من اوراق زوج سعيد جدا

من طرف **DeBo0o** الجمعة أكتوبر 19, 2007 10:40 am

( 1 )

انتهيت من ارتداء ملابسي _ و أنا أخفف الخطي_ حتى لا أوقظ حرمي المصون من نومها الهانئ .. فالساعة الآن السادسة والنصف صباحا ولا يزال أمامها ست ساعات من النوم اللذيذ .
خانني الحذر فارتطمت قدمي _ أثناء لبس الجورب _ بالسرير فأصدرت صوتا خجولا ولكنه كان كافيا لإيقاظ ذلك البلبل النائم ليسمعني زقزقته المحببة
.... هو أنت ما تعرفش تلبس من غير ماتصحينى
.... آ آ آ ... أسف جدا غصب عنى رجلى خبطت في السرير
.... طيب ما تخرج تلبس بره
.... ألبس بره فين في الشارع مثلا
.... نعم ... إنت بتتريق على
.... لأ لأ بس ألبس فين
.... ما تلبس في الصالة إنت مش عارف إنى نايمه الساعة ثلاثة وسهرانه بأبنك طول الليل وسيادتك نايم بتشخر
.... طيب خلاص من بكره حلبس في الصالة
......
....
..
وصلت إلى مكان عملى وجلست إلى مكتبى و أنا أتميز من الغيظ ... بعد قليل وصل زميلى وألقى السلام فأجبته باقتضاب
سألنى زميلى
.... خير مالك شكلك متضايق
.... أبدا مفيش
.... إسمع أنا عندى ليك خبر حلو
.... يارب سترك ما انا عارف اخبارك
.... عندى ليك عروسه
.... عروسه !!!! يا أخى أنا ناقص
.... إسمع بس دى لقطه
.... طيب ما تتجوزها سعادتك
.... لا دى أصلها مطلقة ولا تصلح لى انا لسه ما دخلتش دنيا . وهى مش عايزه منك حاجه
.... مش عايزه منى حاجه إزاى امال حتتجوزنى علشان اعملها نوم العازب
.... لا مش القصد دى يا سيدى عايزه تتجوز بنظام المسيار
.... آآآآآآه انا سمعت عن الموضوع ده لكن ده حقيقى
.... ايوه حقيقى ما انا بقولك أهو
.... انت بتتكلم بجد
.... ايوه دى جارة والدتى
.... يعنى معديه الثمانين
.... لا لا اصبر بس دى صغيره يدوب اربعين
.... اكبر منى يعنى ، لكن انا اصلا حتجوز ليه ما انا متنيل متجوز
.... لا يا ريس دا انت حتبقى ديك البرابر
.... ديك !!!! إيه تشبيهات الفرارجيه دى
.... لا لا انا قصدى انك حتكون اخر دلع
.... والله الواحد يفكر
بدأت أفكر و أفكر إنه عرض يستحق التفكير فعلا فلأخذ وقتى قليلا

( يتبع )

من طرف **Just Zizo0o0o** الجمعة أكتوبر 19, 2007 2:58 pm

شكلو جميل بس انت قطعت بدري علي العموم كملو بقي عشان افهم بس شكلها جامده بس انا ليا عتاب عليك انا ملاحظ انك مش بقيا بتدخل زي الاول ياريت نشوفك كتير هنا

لاماااااااااااااااااااااااااااااااااااااام

من طرف **RANEEM** الجمعة أكتوبر 19, 2007 3:38 pm

يا ريت تكمل الموضوع ده شكله لذيذ

من طرف **NonaAa** الجمعة أكتوبر 19, 2007 10:15 pm

ياريت بجد ياديبو تكمل الموضوع
باين عليه شكله هيبقى جامد اوى
بس بسرعة عشان عايزة اعرف النهاية هتكون اية scratch

من طرف **snow white** السبت أكتوبر 20, 2007 3:25 am

انت بتشتغلنا ولا ايه يا ديبو
بلاااااااش شغل التليفزيون المصري ده
والمسلسل ال 70000 حلقه
انجز يا ديبو وكمل الباقي بسرعه

من طرف **DeBo0o** السبت أكتوبر 20, 2007 4:47 am

شكلو جميل بس انت قطعت بدري علي العموم كملو بقي عشان افهم بس شكلها جامده بس انا ليا عتاب عليك انا ملاحظ انك مش بقيا بتدخل زي الاول ياريت نشوفك كتير هنا

لاماااااااااااااااااااااااااااااااااااااام

ما قطعتش بدرى و لا حاجة يا عم زيزو لسه بدرى

وبعدين انا موجود يا باشا اهو .. بس معلش ظروف شغلى ساعات بتبقى رخمه بس انا متابع ما تقلقش

يا ريت تكمل الموضوع ده شكله لذيذ

من عونيا الجوز و مناخيرى اللوز يا رونى

ياريت بجد ياديبو تكمل الموضوع
باين عليه شكله هيبقى جامد اوى
بس بسرعة عشان عايزة اعرف النهاية هتكون اية

اكيد هكمله بس كله متوقف على الردود .. كل لما اشوف ردود اكتر و تفاعل اكتر هكمل

انت بتشتغلنا ولا ايه يا ديبو
بلاااااااش شغل التليفزيون المصري ده
والمسلسل ال 70000 حلقه
انجز يا ديبو وكمل الباقي بسرعه

هو انتى دايما متسربعه كدة يا سنو .. اهدى يا خالتى كدة على رزقك

هكمل بس اشوف التفاعل

من طرف romio الأحد أكتوبر 21, 2007 9:20 pm

جامد جدا وانا مستني الباقي يا ديبو بس بسرعه

بس على فكره ايه الست ده لو كل الستات كده تبقى مصيبه كبيره
والواحد يراجع نفسه قبل ما يقع فيها

وبعدين العيب عليه اللي زي ده تتصبح بعلقه وتتمسى بعلقه وهي تقوم قبله تعملع الفطار

RoMiOoOoOoO

من طرف **fanta_tofa7** الأحد أكتوبر 21, 2007 11:45 pm

da eh elset elnekadeya deh ya 3am gawezo we rayahona eza mosh la2yenlo ana mawgoda Very Happy

من طرف **DeBo0o** الإثنين أكتوبر 22, 2007 6:56 pm

جامد جدا وانا مستني الباقي يا ديبو بس بسرعه

بس على فكره ايه الست ده لو كل الستات كده تبقى مصيبه كبيره
والواحد يراجع نفسه قبل ما يقع فيها

وبعدين العيب عليه اللي زي ده تتصبح بعلقه وتتمسى بعلقه وهي تقوم قبله تعملع الفطار

نورت يا روميو باشاااااااااااااااااااااااا ... بامانه عندك حق فى موضوع العلقة دى

بس و الله يمكن البطل بتاع قصتنا ممكن يكون عنده رايى تانى و لا حاجة

على العموم تابعونا و هنعرف مع بعض

da eh elset elnekadeya deh ya 3am gawezo we rayahona eza mosh la2yenlo ana mawgoda

فانتا هتموت على الجواز يا عينى lol!

