مفيش صــــــــــــاحب يتصـــــــــــــــــــــاحب

من طرف **little angel** الثلاثاء مايو 27, 2008 11:02 pm

ازيكوا يا قطاقيط

كلنا طبعا كان لينا اصحاب او لينا اصحاب عزاز علنا قوى او بنحبهم قوى قوى قوى

ولكن فجأة وبدون مقدمات نلاقيهم باعونا او جرحونا ممكن بقصد او من غير

بس ياترى ايه السبب لاننا حبيناهم قوى ولا لانهم مايستاهلوش حبنا دة من الاول وماقدرهوش

المهم ان احنا ف الاخر بننجرح ونلاقينا رفعنا شعار(مفيش صاحب يتصاحب)

ياترى دة عيب فينا ولا ف الزمن ولا ف الناس

المهم دى قصة واقعية بتحكى عن الموضوع دة

ياريت تقروها وتكتبوا ارائكو

مفيش صاحب يتصاحب
مرة واحد اصحابوا كلهم غدروا بيه بقا كل يوم يتمشى فى الشوارع
ويجى قدام قصر كبير ويقف ويقول مفيش صاحب يتصاحب فضل لمدة
خمس انا قليل الادبم يقف قدام القضر ويقول مفيش صاحب يتصاحب لغاية لما صاحب
القصر شافة امر الخدامين باحضار الرجل دة وساله انتا كل يوم تقول مفيش
صاحب يتصاحب قالة اصحابى غدروا بيا وخانونى قالوا علشان تعرف
ان فى صاحب يتصاحب انا هديك نصف مالى علشان تعرف ان فى صاحب يتصاحب
فادالوا نصف فلوسة وخرج وتاجر بالفلوس وخسركل ماله ورجع تانى قدام القصر
يقول مفيش صاحب يتصاحب ندة علية صاحب القصر وقالة فى اية تانى قالوا خسرت
كل فلوسى قالوا علشان تعرف ان فى صاحب يتصاحب انا هديك نصف فلوسى
وادالوا نصف فلوسة وخرج راح تاجر وخسر تانى رجع للراجل علشان يقولوا
وهوا بيخبط علية مرات الراجل الغنى فتحتلوا فعجبتة فشافة صاحب القصر ولما
كلمة قالوة عجبتك بصلوا وسكت وقالة بصراحة قالوا اة قالوا انتا كنت جاى لية
قالوا انا خسرت مالى قالوا انا هطلق مراتى وهجوزهالك وهديك القصر تعيش فية
مع مراتى وهديك بقيت مالى وخرج من القصر بهدومة بس وخرج يدور على شغل
لغاية لما تعب وملقاش شغل وقال مفيش حد هينقذنى غير صاحبى الى جوزتة مراتى
واديتة قصرة واديتة مالى كلة استناة قدام القصر لغاية لما شافة داخل القصر وخبط
علية ولما سال علية مراتة نكرة ان هوا موجود بالقصر مشى من القصر يبكى
ان صديقة انكر نفسة منه بعد ما عمل معا كل دا خرج بكى فى الشوارع قابلوا
رجل كبير وقالوا مالك يابنى بتعيط لية قالة صاحبى غدر بيا مفيش صاحب يتصاحب
قالوا تعالا معايا يابنى واشتغل معانا قليل الادب فى الفرن بتاعى تبيع خبز قالوا ماشى
وراح معاة وفى يوم بايت معاة فى الفرن صحى من النوم شاف شوال فى مال
كتير ودهب نده لصاحب الفرن وقالوا انا لقيت الشوال دا قالوة دا من حقك انت
خد الفلوس ومش هتشتغل بفلوسة الرجل اصبح غنى جدا من بعد ما كان فقير جدا
فكر انه يتجوز تزوج بنت الرجل بتاع الفرن وفى ليلة فرحة شاف مين داخل علية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صاحبة الاولانى الى خانه وانكر نفسة منه قام يحيه قاله سلام للصاحب الى كان
فاكر ان مفيش صاحب يتصاحب سلام للصاحب الى انا عرفتة ان فى صاحب يتصاحب
وهوا غدر بيا وعرفنى ان هوا صح مفيش صاحب يتصاحب وقعد تانى
صاحبة راح يحية
وقالوا سلام للصاحب الى عرفنى ان فى صاحب يتصاحب سلام للصاحب الى ادانى مالة كلة
وادانى قصرة وجوزنى مراتة سلام للصاحب الى فكرنى غدرت بية ونكرت نفسى منه
سلام للصاحب الى انا بعت لية ابويا وحطيت الكنز تحت راسة علشان مكسفهوش قدام مراتى الى كانت مراتة
سلام للصاحب الى مراتة الى جمبة دى تبقا اختى

يريت لو حد من أصحابك مزعلك عاتبه اتخانق معاه بس في الاخر هتتصافو لانكم اصحاب والا مكنتوش عرفتو بعض من الاول

