رد: اسئل سؤال غبي والي بعدك يجاوب جواب اغبى

من طرف **little angel** الثلاثاء مارس 11, 2008 4:57 pm

انا اتوبت ع السيرة

ممكن لان الحلاق رغاى جداااااااااا والواحد بينام الكلام الكتير

بس لالاجابة الغبية ممكن لان المقص بيحكى حدوتة وهو بيلعب ف شعر الواحد

سؤالى

ليه متولى بياخدمننا فلوس اشى شتات واشى كتب هو ومصطفى شاهين وف الاخر مابيدوناش درجات؟

عشان احنا هوبل

يابنتي واحد زي متولي ده ومنعم والناس دوول
لازما امتحنهم يتسرب ولو معرفتوش تطلعوه يبقي انتوا دفعه خايبه

وعليها العوض في دفعتنا كنا اكبر نصابين وحلانجيه هههههههههه

متولي ده مفيش سنه ماتطلعليش بدون كورس ولا حاجه

سؤالي..

ليه فيه ناس لما بتشرب الشاي بيعملوا صوت وهما بيشربوه كده ؟؟ ياساتر علي دي طريقه

من طرف **little angel** الأربعاء مارس 12, 2008 1:28 am

ممكن لان الكوباية الازاز بتقرف من ريحة بقهم فبتمزمز شفايفها وتلعن اليوم اللى اتحطت فيه على بقهم

سؤالى

ليه لما سنانا بتوجعنا بنروح لدكتور محمد بتاع السنان؟

معلش اصلى بروحله مرة كل اسبوع واحيانا مرتين اهىء اهىء

سنانا بتوجعنا من كتر اكل الحلاوه يا حلاوه

اما بالنسبه للدكتور محمد تلاقيه بتاع حلاوه برده يديكي الحلاوه سنانك توجعك
فتروحيلو تاني وتدفعي كشف تاني

وهكذا هكذا

دواليك .. دواليك

سؤالي الحلاوه ...هههههه

قصدي سؤالي الغبي

هوه ليه الاهلي ديما و طبعا وقطعا بيعلم علي الذمالك ؟؟

من طرف **HAMADA** الأربعاء مارس 12, 2008 7:55 pm

عشان الزمالك بيقلد صلاح ابن الناظر اللى اتعلم من اللمبى والزمالك بيتعلم من الاهلى

السؤال الغبى
ليه مصر ام الدنيا ومش ابوها؟؟؟؟؟؟؟
اوعى حد يقول لان مصر موئنث

من طرف **ahmedelamir64** الأربعاء مارس 12, 2008 7:59 pm

عشان ابو الدنيا قويسنا

ههههههههههههه
ليه اليوم اربعه وعشرين ساعه بس

من طرف **HAMADA** الخميس مارس 13, 2008 2:06 am

هو لو كان قادر يشيل تانى كان شال بس العتب على الصحه

هههههههههههههههههههههههههههه
ازاى ندخل الفيل على تلت مرات التلاجه؟؟؟؟؟؟؟؟؟؟؟؟؟؟؟؟؟؟؟؟

من طرف **شذى** الخميس مارس 13, 2008 9:01 pm

اولا

نفتح التلاجة
ثانيا
ندخل الفيل
ثالثا
نقفل التلاجة
ههههههههههههههههههههههههه
ليه الصعيدى بينام مفتح عين ومغمض عين؟

هههههههههههههه

اهي غلاسه كده وخلاص

مش عارف يابنتي والنبي
هههههههه

سؤالي...

السؤال بيقول

ليه صرصور ودانا اتسمي بالاسم ده متسماش ليه
فار الودن او جحش الودن مثلا يعني ؟؟

من طرف **little angel** الجمعة مارس 14, 2008 2:06 am

ممكن لان الصرصور بيسمع اى حاجة وكمان لان لما بنسمع صوت عالى ودننا بتصفر زيه

ولان برضه الصرصور شكله عاطفى شويه عن الفار واحلى للودن ههههههههه

سؤالى الغبى

ليه سنانى بتوجعنى مع انى تقريبا مابكلش حلويات خاااااااااالص وكل اكلى حوادق ونواشف؟

