ازاى يدوا الواد لابوه ده كلام فارغ

جلست تتامل من زجاج السياره ( الاخر موديل )

شوارع القاهره المحروسه و هى في طريقها لاحد الجمعيات النسائيه الشهيره


تسترجع تاريخ حياتها الكبير الملى بالكفاح و النضال من اجل قضايا المراه الرهيبه في مجتمعتنا المتخلفه

انتصارات مجيده في حروب كبيره

لا تنسى وجهه سونيا بعد ان انتصروا على زوجها المتخلف الذى اراد انا يحجر على ارداتها و على شخصيتها المستقله و يدخلها عالم حقير اسمه المطبخ تحت شعار نفسى اكل من ايدك كلام فارغ لا تنسى كيف خربوا بيتوا و بيت اهله لحد لما طلق



و لا البنت المسكيه زيزى اللى كان جوزها عايزها تخلف بعد الجواز على طوووووووووووووووووول شوفوا التخلوف

ده اللى تعبهم شويه عشان الناس قال ايه متعاطفه معاه .......... لكنها لم تسكت و قامت بخرب بيت ابوه و جدوا و مرات خالته و جده عمتوا و جيرانوا و المجتمع و الناس لحد لما طلق


او معركتها مع البيه اللى عايز بنتوا تتحجب يا لهوى على الزمن عايزين يرجعوا المراه تانى لعصر الحريم كلام فارغ و الله زمن العبر بردوا ده تعبها عشان دى بنتوا مش حينفع يطلقها

لكنها لم تسكت و تنتها لحد لما طلق امها و قامت بخرب بيتوا و بيت اهلوا لحد لما وافق على ان الحضانه بتاعت البنت تبقى مع امها


ثم لن تنسى هتفات التشجيع و عبارت المدح الشديده عليها عندما تفتق ذهنها
عن الاختراع الرائع اللى اسمه الخلع


وبكدا ما بقاش في تعب اللى يكلم يتخلع و يضرب بالجزمه ياه فكره رائعه

ايام جميله و تاريخ مشررررررررف من الكفاح النسائى الكبير


ثم ................... ايه ايه ده

وطى شويه يا سطى حسن ال اف ام ( بضم الالف )

اسطى حسن في سره : استر يا رب باين عليه صباح منيل بنيله

صوت كاست من بعيد

السح دح امبو اد الواد لابوه يا عين الواد بيعيط صعبان عليه الواد طب شيل الواد من الارض ادى الواد لابوه ( يا حلاوتك يا عدويه )


يا نهار ابيض مش ممكن ايه اللى بسمعوا ده انا في كابوس فظيع

اسطى حسن في تردد : في ايه يا ست هانم

ست هانم : انت مش سامع و لا ايه


اسطى حسن في تعجب : سامع ايه بس يا ست هانم


ست هانم : طبعا ما انت راجل زيوه طبعا ما كلكم زى بعض صنف انبريالى توصولى متحبلش بالسرياليه المتفحلطه في الرسماليه الذكوريه


الاسطى حسن :


ست هانم : ما انت سامع الراجل المتعصب التعصب الاعمى


الاسطى حسن : مين ده مذيع ال اف ام ( بنطق العادى )

ست هانم في غضب اسطورى و كمان بتقول اف ام مش اف ام ( بضم الالف ) بتقولها في وشى يا راجـــــــــــــــــــــــــل ............... يا راجل ............ صحيح ما انت راجل


الاسطى حسن : ربنا يخليكى يا ست هانم مع انى بحس انها طالعه منك زى ما تكون شتيمه


ست هانم : طبعا شتيمه و مسيرك حتيجى في يوم من الايام و تعرف انها شتيمه و لما حد يقولك انت راجل ترود تقولى و ربنا ما حصـــــــــــــل دى اشاعه

اسطى حسسسسسن :


ست هانم : اطلع وراء سواق التاكسى الراجل ده .......... عشان اعرف مين الراجل ابن الراجل اللى بيقول الكلام الخارج ده و اعرف ازاى الرقابه وافقت على هذا الكلام و اخرب كام بيت كدا بقالنا فتره قاعدين من غير شغل

اسطى حسن في تعجب شديد : ليه بس يا ست هانم هو عمل حاجه عاكس حضرتك و لا حاجه


ست هانم في نبره فرح مخفيه : الحمد لله انه ماشفنيش و الا كان كمان عاكس و كانت نهايته كدا بقى تبقى اكيده


