صرخة الرعب للكبار فقط

من طرف زائر الثلاثاء يوليو 15, 2008 2:46 am

مقدمه
الفكره عباره عن فيلم
أبطاله شخصيات من المنتدي
بس الشخصيه مش زي الحقيقه أوي
ممكن تلاقوا فيها أختلافات بسيطه
وده طبعا لازم لأنهم المفروض بيمثلوا

سهره سعيده
prince

من طرف **ahmedelamir64** الثلاثاء يوليو 15, 2008 3:19 am

مش فاهم
يا برنس

من طرف زائر الثلاثاء يوليو 15, 2008 3:19 am

كانت سنووايت راجعه من الكليه مخنوقه وطهقانه حاسه بملل...المهم كلت وكله تمام...ونامتلها كام ساعه كده...وبعدين جلها تليفون صحاهه...فضلت تتكلم ربع ساعه...مكنتش عارفه هيه بتقول أيه...وبعد م خلصت...قالت:يااااه د أنتي رغايه أوووي.....

وراحت فاتحه الكمبيوتر ودخلت علي لعبة "نيدفورسبيد" وأختارت أحلي عربيه جوه وطيران بيها ع المنتدي...لكن الطريق كان زحمه...وف السكه جت أشارة مرور..فطبعا وقفت وهيه مخنوقه وهتطق من جنابها...فبتبص من شباك العربيه شافت مين واقف قدامها؟؟؟؟؟؟؟؟

ف نفس الوقت كانت ميرامور ف عيد ميلاد واحده صاحبتها منعرفهاش...وجلها مسدج من تكتك بتقولها فيه "تعالي المنتدي بسرعه..فيه حاجه خطيره حصلت" ميرا أول م قرت الرساله أستأذنت من صاحبتها وعنيها بتدمع وبتقول:منك لله يا تكتك...كانت معرفه منيله......

وخرجت بسرعه م الحفله ع البيت وفتحت الكمبيوتر بتاعها...ودخلت علي لعبة هيرقليز ورزعته علقه محترمه...وخطفت منه الحصان أبو جناحات وطارت بيه ع المنتدي...كان قلبها قاسي مصعبش عليها هيرقليز وهوه عمال يعيط ويقول: حرام عليكي يا مفتريه...كل يوم كده...تخدي الحصان وتسيبيني أروح ف الأوتوبيس......

وعشان ربنا ميرضاش بالظلم...السما مطرت مطره شديده والبرق والرعد أشتغلوا ف الأزرأ...ف أضطرت ميرا تنزل بالحصان ع الأرض...وفضلت ماشيه لحد موقفت ف الإشاره.....

........:ميراااا..أزيك يا بت.......

ميرا:مين؟؟سنو...وأيه العربيه ديه يا عم ...سرقاها منين؟؟...

الخلاصه وقفوا يدردشوا مع بعض شويه...وأول م الإشاره فتحت جريت سنو بالعربيه...وميرا طارت بالحصان علي أرتفاع منخفض ووصلوا المنتدي....

سنو ركنت العربيه ف نص الشارع كالعاده(بلطجه)...وميرا ربطت الحصان ف العمود اللي قدام بوابة المنتدي....

(والمنتدي ده بأه كان عامل أذاي؟؟؟...سور كبير وف نص السور ده...بوابه حديد كبيره من بتوع زمااااااان...وورا السور فيه مباني كتير(أوض كبيره شويه) كلها دور واحد...والأرض كلها خضره وفيه شجر كمان...وفيه مساحات كتيره بين كل مبني والتاني)

ميرا:هما مالهم مطفيين النور كده؟؟؟

سنو:مش عارفه...تلاقي محدش جه لسه...

ميرا:لأ د تكتك قالتلي أنها هنا...دا هيه اللي جابتني علي ملا وشي...حسبي الله ونعم الوكيل فيها.....

سنو طلعت من شنطتها مفتاح كبيييييييير...هتفتح البوابه....

سنو:أيديك معايا يا ميرا...الأفل معصلج.....

سنو وميرا:هيلا هيله..يلا يا رجااااله....هيلا هيله..يلا يا رجااااله....

وبعد م خلصوا الأوبيرت الجميل ده........

طااااااااااااااااك.....

الأفل أتفتح.....

زززززززززززز.........(صوت البوابه)

ودخلت ميرا وسنو المنتدي.....

ميرا:أمال فين عم عبده؟؟؟..........(عم عبده ده هوه المسؤال عن تسجيل الأعضاء)

سنو:تلاقيه بيشرب حجرين معسل هنا ولا هنا....

ميرا:طب وبعدين هندخل أزاي؟؟؟

سنو:أيه يا بنتي!!..م أحنا دخلنا أهوه...وبعدين كده أحسن عشان محدش يعرف أننا جوه ونشوفهم بيعملوا أيه؟؟؟

ودخلت سنو كشك عم عبده ومسكت الدفتر اللي فيه قيد الأعضاء....

سنو:أيه ده؟؟؟غريبه!!! دا تقريبا كل أصحابنا جوه...أمال مطفيين النور ليه كده؟؟؟؟

ميرا:أكيد عملين لنا مقلب....أنا كان قلبي حاسس....ماشي يا تكتك.....

سنو:طب م تتصلي بيها كده؟؟؟؟

ميرا بتتصل بتكتك....ف نفس الوقت اللي كانت فيه سنو بتتصل برنيم....

ميرا:غير متاح.......

سنو:وتليفون رانيم برده غير متاح....تعالي نشوفهم بيعملوا أيه.......

