30جملة 99% من شباب مصر بيقولوها للبنات!!!

من طرف **zantout** الإثنين يوليو 21, 2008 3:18 pm

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

21- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

26- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

28- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)
30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

طبعاالكلام دة كله هزار أكيد مش كل الشباب كدة
مــــــــــــــــــــنــــــــقــــــــــــــول

من طرف **MARYEM** الإثنين يوليو 21, 2008 6:08 pm

ههههههههههههه قولت الحق ياغلباوى توبيك تحفة بجد وواقعى اوى

من طرف **zantout** الإثنين يوليو 21, 2008 7:02 pm

شكرا لمرورك يا مريم

انا كاتب ف الاخر بهزر

ههههههههههههههههههههههه

من طرف **MARYEM** الإثنين يوليو 21, 2008 7:08 pm

ههههههههههه بتهزر مين كلمة الحق طلعت الاول خلاص

من طرف **zantout** الإثنين يوليو 21, 2008 7:14 pm

لا مكتوبة ف التوبيك يا غلباوية

من طرف **MARYEM** الإثنين يوليو 21, 2008 7:23 pm

طبعاالكلام دة كله هزار أكيد مش كل الشباب كدة

مش كله بس المعظم والاغلبية كده والاعتراف بالحق فضيلة

من طرف **zantout** الإثنين يوليو 21, 2008 7:29 pm

لا احنا غلابة
انا عملت التوبيك للهزار والدعابة بس

مش قاصد اسوء صورتنا لا قدامكم ع الاقل

من طرف **MARYEM** الإثنين يوليو 21, 2008 8:46 pm

انتوا زى الفل محدش سوا صورتكم الولاد ملايكة ماشية على الارض

من طرف nahla الإثنين يوليو 21, 2008 9:02 pm

عايز تفهمنى ان 1% بس هو اللى مخلص
عايزه اقولك ان ولا حتى ال1% دول بقى ييجو فى ايام المشى والخطوبه يخلو البنت خلاص هتموت من حبها فيه واخ يا صاحبى بعد الجواز ايامهم سوده ياحبيبى دول الرجاله دول معروفين ماينفعوش غير فى النووووووووم وبس 30جملة 99% من شباب مصر بيقولوها للبنات!!! 343361

30جملة 99% من شباب مصر بيقولوها للبنات!!! 343361

من طرف **zantout** الإثنين يوليو 21, 2008 10:35 pm

مممممممم من الواضح انى دخلت فى مكان مسدود

بصوا يا جماعة كل حاجة فيها الكويس والوحش
ماشى

مش كل الولاد وحشين ف كتييييييييييييييييير كويسين
وكمان البنات ف منهم كويس وف الوحش

من طرف **zy_elsoker** الثلاثاء يوليو 22, 2008 12:18 am

هههههههههههههههههههه

لا تعليق

من طرف **RANEEM** الثلاثاء يوليو 22, 2008 3:07 am

هههههههههههههههههههههههههههههههه
ينهار حد يقول علي نفسه كده
طب كويس انك عارف انكو كده

من طرف **zantout** الأربعاء يوليو 23, 2008 9:13 pm

ايه يا جماعة بس

ف فكل مكان الحلو (انا مثلا ) والوحش (مش انا اكيد )

من طرف nastooooo1512 السبت يوليو 26, 2008 9:51 pm

زنتووت

الموضوع جامد اوى وبيحصل فعلا

انت جامد يا زنتوت

معلش مش كنت بدخل كان عندى ظروف لسه شيفاه النهاردة

nastooo

live to die

من طرف **zantout** الأحد يوليو 27, 2008 3:33 am

انت تنور ف اى وقت يا جمييييييييييييييييييييل

من طرف saso mem الأحد يوليو 27, 2008 4:54 pm

ههههههههههههههههه
دلوقتى كل الشباب نفسهم يموتوك عشان فقست حركاتهم
اصلا كل الشباب مفقوس
مش بقولك الرجالة ماتو فى الحرب

من طرف **zantout** الأحد يوليو 27, 2008 11:34 pm

مين قالك كدا

التوبيك هزار ودعابة

الرجالة مش ماتت ف الحرب

هما موجودين وكتييير بس انتو بتنقو غلط

واللى انتى تقصديهم
دول مش شباب ولا رجالة اصلا

من طرف **G O G O** الإثنين يوليو 28, 2008 5:18 am

هههههههههههههههههههههههههه
كلام حقيقى يا زنتوت
بس مش كلة

من طرف **zantout** الإثنين يوليو 28, 2008 2:52 pm

G O G O كتب:
هههههههههههههههههههههههههه
كلام حقيقى يا زنتوت
بس مش كلة

تقصد الرد ولا التوبيك ؟؟؟؟؟؟

من طرف mohmmmmed الثلاثاء أغسطس 12, 2008 5:56 pm

حلو اوى الواقعيه اللى بتتكلم بيها دى بس يا ريس انتا كدا فضحت الدنيا وكشفتنا هنعمل ايه بقه بعد كدا شوفلنا حل بقه

من طرف **AHLAWY** الثلاثاء أغسطس 12, 2008 7:46 pm

انا معاك يازنتوت ان ده

بيحصل بس فعلااااااااا

نسبة صغيرة جداااااااااااا

جداااااااااااااااااااااااااااااااا

لانه بيشوف اودامه بنت

ولا بلاااااااااااااش

هى اللى بتساعده انه يشتغلها

توبيك جاااااااااااااااامد

يازنتووووووووووت