لكل مصرى هااااام...ارجو التثبيت

من طرف **little angel** الجمعة يونيو 06, 2008 6:45 pm

السلام عليكم ورحمه الله وبركاته
أخبار شبابنا الحلوين ايه؟؟
حطينا الجل فكرنا لما هنسهر بالليل هنعمل اييييييه؟
وبنوتاتنا العسل عرفوا اخر اخبار الموضه واخر صيحه فى خطوط المكياج ولا لسه؟؟
لكل مصرى هااااام...ارجو التثبيت 2

معلش ياجماعه اعذرونى فى البدايه الرخمه دى بس والله دا لأنى موجوعه اوى من جوانا قليل الادب وحاسه فعلا ان الدنيا خربت من حواليا

هو الموضوع ببساطه عن فكره تصدير الغاز الطبيعى المصرى لاسرائيل
كام واحد فينا اهتم بالموضوع دا وتتبع اخباره؟
كام واحد فينا اهتم يعرف بنود العقد والمشروع او الاتفاق هيمشى ازاى؟
دى فعلا مهزله كبرى بكل المقاييس زى مايكون البلد دى فى وادى واحنا فى وادى تانى

انا جيببالكم شويه معلومات عن الموضوع لانى تتبعته بحسره والله ولما عرفت تفاصيله عنيا غرقت بالدموع بجد بجد.......... مش عارفه اقول ايه؟؟

العقد الموقع بين كل من

كطرف بائع__ شركه غاز شرق المتوسط (شركه رئيس مجلس ادارتها رجل الاعمال حسين سالم)
ملحوظه \الراجل دا بشركته عباره عن شريك او بمعنى اصح شارى اسهم من وزاره البترول يعنى بجمله الخصخصه فاهمنى طبعا

والهيئه المصريه العامه للبترول والشركه المصريه للغاز الطبيعى

كطرف مشترى__ شركه IEC وهى اختصار لهيئه كهرباء اسرائيل

ملحوظه \ فى كل صفحات العقد وهم 7 صفحات مكتوب كلمه سرى ودا امر محير ايه اللى يخلى اتفاقيه لتصدير غاز تتم بشكل سرى وهى نفسها الكلمه اللى استخدمها السيد مفيد شهاب الدين والسيد فتحى سرور اثناء مناقشه الموضوع فى المجلس

وتنص الاتفاقيه على مد اسرائيل بحوالى 1.7 مليار متر مكعب سنويا لمده 15 عام قابله للتجديد بسعر 75 سنت كحد ادنى لكل مليون وحده حراريه(وحده قياس الغاز)وبحد اقصى دولار وربع ودى اسعار اقل بكتير جدا من الاسواق العالميه
وبما ان الموضوع محاط بالغموض ومش مفهوم فيه حاجه خدوا الحته دى

ملحق: إلي رئيس مجلس إدارة شركة كهرباء إسرائيل.. عزيزي السير.. بعد اللقاء مع سعادة المهندس سامح فهمي وزير البترول المصري وسعادة المهندس إيليسويزا وزير البنية التحتية الإسرائيلي والذي عقد في القاهرة يوم 13 أبريل عام 2000وأشار إلي اجتماع مجلس إيجبك في 12 أبريل عام 2000 نؤكد أن شركة غاز شرق المتوسط (إيمج) تعتبر بائعاً مصرحا له بتصدير الغاز الطبيعي إلي إسرائيل عبر خط أنابيبالعريش إلي سيهان مرورا بنقاط استقبال إسرائيلية. وعلي الهيئة المصرية العامةللبترول أن تضمن لشركة غاز شرق المتوسط الكميات المتفق عليها سواء من حصة الشركة أومن حصص شركاء أجانب وهي الحصة المتفق عليها بين إيمج وإسرائيل والتي تصل إلي 7مليارات متر مكعب في العام لمدة 20 سنة قابلة للتجديد باتفاق متبادل.. المخلص لكمــ رئيس مجلس إدارة الهيئة المصرية للبترول.
(ومعني تلك الفقرة أن مصر تقدم الكميات المحددة بسعر يتراوح مابين 70 سنتا ودولار ونصف لوحدة الغاز وعليها أن تضمن توافر هذه الكميات لشركة حسينسالم ولو من حصة الشريك الأجنبي الذي يستخرج الغاز والشريك الأجنبي يحصل علي ثمنالغاز الذي يبيعه بالسعر العالمي فلو كان السعر العالمي كما هو الآن 9 دولاراتفإنها تكون قد باعت بدولار ونصف الدولار واشترت بتسعة دولارات وهي كارثة تكلفالخزانة المصرية مليارات الدولارات في عقد مدته عشرين سنة).

