 23, 2007 2:38 am

ماشى
يا ايمى
قولى اسمك (اختيارى)
سنك
ساكنه فين

السؤال

انتى بتحبى ولو بتحبى ايه الدليل على حبك للى بتحبيه ولو مش بتحبى ليه مش بتحبى ؟

من طرف **eamo** الجمعة نوفمبر 23, 2007 2:43 am

انا اسمي ياسيدي (ايمان .....)
عندي 21 سنه
ساكنه في الباجور المنوفيه
ايوه انا بحب بكل ذره فكياني ودليلي على كده ان عندي استعداد اضحي بكل حاجه فعمري عشان اوهب السعاده لمحبوبي اللي هو اغلى عندي مني عايز دليل اكبر من كده ؟؟؟؟؟؟ سؤال تاني؟؟

من طرف همس العيون الجمعة نوفمبر 23, 2007 3:00 am

السؤال ده ليكى يا ايمى ايه اول صفه تشدك فى الراجل وايه اكتر حاجه تحبيها تكون فى حبيبك مثلا

من طرف **eamo** السبت نوفمبر 24, 2007 2:02 pm

اول صفه تشدني في الراجل هيبته طبعا الهيبه من الله بس في ولد كده تحس انه جذاب جدا بهيبته ورزانته بس والحمد لله يعني هي موجوده فحبيبي وهي اللي شديتني ليه في الأول خاااااااااااااالص سؤال جديد؟

من طرف **zy_elsoker** السبت نوفمبر 24, 2007 7:05 pm

اية دة انا عايزة ابقى معاكم موضوع حلو اوى

اسال بقة ها يا ايمو

اية اكتر لحظة بتحسى انك بتحبى حبيبك وهو بيحبك ؟؟ اية اكتر كلمة حلو بتحبيها منه ؟؟؟

من طرف **tweety** الثلاثاء نوفمبر 27, 2007 4:14 pm

موضوعك رااااااااااااااااااااااااااااااااايق ياكرسبوووووووووووووو انتو مش بتكملو الاسئله ليه ويظهر كده ان ايمى هتاخد براءة

من طرف **Crespowbas** الأربعاء نوفمبر 28, 2007 5:06 pm

لا لسه
هتتكلم وهتجواب احنا لسه معرفناش يا قضاه حاجه منها لسه بدرى

من طرف **mido19** السبت ديسمبر 01, 2007 4:34 pm

موضوع جامد اوى يا كرسبو
والله العظيم جد يد وشديد
ونفسى ادخل فى الموضوع
ممكن اسالك يا ايمو
امتى حاسيتى انك بتحبية مش معجبة بية؟
ويا ريت تردى لان الحب والاعجاب ملغبتنى

من طرف **ahmedelamir64** الأحد ديسمبر 02, 2007 11:04 pm

محمد هو الموضوع ده لسه شغال
انت ليه مش بتجدد القضيه او المحكمه
الموضوع جامد وهيستمر بس اهتم بيه شويه وانا نفسي اشركك
يعني لو احتجت اول قضيه ممكن تكون قضيتي
الموضوع جامد استمر يا محمد

من طرف **Crespowbas** الإثنين ديسمبر 03, 2007 2:33 am

خلاص ماشى
ادخل يا احمد
وقدم نفسك
وقول كل حاجه عنك علشان يقدر الواحد يسالك من خلال تعريفك بنفسك
ماشى

من طرف **ahmedelamir64** الإثنين ديسمبر 03, 2007 11:33 am

انا احمد سمير الامير
السن 19 سنه
من قويسنا في كليه علوم بنها
كفايه كده في التعريف ولا لا ييا سياده القاقض