وانتوا ايه رايكو

سلالالالالالالالالالالالالالام

من طرف **tweety** الثلاثاء مايو 27, 2008 11:22 pm

جميل اوى الموضوع
والقصه جامده جدااااا

انا راى ان السبب فى الموضوع ده انك بتبقى اخترتى الحد الغلط
مش عارفه مش بحب الجمله دى
مفيش صاحب يتصاحب
بس ممكن نخليها مش اى صاحب يتصاحب
دورى اكيد هتلاقى الحد الصح وساعتها هتلاقى كتير يتصاحبو

وبخصوص العتاب ده انا معاكى فيه
بس بردو فى حاجه اسمها فن العتاب

تقبلى مرورى
موضوع زى العسل
تسلم ايدك

من طرف **AHLAWY** الأربعاء مايو 28, 2008 1:32 am

موضوع جميل يا انجـــــــــــــــــــــل

وانا معاكى ان لو متخانق مع واحد صاحبى لازم

اوجهه وهو ده اللى بيحصل علشان انا مينفعش

اصاحب واحد واجى اسيبه خالص مينفعش

علشان على اد مانا حبته هكره واكتر

بس من راى ان بيكون العيب فى الاخر

علينا احنا مش بنعرف نختار او اتخدعنا فيه

وانا فعلااااااااا مع تويتى جملة وحشة

هى فعلا مش اى صاحب يتصاحب

بس الاصحاب موجوديـــــــــــــــــــن

تسلمى موضوع جميل

من طرف **little angel** الأربعاء مايو 28, 2008 1:38 am

ميرسى يا جماعة على مروركوا بس لو قريتوا القصة كويس هى بتقول المفروض (مش اى صاحب يتصاحب)

ومن عندى بقى جملة (مش اى حد تعاتبه) فعلا المفروض الواحد يعاتب اللى يحس انه ممكن يفهم العتاب دة على انه محبة مش عداوة

وميرسى تانى على تنوير الموضوع

بس هو تقريبا فعلا العيب فينا احنا لازم لما نصاحب حد نختار الحد اللى يريحنا مش اللى مابيفهمناش

وطبعا ف الاخر الاصحاب موجودين والناس اللى بيحبوا بجد موجودين وكتير كمان بس احنا لازم نقابل اللى يجرحونا عشان نعادل قسمة الدنيا وميزان الحياة

وعشان كمان نتعلم منهم ان مش اى حد نديله ثقتنا وحبنا

ومستنين باااااااااااقى الردود والافكار والتعليقات

من طرف **ahmedelamir64** الأربعاء مايو 28, 2008 2:04 am

جميل اوي الموضوع ده

يا انجل
بجد الصاحب ده احلي حاجه في الدنيا
بس لما يكون صاحب بجد
من غير اي اسباب او اي دوافع للصداقه
وعلي فكره زي ما في ناس كتير وحشه وفي ناس اكتر حلوه
بس لزم الواحد قبل ما يطلب حقوقه من صاحبه يدي كل واجباته اللي عليه اتجاه صاحبه
من غير ما يفكر في اللي هو قدمه من واجباته وميكنش منتظر ان ياخد حقوقه
وهنا اكيد صاحبه هيكون فاكر الف مره ليه انا مكنش اللي يقدم حقوقه الاول بس ده لو اختيار صح من الاول
وتسلم ايدك تاني موضوع حلو اوي يا
انجل

من طرف **USA** الإثنين يونيو 02, 2008 12:34 pm

مفيش صاحب يتصاحب
ومفيش حبيب يتحب

مع الاعتذار لكل زمايلى

هذا هو المبدأ واسال أى حد كبير فى السن عنك وهو يقولك كده

الصاحب اللى ميعرفش صاحبه الا لما يكون عاوزه فى مصلحة يبقى هو ده الصاحب!

الصاحب لما يكون صاحبه هيعمل عملية ومش معرف حد فى بيته عشان ميقلقوش عليه ويعرف صاحبه الوحيد بس ويقوله هيعمل عملية امتى والساعة كام وفى مستشفى ايه وصاحبه ولا يسأل عليه يبقى هو ده الصاحب!

الصاحب اللى لما يتخرج من الكلية ولا يسأل عن صاحبه اللى كان معاه فى الكلية ولا كأنه يعرفه ولو قابله فى الشارع يودى وشه الناحية التانية يبقى هو ده الصاحب!

الصاحب اللى مجرد ان واحد يدخل ما بينه وبين صاحبه ويقوله ان صاحبك بيغلط فيك من وراك يصدقه من غير أى مقدمات ومن غير سبب ويقاطع صاحبه يبقى هو ده الصاحب!

الصاحب اللى نسى العيش والملح ونسى الذكريات الجميلة يبقى هو ده الصاحب!