لا حول و لا قوةة الا بالله

شكلى كدة هعملك توبك مخصوص يا بنتى و الله ... اللى عايز عروسة و كدة

ربنا يفك عقدتك بقى Laughing

من طرف **MeRaMoRe** الثلاثاء أكتوبر 23, 2007 2:58 am

شوقنا اكتر شوقنا

يلا ياديبو ماتطولش كفايه الفاصل الإعلاني الكبير ده

الحلقه الجايه امتى؟

من طرف **DeBo0o** الثلاثاء أكتوبر 23, 2007 9:56 am

( 2 )

فى المساء كنت جالسا اتصفح الجريدة بينما تشاهد حمامة السلام المذبوح مسلسلا الى جوارى
اخذت اقلب فكرة الزواج فى عقلى ، ما تأثير ذلك الزواج على البيت والاطفال ستكون صدمه كبيرة ، كيف ستكون صورتى امام الاهل والاقارب ، كيف ساواجه كل تلك العواصف ؟
ولكن ما الداعى لان يعرف احد بذلك سيقتصر الامر على زيارة او زيارتين كل اسبوع ، من الممكن ان اخفى الامر تماما ، وحتى لو علمت الحمامة بالموضوع فستكون احرص الناس على الا يعلم به مخلوق حتى لا تشمت الاعادى _ وما اكثرهم _ فيها
لماذا احرم نفسى من كل راحة ؟ اليس من حقى ان اجدد حياتى واعيش سعادة مفتقده ؟
آآآآه ما أجمل مثل هذا الزواج بدون تحمل اى مسئولية
سرح بى الخيال واخذت ارسم تفاصيل تلك الاوقات الجميلة التى ساقضيها مع شهرزادى الجميلة
اصل الى منزلها فى الموعد المضروب _ بالتاكيد لن تتصل بى على الموبايل وانا على بعد 100 متر لتطلب منى احضار رنجه وحفاظات وصابون
سادخل الى ذلك المنزل الشاعرى لاجد الهواء مشبعا بعطر انثوى جميل واضاءة من الشموع الخافته بينما شهرزاد تقبل فى قميص وردى رائع لتصب فى أذنى همسات الحب والشوق الى اللقاء
نجلس لتناول اجمل الطعام _ الذى لم اقض نصف عمرى فى جمعه من الاسواق _ فتضع شهرزاد حبات الفاكهة باصابعها اللدنة فى فمى مباشرة ثم تسحبنى بغنج ودلال الى غرفة
..... إنت يا اخيناااااااااااااااااااااااااااا
انتفضت كمن صفعت قفاه على حين غره وانا ابسمل مرتعبا وقلت وقلبى يدق بعنف من الهلع
..... فى إيه بتصرخى ليه كده يا ست انتى
..... عماله اكلمك وانت سرحان ومش حاسس ، سرحان فى ايه ان شاء الله ( وهى ترفع حاجبا يضارع قوس النصر شموخا )
رددت متلعثما
..... لا مفيش
..... مفيش !!! امال لو فيه كان حصل ايه
.... طيب سعادتك عايزه ايه بالضبط
..... ابدا عايزه سعادتك تقول حتاكلوا ايه بكره
( اللهم لا حول ولاقوة الا بك )
..... اى حاجه تعمليها
..... لا يا سيدى ما تقليش اى حاجه ، قول عايزين تاكلوا ايه علشان الخدامه ( لفظ تطلقه على نفسها من باب اذلالى ) تعملهولكم
..... خلاص رز واى خضار مع لحمه
.... طيب قوم فك الستائر
( ما انكدك يا امرأه )
.... ستائر إيه
.... ستائر الجيران ( بتهكم بغيض ) حتكون ستائر ايه ستائر الشقه علشان توديهم يتغسلوا ولا عايز امك اما تيجى يوم الجمعه تقول على مش نظيفه
.... الستائر نظيفه وزى الفل احنا مش لسه غاسلينهم من شهرين
.... شهرين ؟؟؟؟؟؟ طبعا هو انت دارى بحاجه ، لا ده كان من ست شهور وانا من شهرين عماله اقولك تفكهم وانت كل يوم ليك حجه
( لا فائدة من هذا النقاش لأنهين تلك المهمة طلبا للرحمة .... آآآآآه اكيد لن أفك أى ستائر فى منزل شهرزاد )
احضرت السلم وتعلقت على الجدران كسعدان فار من ملاحقة حراس جبلاية القرود - و خيالات لقاءات شهرزاد تطوف بخيالى
تعلق طرف بنطال بيجامتى الساقط دوما من وسطى بتاثير أتساع رباطه بطرف حديدة السلم
يا ساتر طاخ بوم تيشششششششش
تكومت على الارض والسلم فوقى وبقايا فازة ورد سقطت فوقها تتناثر حولى
قمت وعظامى تصرخ بالالم بينما اقبل العصفور مرفرفا مغردا
..... يا لهوىىىىىىىىى الفازه الغاليه اللى حيلتنا اتكسرت
صرخت
..... فازة ايه مش تتطمنى عليا الاول
..... اطمن عليك !!! ما انت واقف زى الحصان هو انت بيجرالك حاجه .
..... مش ممكن اكون اتكسرت من الوقعه
..... الفازه اللى اختى جايباها لينا من بره هى اللى اتكسرت
( ويحك يا أمرأة لأعجلن لك العقوبة ولأاحرقن قلبك ، لأتزوجن مسيارا او مقعادا ، نعم لأ تزوجن ثم لأتزوجن ثم .........لأتزوجن )

( يتبع )

من طرف **NonaAa** الأربعاء أكتوبر 24, 2007 12:29 am

واضح طبعا من المعاملة ان الزوجة هى اللى غلطانة مفيش جدال
لكن بردو الزوج اتسرع فى قراره
كان ممكن بالتفاهم يوضح لها كل اللى بيضايقه
بس بجد ياديبو جامد تسلم ايدك
بس انت كمان ياديبو بتشوقنا اوى لنهايتها
وانت عارف ان فى ناس هنا فضولها رخم عايزة تعرف النهاية بسرعة
بس بجد جامد اوى لحد دلوقتى (قبل الزواج يعنى)

من طرف **DeBo0o** الأربعاء أكتوبر 24, 2007 12:56 am

طبعا يا نونا الزوجه اعوز بالله ... طبعا كلنا شايفين هيا بتعامله ازاى

و اعتقد انه واضح للساده المشاهدين انها ما تتعاشرش من الاخر

وانه لو اتجوز عليها يبقى عنده حق اكيد ... على العموم احنا لسه مش عارفين هو هيعمل اية

