حاجه تفرس

من طرف **snow white** الخميس يوليو 31, 2008 3:03 pm

بسم الله الرحمن الرحيم

أكيد كل واحد فينا كل يوم و كل ساعة بيشوف حاجات تغيظة حاجه تفرس Icon2

....

حاجات تحرق الدم حاجه تفرس Icon7

.....

حاجات من الآخر كدة ......... تفرس و تشل و تجيب الخنقة حاجه تفرس Wall

....

أنا قلت نجمعها هنا , و كل واحد يكتب الحاجة اللي غايظاه قوي و حارقة دمه .....

ههههههههههههه
موضوع جامد يا سنو

بصي بقي

انا اتفرست امبارح حته دين فرسه
كان عندنا اجتماع في الشركه امبارح
المهم بقي بيشوفوا كل واحد حقق قد ايه الشهر اللي فات

انا عامل 7000 جنيه من اصل 11000 جنيه المفروض احققهم
المهم لاقيت المدير قالي ينفع كده يا د / محمد يعني هتحقق 11000 جنيه ازاي بقي

المهم فيه زميله شريفه عفيفه زي يعني معانا قاعد علي الطربيزه معانا محققه 250 بس

لقيته بيقولها ولا يهمك الشهر اللي جي تحققي
كنت عايز اقلع اللي في رجلي واروقه

هذا زمن العجايب

لنا الله يابنتي

من طرف **Crespowbas** الخميس يوليو 31, 2008 4:21 pm

انا بقى كان ليه صحبى حبيبى كنت بحبه المهم زعلنا مع بعض فعرفت انه تعب وكدة المهم اتصلت بيه وبعتله رسايل وقالى يا محمد انا مبسوط انك اتصلت بيا والافلام ديه ورسملى البحر طحينه وانا كنت مستنيك وفرحت ومش فرحت والقصص ديه
المهم بقى انا اطمنت عليه اول يوم

تانى اليوم مطمنتش عليه

فراح بعتلى رساله قالى يا محمد لو كنت مضايق انك اتصلت بيا اعتبر نفسك ما اتصلتش
فانا بعتله رساله والافلام ديه وقولتله انا خوفت انك تكون مضايق وكدة فقولت كل يومين هسال عليك

قالى لا انا بفرح لما بتتصل وبتسال عليا

المهم بقى اول امبارح ارن عليه الاقيه قافل الموبيل

ارن
الاقيه قافل الموبيل

بينى وبينكم انا قولت انه مات

فسالت جارة قولتله الحوار كذا كذا

فى حاجه صلت

قالى لا يا عم دة الشريحه اتحرقت قولتله طب ما ارنش ليه وقالى وعارف انى كل 5 دقائق برن عليه علشان ما يزعلشى

يعنى انا بطمن عليه ودمى محروق علشانه وهو ما يحولشى يقولى ان التلفون اتهبب ولا باظ وهو مممكن يوصلى بسهوله قوووووووووووى

بس خير يعنى

بس انا دمى محروق انه نفضلى قووووووووووووووى كدة

من طرف **zy_elsoker** الجمعة أغسطس 01, 2008 10:13 am

ههههههههههههه حلو يا سنو قوى بس ليه الحاجات الا تحرق الدم

خليها الا بتفرح اصلها قليله قوى انما الا بيحرق

دا كتير قوى

انا بقه بيتحرق دمى كل ساعه بسبب الكمبيوتر

عندى اخ صغير واخ كبير واحد قاعد طول اليل

واحد قاعد طول النهار

وانا ياعنى فى الوقت الضايع ههههه

افجرهم هما الاثنين واخلص ههههه

من طرف **HAMADA** الجمعة أغسطس 01, 2008 6:55 pm

ههههههههههههههههههه
الزمالك وحظه اللى زى الزفت هم اللى هايموتونى
هههههههههههههههه
هو فيه حاجه عدله فى البلد اصلا

من طرف **RANEEM** الجمعة أغسطس 01, 2008 10:54 pm

اه ياسنو انا انا حسام اخويه بيحرق دمي كتيييير
انا وهو ناقر ونقير
طب خدي دي عندك
يعني مثلا كنت انا وهو بنتفرج علي التليفزيون وماما كانت نايمه
وهو كان معلي التليفزيون
فانا بقي عماله اقوله ياحسام وطي التليفزيون شويه ماما نايمه
يقولي لا سيبك
يابني حرام عليك وطي شويه
يابنتي قولتلك سيبك بقي الله
ياواد ماما هتزعقك
مش ليكي فيه هيه هتزعقلك انتي ولا انا
قولتله انت حر
قامت ماما بقي صحيت من النوم وقعدت تزعقك عشان طبعا مش عارفه تنام من الصوت العالي
يقوم حسام بقي يحط الريموت جمبي ويقولها مش انا يا ماما ده هيه انا عمال اقولها وطي شويه
وهيه توطيه وبعدين ترجع تعليه تاني بنت مش عندها دم صحيح
انا طبعا من الصدمه مش بعرف ارد اصل انا غلبانه مش بعرف ادافع عن نفسي
تقوم ماما مزعقالي انا وبعد ما تعرف الحقيقه تقعد تضحك
شوفتي فرسه وحرقه دم اكتر من كده
ولو عاوزه فرسه تاني قولي ده مبهدلني والله

حاجه تفرس

حاجه تفرس

رد: حاجه تفرس

رد: حاجه تفرس

رد: حاجه تفرس

رد: حاجه تفرس

رد: حاجه تفرس