صاحبى هو اللى كان معانا فى القسم وكان كل ساعة لازم يتصل بيا يقولى هنذاكر ايه وهنذاكر سوا ويجيلى عشان يشوف بتذاكر ايه وبتنام امتى وبتاكل ايه عشان يعمل زيه فى كل حاجة وبعد ما كل واحد دخل قسم غير التانى ولا كأنه يعرفه والله ولا حتى ميسد واحد يقوله انت لسه عايش ولا اتكلت يبقى هو ده الصاحب.!

صاحبى اللى زعل منى قال ايه عشان جيبت اكتر منه فى النتيجة ب 2% لا وايه رايح يقول للناس ده كان بيذاكر من ورانا قليل الادب وازاى داحنا كنا بنذاكر سوا يبقى ازاى هو يجيب اكتر منى يبقى هو ده الصاحب !

الصاحب اللى مبيحبش غير نفسه وبس يبقى هو ده الصاحب!
سورى بس ده فعلاً اللى حصل من أصحاب كنت فاكرهم أصحابى اقرب الناس ليا واللى هيبقوا معانا قليل الادب علطول أكتر من الأهل .
تقدر تقولى كام واحد من أصحابك هيسأل عليك بعد ما تتخرج من الكلية
اذا كان فى الاجازة محدش بيسأل ؟؟!!

ومع كل ده مش معناه ان كل الأصحاب وحشين وكل اللى بيحب حد يبقى وحش
لا فيه الكويس ويا سعدك ويا هناك لو كان من نصيبك صاحب يخاف عليك .صاحب يحبك .صاحب يتمنى مصلحتك قبل مصلحته . صاحب يقف جنبك فى أى شدة تقابلك .وحبيب يحبك بجد ويخاف عليك جدا ويغير عليك من نسمة هوا .ومبيلعبش بمشاعرك . وده قليل انك تلاقيه فى زمانه ده !

من طرف **RANEEM** الإثنين يونيو 02, 2008 7:12 pm

موضوعك حلو اوي يا ليتل
انا كنت بقول زيك كده مفيش صاحب يتصاحب
لان فعلان انا اتخدعت في اصحاب كتير
كنت فاكراهم اصحاب بجد لكن للاسف
افتكرت اني خلاص مش هلاقي حد اصاحبه تاني
ووصلت لدرجه اني مش كنت بثق في حد خلاص
لكن بجد اتعرفت علي اصحاب بمعني الكلمه
بيخافو عليه جدااا وانا كمان بخاف عليهم
اصحاب بجد مش مصلحه هم الي خلوني ارجع اثق في الناس من جديد

يبقي احنا نغير المقوله ونقول ان مش اي صاح يتصاحب
يجماعه الدنيا لسه بخير هو يمكن الشر الي سائد في الزمن ده
بس لو دورتو كويس هتلاقو قلوب صافيه وهتلاقو ناس مش مصلحجيه

من طرف **little angel** الإثنين يونيو 02, 2008 11:21 pm

بجد بجد نورتو الموضووووووووع يا يو اس ايه انت ورنيم

وبالنسبة ليك يا يو اس ايه مش عايزاك تتشائم كدة انت مهما قابلت ناس وحشة الدنيا لسه فيها كويسين صدقنى وحط ف دماغك ان الدنيا مش شر بس وياسيدى كفاية عليك حب اهلك واخواتك دلوقتى وصدقنى انا بقا لما سالت اللى اكبر منى قالولى ان اصدقاء الشغل هما اللى بيدوموا وانت لسه صغير قوى ع الكلام دة

واكيد مش كل الناس هيا اللى غلط يعنى ممكن تكون انت من غير قصد زعلت حد او حاجة عشان خاطرى حول تقلب ف دفاترك القديمة ارجع بذكرياتك لانا قليل الادبم الطفولة افتكر مين كان اقرب حد ليك وهات نمرته وكلمه واسال عليه وقوله كل اللى قلبك بدون اى حواجز وصدقنى هو لما يلاقيك بتوده وتسال عليه هيبادلك نفس الموضوع وبكدة هتلاقى بجد فيه صاحب يتصاحب ياخونا صدقونى اصحاب الطفولة هما فعلا انقى واحسن ناس قابيلناهم

وبالنسبة لحبيبة قلبى رنيم فعلا على رايك الدنيا لسه بخير والناس الكويسة لسه موجودين والناس اللى بيحبوا بجد لسه موجودين ولسه بيحبوا بجد واللى حب بجد استحاله يكره مهما يكون بس اكيد ساعات الظروف والفهم الغلط مابيخلوش الانسان يقرر او يختار صح

بس ارجع واقول ان طول مافينا نفس هنحب وهنصاحب

حب اى حد اى حاجة حب الناس كلها

ولو ملقيتش صاحب بجد ماتقولش مافيش صاحب يتصاحب لا صاحب نفسك وحيبها صدقونى يا جماعة نفسنا دى غالية قوى وحرام اللى بنعمله فيها ده

مفيش صــــــــــــاحب يتصـــــــــــــــــــــاحب

مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب

رد: مفيش صــــــــــــاحب يتصـــــــــــــــــــــاحب