من طرف **HAMADA** الجمعة مارس 14, 2008 4:30 am

بس ده مش سؤال غبى انت ممكن تكونى بتهميلي اسنانك

بس السؤال الغبي على حق
هل ممكن الباقى للاعاده فى الكليه يبقى معيد؟؟؟؟؟؟؟؟؟؟؟؟؟؟؟

من طرف **little angel** الجمعة مارس 14, 2008 6:08 pm

هو ممكن يبقى معيد لوقعد كذا سنة ف الكليه يدرس

بس ساعتها هبقى معيد فاشل وغبى

وانا مابهملش سنانى يا موسيقار

الحمد لله اسنانى حلوة اللى عندى نقص كالسيوم

سؤالى

ليه بيقولوا الرخامة ليها ناسها؟

من طرف **محمد البرادعي** الجمعة مارس 14, 2008 6:13 pm

عشان ناسها ليها الرخامه

ههههههههه

ليه النحله بتعمل عسل ما بتعملشي حاجات تانيه؟؟

من طرف **little angel** الجمعة مارس 14, 2008 6:14 pm

لانها بتاكل سكر كتير

هههههههه

سؤالى

ليه بنستحمى يوم الجمعة؟

من طرف **محمد البرادعي** الجمعة مارس 14, 2008 6:24 pm

سنه عن الرسووووول

بس ساعات بتبقي الميه قاطعه الصبح

هههههههههه

بتبقي درمغانه حما بقي الكل بيستحما

سؤالي اللطيف

ليه الاسد مش بيتجوز الا مره واحده بس ؟؟

من طرف **little angel** الجمعة مارس 14, 2008 9:45 pm

لانه حيوان عفيف

دى مش نكتة دى معلومة صحيحة

بس لالاجابة الغبية ممكن لانو لو فكر بس يتجوز تانى اكيد الاسده مراته مش هتسكتله دى اسده ياعم الحج

سؤالى

ليه لما نشوف حد الصبح بيقولنا صباح الخير؟

لاء عادي يعني ممكن يقول صباح الفل يا هندزه

نهارنا نادي ان شاء الله

كده يعني
مش شرط يقول صباح الخير

سؤالي

ليه الاهلي بيفوووز علي الذمالك ديما حتي بدون حبيب والديه والمجرم
بو تريكه

من طرف **HAMADA** الجمعة مارس 14, 2008 11:12 pm

لان دا العادى الاعيبين بتعكوا رجاله فوق الوصف ولاعبينا عيال معاندهاش دم فوق الوصف

السؤال الغبى صيح ممكن الزمالك ياخد الكاس ؟؟؟؟؟؟؟؟؟؟؟

من طرف **محمد البرادعي** السبت مارس 15, 2008 12:16 am

ما اظنيش بالمستوي الزفت ده

الحرس جاااااااااااااااامد يا حبي

بس ممكن لو اشتريتوا بو تريكه وسرحتوا اللعيبه دي كلها
ولعبتوا بي بو تريكه لوحده

سؤالي

هل ضربه الجزاء بتاعه الزمالك ضربه جزاء (( بتاعه جمال حمزه ))
ولا تمثيل ؟؟

من طرف **HAMADA** السبت مارس 15, 2008 12:30 am

ضربت جزاء مع عمل محضر شرطه بالقسم لامير عبد الحميد

هل سيقف تاريخ نادى الزمالك عند هذا الحد؟؟؟؟؟؟؟؟؟؟

من طرف **محمد البرادعي** السبت مارس 15, 2008 1:31 am

اي نعم سيقف ولم يتتتحتح عن مكانه

ال زمالك ال

سؤالي الفز

هوه ليه اللب لما نيجي نازازه بيعمل صوت كده
كيك كيك كده يعني ؟

من طرف **HAMADA** السبت مارس 15, 2008 7:52 pm

انجل انت ليه اختى بتخدى الموضوع كده ردك فيه تحفز زياده وبعدين المعيد الغبى الفاشل ده تعبير مش تمام لانه مهما كان اهه معانا فى نفس الكليه وجاب فى الثانوى زيه زيى الجميع هو عدم توفيق

على العموم مفيش مشكله
اما عمنا محمد البردعى ليه كده انا بقول عليك انت اللى فيهم طب خليك الروح العليا بتاعتك تفضل على طول ان شاء الله هانرجع وهنبقا نادى البطولات اللى كان بشرف مصر على طول ايام وهاتعدى لو دامت لغيرك ما كانتشى جات ليك
اه صحيح اللب بيعمل كده اصلو لب لازم يلب وانت بتقزقزه
انا مش عارف اسأل سؤال غبى جديد اسألوا انتوا على ما ابقا افكر فى سؤال