الراجل لسه بيفكر و ربنا يوفقه و ياخد قرار

ما تستعجليش على رزقك يا نونا ... لسه بدرررررررررررررررررررررررررررررررررى Very Happy

من طرف **MeRaMoRe** الأربعاء أكتوبر 24, 2007 4:13 am

هههههههههههههههههههههههههههههههههههههههههههههههههههههههههههههههههههههههه

انا عجبتني اوي حته ::

احضرت السلم وتعلقت على الجدران كسعدان فار من ملاحقة حراس جبلاية القرود - و خيالات لقاءات شهرزاد تطوف بخيالى
تعلق طرف بنطال بيجامتى الساقط دوما من وسطى بتاثير أتساع رباطه بطرف حديدة السلم
يا ساتر طاخ بوم تيشششششششش
تكومت على الارض والسلم فوقى وبقايا فازة ورد سقطت فوقها تتناثر حولى
قمت وعظامى تصرخ بالالم بينما اقبل العصفور مرفرفا مغردا
..... يا لهوىىىىىىىىى الفازه الغاليه اللى حيلتنا اتكسرت

تضحك اوي

والله جوزها دمه خفيف ربنا يوفقه

ياريت تطولش علينا في الحلقه الجايه

من طرف **DeBo0o** الأربعاء أكتوبر 24, 2007 9:24 am

عونيا يا ست ميرا و يا رب دايما منورانا كدة

على فكرة انا نزلت الحلقه التانيه علشان ارد عليكى

و ان شا الله الحلقه الجايه هتبقى قريب جدا

انتظرونااااااااااااااا

من طرف **A.S.Shiko0o0o** الخميس أكتوبر 25, 2007 12:44 pm

مرسى ليك يا ديبو انا بفكر انزل لونى واطلعك مكانى والله بجد هههههههههه بس كنت عاوز اربط بين الموضوع وموضوع نونا الحب والرومانسيه ده الراجل ده متهنى يا رب ابعدنا عن الستات اللى بالشكل ده تبقى نصيبه لو كانت فى علوم وبتطلع ده على جوزها

من طرف **DeBo0o** الخميس أكتوبر 25, 2007 1:05 pm

مرسى ليك يا شيكولاته ... بس طبعا من الواضح ان الراجل ده يا عينى عليه بيته ما يعرفش اى حاجة عن الرومانسيه

و ربنا رزقه بواحده ما بتفهمش غير فى الطبيخ و النكد

بس الحمد لله انا سالت الراجل و قالى انها من تجارة مش من علوم lol!

و ربنا يستر علينا ... منور يا شيكو

من طرف **شذى** الخميس أكتوبر 25, 2007 10:06 pm

ايه الست دى يالهوى اعوز بالله بجد
دى عايزة الحرق
بس برضه مفتكرش ان الجواز حل مقنع وبعدين هو لو عايز يمشيهها زى ماهو عايز هيعرف الستات اساسا بكلمة يروحو وبكلمة يجيو وانت ادرى يا استاذ ديبوووووووووووووووووو
بس لو هو يعاملهها بحنية شوية واراهنك ع النتيجة هتبقى لصالحه

من طرف **DeBo0o** الجمعة أكتوبر 26, 2007 1:07 am

و هيا دى نافع معاها حاجة يا ختى ... اعوز بالله منها دى عايزلها فازة من اللى جايه من برة دى

بس على دماغها و تقعدلها بتاع تلات اربع ايام فى الانعاش و بعدين تتكل

كدة يجوز هو عافيه و علنى و عينى عينك .. و يريح دماغه من الفيلم الهندى دة

من طرف **DeBo0o** السبت أكتوبر 27, 2007 12:07 pm

(3)

يقف زوج سعيد جداً أمام مكتبه فى العمل , يلملم المتناثر منها هنا وهناك ..
وبحركات لا إرادية يرفع معصمه لينظر فى ساعته كل نصف دقيقة!
تمتم فى حنق : ياله من وقت ضيق... Mad

ورغم هذا وجد نفسه يتذكر الحوار الذي دار بينه وبين زوجته البارحة والذى كان السبب فى تعجله إلى هذه الدرجة....
........
بصوت حرص على أن يتناهى إلى مسامع زوجتة أخذ يدندن:
إن كنت ناسى ..تن تن تن.. أفكرك... Exclamation

إن كنت ناااااااااااسى..تن تن تن.. أفكرك ... Exclamation

إن كنت نا..... Exclamation

قاطعته زوجته فى عنف: يوه affraid

هى الأغنية دى مافيهاش غير الكلميتن دول ولا إيه..؟
_لا طبعاً فيها يا حرمنا المصون ...بس انا بغنى الحتة دى لحاجة فى نفس يعقوب... على الله تفتكرى
_ أفتكر ايه ياراجل ..على الله تقولى عايزين فلوس النور! Suspect

_ لا يا ماما فلوس النور دا إيه
فى عصبية : يوه يبقى بتوع الميه بقى جرى إيه ماوراناش غيرهم ولا إيه؟ Suspect

_ يا أمى لا بتوع ميه ولا نور ولا محشى حتى..دا...
قاطعته فى سرعة : ماتقوليش ..معقول معاد الجمعية جه؟؟! بدرى كدا داحنا لسـ... Suspect

_يووووووووووووه .... ياروحى جمعيات ايه بس فى نص الليل ؟ هى الحياة مافيهاش غير الحاجات دى !!!
_ ماتدخل دوغرى إنت كمان لازمتها إيه الألغاز ...... إيه دا أوعى تكون قصدك Embarassed

.... وصمتت قليلاً وهى تنظر للاشئ أمامها وكأنها تفكر بعمق...
_ ياااااه إفتكرتى أهو ... cheers

_ معقول إزاى أنسى أجيبلك البدلة من المغسلة انا مش عارفة كان دماغى فين ساعتها أنا ها...
مقاطعاً إياها وقد نفذ صبره وإستشاط غضباً : يييييييييييييييييييييييييييييه affraid

, إنت ياوليه مافيش فى دماغك أى حاجة تانية؟؟ مافيش أى تواريخ فى دماغك!! تواريخ...
النهاردة إيه ؟ بكره إيه... كمان كام شهر جاى هايكون إيه؟؟!!...
كان يتمنى أن تتذكر زوجته يوم ميلاده بدون أن يذكرها ولو لمرة واحدة....
لكن ليس كل ما يتمناه المرء يدركه ... يعلم أن الرياح تاتى دائماً بما لا يشتهى الأزوج ..
_ إهئ إهئ... أوعى تقول بكره ذكرى وفاة ال.... Crying or Very sad

