فى عالم قلبى

من طرف **Crespowbas** الأحد يونيو 22, 2008 8:30 pm

جوه فعالم قلبي عايش

واحد مجنون مجنون

لا بيعرف يستر علي فكره

وبيحكي الاسرار بجنون

كتب وقصص وقصاقيص

مرسومه بحبة ايياسيس

وتذاكر الفيلم بتتباع

دايما بقليل ورخيص

هنا في القلب مكان العتمه

وهنا في القلب مكان النور

جمب اوضه مقفوله وكتمه

ساكن ورد مربي زهور

شمس وقمر وكواكب

دول المجموعه الشمسيه

اقرا الضحكه بعد الدمعه

اخبار اهرام جمهوريه

اقرا الحادثه اقرا الكارثه

اقرا الاحلام الوهميه

اقرا الأييام الحزينه

اقرا الالوان الورديه

سينما وبتاع فيشار

ومسرح جد وحبة هزار

الطرق داخله فبعضها

وخريطة قلبي بتنهار

حكاييات

و فصولها كتيره

وعمارات

سكانها اسيره

وبنات

قتلتها الغيره

ومحطة مترو

واتوبيسات

ومظاهرات ومسيره

وبارات

ومحل بيره

وكوباييات

الناس بتشرب فيها للمره الاخيره

وواحد علي شغله عمال داير

انا كوكب دايره متحوطه بدواير

وهناك في مطعم مشهور

وجمبه كشك سجاير

وشيشه بتكركر

قاعده لوحدها عالقهوه

وولاد بتضحك وبتهزر

وبتروح منها الاييام علي سهوه

كل حاجه طبيعيه

والكون هنا هادي وجميل

وساعات تكون مليانه قسيه

وناس بتبكي همومها لنيل