من طرف **tweety** الإثنين ديسمبر 03, 2007 9:04 pm

ايه ياجماعه هيا المحكمه خلصت ولا ايه

انتو وصلتوا لمرحلة الحكم بعد المداولة

أنا كنت عايزه أدخل القفص حبه بقى

خلصوااا فى قضايا كتيييييير

من طرف **Crespowbas** الإثنين ديسمبر 03, 2007 10:34 pm

ماشى
لا مخلصتشى ولا حاجه
نقول
انت ايه رايك
فى حبيبتك يا احمد بصدق وقول والله اقول الحق
ثانى حاجه قول عيبوبها وقول والله اقول الحق

رد
يا عم احمد
بس قبل ما ترد قول والله اقول الحق

من طرف **ahmedelamir64** الثلاثاء ديسمبر 04, 2007 2:56 am

والله العظيم لقول الحق
انا راي في الانسانه اللي بحبها دي اجمل انسانه في الدنيا من وجه نظري
طبعا مفيش انسان مفهوش عيوب
بس انا حاسيت اني لما اختارتها اني لاقيت حاجات كتير كنت بدور عليها
يعني مش شايف فيها عيوب
والله العضظيم هو ده الحق

من طرف **Crespowbas** الثلاثاء ديسمبر 04, 2007 10:41 am

بتحبها اد ايه قول والله اقول الحق

وهى بتحبك اد ايه (ما تقولشى والله اقول الحق)

عاوز اعرف حاجه لو انت وهى خارجين مع بعض وهى كانت تعرف واحد زمايل وكدة من زمان
وراحت مسلمه عليه وانت معاها وانت قايله مش عاوزك تعرفى حد غيرى انا
ايه هيكون رد فعلك سعتها (قول والله اقول الحق)

من طرف **ahmedelamir64** الثلاثاء ديسمبر 04, 2007 11:23 am

والله هقول الحق
انا بموت فيها يعني بحبها اكتر من نفسي
هي بتحبني اد ايه هي بتحبني اوي
بالنسبه لموضوع ان لو احنا خرجين مع بعض وقبلت واحد زميلها زي ما انت بتقول
انا واثق انها مش هتسلم عليه ولو حصل وهو اللي جه سلم هي هتقوله ازايك بس مش هتقوله اكتر من كده
والله هو ده الحق

من طرف **Crespowbas** الثلاثاء ديسمبر 04, 2007 6:00 pm

قولى

لو روحت اتقدمتلها واهلها قالولك اخرج بره هههه اوعى تفهمنى صح
يعنى لو اترفضت باى الاشكال
ايه هيكون رد فعلك (قول والله هقول الحق )

لو صحيت من النوم وروحت الكليه ولقيت واحدة امورة جدا كنت هتموت علشان تكلمها
لقتها بتقول انا بحبك يا احمد هتقولها ايه سعتها وهى ما تعرفشى انك مرتبط (قول والله العظيم اقول الحق) santa

من طرف **ahmedelamir64** الثلاثاء ديسمبر 04, 2007 6:09 pm

انا هحاول اني لما اروح اتقدملها اكون جاهز
يعني هحاول مسيبش فرصه ان بباها يرفض عشان اي سبب
موضوع واحده اموره وكده
انا لما اختارتها اختارتها عشان عايز اكمل معاها بقيت حياتي مش عشان اضيع وقت علي ما الاموره تجي تقولي انا بحبك
وبعدين يا سياده القاضي انا قولتلك اني شيافها اجمل بنت في الدنيا من وجه نظري
علي فكره انت مش مذاكر القضيه كويس
بس هو ده الحق يا سعاده المستشار

من طرف **Crespowbas** الثلاثاء ديسمبر 04, 2007 6:15 pm

بص انت من حقك تجاوب بس مش من حققك انك تعد كلام القاضى
وسياخد بهزى الرد عند اصدار الحكم وهنتدخل القفص كمان
دخلووووووة يا حراس