قال وهو يصيح مثل ظرزان:عيد ميلاااااااااااااااااااااااااااااااااادى...
بكرة عيد ميلادى والله ..ياعالم ياهو بكرة عيد ميلادى... لاتقولى ولا تعيدى ولا ذكرة وفاة فلانولا ترتان ولا وصولات ميه ونور وغسل وطبيخ ...حرام مافيش سنه ألاقيكى تفتكرى لوحدك أبداً يا شيخة من غير ماتعملى الفيلم الهندى دا...!!!
_ يااااااااااااه عيد ميلادك ... صحيح ياولاد ..انا آسفة , ماعرفش ليه مابفتكروش إنت كمان مولود فى يوم غريب جداً يا أخى...! scratch

_ فى يأس نتيجة الحوار السابق: ذنبى يعنى! ..
_ كل سنة وإنت طيب يا جوزى يااللى مش مخلى فى نفسى حاجة... هاتجيبلى بقى ايه ياحياتى ؟ Very Happy

_ أجيبلك وف يوم ميلادى دا بدل مانتى اللى تظبطى اليوم كدا جاتوه وتورتة وحاجات حلوة

_ لا لا ياروحى إحنا لازم نبقى مختلفين عن الناس وتجيبلى إنت الهدية علشان يعرفوا قد إيه إنت رومانسى وراجل شيك..
__ آه رومانسى وشيك مانتى مش أول مرة تعمليها... وقعتينى فيها مرة وفى عيد ميلادك انا برضه اللى إتدبست فى هدية محترمة بمبلغ وقدره....يعنى زى المنشار نازلة هدايا وطالعة هدايا دا غير المواسم اللى مابتعتقيش فيها ..أول مرة أشوف واحدة تزن على دماغ جوزها فى عاشورة ...ياساتر...
زمجرت زوجة زوج سعيد جدا معلنه نهاية النقاش...
_ هاتجيب هدية يعنى هاتجيب هدية...
ولعلمه بالعواقب الوخيمة المترتبة على تجاهل طلبها, فها هو يلملم أوراقه وينظر كل نصف دقيقة
خوافاً من أن تغلق المحلات أبوابها قبل أن يشترى هدية لحرمه المصون... فى عيد ميلاه..
jocolor

من طرف **NonaAa** السبت أكتوبر 27, 2007 4:49 pm

ههههههههههههههههههههه
كويس انى لحقت اول رد عشان اقول للزوج السعيد
...............كل سنه وهو طيب ........................
وياترى هيجيب لينا احنا اية فى عيد ميلاده هههههههههههههههههههههههه
الراجل ده بجد صعبان عليا اوى
شكله كده هيجنن على ايدها .........
بس انا كان ليا راى كان ممكن مايقولش خالص على عيد ميلاده ويستنى لحد مايعدى
ولما يلاقيها نسيت فعلا يعاتبها ويزعل منها وكدة يبقى وفر على نفسه الهدية اللى هيجبهالها

من طرف **ESSS** السبت أكتوبر 27, 2007 8:37 pm

أنا رأيي من رأي نونا لأنه كدة فتح على نفسه فتحة وأدبس تدبيسة تمام والمصيبة أنه عارف اللي هيحصل
المهم : كل سنة وهو طيب وعقبال 10 سنين كفاية عليه كدة اصل الموت ارحم من اللي بيشوفه على ايد مراته
بس بجد يوميات ولذيذة وfunny اوي
بس مش كل الستات كدة طبعا

من طرف **Just Zizo0o0o** السبت أكتوبر 27, 2007 10:50 pm

جميييييييييييييييييييييييل اوي يا ديبو الموضوع ده هيتثبت

من طرف **A.S.Shiko0o0o** السبت أكتوبر 27, 2007 11:33 pm

هههههههههه اهو بقى يا جامعه الاخ ده هيجى يوم عيد جوازه ال25 ويضرب نفسم امه بالجزه هيقول لو كنت دخلت السجن مؤبد كان زمانى خرجت انما انا دلوقتى لا طايل حريه ولا سجن ههههههههههه

من طرف **MeRaMoRe** السبت أكتوبر 27, 2007 11:41 pm

هههههههههههههههههههههههههههههههههههههههههههههههه

ديبو يخرب عقلك انا عاجباني اوي الحكايه دي فيها تعليقات تجنننننننننن

بصوت حرص على أن يتناهى إلى مسامع زوجتة أخذ يدندن:
إن كنت ناسى ..تن تن تن.. أفكرك...
إن كنت ناااااااااااسى..تن تن تن.. أفكرك ...
إن كنت نا.....
قاطعته زوجته فى عنف: يوه هى الأغنية دى مافيهاش غير الكلميتن دول ولا إيه..؟

متخيله شكله

يااااااااااااه عيد ميلادك ... صحيح ياولاد ..انا آسفة , ماعرفش ليه مابفتكروش إنت كمان مولود فى يوم غريب جداً يا أخى...!

يوم غريب ازاي يعني ؟؟ هههههههههههههههه

صعبان عليه الراجل ده

مستنيين باقي الحلقات

من طرف **DeBo0o** الأحد أكتوبر 28, 2007 8:06 pm

شكرا بجد على كل الردود الجميله اللى جت

و شكر خاص لزيزو لثبيته للموضوع ... و انا بجد مبسوط ان الموضوع نال اعجاب الجميع

متشكر بجد يا جماعه

من طرف **snow white** الإثنين أكتوبر 29, 2007 1:59 am

والله بجد الراااااااااجل ده صعبان عليا مووووووووووووووووت
مش عارفه هو مستحملها ازاي اصلا ولا ليه
ده حقه يتجوز عليهااااا 755 مره
مش مره واحده
دي مش ممكن تكون عاقله

من طرف **DeBo0o** الإثنين أكتوبر 29, 2007 5:38 pm

و الله يا سنو انا اتخنقتله سلف .. بس يا ترى هو لو اتجوز هيستريح و لا الاحلام الوردى دى هتبقى كوابيس

على العموم انتظرونا فى الحلقه القادمة مع ...