ومشيوا لحد م لقوا نفسهم قدام قسم "agml nesaa eldonia"...كان ضلمه وباين عليه مفهوش حد...سنو قربت من الباب ودقت الجرس بس واضح أن كهربة المنتدي فيها مشكله...خبطت ع الباب طخخخخ طخخخخخخ.....فضلت تخبط كتييييييير وتنادي يااا رانييييييييم ياااااا رانيييييييييم.....بس برده محدش عبرها

سنو:معقوله تكون رنيم هنا وتقفل القسم بتاعها كده.....أنا أبتديت أقلق.....

........هالو بابي جييييرل...ذاتس بلاستك...إذ فانتاستيك.......أااااااوووووووووه أاااااااوووووووه.........

ميرا:ألو...أيوه يابني أنتا فين؟؟؟وفين الناس.....خلاص متتأخرش....باي.

سنو:مين ده يا ميرا؟؟؟؟

ميرا:دا زيزو...بيقول قدامه ساعه كده وجاي....

سنو:طب متيجي تشوف بقية الأقسام كده...يمكن نلاقي حد...

وفضلوا ماشيين لحد موصلوا لقسم"world games".......

ميرا:يا لووووووووورد.....يا لوووووووووورد.........

سنو:تقربيا مفيش حد هنا كمان....

وبعد شويه وصلوالقسم"English topic"........

ميرا فتحت باب القسم...ودخلوا هما الأتنين.....

كانت الدنيا ضلمه....قامت ميرا مطلعه التليفون بتاعها ونورت لنفسها لحد م لقت شمعه ولعتها وقعدوا هما الأتنين........

ميرا:شايفه يا سنو القسم عامل أذاي...مفيش حد بيعتب ناحية هنا خالص غير ف الأعياد...أو لما يكون له مصلحه....

وقامت ماده أيها علي فييل وفتحته وقالت:أتفضلي يا ستي...أدي واحد جاي يستظرف"on the lady".."ف السيده" يا عم روووووووح....

سنو:أنا قلقانه أوي..فيه حاجه مش طبيعيه النهارده...تعالي ندور كده يمكن نلاقي حد.....

ميرا:أستني بس...د أنا عامله شوية ملوخيه بالأنارب هتعجبك أوي والله....

سنو فرحت:بجد!!!!....طول عمريك جدعه يا بت..وصاحبة واجب كمان....

ميرا:أمال يا حبيبتي...د أنتي أول مره تزوريني ولازمن أظبطيك....

ميرا خدت الشمعه وراحت علي روكن ف الأوضه...وطلعت طبق الملوخيه...وبسرعه شالت العنكبوت اللي عليه...وأبتسمت أبتسامه شريره...وخدت الطبق وحطيته قدام سنو....

ميرا:أتفضلي يا حبيبتي...

سنو:أيه ده؟؟ أنتي مش هتاكلي معايا ولا أيه؟؟؟؟

ميرا:يا بنتي ملوخية أيه ديه اللي هاكولها....د أنا لسه جايه من حفله أوعي وشيك...فراخ وحمام وديك رومي أاااااااد كده.....مش قادره أتنفس من كتر الأكل....

سنو:يا بختيك...(وشمرت أديها)...يقطع الرجيم وسنينه...هاتي هاتي د أنا واقعه م الجوع...

وهجمت سنو ع الطبق زي الوحش المفترس...وراحت ميرا تعمل الشاي....ولما رجعت.....

ميرا:يا نهاريك مش فايت...فين الطبق؟؟؟

سنو بتتكسف:أصل طبيخيك حلو أوي يا ميرا...معرفتش أحوش نفسي...

ميرا:طب والطبق ذنبه أيه؟؟؟...روحي يا شيخه...الشاي أهوه...بس وحياة أغلي حاجه عنديك الكبايه مش بتاعتي....

وبعد م حبسوا بالشاي...

ميرا:أنا عايزه أسأليك سؤال يا سنو....

سنو:أسألي يا حبيبتي...

ميرا:ليه الناس بيعملوني من بعيد كده؟؟؟...يعني بحس أنهم بيحترموني أوي زياده عن اللزوم؟؟؟....

سنو:يعني أيه يا ميرا؟؟؟...أنا مش فاهمه حاجه.....

ميرا:أقصد يعني أنهم بيعاملوني علي أني واحد غريبه عنهم...لازم يكونوا حريصين أوي وهما بيتكلموا معايا....محدش بيعمل حاجه تفرحني ولا حد بيعمل حاجه تزعلني....مش عارفه بأه بس أنتي أكيد فاهماني......

..............طخخخخخخخخخ............

سنو وميرا أتخضوا.....

سنو:أيه ده؟؟؟؟

ميرا:تعالي أما نشوف....

بس الدنيا كانت ضلمه كحل....والقمر مش طالع....

ميرا:أنا مش شايفه حاجه خالص....

سنو:ولا أنا أ........

ميرا بتقاطعها:هششششششششش...أسمعي كده..........فيه حد جاي...ياتري مين؟؟؟

ووسط الضلمه لمحوا حد جاي نحيتهم...كان ماشي بخطوات بطيئه وثابته وكأنه بيشوف ف الضلمه....وكان ضهره محني...وماسك حاجه زي عصايه بيسند عليها...وكل اللي عرفوا يميزوه تاني ف الضلمه ديه أن اللي جاي ده حد هما ميعرفهوش.....

كان عمال يقرب ويقرررررب ويقررررررررب لحد مبأه قدامهم علي طول وقدروا يشوفه كويس...كان طويل ولابس عبايه سوده مغطيه حتي وشه...وماسك ف أيده منجل له أيد حديد طويييييييله بيتسند عليها...