من طرف **tweety** الإثنين مارس 17, 2008 9:44 pm

الاسبوع اسمه اسبوع لانه سبع ايام
طيب لو هو ثمانيه هيبقى اسمه اثمون
طيب لو هو بقا 19 يوم
هيبقى اسمه ايه ؟؟؟؟

من طرف **Crespowbas** الثلاثاء مارس 18, 2008 1:37 am

هههههههههههههههههههههههه
والله مش عارف ارد

ولا حتى باجابه غبيه

ادا دخلت اضحك بس

وجزاكم الله كل الخير
ههههههههههههه

فين الناس

هما راحو فين

من طرف **little angel** الخميس مارس 20, 2008 6:19 pm

انتى ليه سالتى ورديتى على نفسك

ماهو ممكن يبقى اسمه اسبوع

عشان لما العيال الصغيرة تتولد يقولوا هنعملهم السبوع طبعا بيبقى بعد اسبوع

حد فهم حاجة يالا خير

سؤالى

ليه لما نحس بالزعل بنعيط وبالفرح بنعيط اصلا ليه بنعيط؟

من طرف **HAMADA** السبت مارس 22, 2008 4:10 pm

لا دا مفيش الا الشعب الاهبلب الشعب المصرى هو اللى بيعمل كده

المفروض ان العياط ده فى الحزن بس بس ها نعمل ايه فى نفسنا ربنا يعنا على ما ابتلانا الله به من
السؤال اللى نفسى اعرفه له اجابه
هى مصر ام الدنيا ولا ابوها ؟؟؟؟؟؟
السؤال ده علمى لو حد يعرفه

من طرف **USA** الأحد مارس 23, 2008 1:08 am

بسم الله الرحمن الرحيم

الإجابة:- تونس
lol!

سؤالى : بنا الاسكندر الأكبر مدينة الاسكندرية.. وشطبها لوكس على المفتاح..
السؤال هو : حدد ما هو نوع السيراميك؟ واسم مقاول السيراميك الذى بنا الاسكندرية للاسكندر الاكبر؟؟؟
farao

من طرف **little angel** الأحد مارس 23, 2008 11:37 am

ممكن يكون سيراميكا كليوباترا lol!

اما بقى ريس القاعدة ممكن يكون كان عم جمعة المشطباتى ريس العمال

يعنى هو مشطبهاش لوكس قوى اهو المحافظ الجديد عمل تحسينات على ايه وصرف باملايين استهبال بقى

سؤالى

ليه الشاى فيه تفل من تحت بعد مانشربه؟

من طرف **HAMADA** الأحد مارس 23, 2008 5:56 pm

ماهو لو كان راجل ما كانشى فضل فى الاخر انما هو تفل

ههههه

من طرف **USA** الأحد مارس 23, 2008 9:16 pm

ممكن برضه يمكن يكون عشان الشاى مركب كيميائى Immisible يعنى لايذوب فى الماء ويكون راسب ppt لونه احمر قاتم.

وكما قال الشاعر محمود عبد العزيز وهو يغازل الكيمياء..(الكيمى كيمى كااا،الكيمى كيمى كووو).وصباح الكيمياء .
اسئل سؤال غبي والي بعدك يجاوب جواب اغبى - صفحة 2 Lecture

اسئل سؤال غبي والي بعدك يجاوب جواب اغبى - صفحة 2 Lecture

سؤالى :-
هو أبو الفصاد قبل ما يخلف فصاد كان اسمه ايه؟؟؟ Wink

من طرف **ahmedelamir64** الإثنين مارس 24, 2008 8:16 pm

كان اسمه الحاج اللي

هيخلف فصاد
اما سوالي بقي
ليه احنا بقينا شعب مش عارف ياخد حقه
ولا عارف يوقف فساد الحكومه؟

من طرف **HAMADA** الثلاثاء مارس 25, 2008 11:47 am

تصدق ارد الرد الغبى

اصل احنا عارفين انهم بيعملوا الصالح هههههههه
السؤال
ليه المنيفه الدنيا كلها بتخاف منهم او بتحاول ميختلطوش بيهم ؟؟؟؟؟؟؟؟؟؟؟؟؟
على فكره انا منوفى