الاسطى حسن : الله امال في ايه


ست هانم : في ايه في ان القوالب نامت و الانصاص قامت يا راجل انت في ان جيه اليوم اللى كنت خايفه منه ............. في ان الراجل عايز يحجر على حق الست الطبيعى في الحياه
يا لهوى عليكم انتم يا رجاله كائنات غريبه الشكل عندكم شعور لوحذى بالتفرقه المتقدمه من الجو الداخلى للمجتمع العام بالنظر الى المراه على انها مخلوق درجه ثانيه

الاسطى حسن : و ده مين ابن الدزمه ده يا ست هانم اللى عامل البلاوى دى كلها

ست هانم : كلكوا يا اخويا كلكوا عايزين ايه تانى مننا مش فاهم خنقتونا مش كفايه الاولاد بيسموا على اسمكم انتم احنا نحمل و نتعب و انتوا تاخدوا على الجهاز
مش كفايه بتورثوا ضعفنا ................ انا مش فاهمه تورثوا ضعفنا ليه زايد عن ايد و لا رجل عشان يبقى ليكى ضعفى ( مسيرنا نغير ده كمان و نقول ان تفسير الايه دى مش كدا الخبراء بتوعنا بيضبطوا القصه دى لا تقلقى عزيزتى المراه )

مش كفايه ما فيش و لا قضيه اغتصاب لراجل و احنا يا عينى علينا بس اللى بنغتصب ( يتم الان تدريب مجموعه من النساء على كيفيه اغتصاب الرجال عشان يبقى في مسواه و دينى لنيمكم في بيوتكم من المغرب ........ انا شايفه كام واحد بيضحك و بقول يا ريت ............. ما انت لما تشوفهم حتفهم يا راجل انت و هوه )



مش كفايه ان الاساس بتاع العصمه انها في ايد الراجل يعنى هو اللى يطلق و الله دى حكايه دى كمان


مش كفايه : ان رئيس الجمهوريه راجل ........... و رئيس الوزراء راجل .............. و حتى محمود الجوهرى راجل يا لهوى على جبروتكم


مش كفايه كل المسلسات باسمك شويه رافت الهجان و شويه جمعه الشوال و كان انتم بس اللى وطنيين و مافيش ستات وطنيات


مش كفايه ان الست هى اللى بتولد كل مره و الراجل عمره ما ولد


مش كفايه ان الست هى اللى لازم تتعب وتتمرمط في تجميل نفسها و بشرتها و المحافظه على رشاقتها و الراجل كل همه حيلق ذقنه امتى


مش كفايه القهر النفسى اللى عملتوه للبنات الامامير العساسيل نانسى و هيفاء و اليسا و زميلهم الكتاكيت بدون سبب منطقى حوارى راقى ما لشى غير انهم طلعوا على حريتهم شويه



مش كفايه ان ال


الاسطى حسن مقاطعا : لا هو كفايه لحد كدا يا مدام صحتك


ست هانم في صوت اشبه بهدير محرك طياره هليكوبتر : انت بتقطعنى يا راجل
وصلت بيك الجراه و الوقاحه و تقطعنى و انا بكلم

و كمان بتقولى يا مداااااااااااااااااااااااااااااام يا قليل الذوق يا راجل و ستين راجل يا حساله المجتمع و تفله الحشره يا حماااااااااااااااااااااااااار

انت مش عارف انى و هبت حياتى لخدمه المجتمع و نسيت اجوز


الاسطى حسن في عقله : دى نعمه من عند ربنا ده مين اللى امه داعيا عاليه دا

ست هانم بقولك ايه يا راجل انت خلاص سيبوا انا خدت الرقم و حبقى اعرفه يدى الواد لمين


الاسطى حسن : يعنى يديه لمين يعنى

الست هانم : يديه لامه طبعا ولو مالقهاش يديه ليه معندوش حجه

اطلع على الجمعيه ورانا شغل ......... اخيرا لاقينا قضيا جديد اطلع يا راجل

نياهااااااااااااااااااااااااااااااااااااااا





وللحديث بقيه


ويجعلوا عامر

ههههههههههههههههههههههههههههههههههههههههههههههههههههههههههه

دي ست صعبه اوووووووي

هو فعلا فضلوا يتكلموا في موضوع الجمعيه والحقوق لحد ما الموضوع خرج عن حده

ربنا يستر علينا