سنو حطيت أديها علي بقها عشان متصرخش...وميرا مسكت ف أديها وكانوا الأتنين بيرتعشوا...

وفجأه..............

.........:ميرااااااااااااااااااااا.............

الشبح ألتفت حانية الصوت بسرعه....

.........:ميرااااااااااااااااااااا............

وساب ميرا وسنو وأبتدي يتحرك نحيته........

سنو وميرا من الرعب اللي كانوا فيه....أتسمروا ف مكانهم......

.......:ميراااااااااااااااااااااااااا.............

والشبح بيقرب منه....لحد مبأه علي بعد خطوه واحد منه....و..............

أااااااااااااااااااااااااااااااااااااااااااااااااااه

من طرف **ahmedelamir64** الثلاثاء يوليو 15, 2008 3:29 am

جامده اوي يا برنس

بس فين التكمله
وياريت بسرعه
بجد تسلم ايدك

من طرف زائر الثلاثاء يوليو 15, 2008 3:32 am

لأ خليها لبكره
علي م أكتبها ع الكمبيوتر
بس متقلقش
فيه حلقتين كمان بس
وشكرا علي زوقك يا باشا
lol!

من طرف **snow white** الثلاثاء يوليو 15, 2008 3:37 am

يانهار اسود

انت هتسيبني مرعوبه كده كتير

انا خايفه اووووي

كمل بلاش هزار

هو انا هموووووت؟؟؟؟؟؟؟؟؟؟؟؟؟؟

من طرف زائر الثلاثاء يوليو 15, 2008 3:40 am

دا لسه الرعب ورا
د أنتي هتشوفي
affraid

من طرف **snow white** الثلاثاء يوليو 15, 2008 3:42 am

هو لسه في رعب تاني؟؟؟؟؟؟؟
انا داخله علي سكته قلبيه علي فكره
ذنبي في رقبتك بقي

من طرف **MeRaMoRe** الثلاثاء يوليو 15, 2008 3:53 am

OH MY GOD

انا امتىحصل معايا كده؟؟؟؟؟؟

هو انا هيجرالي اييييييييييييه يابرنس؟؟؟

ماتسبناش كده

من طرف **little angel** الثلاثاء يوليو 15, 2008 4:02 am

يانهااااااااااااااااار

ايه يبنى الرعب دة

انا فى اول الفيلم افتكرتة كوميدى بس طلع رعب بجد

ربنا يستر بقااااااا

من طرف **AHLAWY** الثلاثاء يوليو 15, 2008 5:37 pm

جااااااااااااااامد اوى

ا وى يابرنس

تسلم ايديك

منتظرييين

من طرف **zy_elsoker** الثلاثاء يوليو 15, 2008 5:45 pm

انا بموت فى افلام الرعب بس لما تبقى

بطوله سنو وميرا تبقى حاجة تانيه

حلو قوى

من طرف زائر الثلاثاء يوليو 15, 2008 7:28 pm

أول م سمعوا الصرخه...قلبهم أتنفض من مطرحه...وجريوا...لفوا حولين قسم english topic وطلعوا م الناحيه التانيه وطيران ع البوابه....بس كان فيه هناك مفاجأه مستنياهم.....

كان العمود اللي ف الشارع منور...وعلي نور العمود شافوا عم عبده كان واقف قدام البوابه ولابس جلبيه وفوقها البلطو بتاع المخبرين بتاعه..وماسك ف أيده قطه عمال يكولها نيه والدم مغرق وشه وشكله مرعب....

هما أول م شافوا كده ماتوا ف جلدهم...وجريوا علي جوه تاني....

سنو:هوا المنتدي ده مسكون ولا أيه؟؟؟؟

ميرا:مش عارفه أنا حاسه أني ف كابوس......

هشششششششششش

.........:إهيئ إهيئ...

سنو:مين؟؟؟رنيم!!!!

كانت رنيم قاعده ع الأرض ورا شجره كبيره....وبتترعش من الخوف...وأول مشافت سنو...جريت عليها وأترمت ف حضنها...ودخلت ف نوبة عياط....

سنو:متخفيش يا رنيم...أهدي يا حبيبتي...

رنيم:الأشباح.....هتقتلنا...........

وبعد شويه رنيم تمالكت أعصابها...وحكتلهم كل اللي حصل.....

رنيم:أنا جيت المنتدي من ساعتين...وكانت تكتك وكرسبو وشيكوا وأحمد الأمير موجودين ف Edhak karkr...وبعد شويه النور قطع...وسمعنا صوت صريخ عمال يعلي كل شويه...والصوت كان جاي من هناك...(وشاورت بأديها ناحية قسم 3ady)...كلنا أفتكرناها مقلب حد عامله فينا...وخرج كرسبو وأحمد عشان يصلحوا الكهربه...وبعد دقيقه واحده سمعنا صوت كرسبوا بيصرخ بره....خرجنا بسرعه نشوف فيه أيه...لقيناااااا........(وبدأت نوية عياط جديده)

ميرا:كملي يا رنيم...لقيتوا أيه؟؟؟؟

سنو:بالراحه عليها يا ميرا...أنتي مش شايفه شكلها عامل إذاي....

رنيم:شوفنا تلت أشباح سوده....وكل واحد فيهم ماسك ف أيه سكينه كبيره...هجموا علي أحمد وكرسبو موتوهم و.......قطعوهم....حتت...

رنيم مقدرتش تمسك نفسها أكتر من كده...

سنو:رنيم...رنيم...دي فقدت الوعي....

ميرا:تعالي نروح نجيبلها شوية ميه...