بليل ابقى اكمل الاساله عقابا لجرئتك وعلشان تعرف ان المحكمه مش سايبه

وثانيا تجاوب بالتفصيل
انا بقولك لو اترفضت انت اكيد هتروح جاهز بس لو اترفضت اهلها رفضوك من الباب لطاق هتعمل ايه
لو سمحت جاوب
بالتفصيل وما تلفش حول السؤال

جاوب على دة دلوقتى

من طرف **ahmedelamir64** الثلاثاء ديسمبر 04, 2007 6:22 pm

لو اترفضت هحاول تاني وتالت
يعني مش هقدر انسي من اول مره ولا من عشر مره حتي
بس انا لما قولتلك اني هروح جاهز يعني اشوف هو رافضني ليه وحاول مسيبش فرصه انه يرفضني تاني
ولو هي من نصيبي (ان شاء الله هتكون)
اكيد مفيش حد يقدر يقف ضد القدر
بس انا مقدرش انسي الموضوع عشان بابها رفضني
الحب اللي من القلب محدش يقدر ينساه

من طرف **Crespowbas** الثلاثاء ديسمبر 04, 2007 6:25 pm

مستندا على ردك الجامد دة قررنا نحن قاضى المحكمه
ان المدعو احمد ان يخرج من قفص الاتهام ويستانف باقى الاساله الى حين صدور القرار

من طرف **ahmedelamir64** الثلاثاء ديسمبر 04, 2007 6:29 pm

ههههههههههههههههههههههه
هو ده الحق
الف شكر يا سعاده الباشا
ربنا يخليلك ولادك ويكفيك شر طريقك ويجعلك في كل خطوه سلامه
ويديلك علي قد نيتك
وينولك اللي في بالك(اللي انا عرفه)
والله انت قاضي باشا

من طرف **Crespowbas** الثلاثاء ديسمبر 04, 2007 6:38 pm

ههههههههههههههههههههه
طب خلى بالك من ام محمد اللى بتدعيلى ديه وبسهالى

شكر شكرا على فكرة انا بتكسف وبحرج وما ينفعشى تحرج القاضى يا ض

يله ما علينا كله ليه ثوابه

السؤال اللى بعدة نقووووووووووووووووووووووووول

انت حبيت كام مرة؟ قول والله اقول الحق

من طرف **HAMADA** الثلاثاء ديسمبر 04, 2007 6:43 pm

ايه دا يواد يامحمد الجمال ده انت كده فنان ولازم ارفعه القبعه انت بتعرف تختار مواضيعك تمات الله ينور ياعم البرنس

من طرف **HAMADA** الثلاثاء ديسمبر 04, 2007 6:44 pm

ايه دا يواد يامحمد الجمال ده انت كده فنان ولازم ارفعه القبعه انت بتعرف تختار مواضيعك تمات الله ينور ياعم البرنس

من طرف **ahmedelamir64** الثلاثاء ديسمبر 04, 2007 6:47 pm

انا محبشت قبل كده غير واحده بس محصلش نصيب
مش عشان انا قصرت ولا لا
كان في اختلافات وكان في حاجات كنت بحاول اغيرها فيها
هي مقدرتش تفهم كده وحصل مشاكل
وقبلت اللي غيرت حياتي كلها
ولاقيت فيها الحاجات اللي كنت بدور عليها

من طرف **Crespowbas** الثلاثاء ديسمبر 04, 2007 6:58 pm

تمام

انت حبيت البت الاولانيه
طب مش معقوله الحب ده يتنسى بسهوله طب لو اتنسى ايه اللى خلاك تنساه البنت اللى بتحبها دلوقى ما اظنش

لان اول حب مش بيتنسى كدة اكيد البنت الاولانيه ديه عملت حاجه تزعلك جدا

يا ريت تقولى عيوبها
ليك الحريه انك تجاوب
(بس دة هنحطه فى اعتبارنا نحن القضاه)