يوميات زوج سعيد جداااااااااااااااااااا

من طرف **MeRaMoRe** الأربعاء أكتوبر 31, 2007 3:59 am

ايه ياديبو هو المسلسل خلص ولا ايه؟؟

فين باقي الحلقات

من طرف **DeBo0o** الخميس نوفمبر 01, 2007 12:21 am

( 4 )
فى الصباح التالى لموقعة ذات الستائر الخالدة ، تحاملت على نفسى رغم الألام المبرحة وتوجهت إلى عملى
وصلت مبكرا عن المعتاد ولبثت انتظر زميلى صلاح والذى ساق الى فرصة لقاء شهرزادى الرائعة
وصل صلاح فاستقبلته مهللا مقسما عليه ان يكون إفطاره على حسابى ، تقبل الدعوة شاكرا واسرعت انا بفتح الموضوع
.... ها يا ابو صلاح قل لى بالتفصيل إيه موضوع العروسة اللى عاوزه تتجوز مسيار
.... إيه ؟ الفكرة عجبتك ؟
.... والله نشوف بس هى إيه ظروفها
.... اللى أعرفه من الوالدة إنها دكتورة عيون ، ومطلقة من سبع سنين وما بتخلفش ، وهى مرتاحة ماديا ومن عيله كويسه
.... ما شاء الله طيب وإيه اللى خلاها تفكر فى الجواز بعد الفترة دى من ساعة ما أطلقت
.... هى بتقول إنها مش محتاجة لفلوس ولا بيت لان كل ده عندها هى بس نفسها فى ونيس
قلت وأنا افرك يدى حماسا و جزلا والعب حاجباى
.... لا.. إطمن إن كان على ونيس فهى حتشوف ونيس عمرها ما حلمت بيه
.... بس خذ بالك هى عايزه راجل محترم وما يبهدلهاش يعنى عايزه حياة هادئة
.... يا سيدى إحنا أساس الاحترام ، على البركه إن شاء الله ، بس أتقدم إزاى
.... سيبنى أكلم الوالدة وأحدد لك ميعاد
.... تسلم يا أبو صلاح بس أمانة ما تتأخر على
.... ولا يهمك ، و أنا أقدر أتأخر
فى البيت شنت حرمى المصون هجماتها اليومية المعتادة وكانت تصرخ باعلى صوتها ولكنى لم اكن اسمع سوى موسيقى سيمفونية شهرزاد و أنا أمنى النفس باللقاء
سمعتها تصرخ مجلجلة
.... إتفضل يا سيدى العشا جاهز يلا كلوا خلصونى
نظرت إليها بعيون حالمة وقلت
.... لا مش حاكل أصلى شبعان
.... شبعان !! من إمتى إن شاء الله دا انت عمرك ما تنسى بطنك
.... أصلى كلت فى الشغل
.... كلت فى الشغل !! آآآآآه ما احنا أصلنا بنلاقى الفلوس و .........
إستمرت تهدر كقاطرة تكتسح كل ما أمامها لكننى لم اسمع حرفا مما تقول
فى اليوم التالى بشرنى وجه السعد صلاح بأن والدته قد رتبت اللقاء فى بيتهم غدا حيث أن العروس تقيم معها أمها فقط وليكون لقاء تعارف فقط فإذا تم القبول أتممنا الخطوات بالتقدم رسميا
كدت أطير فرحا لدرجة إننى أحتضنت صلاح على كرهى الشديد لرائحته
أستأذنت من رئيسى مدعيا وجود ظروف طارئة و أتصلت بقاطرتى و أبلغتها أننى سأتأخر لان لدى عملا خارج المكتب
إستقليت السيارة و قد وضعت خطتى لاجهز نفسى .... فغدا لا بد أن أكون أجمل شهريار
( يتبع )

من طرف **NonaAa** الخميس نوفمبر 01, 2007 1:21 am

بجد ياديبو انت بتشوقنا وكمان قفلتها بدرى اوى
ويلا بقى ربنا يوفقه
ويحصل القبول مع ان الزوجة هتصعب عليا بس هى اللى غلطانة
ماتتاخرش ياديبو فى الباقى بجد هموت واعرف اية اللى هيحصل

من طرف **MeRaMoRe** الجمعة نوفمبر 02, 2007 2:25 am

مممممممممم

وبعدين معاك بقى ياديبو؟؟

من طرف **eman** الجمعة نوفمبر 02, 2007 3:03 pm

يا جماعه ده مسلسل عربى يعنى اما انه يكون شيق وطويل او ممل وقصير او طويل برضه هههههههههههه بس بجد يا ديبو المسلسل ده لطيف جدا وجميل بجد بجد بس لو ممكن سؤال هيا كانت تجاره ايه و تخصصها ايه لان ده يفرق هههههههههههههه لا بجد تلم عالموضوع الحلو وميرسى يا زيزو عالتثبيت Very Happy

من طرف **eman** الجمعة نوفمبر 02, 2007 3:05 pm

سورى يا ديبو انا قصدى والله تسلم عالموضوع بس تقريبا الكلام مش راضى يطلع من الصعقه ههههههههههههههههههههه يارب ابعدنا عن الازاوج والزوجات اللى من النوع ده Embarassed

من طرف **DeBo0o** الأربعاء نوفمبر 07, 2007 1:27 am

(5)

توجهت إلى صالون تجميل رجالي معروف ، كنت دائما اسخر من أن يتردد رجل على صالون تجميل ، ولكن لا بأس أنا كالجميع أنتقد في العلن ما يمكن أن أفعله في السر
دخلت إلى المكان متحرجا فأستقبلنى شاب يرتدى قميصا أحمر يلتصق بجسده وقد عقص أسفل شعره بصورة منفرة
تحاملت على نفسي ... فكل شئ يهون من أجلك يا شهر
..... آهلين أستاذ أؤمر
..... والله كنت عايز أعرف إيه الحاجات اللي عندكم
.... كل شئ أستاذ قصات جديدة ، صبغات ،بيرمنانت ، ، حمام مغربى ،تنظيف بشرة ، مانيكير وباديكير ،تدليك ، إزالة شعر بالليزر
.... لا ... لا .. مش للدرجة دى أنا عايز قص شعر وتنظيف بشرة وحمام مغربى
.... حاضر أستاذ
قضيت ساعتين لتنظيف البشرة وقص الشعر وعمل حمام زيت وخففت شاربى ونزعت ثلاث شعرات بيضاء تظهر كلها في الجانب الأيسر منه فقط لأبدو وكاننى فرغت لتوى من شرب كوب من اللبن
دخلت الى الحمام المغربى وخرجت منه وانا أحس اننى مخلوق جديد
مررت بمحل ملابس فخم ودفعت مبلغا مهولا لشراء بدلة فيرساتشى وقميص وربطة عنق لانفان وأزرار قميص كريستيان ديور
عرجت على محل أحذية خرجت منه حاملا حذاء كلاركس انجليزى فخم
وصلت الى منزلى الرافل في آي السعادة والهناء ودخلت مخففا الخطى على انجو من المهالك ولكن سرعان ما انطلق المدفع الرشاش
.... اهلا ...اهلا .... حمدا لله على السلامه ما بدرى
.... الله يسلمك
.... انت فين طول اليوم عماله اكلمك على الموبايل
.... اصلى حطيته على الصامت من ساعة الصلاه ونسيت ارجعه ( كذبة صغيرة )
... وكنت فين ده كله
.... ما انا قلت لك حتأخر
.... تتأخر 7 ساعات ؟ الساعه دلوقتى 11 ، وإيه اللى انت عامله في شعرك ده
... إيه حلقت شعرى
... اول مره تحلق بالشكل ده ، عاملى قصة زى ما تكون شاب صغير
.... وهو انا عندى 90 سنه ما انا شاب صغير
.... صغييييير .... طب النغه يا ختى النغه
... النغه !!!! بقولك إيه انا جاى تعبان وعلى اخرى
.... وده إيه اللى في إيدك ده ؟ ورينى ( وهجمت على ما أحمله هجمة مظفرة )
أتسعت عيناها وهتفت
....إيه كل الحاجات دى
.... أصل بكره حقابل مستر لارى اليسون جاى من امريكا وده صاحب شركة كبيرة وبيدور على وكيل له هنا واحنا عايزين ناخذ الوكالة ( مجموعة أكاذيب )
.... طيب وده لازم تلبسله جديد في جديد حتى الشرابات
.... لازم اكون في احسن مظهر
.... طيب ما انت عندك بدله جديده بقالها شهر بس
.... لا ...... متنفعش الوانها متنفعش
.... ليه إن شاء الله
قلت وقد قررت ان انفس عن نفسى و أستفزها
......طيب خلاص شارى بدله اتجوز بيها
..... هئ هئ هئ هئ هييييييييييييييييييييييييييييييييييييييييييييييييي ييييييييئ
... بتضحكى عليه إن شاء الله
.... تتجااااااوز هئ هئ ... تتجوز بايه يا حسره روح يا خويا إتجوز واللى أخذته القرعة تاخذه ام الشعور
( ويحك يا أمرأة قطع الله سم لسانك تالله ما نطق لسانك صدقا سوى أنك قرعه ، ولولا إنى أخاف على تسريحتى لأنلتك ما تستحقين )
صبرا فغدا تنالين الجزاء

