ورغم صمته... يبقى اجمل لغات االعالم

بسم الله الرحمن الرحيم. مساء الحب والسعادة ع الجميع ده اول موضوع بعمله فى منتداكم الحلو وعملتلكوا موضوع لايت كده على ذوقى ويارب يعجب الكل ومبدئيا عايزة ردووود جامدة وتصفيق حاد من البنات وتصفير مدوى من الاولاد علشان ترفعوا معنوياتى. ندخل بقى فى الموضوع : الورود لغة راقية رغم صمتها الا انها ابلغ من مليون كلمة يقولها الانسان وليها تاثير رهيب ع البنات( اسالونى انا ) حكيلكوا النهاردة اسطورة الياسمين ولو عجبتكوا كل مرة هحكيلكوا حكاية وردة. : كان فيه امير جميل ماشى فى الصحراء شاف بنوتة بدوية اسمها ياسمين عجبه غموضها وشده فضوله انه يكتشف الجمال المختبئ تحت خمارها فتزوجها وعاشت معاه فى قصره الجميل على الرغم من كدة الياسمين كانت مش سعيدة لانها اعتادت على براح الصحراء فهربت وانطلقت على حصانها في الصحراء وكشفت عن وجهها فتحولت الى وردة جميلة تنمو فى الاماكن الحارة والمعروفة بزهرة الياسمين. والياسمين الهندى معناه الحب لكن الوردة الحمراء يعنى الجمال كله والبنفسج الوفاء والروز مارى:وجودك بينعشنى.ولو بتحب حد اديله 7 وردات ولو كنت بتحبه اوى اوى وعايز تتجوزها يبقوا 10 وردات (طبعا الكلام للاولاد بس اوعى تدى لولد 10 وردات تاكدى انك بكده مش هتشوفيه تانى ). انا اكتر وردة بحبها الليليوم الابيض ياله كل حد يقول اكتر وردة بيحبها ايه وليه؟ معلش لو طولت عليكوا وسلامى واحترامى للجميع.

منورة المنتدى ياقمر

وانا بحب الورد عموما ولو هيجيلى وردة احب يكون بوكيه او وردة حمرا ولو هدى ورد هدى ورد احمر وابيض

انا بحب الورد جدا جدا يعني متعرفيش قد ايه انما انا ليه سؤال كتابك فيه كام ورده