لو حببتك طلبت منك انك تثبتلها انك بتحبها

ايه اول حاجه هتعملها وثانى حاجه كمان ممكن تعملها قول يعنى كل حاجه

قول والله اقول الحق
بس
قول اللى هتقدر تعمله بجد علشان ردك هيتعرف انك بتقول كدة علشان بتحبها قوووووى وخلاص
لكن قول الواقع لو سمحت

من طرف **ahmedelamir64** الثلاثاء ديسمبر 04, 2007 7:53 pm

بص يا سعاده القاضي
والله العظيم لقول الحق
انا حبيت البنت الاولي جدا جدا جدا
بس وملقتش الحب ده منها
اكيد مفيش حد هيفضل يضحي عشان حد ومش ملاقي منه نفس حبه
فاخترت اني ابعد وعرفت اننا مينفعش نكمل مع بعض
طبعا انا عارف ان في مثل بيقول ان اللي بيحب ميعرفش يكره
بس اللي يحب حد اوي ويحس ان الحد ده مش بيحبه اكيد
هيكون عندك الدافع انه ينساه او انه ميفتكروش
وهو ده اللي حصل احنا بعدنا عن بعض
وبعد فتره
انا قبلت الانسانه اللي كنت بدور عليها بجد
واللي فيها الحاجات اللي كنت عايز اغيرها في البنت اللي قبلها
وعرفت طعم الحب بجد
وانا رديت عليك قبل كده علي موضوع امتي بنحب
وقلتلك انك مش هتعرف طعم الحب الا لما تقابله
يعني لو حسيت وانت مرتبط انك عايز تحب تاني يبقي لسه معرفتش يعني ايه حب لسه
وانا مع البنت التانيه والاولي والاخيره في حياتي عرفت يعني ايه حب
موضوع عيوب البنت الاولي
انا طبعا بكن لها كل الاحترام حتي مماتي
بس هي عنيده كتير مش شويه
بالنسبه لموضوع ممكن اعمل ايه عشان اثباتلها اني بحبها
محمد مش هقولك اجبلها لبن العصفور ولا اطلع اجبلها اربع خمس نجوم من السما
لا بس هي لو طلبت مني اي طلب وده في استطعتي طبعا مش هتاخر
بس انا اللي بتمناه اني اقدر اسعدها طول ما انا عايش
بس هي تطلب مني طلب بس
انا اسف اني طولت عليكوا
والله هو ده الحق

من طرف **little angel** الثلاثاء ديسمبر 04, 2007 8:21 pm

بجد انا مش مصدقاه ان احمد اللى بيقول الكلام دة دة لو طلع اصلا هو احمد اللى معانا ف الدفعة يا كرسبو انا ماعرفوش معرفه شخصية بس بجد فرحانه بيه قوى وبحبه لحبيبته ربنا يخليهاله يارب ومايحرمه منها ابدا ويخليلك منى انت كمان يا كرسبو وربنا معايا ونفسى اتسجن عندك يا كرسبو هههههههههههههههههههه

من طرف **Crespowbas** الثلاثاء ديسمبر 04, 2007 8:57 pm

ههههههههههههههه
عنيا يخرابى
اخلص قضيه احمد بس

وادخلك بس تبعينى انتى على طول علشان هيجى دورك قريب

ماشى

وهو احمد كدة اصلا من زمان

من طرف **Crespowbas** الأربعاء ديسمبر 05, 2007 3:01 am

اولا نحن سعادة القاضى

لقدر انبسطنا من كلام حضرتك جدا
وسوف يتغير فكرتنا عنك

فلازلك نحب ان نسالك سؤال
هام جدا

لما تحب ممكن تخون؟ وهل هيكون لخيانتك مبررات؟ وممكن تقول للى انت بتحبها دى انك بتحبها ولا هاتتقل عليها لو حسيت انها بتحبك برضه؟