سنو:وهنسيبها هنا لوحدها!!!!!!

ميرا:أمال هنعمل أيه يعني؟؟؟...نشيلها علي كتافنا....يلاااااااا.....

وقامت سنو سندت رنيم ع الحيطه ورا الشجره عشان محدش يشوفها....ومشيوا الأتنين ناحية الكولدير اللي ف أخر المنتدي.......

كانوا ماشيين بيتلفتوا حوليهم...وأعصابهم بايظه....

سنو:أاااااه.......

كانت هتوقع ع الأرض

ميرا أتخضت:أيه؟؟...فيه أيه؟؟؟؟

سنو:مفيش د أنا أتكعبلت ف حاجه...

وطلعت التليفون بتاعها...ووطت ع الأرض تشوف أيه ده؟؟؟....

وعلي نور التليفون شافوا زيزو مرمي ع الأرض...ووشه عليه أثار خوف شديد..وعنيه مبرقه ف السما..وغرقان ف بركة دم....

سنو أول م شافت كده...أعصابها سابت..والتليفون وقع من أيديها..وصرخوا هما الأتنين...وجريوا بسرعه زي المجانين...كان فيه باب مفتوح قدامهم...فدخلوا بسرعه..وقفلوا وراهم..وقعدوا ورا الباب...كانت الأوضه ضلمه...وبعد شويه...ميرا أديها وقعت علي ورقه ف الأرض...قامت مطلعه التليفون بتاعها ومنوراه...كان موضوع عن زوراج الأقارب....

ميرا بصوت واطي:هاااااااااااه...أنتي عارفه أحنا فين دلوقتي؟؟؟؟

سنو:فين؟؟؟؟؟

ميرا:أحنا ف..........3aaaaaaaaaaaady....

سنو والخوف باين ف صوتها:يانهار أسود...مش..مش ده اللي..اللي كانت رنيم بتتكلم عليه....

ميرا:يلا نخرج من هنا....

وقبل م تخلص كلمتها...شافوا حد ماسك شمعه وجاي عليهم..وهما قاعدين ف مكانهم مش قادرين يتحركوا...وفجأه ومن غير م يتفقوا مع بعض...سحبت سنو سيخ حديد كان جنب أديها...وقاموا هما الأتنين بسرعه وهجموا عليه ووقعوه ف الأرض...والشمعه أنطفت...ولسه سنو هتنزل بالسيخ علي دماغه...

.........:مين؟؟؟؟

ميرا:مين؟؟؟.....شيكو!!!...

سنو رمت السيخ من أديها...وشيكو قام وعدل نفسه...

وقام مطلع شمعه تانيه من جيبه...وولعها...

شيكو:ميرا......سنو....أنتوا إيه اللي جابكوا هنا....

سنو:أنتا اللي كنت بتعمل أيه هنا؟؟؟....

شيكو بعصبيه:مش وقت كلام دلوقتي...أحنا لازم نخرج من هنا حالا...قبل مييجوا.....

وخرجوا هما التلاته....وفضلوا ماشيين لحد موصلوا لقسم love&friendship...شيكو طلع طفاشه وفتح الباب ودخلوا...وقفلوا وراهم....وعلي نور الشمعه دار بينهم الحوار ده...........

ميرا:أنا عايزه أعرف بالظبط أيه اللي بيحصل هنا يا شيكو...

شيكو بإرتباك:وأنا أعرف منين؟؟؟؟

سنو وعنيها بتطق شرار:بص يا شيكو..ده مش وقت أسرار عشان أنا العفاريت بتتنطط قدامي دلوقتي...

شيكو سكت شويه.......

وبعدين قال:أمري لله..أنا هقولكوا علي كل حاجه......
وبدأ يحكي الحكايه م الأول خالص.......
شيكو:لما فكرنا نعمل المنتدي...كان فيه مشكله واحده هيه اللي واقفه قدامنا...المكان...دخنا عشان ناخد مساحه ع النت...وكلمنا ناس كتير ومع الوقت أبتدينا نفقد الأمل...لحد م جه يوم كنا فيه مع بعض أنا وزيزو وسايكو وجالي تليفون.......

كان واحد صحبي وقالي:مبروك يا عم...لقيتلك طلبك....

طبعا أول م سمعنا الخبر طيرنا م الفرح...وتاني يوم كنا هنا وكان صحبي ده معانا...شفنا المكان وعجبنا أوي...مساحه كبيره وتقريبا جاهزه بس محتاجه شوية توضيب...وأبتدينا شغل من أول يوم...كنا بنبات هنا ساعات...

سنو:لخص يا عم شيكو...

شيكو:لحد مجه يوم كانت الساعه حوالي أتنين بالليل...وكنا ف أوضة المحولات بنصلح كهربة المنتدي...وفجأه وأحنا ف عز الشغل...سمعنا صوت جاي من بره... كدبنا نفسنا ف الأول...بس الصوت كان عمال يعلي...كان زي صوت ديب...أو حد بيصرخ...ف خرجنا بسرعه نشوف فيه أيه؟؟...كان الصوت جاي من 3ady....وعلي موصلنا كان الصوت سكت...قلبنا الدنيا بس ملقيناش حاجه...كملنا شغل ف اليوم ده...ولا أكن حاجه حصلت....وتاني يوم ف نفس الوقت سمعنا برده نفس الصوت...فجرينا علي جوه...وبرده ملقيناش حاجه...بس المرادي مكنش ينفع نسكت...ولما النهار طلع أتصلت بصاحبي ورحتله البيت وحكيتله اللي حصل اليومين اللي فاتوا...

