لو جدع جاوب علي الاسئله دي !!!

من طرف **Just Zizo0o0o** الجمعة يونيو 06, 2008 5:36 pm

السؤال الأول:التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه
اكتب ما يمليه عليه ضميرك على ان يبدأموضوعك بانا بشتغل في حديد عز

السؤال التاني:القصه
من قصة ' وعهد الله ما انت داخل الانتخابات' .. اقرأ القطعة وأجب عن الآتى

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى

ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى واختار
حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج

أكمل الأبيات إلى آخر كحكة فى الكليب
قوبل النص بانتقادات بسبب بعده عن الواقع...وضح من النص ما يتفق مع القول المأثور اطبخى ياجارية .. كلف يا سيدى

من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر

السؤال الخامس النحو
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

السؤال السادس الخط
كوز المحبة انخرم...طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

من طرف **snow white** الجمعة يونيو 06, 2008 5:49 pm

هههههههههههههههههههههههه
انت مصيبه يا زيزووووووووو
عثثثثثثثثثثثثل والله
ياريت تثبته
عشان ده بجد جامد موووووت

من طرف **little angel** الجمعة يونيو 06, 2008 5:49 pm

هههههههههههههههههه هههههههههههه

والله عثل يا زيزو انا قريت الموضوع وجريت ناديت ماما واخواتى وقروا الموضوع وعجبهم

لدرجة ان ماما نقلته ع الكمبيوتر عشان تاخده ع الفلاشة وماما بتقولك تسلم ايدك

بجد مووضووع جاااااااااااااااااااااااااااااااااااااااااااااامد

من طرف **USA** الجمعة يونيو 06, 2008 5:53 pm

أكيد ده امتحان الثانوية العامة بتاع العربى اللى هيمتحنوه بكره
هههههههههههههههههه
تسلم ايدك يا زيزو

من طرف **Just Zizo0o0o** الجمعة يونيو 06, 2008 6:01 pm

ربنا يخليكي يا سنو طبعا ده من زوقك يعني ولو خد ردود اكيد هيتثبت يعني

ليتل بجد انا خدودي احمرت وشرف كبي اوي ليا انا ماما تقرا الموضوع شكرا ليكي مره تانيه وبجد انا مش عارف اقول ايه

عارف يا اسامه الامتحان ده ل جه الطلبه هتقفل الماده ونسبه الرسوب هتبقي عاليه جداا هو ده التطوير

ههههههههههههههههههههه

جاااااامد جدا
وربنا انا ضحكت جدا

وانا اقول العيال مابتدانا اهبل على الاخرشي طب ولا صيدله ليه
اتاري الامتحانات صعبه
زي ما احنا شايفين كده
ما هوه امتحان العربي كان علي سنتنا كده برده

ياعم د / زيزو طريها علي العيال شويه
ولك الاجر والثواب عند الله

من طرف **روعة** الجمعة يونيو 06, 2008 6:09 pm

هههههههههههههههههههههههه

ايه الامتحان ده ده عايز مراجع عشان يتحل

اتاري العيال بتتعقد وتفشل Sad

ههههههههههههههههههههههههههههههههه

يانهاااااااااااااااااااااااري

شربات والله

خلي بالك من نفسك وانت ماشي

من طرف **Just Zizo0o0o** الجمعة يونيو 06, 2008 6:12 pm

يا عم مهي نشفه علينا اوي لازم ننشفها عليهم بس اقولك هجاول السنه الي جايه اطريها ههههه
انت تامر

وانتي يا ست روعه هخلي بالي حاضر بس ايه انتي ناويه تخطفيني ولا ايه مكنش العشم والله

من طرف **روعة** الجمعة يونيو 06, 2008 6:19 pm

لا وانا هخطفك ليه

هههههههههههههههههههههههههه

الي انت كاتب الامتحان عليهم

هههههههههههههههههههههههههههه

من طرف **Just Zizo0o0o** الجمعة يونيو 06, 2008 6:22 pm

اها ماشي سيبها لله عامل حسابي ههههههههه

من طرف **Crespowbas** الجمعة يونيو 06, 2008 6:35 pm

جااااااااااااااااااااااااااااااااااااااااااااااااااااااااااامد جاااااااااااااااااااااااااااااااااااااااااااااامد

انا هموت من الضحك

على فكرة يا واد

انت جااااااااااااااااااااااااااااااااااااااااااااااااااااااااامد

من طرف زائر الجمعة يونيو 06, 2008 7:05 pm

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

مش عيب برده.....
الرئيييييييييييييس....هوه اللي يروووووح المؤتمر....
هوه ده اللي بتعلموه للجيل الجديد...
عمرناااااااا م هنتقدم.....
lol!

من طرف **Just Zizo0o0o** الجمعة يونيو 06, 2008 8:03 pm

ربنا يخليك يا كريسبو من بعض ما عندكو

صح يا برنس لازم المؤتمر هو الي يجي للرئيس
ههههههههه

من طرف **RANEEM** الجمعة يونيو 06, 2008 8:07 pm

كوز المحبة انخرم...طرطش على كمى..ياحبيبى بطل جفا وارحم عذاب امى

هههههههههههههههههههههههههه يخرب عقللك

ايه ياواد الكلام العسل ده

لا كلام جامد

طب قلي بقي امتحان الغه هيقي عامل ازاي