من طرف **little angel** الثلاثاء مارس 25, 2008 10:45 pm

مش عارفة بجد ونفسى الاقى اجابة

انا كمان منوفية

بس للرد الغبى ممكن كان فيه زمان واحد اسمه منوفى بيطلع يخض العيال الصغيرة ويعذب الكبار والناس لسه بتخاف منه لحد دلوقتى ههههههههههه

بس طبعا كلنا عارفين الاجابه لان المنايفة اللى ماسكين البلد ايشى ريس وايشى وزير وايشى سفير

يعنى مثلا انا واحدة منوفيه اهو عمى رئيس محكمة وخال امى كان وزير سابق وابن خال امى سفير وبسكفاية كدة مش عايزة اكملكم بقة العيلة اه نسيت وابويا مدير عام هههههههه

من طرف **HAMADA** الأربعاء مارس 26, 2008 12:56 am

بعد كل ما قالته انجل حازر انك تزعلها ههههههههههههههههههه

المنوفى كده يكسب
السؤال ليه بقا احنا بتوع الكيميا بناخد ريا ضه انا نفسي اعرف يعنى ليه بيدخلو الرياضه حاجه اساسيه ورياضه بحته احنا مش ها نستفيد بيها بعد الكليه ياريت لو حد يعرف يقولى؟؟؟؟؟؟؟؟

من طرف **USA** الأربعاء مارس 26, 2008 1:08 am

اقولك انا ياعم حازم امام

بص يا سيدى

الرياضة لازم تكون مادة اساسية فى جميع الاقسام

لان طبعا انت زملكاوى وعارف كويس ان الرياضة بترفع اللياقة البدنية لدى الطلاب.

وده السبب اللى خلى الزمالك اتغلب من الاهلى لانهم مبياخدوش رياضة.

ههههههههههههههههههههههههههههههههههههههههههههه

من طرف **HAMADA** الأربعاء مارس 26, 2008 1:19 am

هههه

قول كلام غير ده ياراجل هو ده السبب وانا بدور من ساعتها
وبعدين ما سألتش ليه
ما علينا اسأل انا
ايه سبب الالف اللى بتيجى بعد الواو فى واو الجماعه زى ((بيخلصوا اشغالهم))
ايه السبب؟؟؟؟؟؟؟؟

من طرف **USA** الأربعاء مارس 26, 2008 1:38 am

ممكن نقول حاجة زى الزايدة اللى بتبقى فى جسم الانسان.

او دمل صغير فى اخر الكلمة.

أو شوية حبر زيادة فى الورقة فافتكروها حرف الف.

ما علينا

سؤالى :-

هو الزمالك لو اخد الكاس . هتفرحوا وتقولوا خدنا بطولة؟؟؟؟

من طرف **HAMADA** الأربعاء مارس 26, 2008 3:33 am

حزنا حتى استعصى الفرح ان يفرح

الفرح مش هايجى الا لما نحس ان الزمالك رجع
وبعدين انت ياما اختوا بطولات مالهاش لزمه وفرحتوا وبطولات مالكوش فيها وفرحتوا
انت بتخلينى اتكلم فى الكوره وانا مش عايز انا عامل سنه حداد لحين عودة الزمالك
السؤال
تصدقوا ان مصر تكسبت الارجنتين؟؟؟؟؟؟؟؟؟

من طرف **USA** الثلاثاء أبريل 01, 2008 11:39 pm

هو الحلم ممكن يتحقق
ولا كل الاحلام بتنتهى علطول مجرد ان الواحد يصحى من النوم
وليه الحلم ميبقاش حقيقة؟؟؟؟؟

من طرف **Crespowbas** الأربعاء أبريل 02, 2008 2:51 am

العلشان الحلم حلم ول اقترب من الحقيقه فهو حلم اما الحقيقه ممكن تبقى خيال ويتحقق علشان هى فى الاصل شئ مباح يمكن تحقيقه وبس

ليه الوساخه والنداله تلاقيها كدة فى دم ناس معينه مش فى كل الناس

هااااااااااا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف **ELLoOoRD** الأربعاء أبريل 02, 2008 4:37 pm