وبعد م خلصت..قال:علي كده بأه الكلام اللي كان بيتقال صح...

فقولتله:كلام أيه؟؟؟؟

قالي:بص أنا هقولك...بس والله أنا لما سمعت الكلام ده مصدأتش...وعشان كده مقولتلكش م الأول...

وحكالي الحكايه من أولها................

قالي:المنتدي ده زمان أوي كان سيت لشركة برمجه كبيره...وف يوم خطرت ف دماغ صاحب الشركه فكره مجنونه...وبدأ ف التنفيذ علي طول...وبعد شهر كان عمل برنامج عمر محد عمل زيه قبل كده..."برنامج تحضير الأرواح علي النت"...وبدأ يجربه...وتقريبا الفكره نجحت...وزي م سمعت كان الراجل ده كل ليله بيحضر الأرواح الشريره...ويخليها تعمله اللي هوه عايزه...كل ده كان سر محدش يعرفه...وبعد فتره أبتدت تظهر عليه تصرفات غريبه...وبأت الناس تخاف منه...فطرد الناس اللي ف الشركه كلهم...ووقف نشاط الشركه...وأعتزل الحياه...وبأه يقضي كل وقته ف السيت بتاعه...وبأه السيت ده بين يوم وليله زي قصر دراكولا...والناس طلعت أشاعات عن أن فيه عفريت هما شافوها ماشيه جوه...واللي يقول أن أبنه دخل ع السيت ده ومات بعدها علي طول من غير سبب واضح...وكترت حوادث الموت المفاجئ قدام شاشة الكمبيوتر...وكان رأي الطبيب الشرعي أن سبب الوفاه أزمه قلبيه حاده نتيجة خوف شديد...ولما النيابه حققت ف الموضوع...لقت أن كل الضحايا دخلوا السيت ده ف نفس اليوم اللي ماتوا فيه....ولما النيابه حبيت تستجوب صاحب الشركه...حصلت حاجه محدش كان يتوقعها....السيت وقع من غير سبب...وصاحب الشركه أختفي...بعد فتره السيت ظهر تاني بس زي م أنتا شوفته كده...وصاحب الشركه ملوش أي أثر...ومن ساعتها بقي السيت ده مكان مهجور محدش بيقرب ناحيته...

شيكو:وبعد م عرفت الحكايه كلها...سبت صاحبي وأنا متنكد...بأه معقوله بعد التعب ده كله...نسيب المنتدي...كنت ناوي أقول لزيزو وسايكو كل اللي عرفته....وكان معادي معاهم بالليل هنا...ولما أتقابلنا...بصراحه أنا أترددت ومردتش أقولهم حاجه مش عارف ليه؟؟...والغريبه أن ف اليوم ده محصلش حاجه...وتاني يوم برده مفيش حاجه...وكملنا شغل ف المنتدي...ونسيت الحكايه....لحد النهارده...

ميرا:قصدك تقول أن اللي بيعمل كده...هيه الأرواح الشريره اللي كان الراجل المجنون ده بيحضرها هنا زمان؟؟؟؟

شيكو:مفيش تفسير تاني...عرفتوا أن كرسبو وأحمد الأمير...الأشباح قتلتهم...

ميرا:أااه..م أحنا عارفين...رنيم قالتل......

وسكتت ميرا فجأه كأنها أفتكرت حاجه وبص لسنو...

وقالوا هما الأتنين ف نفس واحد:رنيييييييييييييم........

وراحوا بسرعه للمكان اللي سابوا رنيم فيه....ولما وصلوا ملقوش رنيم..ملقوش غير بقعة دم كبيره ع الحيطه....

قالت سنو علي وشك الإنهيار:هيه رنيم راحت فين؟؟؟؟؟

شيكو بإرتباك:أكيد أنتوا أتأخرتوا عليها...فراحت هيه تدور عليكوا...

ميرا وسنو وشيكو ف نفس واحد:راااااااااااااانيييييييييييم....رااااااااااانيييييييييييييييم.....

سنو رمت نفسها ع الأرض...وحطت أديها علي وشها وقعدت تعيط علي صاحبتها....

ف ميرا قعدت جنبها وطبطبت عليها وقالتلها:متخفيش يا سنو...رنيم بخير...صدقيني...أنا قلبي بيقولي كده.....تلاقيها زي م شيكو بيقول راحت تدور علينا ودلوقتي تظهر...يلا بأه يا حبيبتي نروح نشوفها عشان نبأه كلنا مع بعض ونشوف هنعمل أيه....

كانت ميرا بتقول الكلام ده وهيه من جواها مش مصدقاه...والخوف خلاص وصل لأخره معاها....وأعتقد أنها مش هتقدر تحتفظ بتوازنها أكتر من كده......

سنو قامت من ع الأرض...وراحوا يدوروا علي رنيم......

ووهما ماشيين ميرا أفتكرت حاجه وبصت لشيكو وقالت:أنتا مقولتلناش..أنتا كنت بتعمل أيه ف 3ady ؟؟؟

شيكو:كان فيه كتب قديمه كنا لقيناها هنا أول م جينا وأنا حطيتها هناك...ف روحت أشوفها يمكن ألاقي فيها حل للي أحنا فيه ده....

ميرا:ولقيت حاجه؟؟؟

شيكو:لقيت كتاب مكتوب بخط اليد...بس ملحقتش أبص فيه فجبته معايا...

ميرا:وهوه فيه ده..

شيكو:عاينه تحت الهدوم....

وفجأه ميرا قامت مطلعه التليفون ووطت ع الأرض تشوف حاجه.........