( يتبع ) .

الجزء بمناسبه عودتى لمنتداى الجميل

من طرف **snow white** الأربعاء نوفمبر 07, 2007 2:08 am

ههههههههههههههههههه

( ويحك يا أمرأة قطع الله سم لسانك تالله ما نطق لسانك صدقا سوى أنك قرعه ، ولولا إنى أخاف على تسريحتى لأنلتك ما تستحقين )

عجبتني اووووووووووووووووووووووي

حلو مووووت يا ديبوووووووووووو

من طرف **MeRaMoRe** الخميس نوفمبر 08, 2007 12:34 am

[center]هههههههههههههههههههههههههههههههههه

حمد الله عالسلامه [/center]

من طرف **DeBo0o** الخميس نوفمبر 08, 2007 1:08 am

ههههههههههههههههههه

( ويحك يا أمرأة قطع الله سم لسانك تالله ما نطق لسانك صدقا سوى أنك قرعه ، ولولا إنى أخاف على تسريحتى لأنلتك ما تستحقين )

عجبتني اووووووووووووووووووووووي

حلو مووووت يا ديبوووووووووووو

دى وليه عايزة قطع لسانها فعلا يا شيخه

اللهى تنفضح فضيحه البطاطس فى طاسه القليه

قولو اميييييييييييييييييييييييييييييييييي
cheers

من طرف romio الجمعة نوفمبر 16, 2007 12:55 am

كمل يا عم متزلناش في كل موضوع كده
بس بجد جامد يا ديبو

RoMiOoOoOoO

من طرف **DeBo0o** الجمعة نوفمبر 16, 2007 1:59 am

(6)

اليوم يومك يا شهريار
من الذي قال إن للرجال فترتي مراهقة واحدة عند بلوغه مرحلة الشباب المبكر وأخرى في الخمسين وما حولها ؟
من قال هذا كذاب اشر ...... نعم فأنا اشهد أن الرجل ليكون مراهقا في العشرين والثلاثين والأربعين .... فما الرجل الا مراهق دائم أبدى
كنت أحدث نفسي بكل هذا منذ الساعات الأولى لصباح ذلك اليوم السعيد الذى سأحظى فيه بمقابلة حبى الجديد ، فقلبى يخفق بشده وأحس بنفس الإحساس الذي خامرني يوم أشارت لى ابنه الجيران من النافذة بموافقتها على مقابلتي فوق السطح أثناء إذاعة فوازير رمضان حتى نأمن أعين العوازل
نعم أشعر بأننى هائم في عالم ملون سعيد يعد بسعادة دائمة لا ينغصها منغص
لا أذكر كيف مرت الساعات في ذلك اليوم ولا اذكر كم أنفقت من الوقت أمام المرأة أتأكد من أناقتى وتناسق ملابسى ، وكم انفقت من الوقت اتخيل شهرزاد وهى تنظر الى الارض بخفر ووجنات متورده عند اللقاء
حانت اللحظة المنتظرة فأنا أقف أمام الباب أحمل علبة الشيكولاته الأنيقة التى حرصت على ابتياعها من أشهر وأغلى محلات البلد
تنفست بعمق وسميت الله وطرقت الباب لتفتحه إمرأة طويلة القامة في سن متقدمة توقعت أن تكون حماتى المستقبلية
عرفت بنفسى فقادتنى الى الصالون لأجد هناك أم صديقي صلاح ترحب بي متهللة
جلست تحت نظرات حماتى المتفحصة واخذنا نتبادل حديث تعارف وسؤال عن الأحوال أدارته أم صلاح بحنكة وخبرة
مضت دقائق و أنا بأنتظار أن تدخل شهرزاد حاملة صينية الشراب تتعثر من الحياء
لم يحدث هذا أبدا
دخلت شهرزاد بخطوة واثقة وتوجهت الى مباشرة ومدت يدها مصافحة فصافحتها مرتبكا متفاجئا
جلست أمامى مباشرة واضعة ساقا على ساق وعينيها تتفحصانى بلا مواربة
هى ذات جسد ممتلئ قليلا ولكنه امتلاء مقبول أحبه فى النساء
من الواضح انها استعدت للقاء أيضا فقد تركت طرحتها تنزلق إلى منتصف شعرها مظهرة شعرا ناعما يميل الى الحمرة وقد أعتنت برسم عينيها بطريقة جذابة و تضع مكياجا خفيفا يشى مع ملابسها بذوق رفيع
كنت أبحث عن بداية لطرف الحديث عندما فا جئتنى بسؤال صادم
.... حضرتك متجوز مش كده ؟
اسقط في يدى من توقيت السؤال فأجبت متلعثما
... أيوه بس لى ظروف خاصة
... إيه هى زوجتك مريضه ولا ست واحده مش بتكفيك
يا للداهية إنها جريئة جدا وهذا ما لم اتوقعه
.... لا مش كده بس يعنى هى مهملة في بيتها ولا تهتم بى إطلاقا و ...
.... عموما دى حريتك لكن لازم تعرف إنى دكتورة ولى مركزى الاجتماعى ولا يمكن اتجوز في الخفاء
.... يعنى إيه
.... يعنى من حقى ان الناس تعرف انى متجوزه مش معقول تدخل وتخرج من غير الناس ما تعرفك
.... أكيد طبعا
.... طيب لى كام سؤال إنت عارف إن ده زواج ومهم فيه الصراحة والوضوح
قلت وقد بدات أتخذ موقفا متحفزا
... أكيد تفضلى
.... هل تعانى من اى أمراض مزمنه
قلت بانفعال
... لا انا صحتى كويسه
... هل تدخن
... لا الحمد لله
.... هل تلعب رياضه
... يعنى ... بلعب كوره مره في الأسبوع
.... طيب ليك هوايات
.... ايوه طبعا بحب القراءة والافلام الاجنبيه
... كويس دى حاجه مشتركه بيننا بس لازم تعرف انى ست لها شخصية مستقلة
... بمعنى ؟
... يعنى ممكن أسافر بره في الأجازة مثلا ولن انتظر موافقتك فانا لست صغيرة
... لا مشكلة
دخلت خادمة تحمل صينية عليها اكواب العصير الذى تناولته لأخفف من جفاف حلقى ، وانا مرتبك امام نظرات شهرزاد الجريئة التى مالبثت أن قالت
... طيب أكيد عايز تسالنى عن حاجات معينة
( آآآه فعلا لا بد أن أسألها ....... عن شئ ما )