ومحدش عارف الكميه الاساسيه كام بس الاكيد انها كارثه
لما قالوا انهم هيدوا غاز لاسرائيل وانا بقول الجمله دى وانا وشى فى الارض من الخجل قلنا يمكن هى دى السياسه ولازم نتعامل مع الوضع الراهن حتى لو مش راضيين عن نفسنا
لكن لما نخسر مليار دولارشهريا لا بقى لا يبقى لازم نفوق ونعرف فى ايه
لما الحكومه تطلع تقول محتاجه تسد العجز فى الميزانيه بسبب العلاوه 30% الزياده واللى قيمته 12 مليون جنيه وتقول مفيش موارده يبقى لا
لما يزودا اسعاز السولار والغاز الطبيعى على الشعب عشان يسدوا العجز ده فى حين انهم بيهدروا اكتر من مليار دولار شهريا يبقى لا
لما يزودا الضريبه من 20% الى 40% على شريحه معينه عشان يسدوا العجز ده ويقولوا بكل استخفاف احنا بناخد من الاغنيا عشان ندى للفقرا يبقى لا

لالالالالالالا وهفضل اقول لا

اشار السيد النائب المحترم استاذ انور محمد السادات (عيله الرجاله اللى كلها رجاله والله الله يرحم كبيرهم)
انه مش هيسكت على المهزله دى وانها بقت قضيته لحد اما التصدير يقف او ان مصر تاخد حقوقها كامله وبالاسعار المتعارف عليها دوليا واعرف انه هينظم وقفه معينه قريبا زى وقفه اهالى دمياط (موضوع شركه اجريوم لو تعرفوه) عشان يوقف المهزله دى
واشار ايضا ان مصر داخله فى الفتره الجايه على مرحله تقشف ربنا اللى يعلم بيها (اصلها ناقصه)
عارفين احنا عاملين زى ايه زى اللى بيربى اسد فى بيته عشان لما يكبر ياكله هو سبحان الله بنصدر غاز طبيعى عشان يشغلوا مصانعهم عشان يعملوا سلاح يقتلونا بيه ازرغط يعنى ولا اشق هدومى

انا تعبت من الكلام انا بس عايزه اوضح نقطه اخيره لكل اخواتنا اللى من بلاد عربيه تانيه
مصر عمرها ماكانت خاينه البلد دى شافت ذل ومهانه مع انها مستحقش كدا ابدا ومصر مش مستنيانى عشان ادافع عنها لان تاريخها معروف ودى واقسم بالله مش شعارات دى الحقيقه بس هى الظروف اللى وقعتها فى ظل قياده عقيمه عماله تستنزف قوتها ومواردها

انا لسه برده بفتخر انى مصريه وبحب بلدى جدا بس الظروف هى اللى وحشه ياترى هنقدر نغير الظروف دى

افتكروا ان احنا هنتسال يوم القيامه عن كل ده وزى ما ربنا سبحانه وتعالى قال(ان الله لا يغير ما بقوم حتى يغيروا ما بأنفسهم)
وايضا قال(وقفوهم انهم مسؤلون)

انا بجد بكتب الموضوع دا وانا حزينه ومش عارفه قدرت اوصل لكم اللى جوانا قليل الادب ولا موفقتش
وزى ماقال جاهين