شيكو:أنتي بتدوري علي أيه؟؟؟

ميرا:سنو...مش هوه ده المكان اللي شوفنا فيه زيزو؟؟؟؟؟

سنو:أاااه...هه أمال هوه راح فين؟؟؟؟؟؟؟؟

ميرا قامت من ع الأرض وهيه بتقول:مش عارفه...أنا قلبي بيقولي أ.......

كان نور الموبيل لسه شغال...وأول م النور جه علي وش سنو...ميرا برقت...ورجعت خطوتين لوره...

كان فيه شبح واقف ورا سنو...ورافع المنجل بتاعه ف الهوا...هينزل بيه علي رقبتها.......

شيكو مكنش لسه أستوعب الموقف...ووقف متسمر ف مكانه...

ميرا صرخت وطلعت تجري...

ومن وراها كانت سنو بتصرخ صرختها الأخيره..........

من طرف **snow white** الثلاثاء يوليو 15, 2008 7:44 pm

يانهااااااااااااااااار اسود
انا مت؟؟؟؟؟؟؟؟؟؟؟؟؟؟؟
الله يرحمني
روح يابني قلبي وربي غضبانين عليك
هههههههههههههههههههههه
والله بجد انت دماغك جااااااااااامده

من طرف **MARYEM** الثلاثاء يوليو 15, 2008 8:19 pm

حلوة اوووووووووووووووووووووووووووى فى انتظار الباقى

من طرف **RANEEM** الثلاثاء يوليو 15, 2008 8:36 pm

ينهار من غير الوان

ايه ده

دي مرعبه فعلا

كمل بسرعه يلا حصل ايه بعد كده

من طرف **AHLAWY** الثلاثاء يوليو 15, 2008 8:37 pm

الله االله واكبر

ايون كدا

يا برنس

الله يرحمك يا سنوووووووووو

البقاء لله

منتظريين الاجمممممممممد

من طرف **A.S.Shiko0o0o** الثلاثاء يوليو 15, 2008 11:07 pm

ههههههههههههههههههههههههههههههه

والله والله انت جامد يا مان

انا من اول مره عرفتك فيها وانا قولت انك مخك ده مش هنا معانا اعلى بكتير

كمل ربنا يعينك بس شكلى انا البطل صح ؟

هههههههههههههههههه

من طرف زائر الأربعاء يوليو 16, 2008 12:33 am

ياباشا
مفيش حد معمر فيها
Twisted Evil

من طرف **little angel** الأربعاء يوليو 16, 2008 12:34 am

لا يا برنس عشان خاطرى ماتموتش حد تانى كفاية

انا لسه بعيط على احمد وكريسبو

سيبلى سنو وهات رنيم بسرعة عشان مخضوضة عليها

بس بجد دماااااغك عاااااااااااااااااااااااااااالية جدا

(ربنا يحميك لشبابك)

من طرف **A.S.Shiko0o0o** الأربعاء يوليو 16, 2008 1:13 am

قصدك ايه لا لا انت تاخد اى احد الا انا انا بقولك ايه معملتش حاجه فى دنيتى عدله استنى كده بس اواظب وانتظماصل انا كده رايح النار اللهم احفظنا فبلاش انا

من طرف زائر الأربعاء يوليو 16, 2008 1:22 am

خلاص يابني متعيطش
بلاش أنتا..
أنتا باين عليك شرير
وأحنا محتاجينك
صرخة الرعب للكبار فقط 406601

من طرف **RANEEM** الأربعاء يوليو 16, 2008 1:41 am

يلا يابرنس بقي كمل القصه
عاوزه اقراها قبل ما اقفل

من طرف **A.S.Shiko0o0o** الأربعاء يوليو 16, 2008 1:49 am

شكلى هطلع الوحش

ههههههههههههههه

من طرف **tweety** الأربعاء يوليو 16, 2008 2:53 pm

يانهااااااااااااااار ابيض
ايه ده والله دا انا اترعبت رعب
الا وانتا بتحكى على المنتدى المسكون ده
والله خوفت لدرجه انى كنت هقفل المنتدى خاااالص
يللا بقا كمل مستنين البااااااااقى

من طرف **Crespowbas** الأربعاء يوليو 16, 2008 3:31 pm

انت يا برنس جاااااااااااااااااااااااااااااااااااااااااااااامد غصب عنى وغصب عن اى حد

القصه ديه رائعه من روائع البرنس

وعلى فكرة

انا اول مرة اقرا قصه بالاثار ة ديه من حد قريب منى

تسلم ايدك مع انك موتنى بس خير

من طرف **MeRaMoRe** الأربعاء يوليو 16, 2008 3:55 pm

WoooooooooooooW

راااااااااااااااااااااااائعه جمييييييييييله جدا جدا يابرنس

انت تنفع تبقى مؤلف وكاتب

الله يرحمك ياسنو كده تموتي قدام عيني وايه يابرنس سايبني مع شيكو لوحدي شكلي هموت

في الحلقه الجايه

ربنا يستر

من طرف **A.S.Shiko0o0o** الأربعاء يوليو 16, 2008 4:48 pm

عادى بقى

من طرف **takatiko** الأربعاء يوليو 16, 2008 7:53 pm

هيييييييييييييييييه سنو هتموت ههههههههه ماتقلقيش هعملك صوان ما اتعملش وهرقعلك تلاتين صوت(يالهووووووووووووووووووووووووووووووووى)

ابوس ايدك يا برنس الهى ربنا يكرمك ويقعدلك فصحتك وعافيتك بلاش تموتنى سيبنى اما اتجوز واعيشلى يومين ولو تظبطلى حد من الاشباح يبقى كتر خيرك يا ضنايا
اما انتى ياميرو بس اما اشوفك بقى انا مش عجباكى معرفتى ماشى