علشان اكيد شربو من مية النيل قبل ما تتكرر ميه وسخه يعنى

هو ليه الواحد لما بيكون مخنوق بيدايق وبيزعل بالرغم انو المفروض يكون مبسوط يعنى ؟

من طرف **HAMADA** الخميس أبريل 03, 2008 2:22 am

هو انا اعرف ان الواحد لما بيبقى مخنوق بيبقى فرحان انما مبسوط دى جديده بجد

اما السؤال
هو ليه الاربعاء مش رابع يوم بالاسبوع؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف **Crespowbas** الخميس أبريل 03, 2008 7:37 pm

علشان يا يبنى الاربعاء مش بيحب
يكون رابع يوم علشان لو بقى رابع يوم فى الاسبوع هيبقى تقليدى وعادى
والناس هتمل منه فهو بقى بقى خامس يوم بحيث انك تستغرب زى منتا عملت كدة
واندهشت

ليه بقى الواحد كل لما يتمنى حاجه ومتجيش يزعل مع انه بيتمنا مش بيفرح ليه
طب ليه بيفرح لما اللى اتمناه بيتحقق مش بيزعل ؟؟؟؟؟؟؟؟؟؟؟؟؟؟؟

من طرف **little angel** الثلاثاء أبريل 08, 2008 2:52 pm

لان الانسان فيه عرق طموح والطموح دة بيخليه يشوف التمنى حاجة اكيده هتحصل ولما يستناها كتير وتضيع من ايده يزعل

بس لالاجابه الغبيه

بيزعل لان بيحب يزعل على اى حاجة انسان نكدى

سؤالى

ليه دايما الناس اللى بنحبهم هم اكتر ناس بيجرحونا؟

من طرف **ELLoOoRD** الثلاثاء أبريل 08, 2008 7:07 pm

هو بالرغم من انه سؤال مش غبى ولا حاجه بس هقولك ليه ف كلمتين

"لاننا بنحبهم اوى"

الاجابه الغبيه بقى

لانهم بيحبونا اوى

سؤالى الغبى بقه

هو ليه الكلب له ديييييييييييييييييييييييييييل

من طرف **ELLoOoRD** الثلاثاء أبريل 22, 2008 5:37 pm

طيب اجاوب انا على نفسى

الكلب له ديل علشان يعرف ياكل

هو احنا ليه سقعانين بالرغم ان الجو ولعه؟

من طرف **tweety** السبت أبريل 26, 2008 1:23 am

علشان احنا لو مش هنسقع هنتحرر وبما ان الجو ولعه اكيد مش هنسقع علشان كده بنضحك على الجو ونعمل نفسنا سقعانين علشان مش نتحرر
اصل هو المسأله مسأله مبدأ اقنع نفسك بحاجه هتلاقى عكسها بيحصل

حد فاهم حاجه

سؤالى اللى تاعبنى فى حياتى

هو ليه المذاكره مش لذيذه كده الواحد يروحلها بنفس زى اى حاجه حلوه ليه دايما مغصوبين عليها ؟ ليه هى مش حلوه ؟؟؟

من طرف **روعة** السبت أبريل 26, 2008 1:45 am

مش لذيذة اصلها مش اكلة حلوة وحلويات بقى

هههههههههههههههههه

وزي ماانت قلتي

اصل هو المسأله مسأله مبدأ اقنع نفسك بحاجه هتلاقى عكسها بيحصل

لية في شم النسيم مش لاقين برسيم نشمه؟؟؟؟

من طرف **ELLoOoRD** السبت أبريل 26, 2008 3:15 pm

علشان البرسيم مش بيطلع دلوقتى بيطلع السنه الجايه

هيه ليه الناس ف شم النسيم بتلون البيض ومش بتلون الرنجه والسردين؟

من طرف **tweety** السبت أبريل 26, 2008 4:54 pm

علشان البيض ابيض

وهو زعلان علشان مش ملون

احنا علشان نفرحه عملناله يوووووم فى السنه (عيد ناس فاضيه بقا نعمل ايه )

هنحتفل بيه ونلونه

اما الرنجه والسردين هما حابين لونهم كده . هما حريييين

سؤالى بقاااا

ليه الفصل اللى احنا فيه ده اسمه الربيع مش اسمه السمير او السعيد او او او او ؟؟؟؟؟