( يتبع )

من طرف **MeRaMoRe** الخميس نوفمبر 22, 2007 3:06 am

اوبس

وقع ولا حد سمى عليه

يانهار مش فايت ايه ده؟؟

انا حاسه ان الراجل ده جاتله صدمه سببت له خلل في حاجات كتير

ياترى ايه الأسئله اللي هيسألها ياترى؟؟

من طرف **silent** الخميس نوفمبر 29, 2007 12:46 am

أنا جيت متأخر أوي أنا عارفه
بس بجد القصة دي جميلة ومشوقة فعلا تسلم ايدك
وصعبان عليه أوي الراجل ده بجد الله يعينه, ربنا معاه
ياترى بقى ايه الأسئله اللي هيسألها؟؟

من طرف **DeBo0o** الثلاثاء ديسمبر 18, 2007 4:21 am

(7)

ولكن عن ماذا يريد أن يسأل رجل فى مثل موقفى ؟

الكثير من الرجال يرواغ فى الأجابة ولا يعطى جوابا يعبر عما يجيش بصدره

سيقول معظمهم ( أريد امرأة عاقلة متزنة تراعى شئونى ولا تنشغل عنى بمشاكل البيت و الأولاد وتشاركنى إهتماماتى الثقافية والعلمية )
هذا الرجل- وليعذرنى الرجال و أنا منهم – يكذب طبعا ، فالرجل فى الحقيقة لا يفكر فى الزواج بثانية إلا وخياله سارح فى تلك التفاصيل التى تجول فى خواطر المراهقين والتى يتمنى أن يعيشها مع عروسه الجديده .
نعم ... الرجل يبحث عن المتعه ولكن لا أحد يصرح بذلك طبعا ، الرجل أيضا يريد أن يثبت أنه فحل صنديد و أنه فحولته فقط بحاجة الى فرصة جديده لتعلن عن نفسها وليصبح ( فارس نص الليل) .
ولأن هذا كان بالضبط ما دار فى خلدى فقد أسقط فى يدى ولم أعرف عن ماذا أسأل
قاطع أفكارى صوتها وهى تضغط الحروف بسخرية واضحة

... إيه معندكش أسئله ؟
...آآآآآآآآ الحقيقة مفيش حاجه معينه حاليا
... طيب براحتك ولو عايز تسأل فى أى وقت حديك الموبايل تكلمنى على طول
... خلاص إتفقنا
تبادلنا أرقام الموبايلات و أنا أستشعر سعادة مشوبة بحذر
قمت مستاذنا و أنا أدقق النظر من طرف خفى فى بعض التفاصيل التى تهمنى كمراهق جديد
عدت إلى منزلى و أنا سارح تماما فى تصور الأيام الجميلة القادمة ، وتهربت من الجلوس مع أحد فى البيت مدعيا أننى أعانى صداعا ولابد أن أنام
فى اليوم التالى كنت منتظرا قدوم صلاح و أنا أتحرق شوقا لمعرفة أية اخبار
دخل صلاح فقمت اشد على يده محيييا
..... هاه .. إيه الأخبار والدتك معرفتش حاجه عن رأى العروسه
..... أيوه يا سيدى عرفت ... العروسة بتقول أنك رجل محترم وكمان بتقول انك شيك وباين عليك نزيه
قلت وقلبى يرقص طربا
.... يبشرك بالخير يا أبو صلاح
قال وقد تغيرت نبرته قليلا بما يشى بتردد فى الكلام
.... بس هى ليها ملاحظه كده
.... خير
.... يعنى ... الحقيقه هى حاجه بسيطه
.... خش فى الموضوع فى إيه
..... بتقول إنك تخين من تحت شويه ولا مؤاخذه
...... نعم ؟
.... متزعلش دى مجرد ملاحظه بسيطه
..... وإيه كمان
..... والله أنا محرج أتكلم
..... يا أخى خلصنى واتكلم
..... هى لاحظت أنك وانت بتشرب العصير إن إيديك بتترعش شويه
..... يعنى إيه ؟
..... ما أنت عارف الدكاتره بأه ... بتقول إن ده ممكن يكون ... يكون .... سببه ضعف فى الأعصاب فياريت تروح المستشفى اللى بتشتغل فيها علشان تكشف
صحت بحنق
..... نعم يا خويا !!!
..... والله ماما قالتلها يا بنتى متخافيش الحاجات دى ليها علاجات دلوقتى بيعلنوا عنها فى التلفزيون ممكن يأخذ منها
فقدت التحكم فى أعصابى تماما فقفزت من مكانى صائحا
.... إنت بتقول إيه ؟ أعصاب إيه وعلاجات إيه ؟ دى ست بجحه وقليلة الأدب
..... طيب بتزعق ليه
زاد هياجى وعلا صوتى أكثر وقفزت لأمسك بتلابيبه و أنا اصرخ
..... إسمع ياض ، أنا عارف إن ده مقلب عملته إنت و أمك علشان بتكرهونى من ساعة الترقيه اللى أخذتها منك .... والله لأكون مربيك
تقاطر الزملاء للفصل بيننا وهنا أدركت أننى قد فُضحت تماما فلاشك ان صلاح سيحكى لهم كل التفاصيل المقيته عن الموضوع ولاشك أننى سأصبح مضغة فى أفواههم ولا أستبعد أن يصبح إسمى الحركى بينهم ( ابو عصب ) أو ( المرخى )
غادرت عملى محطما مهزوما وقد إنهارت أحلامى السعيده وصحوت على واقعى المؤلم مرة أخرى