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

من طرف **Crespowbas** الجمعة يونيو 06, 2008 8:18 pm

يا ه يا ليتل

بجد انا قرف انا كمان

وانتى زدتينى

انا مكنتش اعرف كدة فعلا ومكنتش اعرف التواصيل وبجد كنت عاوز اعرف وان شاء الله خير

بس نفسى الالاقى حاجه اعملها

ولا حد مننا يلاقى حاجه نعملها

هى ممكن تكون سياسه بلد وممكن لاء

بس لو سياسه يفهومنا بس مش اكتر

احنا مش محتاجين يعنى ندخل فى حوارات كفايه اللى احنا فيه

لو هو دة الصح واللى بيعملوة الصح ويرضوة لو كانو زينا

انا هبقى موافق وهرضى واعيش زى ما بقيت الناس عايشه

بس بجد فى ناس مش عايشه
انا عندى بيت
وارض
وربنا فرجها

فى غيرى مش لاقى يااااااااااااااااااااااااااااااااكل

انا بلاقى اللى يدفعلى فلوووووووووووووووووووووووووووووس ويدينى اللى انا عاوزة

فى ناس بتعيط علشان مش عارفه تخرج من بتها

انا كل شويه بنزل اشترى لبس
واغير وبخرج كل يوم اروح اتصرمح واصرف فلووووووووووووووووووووس

وفى ناس تانيه بتقضى 3 او 4 سنين بطقم وااااااااااااااااااااااااااااااااااااااااااحد

انا دة كله وبقول انا مقولتش هما

اللى كل واحد عندة فلووووووووووووووووووووووووووووووس توزنى وتوزن اللى خلفونى

فى البنك

انا
حاسس بالناس اللى تحتى وانا مش عاااااااااااااااااااااااااااااااااااالى
وحاسس ان النعمه ديه ممكن تضيع فى اى وقت علشان الفلوس ديه ربنا هو اللى
بيجبها وممكن قووووووووووووووووى ربنا يخدها فى لحظه

انا حاسس بدة وانا مش غنى ولا ابويا وزير

لازم هما يحسو بالنعمه اللى هما فيها ديه

هما عايشين فى نعيم ما بعدة نعيم بيبدلو عربيات كل يوم مش كل شهر

الفلوس ديه هما بيعملو بيها ايه وبيستفادو منها ايه

والله حرااااااااااااااااااااااااااااااااام والله العظيم حراااااااااااااااااااااااااااااااااااااااااااااااااااااااااااااام

نفسى اعرف لما الواحد يبقى عندة 2 و3 مليار جنيه

هو محتااااااااااااااااااااااااااااج ايه تانى

حد يجوبنى ونبى

الناس ديه محتاجه ايه تانى

دهما كدة امنو مستقبل ليهم ولولدهم ولاحفدهم 100 سنه قداااااااااااااااااااااااااااااااااااااااام

الفلوس ديه مش بالكووووووووووووووووووووووووووووووووم وكله هيمووووووووووووووووت

ده ايه الزل دة

حاجه تجيب شلل

انا قرفت وزهقت ومليت واتخنقت كتهم القرف فى كلهم

شكرا يا ليتل وياريت مكنشى تقيل

سلام

من طرف **little angel** الجمعة يونيو 06, 2008 11:24 pm

لا يا كريسبو مش تقلت ولا حاجة

دة الواقع اللى كل المصريين عايشين فيه بس لو تلاحظ انت الوحيد اللى رديت
ودة مش عيب ف حد لا دة عيب ف الثقافة اللى زرعوها فينا ثقافة الشات والدش والجيل والكلام على الفسح وبس

خلوا ل الناس مغيبين مش داريين باللى بيحصلوهم مش عايزينهم ياخدوا بالهم من الصفقات اللى بتحصل من تحت لتحت على حساب اغلب شعب ف الكون

والله يا جماعة البلد دى فيها خير بالكووووووووم بس العيب فينا والله العيب فينا

من طرف **ahmedelamir64** الأحد يونيو 08, 2008 2:34 am

لا تعليق

عارفه الناس الساكته وراضيه اللي هو احنا تستاهل اكتر من كده
تسلم ايدك يا سكر المنتدي

لكل مصرى هااااام...ارجو التثبيت

لكل مصرى هااااام...ارجو التثبيت

رد: لكل مصرى هااااام...ارجو التثبيت

رد: لكل مصرى هااااام...ارجو التثبيت

رد: لكل مصرى هااااام...ارجو التثبيت