من طرف **ahmedelamir64** الأربعاء ديسمبر 05, 2007 3:11 am

بص يا سياده القاضي
اللي يحب ميعرفش يخون
واللي يخون ملوش مبررات يعني مفيش مبررات للخيانه
هي من حقها اني اقول لها اني بحبها
بس انا نفسي مش اقولها هي بس انا نفسي اقول للعالم كله اني بحبها
وبعدين انا قولتلك انا نفسي اسعدها طول عمري واكيد دي حاجه تسعدها
يعني مقدرشي احرمها من كلمه ممكن تفرحها

من طرف **Crespowbas** الأربعاء ديسمبر 05, 2007 3:14 am

ماشى يا حبيب

سؤالى بقى المهم

انت حبيتها ازاى

من اول ما شوفتها
كنتم اصدقاء
قربتك وعارفها
وابقى قول عرفت كل حاجه عنها ازاى

بس قبل ما تقول قول
والله العظيم اقول الحق

من طرف **ahmedelamir64** الأربعاء ديسمبر 05, 2007 3:21 am

والله العضيم اقول الحق
انا حبيتها من اول يوم عرفتها
وهي اللي حكاتلي علي حياتها كلها برده في اول يوم شفتها
بس انت متاكد ان السوال ده للمحكمه برده
ولا للقاضي برده
بس والله هوه ده الحق

من طرف **Crespowbas** الأربعاء ديسمبر 05, 2007 3:30 am

اكيد طبعا للمحكمه علشان تقف على جميع الادله والبراهين التى تثبت بقرتق

ولقد ثبت انك حبيب كبير
وعاطفى ورمانسى
وصدر قرار عالى بانك لو تخليت على الانسانه ديه هتدخل السجن المؤبد
ثانيا

هتجوزها هتجوزها
ثالثا ولادكم يكونو فى المنتدى

رابعا

انت بتحبها قووووى وحافظ على الحب دة وخليك كدة ولو زعلتك تعالى على نفسك وما تجيش عليها
خامسا

يا احمد صعب نلاقى اللى يحبا والاصعب اننا نحب حد من قلبنا
حافظ يا احمد عليها ومتسبهاش ابدا
سادسا

رب اجمع بينك وبينها على الحلال وحببها فيك وزود حبك ليه

اخير يا عم احمد انت برئ دلوقتى ومن حقك تنادى على اللى هيدخل قفص الاتهام وهتكون متا بعنا برضو
وهتكون اول مستشار يترقى معانا فى المحكمه وهتسال برضو او تدافع زى منتا عاوز ليك الحق

من طرف **ahmedelamir64** الأربعاء ديسمبر 05, 2007 3:42 am

هههههههههههههههههههههههههههههه
الحمد لله
انا كنت عارف اني بري
ربنا يخليك يا سعاده الباشا
ولا باشا ايه بقي ما بقيت مستشار
ومش هتعرف تدخلني السجن تاني
انا بدخل القفص بعدي
مين ؟

مين؟

انا هدخل موده
وربنا معاكي
وتخدي
حكم
بالبراءه

من طرف **little angel** الأربعاء ديسمبر 05, 2007 3:54 am

يارب يا احمد ادعيلى اخد حكم بالبراءة اصلك عارف كرسبو طلع زملكاوى بقى فهيبقى شرانى وما اعرفش اخد منه لا حق ولا باطل بس انا بقولك يا كرسبو من اولها اهو مافيش اسئلة انتى بتحبى مين وحبيتى والكلام دة اسئل اسئلة عامة ممكن مواصفات اللى هاحبة اسئلة عنى كدة يعنى ولو مش هترضى ممكن ادخلك انا السجن هههههههههه