من طرف **zantout** الأربعاء يوليو 16, 2008 8:53 pm

وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو

انا من المرات القليله اللى اريت فيها قصص رعب واثارة

بس جااااااااااااااااااااااااااااااااااااااااااااااااااااااااااااااااااااااااااااااااااااااااامدة اوى كمان

بقولك ايه يابرنس هو انا مش ف الليلة ولا ايه

انا صاحب زيزو وشيكو و سيكو والله العظيم
اي دور بليز

من طرف **A.S.Shiko0o0o** الأربعاء يوليو 16, 2008 11:59 pm

ههههههههههههههههههههههههههههههه

من طرف زائر الخميس يوليو 17, 2008 2:49 am

معلش
الحلقه الأخيره هتتأخر شويه
أنا تقريبا خلصتها
بس محتاجه شويه كده
عشان تبأه علي قد التشجيع ده كله
ف خلوها لبكره بالليل
وإن شاء الله تكون جاهزه

من طرف **zantout** الخميس يوليو 17, 2008 2:53 am

اعمل حسابى ف اى دور ان شا الله صاحب عبدة البواب

من طرف زائر الخميس يوليو 17, 2008 3:00 am

مكنش يتعز

بس أوعدك هعمل
"يوميات زنتوت"
قريب.....
بس مفيناش من زعل
ماشي
صرخة الرعب للكبار فقط 406601

من طرف **zantout** الخميس يوليو 17, 2008 3:08 am

ايه يا برنس يوميات ونيس لا قصدى زنتوت دى

متقلقش
انا مزعلش منك يا جميل

من طرف زائر الخميس يوليو 17, 2008 3:22 am

حلوه يوميات ونيس ديه
فكره برده
Twisted Evil

من طرف **zantout** الخميس يوليو 17, 2008 3:28 am

ماشى
ماشى

من طرف **A.S.Shiko0o0o** الخميس يوليو 17, 2008 2:11 pm

هههههههههههههههه خليك حلو معايا انا عارف انك ناويلى نيه مش تمام

بس انت فاهم انك حبيبى

من طرف **Just Zizo0o0o** الخميس يوليو 17, 2008 6:03 pm

بجد تحفه بس ايه الكرم ده انا طالع في مشهدين صعبين اوي وانا في الفون وانا ببرق هههههههههههه بس فكره جامده جدا جدا جدا بس انا ليا تعليق صغير اوي

كان المفروض بدل صرخه الرعب

تسميه الفاتحه لاعضاء المنتدي

تسلم ايدك

من طرف زائر الجمعة يوليو 18, 2008 1:57 am

أنتا عارف أول أسم سميته للقصه ديه كان أيه؟؟؟؟؟

"المنتدي الملعون"

Twisted Evil

بس غيرت رأيي ف أخر لحظه
عشان محدش يفهم غلط

وبالنسبه للمشهدين بتوعك
ف أنتا بصراحه كنت مبدع
أنا نفسي صدقتك
pirat

من طرف **Just Zizo0o0o** الجمعة يوليو 18, 2008 2:04 am

ايوه ما هم الممثلين الكبار الي زي حالاتي كده
ميبانوش الي في الادوار الصعبه الي زي دي

