نكت............

من طرف **mido19** السبت يونيو 21, 2008 12:51 am

واحداخذ الدواء قبل ميعاده علشان يفاجئ الجراثيم

مجانين حط لهم الدكتور أغنيه ... قامو يرقصون الا واحد !! قال له
الدكتوور ليه ما ترقص قال اصل انا العروسة

كلب شوارع مر من جنب مخفر شرطة شاف كلب بوليسي قال آخ لو كملت
تعليمي

مره واحد فتح التلاجه شاف الجيلي بيرتعش قال له متخافش هشرب ميه

فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة

مرة اثنين عندهم كلاب صيد صاحب الكلب الأول أول ما يضرب طلقة من البندقية يجرى الكلب و يروح يجيب الفريسة و الثاني أول ما يضرب الطلقة كلبه يخاف فنصحه صاحبة انه يروح أفراح في الأرياف، فالكلب هيتعود على صوت الرصاص راح الأرياف وفضل يحضر في أفراح لمدة 6 شهوروبعدين رجع يصطاد، راح ضارب طلقة من البندقية راح الكلب وقف على رجله وقعد يزغرد

مرة واحد حب يسكر فقرر الذهاب إلي اقرب بار و في البار حدث ما لم يكن في الحسبان
جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: ش التحرير
1: معقولة ؟ اصل انا كمان من ش التحرير
2: يااه مش ممكن
1: ليه ؟
2: مش عارف
1: ان شاء الله

طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار

1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة

و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك ده واحد و ابوه بيجوا يسكروا هنا كل يوم

ولد راح للبقال قال له عندك جبنة رومى قال له أيوه قال له طب إدينى بجنيه حلاوة. تانى يوم جاله نفس الولد قاله عندك عيش فينو قاله أيوه قال له طب إدينى بجنيه عيش بلدى. ثالث يوم جاله نفس الولد وقال للبقال عنك زيتون أسود قاله أيوه قاله طب إدينى بجنيه خيار مخلل.
البقال زعل جداً وراح يشتكى الولد ده لأبوه وقاله ابنك بيعمل كذا كذا. رد الوالد وقاله :- آه من الولد قليل الأدب ده .. إنت عندك عصاية رد البقال أيوه قاله خلاص إضربه قلمين

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

بيقولك مرة أبو العربى حس بخيانة مراته ليه فقرر انه يراقبها فمشا وراها لحد لما لقاها ماشيه مع راجل غيره فقام مشا وراهم حتى وصلو إلى الكورنيش فاستخبا ورا الكورنيش فسمع الراجل بيقول لمراته إى بقا يا أم العربى انا كل مرة لما أمشى معاكى أمسك إيدك اليمين نفسى مرة أمسك إيدك الشمال قالتله ام العربى : لا إيدى الشمال دى بتاعة ابو العربى فاطلع ابو العربى وقال لمراته: أصيلة يا ام العربى

اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب

مسطول بنته إتأخرت بره سألها كنت فين؟ قالتله شباب خطفونى وإغتصبونى قالها الإغتصاب كله نص ساعة رحتى فين بعد كده؟ََ

مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل
ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون

مرة واحد جاله عيل بس للأسف كان شكله غلط خالص، فسماه صفوت، كبر صفوت قام ابوه مقدم له ف المدرسة بس ما اتقبلش لتخلفه العقلي الواضح و شكله الغير طبيعي، الراجل ما لقاش فايدة قام طالع على المدارس الخاصة وعدى عليهم مدرسة مدرسة كل ما يشوفوا صفوت يقولوا له ربنا يسهل لك، الراجل تعب قوي لحد ما لقى مدرسة داخلية للحالات الخاصة جدا قام رامي لهم صفوت و مصاريفه و راح شم بقى نفسه وعاش حياته.
المهم... تعدي سنة الراجل افتكر ابنه وحب يزوره راح المدرسة و سأل عليه ف الاستقبال قالوا له الدور الأول طلع..لقى يافطة مكتوب عليها "قسم الناس الغريبة" دخل فصل فصل و بص ف كل العيال ما لقاش صفوت، نزل لبتوع الاستقبال قالوا له يبقى ف الدور التاني طلع التاني لقى يافطة "قسم الناس العجيبة" دور فصل فصل و درج درج مفيييييش صفوت، نزل تاني قالوا له يبقى ف التالت أكيد، طلع لقى يافطة عليها "قسم الناس الفضائية" قعد يبص و يفلي ف العيال الفضائيين ما لقاش ابنه برضة، نزل لهم قالوا له بص، بعد كدة مفيش غير السطوح طلع السطوح لقى فصل واحد عليه يافطة مكتوب عليها "صفوت".

واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ

من طرف **snow white** السبت يونيو 21, 2008 1:56 am

ههههههههههههههههههههههههههه

حلو اوي يا ميدو
تسلم ايدك

من طرف **AHLAWY** السبت يونيو 21, 2008 2:14 pm

هههههههههههههههههههه

تسلم ايديك يا ميدو

مجانين حط لهم الدكتور أغنيه ... قامو يرقصون الا واحد !! قال له
الدكتوور ليه ما ترقص قال اصل انا العروسة

ههههههههههههههههههههههههههههه

من طرف **mido19** السبت يونيو 21, 2008 2:39 pm

هههههههههههههه
اهم حاجة تكون رايق يا مرجن

نكت............

نكت............

رد: نكت............

رد: نكت............

رد: نكت............