من طرف **Crespowbas** الأربعاء ديسمبر 05, 2007 4:56 pm

انتى هتشترطى كمان اسالك فى ايه
طب ما تقولى الاساله وخلاص

وابقى اقراى اسم الموضوع وانتى تعرفى الاساله هدور عن ايه

اول سؤاله لو هتشتركى معنا بدون شروط فى الاساله

اسمك
سنك

عنوانك (لو عاوزة عاريس )اسم بلدك بس

واى حاجه تعرفنى بيكى فى المحكمه وتحبى تقوليها

من طرف **little angel** الأربعاء ديسمبر 05, 2007 5:04 pm

اولا يا سيدى اسمى:little angel

السن:18 ونص
العنوان:كلية العلوم جامعة بنها وكمان يا كرسبو ايه البلطجة دى براحة عليا وكمان انا من حقى اتدلع ع المحكمة شوية انا لسة مابقتش مدانة ولا ايه يا سيادة المستشار احمد ولو هتتكتلوا عليا انا ممكن اجيب محامى بس اسمع التهم الاول

من طرف **Crespowbas** الأربعاء ديسمبر 05, 2007 8:09 pm

اولا
لقد قرررت انا سعادت القاضى
ان اعاقبك على كلمه(البلطجه) فلقد قرررت ادخالك قفص الاتهام
وسوف يتم معاقبتك باقصى االاساله
ومن حققك انتى (المدانه) انتى تحضرى محامى للدفاع عنك
وسوف يراعى انك لم تقدرى على مواجه اساله المحكمه وذالك سوف يؤثر فى الحكم

اولا

سيتم مسالتلك اساله ناريه

انتى حبيتى قبل كدة؟
كام مرة؟

لو محبتيش
قولى ليه؟
ولما تجاوبى قولى والله اقول الحق

من طرف **little angel** الأربعاء ديسمبر 05, 2007 8:55 pm

ايه يا سيادة القاضى الاسئلة الجامدة دى انا قولتلك مش هجاوب ع الاسئلة دى أعتذر وأظن البنات بالذات المفروض تسمحلهم بالاعتذرات

من طرف **little angel** الأربعاء ديسمبر 05, 2007 8:57 pm

ماشى يا قاضى

من طرف **little angel** الأربعاء ديسمبر 05, 2007 9:36 pm

والله العظيم أقول الحق فعلا حبيت قبل كدة ماما وبابا وأخواتى وأكيد أصحابى (slmr group) أما الحب الحب فدة أنا مأجلاه شويه أصل قلب الواحد مش بعزقة أنه يضيعة بالساهل وعلى رأى الست اليسا (طول عمرى خايفة احب واعشق زى كل الناس لانى ماملكش ف حياتى غير حبة الاحساس) وبسسسسسسسس

من طرف **Crespowbas** الأربعاء ديسمبر 05, 2007 9:39 pm

اوك

طب قوليلى
انتى مش شايفه حد كويس يعنى علشان تحبيه ولا انتى مش مقتنعه اصلا بالفكرة

قولى والله اقول الحق

من طرف **little angel** الأربعاء ديسمبر 05, 2007 9:41 pm

والله أقول الحق أنا طبعا مقتنعة بالفكرة جدا خاصة وأنى رومانسية مووت عشان كدة أخاف اتجرح

من طرف **Crespowbas** الأربعاء ديسمبر 05, 2007 9:46 pm

طب انتى اكيد محبتيش يا مودا

اكيد اكيد
اصلى يا مودا اللى بيطلع منه كلام كويس زى اللى قراته عنك بعد التحرى فى مواضيع اكتشفت انك فعلا بنت رومانسه جدا

فصعب شويتين ان البنت ديه ما تحبش حد
انتى ممكن تكونى حبيتى بس مكلمتيش حد

يا ريت الايجابه بتعتك توضح كل الاستفسارات ديه الى بدور فى دماغ القضاة

ثانيا

لو فعلا فعلا مع انى مش مصدق ولا مقنع بس هحاول اقتنع بعد ما اسمع ردك على استفساراتى

ايه اكتر حاجه تحبى تكون فى شريك حياتك

ولو حد قالك بحبك هتقوليله ايه

قبل ما تقولى حرف واحد يا ريت تقلى والله اقول الحق

هتختار مين يكون معانا فى المحكمه