لو خدتلي بالك كده من مشهد التبريقه ده

ركز كده في العين ركز بس ركزت ها شوفت ايه ؟؟؟؟؟؟؟؟؟

مثل بقي ولا انت شايف حاجه اصلا عين عاديه جداا اهي ههههههههههه

بس الفكره بقي في رفعت الحاجب اه اصل دي طول اليل بتمرن عليها

والله انت راجل سكره

اه اوعي تكون لسه زعلان مني

من طرف **RANEEM** الجمعة يوليو 18, 2008 2:16 am

هههههههههههههههههههههههههه
زيزو هيعيش نفسه اهو بقي

من طرف **Crespowbas** الجمعة يوليو 18, 2008 2:40 am

انا عاوزك تصحينى تانى

ينفع

هههههههههههههههههههههه

من طرف **ahmedelamir64** الجمعة يوليو 18, 2008 2:48 am

ايه يا برنس مش هتكمل ولا ايه

مستانين الباقي

من طرف **zantout** الجمعة يوليو 18, 2008 3:10 am

بيتقل علينا لما عرف ان المنتدى كله عايز يكمل

من طرف **little angel** الجمعة يوليو 18, 2008 1:47 pm

عســــــــــــــــــــــــــــــل يا زيزو بجد

وعلفكرة بقا فعلا دورك كان مقنع

عارف وانت راقد فى الارض وقالب عبدة الميت كدا

بجد صدقتك فعلا واتصدمت لما شوفتك مرمى كدا

اصل علفرة مش اى حد ممكن يرمى نفسة على الارض كدا

ههههههههههههههه

بجد انت ممثل قدير جداااا

من طرف زائر الجمعة يوليو 18, 2008 2:35 pm

نهايه شريره

ميرا فضلت تجري لحد موصلت الجنينه اللي ف أخر المنتدي…وكان شيكو فاق من الصدمه بعد م شاف راس سنو طايره ف الهوا وسنو واقفه قدامه من غير راس…فطلع يجري ورا ميرا…
ميرا وقفت وكانت بتنهج…وأول م شمت نفسها…نامت ع الأرض وبصت للسما وفضلت كده خمس دقايق…
وشيكو الله يكون ف عونه...كان قاعد ع الأرض والمنظر مش راضي يفارق دماغه…
وبعد شويه ميرا قالت وكأنها بتحلم:سنو..وزيزو..وكرسبو..ورنيم..وأحمد.......
شيكو مكنش معاها....
ميرا:شيكو.....
شيكو:أيوه.....
ميرا:هيه اللعبه ديه هيخلص أمتا؟؟؟
كان واضح أوي أن ميرا خلاص أتجننت.....
شيكو:خلاص يا ميرا هانت....مش فاضل غير أنا وأنتي بس....
ميرا دخلت ف نوبة عياط وقالت وهيه منهاره:شيكو أنا مش عايزه أموت...مش عايزه أموت...
وبعد شويه ميرا أتعدلت وقالت:أنتا بتعمل أيه؟؟؟
شيكو كان منور الموبيل وبيقلب ف الكتاب اللي معاه.......
شيكو:أنا مش فاهم أي حاجه....
كان الكتاب كله معادلات رياضيه...
ميرا:سيبك م الكتاب ده...أحنا لازم نشوف طريقه نخرج بيها من هنا...
شيكو قفل الكتاب بعصبيه وقالها:نخرج منين يعني؟؟؟أنتي شايفه المنتدي عامل أذاي؟؟؟
ميرا سكتت وحطت دماغها ف الأرض...
شيكو:عارفه حل اللي أحنا فيه ده كله أيه؟؟؟
ميرا:أيه؟؟؟؟
شيكو:أن الفجر يطلع....
ميرا:وأنتا فاكر أنهم هيسبونا لحد الفجر؟؟؟؟؟
شيكو:الساعه دلوقتي 4:00.....يعني كلها نص ساعه.....
ميرا أتفاجئت:نص سااااعه.....
شيكو كان بيتكلم بثقه زياده عن اللزوم...
وبعد شويه.....
هالو بابي جيرلز...ذاتس بلاستك أذ فا.............
ميرا:ألو...أيوه يا رنيم أنتي فين....فين...رنيييم...رنيييم.....ألووووو....
شيكو:رنيم...
ميرا بعصبيه:رنيم ف 3ady ولازم نلحقها....
شيكو:3aaaaaady..........
ميرا بعصبيه أكتر:يلا يا شيكو قبل البت م تروح مننا....
وقام شيكو وجريوا همه الأتنين...ولما وصلوا لقوا الباب مفتوح...وسمعوا رنيم بتصرخ....
............سيبنيييييييييييييييييييييييييي.............
ف جريوا علي جوه بسرعه...
شيكو:رنيييييييييييم.......
بس محدش رد عليه....
قام مطلع أخر شمعه كانت معاه وولعها.....والدنيا نورت.....
شيكو:أمال رنيم فين يا ميرا؟؟؟
ميرا كانت بتبصله وكان فيه أبتسامه غريبه مرسومه علي وشها....وعنيها حمره لون الدم...وشكلها مرعب...
شيكو خاف وصرخ:ميراااااااااا...
ميرا ضحكت ضحكه مجنونه...وتمتمت بكلام مش مفهوم...
شيكو ركبه بأت بتخبط ف بعضها والعرق نازل من وشه....
ميرا بصوت ناعم:أنتا...خايف مني؟؟؟
شيكو:أن..أن..أنتي مش ميرا.........
ميرا:أصلا مفيش حد أسمه ميرا...
وضحكت ضحكه مجنونه...هاهاهاهاهاهااااااااااااااااااااااااااااااااااااااااااااااا
شيكو ذق ميرا بكل قوته وقعها ع الأرض...وجري ناحية الباب ....
وف اللحظه ديه دخلت تكتك ورنيم واللورد....وكان التلاته لابسين عبايات سوده...وعنيهم حمراه زي ميرا...
شيكو رجع خطوتين لورا...وقبل حتي م يستوعب الموقف...كانت ميرا أتعدلت وهجمت عليه..ووقعته ف الأرض...وقالت:خلاص يا شيكو...Game Ooooooooooooover....
وغرزت سنانها ف رقابته...
وشيكو بيصرخ...أااااااااااااااااااااااااااااااااااااااااه
وبعد مخلصت عليه...قامت ومسحت الدم من علي بأها...وضحكة ضحكه مجنونه....
وقالت وشر الدنيا كله باين ف عنيها:يارب تكون اللعبه عجبتكوا...........
وضحكوا هما الأربعه بصوت عالي رج المنتدي كله.........

فيه نهايه تانيه يارب تعجبكوا

من طرف **Just Zizo0o0o** الجمعة يوليو 18, 2008 2:50 pm

ههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههههههههه

يا نهار ميرا دي اغلب وحده في المنتدي يطلع منها كل ده والله فعلا متامنش لاي واحده في الدنيا غير امك ولو ابوك طلقها متامنلهاش هههههههههههههه

خير خير

القصه دي جامده تنفع فيلم بس يكون بطولت حد غير ميرا

تسلم يا حج

من طرف زائر الجمعة يوليو 18, 2008 4:05 pm

ميرسي ميرسي
lol!

وأنتا يابني ليك مستقبل كبير ف عالم الجريمه
أنا مش بجامل
أنتا فعلا شرير حقيقي
وإن شاء الله أنتا معانا الفيلم الجاي
بس لما تشتهر متعملش فيها نجم
وتستندل معانا

من طرف **snow white** الجمعة يوليو 18, 2008 6:13 pm

يانهاااااااااااااااااااار من غير لون خاااااااااااالص
يعني انا موتوني عشان يلعبوا؟؟؟؟؟؟؟؟؟
منهم لله
انت كده هتخليني افكر في صحوبيتي للعيال دي تاني يا برنس
بس والله انت عسل يابرنس