(يتبع)

من طرف **silent** الثلاثاء ديسمبر 18, 2007 2:28 pm

يا مسكين

كتير بجد اللي بيحصله ده
بس ياريت بقى فرصه وهو متنرفز كده يروح يطلعه على أم العيال
مرة من نفسه

من طرف medo_wahb528 الثلاثاء ديسمبر 18, 2007 2:42 pm

هاى يا جماعه
بجد كلنا لازم نحيى الكاتب الكبير
debooooo
وبجد موضوعه جامد مووووووووووووووت
ومستنى منك تكمله للموضوع ده
ومستنى منك مواضيع تانيه
علشان بجد انت بتفهم

من طرف **NonaAa** الثلاثاء ديسمبر 18, 2007 7:36 pm

حرام بجد كل اللى بيحصله ده
الله يكون فى عونه
يعنى ياربى هيلاقيها منين ولا منين
من مراته ولا من ابوصلاح واللى هيحصله
بجد تسلم ايدك يااحلى ديبو
ومستنين نشوف اللى هيحصل
بس ماتتاخرش علينا

من طرف **MeRaMoRe** الخميس ديسمبر 20, 2007 3:43 am

شكل احلامه هتنهااااااااااااااار

والله صعبان عليه

جميل ياديبو

بليييييييييييييز ماتتأخرش علينا

من طرف **DeBo0o** السبت ديسمبر 22, 2007 7:22 pm

(

عدت إلى المنزل و أنا أحمل أثقال العالم فوق كتفى ، كيف ينهار الحلم فى لحظات وماذا سأفعل الآن ؟
هل أغلق الموضوع ؟ وأكتفى بما حدث لى ؟
هذا الأختيار صعب جدا فتراجعى الآن معناه أن هناك ما أخاف منه وستكون فضيحتى أمام الزملاء – بفضل ذلك الصديق اللعين – فضيحة مدوية وسيفسر التراجع على أنه إقرار بعدم قدرتى على زواج جديد
هل استمر ؟ ولكن هذا رضوخ واضح لأمرأة ستصبح زوجتى ؟ كيف ستتعامل معى بعد ذلك ؟ وكيف يصبح موقفى عندما تبتسم وتغمز بعينها لصويحباتها وهى تريهم نتيجة الأختبارات مثلا
يا للورطه ويالها من داهيه
فتحت دولابى فرايت بدلتى الجديدة وربطة عنقى الفاحشتى الغلاء والتفت فرايت قصة شعرى الحديثة فى المرآة وأخذت أقلب كفى على ما أنفقت فيها
لم أنم ليلتى و الافكار تتقاذفنى يمنة ويسرة والخيالات السوداء تتراقص أمامى عن مستقبل حياتى
فى الصباح كنت قد حزمت أمرى وقررت الأتصال بمعذبتى الشهرزاديه ، على أجد مخرجا من ورطتى
جاءنى صوتها الرخيم
...... الووووووو
...... السلام عليكم
...... وعليكم السلام
....... أيوه ياكتوره إزيك
....... الحمد لله وانت ازيك كويس النهارده
أحسست فى نبرتها رنة ساخرة فتوترت أعصابى وقلت
...... كويس النهارده وكل يوم أنا زى الفل
...... طيب الحمد لله
...... بس أنا زعلان شويه
...... ليه
...... يعنى كان يصح برضه الكلام اللى قولتيه عنى لأم صلاح ، ده كلام، برضه ، بعدين أنا أعصابى زى الحديد
...... هههههه
....... بتضحكى على ايه حضرتك
....... طيب وانت متضايق ليه ، دى فحصوات للأطمئنان بس ، ليه الرجال بيأخذوا الأمور دى بحساسية وبيعتبروها إهانه لكرامتهم
...... ايوه بس أنا عارف نفسى ، بعدين يعنى مش معقول يكون معيار الزواج مجرد فحص اللى يعديه يتجوز
...... يا سلام عليكم يا رجاله ، عايزين ست حلوه وفيها كل المواصفات اللى انتو عايزينها ولو فيها حاجه مش على مزاجكم ترموها وتدوروا على غيرها ، لكن أما الست تبص ليكم وتعاملكم بالمثل تقولوا عليها ست مش مؤدبه ، وتطلبوا منها تقبلكم بكل النواقص اللى فيكم
...... نواقص !!!!!
...... أيوه وانا مش حتراجع عن طلبى و أظن من حقى أنى أتأكد من الحاجه اللى حتسعدنى وعن إذنك علشان أنا عندى شغل
وأغلقت الخط
( الحاجه اللى حتسعدها ) !!!!!!!
من اين سقطت على هذه المرأة ، آآآآآآآآآآآآآآآآآآآآآآآآآآآآآآآآه ما أجملك يا زوجتى الغالية ، ما أكملك و أعقلك ، ما أعظم حيائك وحنانك
عدت إلى منزلى مبكرا فلم تكن بى رغبة فى العمل و أحسست أننى أريد أن أكون قريبا من زوجتى
دخلت المنزل وانا اتنحنح والقى السلام
خرجت من المطبخ مسرعة و اقبلت فى ثوبها الزيتى اللون ذو الأحد عشر ربيعا - فهو من هدايا والدتها فى بداية الزواج – ووجها ينطق بالقلق
...... خير حصل إيه ، جاى بدرى ليه
قلت وعيناى تفبضان وجدا وشوقا وهياما
..... أبدا يا حبيبتى ، بس حسيت أنى نفسى أكون معاكى
..... ياه من إمته يعنى
..... ما تسيبى اللى فى إيدك وتيجى نقعد مع بعض وفرصه الأولاد فى المدرسه
..... نقعد مع بعض !!! طيب ومين اللى حيخلى الفراخ اللى ولادك حيكلوها على الغدا
أقتربت لأربت على كتفيها ولكنها قالت
..... حاسب أيديه زفره من الفراخ ، بعدين انا مش قلتلك ما تدخلش بالجزمه وتمشى على السجاد

( آآآآآآآآآآآآآآآه يا زوجتى الغاليه ما أروع رومانسيتك )

(يتبع )

من طرف **silent** الأحد ديسمبر 23, 2007 3:08 am

يااااااااااااااااه
ماتوقعتش ده يحصل خااالص على فكره
بس ياريت بس مراته دي ماتخلهوش يغير رأيه ويفضل شايفها كويسه
أنا عايزه أسأل سؤال من أول القصه دي
هو بطل المسلسل اللي هو الراجل الغلبان اللي متبهدل من اول ما القصه بدأت ده إسمه إيه؟؟؟؟

من طرف **DeBo0o** الأحد ديسمبر 23, 2007 5:56 pm

اسمه زوج سعيد جدا جدا جدا زى ما احنا شايفين