رد: تحت المجهر

من طرف **شذى** الجمعة نوفمبر 16, 2007 4:54 pm

طبعا انا عارفة ان اس مش بتحب تبكى قدام حد

طيب امتى مقدرتيش تمسكى نفسك ودموعك نزلت على خدك غصب عنك ؟
وهل كانت من حد او لحد معين ؟ولووو كده هو مين؟
وايه الحاجة اللى دموعك ممكن تنزل علشانهها؟؟؟؟؟؟؟

من طرف **ESSS** السبت نوفمبر 17, 2007 3:30 am

ايه ده كله يا جماعة براحة
واحدة واحدة كدة

الأول هرد على الأسئلة بتاعة ميروووووووو

1

) ايه اصعب موقف اتحطيتي فيه؟

هو أنا مش فاكرة حاجة معنة بصراحة
بس ممكن نقول ان الواحد اكيد اتحط في مواقف محرجة كتير
بس مش فاكرة حاجة بعينها يعني والله

2) ايه هي النقطه السوده اللي في حياتك؟

بصراحة اني عرفت ناس وندمت على معرفتهم مكنوش يستاهل ان الواحد يبصلهم حتى
ومحدش يسألني مين لأن ده كان من زمان ناس متعرفوهومش يعني

3) ايه الحاجه اللي نفسك تملكيها؟ مش شرط تكون حاجه كبيره اوي اي حاجه

انا نفسي املك نفس صالحة ترضي الله ثم الوالدين ثم البشر

من طرف **silent** السبت نوفمبر 17, 2007 3:49 am

هاااي إث
أنا بس هسألك سؤال بسيييييييط خالص بس عايزه إجابة صريحه بجد

إيه أول إنطباع خدتيه عني أول ماشوفتيني؟؟بصرااحه

من طرف **ESSS** السبت نوفمبر 17, 2007 4:00 am

اما انت بقى يا توتتي باشا

امتى اول مرة حبيتي بجد؟؟؟؟؟؟؟؟؟ ( اختياري)

أنا سوري يعني مش هرد على السؤال ده
عشان بس انت قولت انه اختياري
فأنا بختار بقى عشان مش هعرف اختار تاني
هههههههههههههههه

مين اكتر حد ممكن تثقي فيه وتحكيله مشاكلك؟

اكتر حد هي ماما وبعدين أختي
مش هلاقي حد زيهم أثق فيه بالدرجة الكافية لأننا حاجة واحدة
بس برضه ممكن احكي لصحابي على حاجات بسيطة
بس دول أكتر ناس مقدرش أخبي عليهم أي حاجة

ايه اكتر حاجة بتضايقك؟

اعتقد اني جاوبت على السؤال ده قبل كدة

ايه هي اسعد لحظة في حياتك؟

لحظة ما بنفذ حاجة كان نفسي فيها مثلا
أو لما يكون حد من المقربين ليا مبسوط اوي

اسوا لحظة في حياتك؟؟؟؟؟؟؟؟؟؟

لما ابقى متضايقة ومخنوقة اوي ومش قادرة اعرف ليه بالظبط

من طرف **ESSS** السبت نوفمبر 17, 2007 4:22 am

اهلا يا منى
انت عندك حق فعلا
أنا مش سهل ابدا اني انزل دموعي ادام اي حد

طيب امتى مقدرتيش تمسكى نفسك ودموعك نزلت على خدك غصب عنك ؟

في كام مرة كدة بس مش كتير ههههههههههه
أنا مقدرتش امسك دموعي خالص
بس ده غالبا بيبقى بسبب ان في اكتر من حاجة خنقاني
بمعنى اصح تراكم مشاكل يعني

وهل كانت من حد او لحد معين ؟ولووو كده هو مين؟

كانت لحد بصراحة وهي ماما
بس موضوع من حد ده صعب شوية

وايه الحاجة اللى دموعك ممكن تنزل علشانهها؟؟؟؟؟؟؟

ممكن دموعي تنزل لما أكون مش راضية عن نفسي
يعني زعلت حد مني أو قصرت في حاجة واجبة عليا او كدة يعني

من طرف **ESSS** السبت نوفمبر 17, 2007 4:34 am

هههههههههههههههه
اهلا بيكي يا silent
ده اسهل سؤال اتسألي لغاية دلوقتي

إيه أول إنطباع خدتيه عني أول ماشوفتيني؟؟

بصراحة بصراحة

أنا

حسيت انك

انسانة هادية أوي وطيبة
وده من الانطباع الأول وبالذات انك اخت .............
هههههههههههههههههههههه

ومازال طبعا نفس الأنطباع دلوقتي
بالاضافة الى انك لذيذة أوي وحبوبة مووووووووووووووت

من طرف william walas السبت نوفمبر 17, 2007 10:05 pm

hwa ento nasyeny f el montada da wlla eah ana ay n3m msh b ad5ol kteer bs bardo e7na 7elwen bardo wlla eah?

من طرف **snow white** الخميس نوفمبر 22, 2007 8:05 pm

ا

نا مش عايزه اسأل
بس دخله اشمت.....احم احم
قصدي اتفرج علي اس رووووووووح قلبي
يلا ياشباب اسألوها زي ما انتوا عايزين
اس ادها ونص
ولا ايه يا اس؟؟؟؟؟؟؟؟؟؟؟؟؟؟؟؟
هههههههههههههههههههههههههههههه

من طرف **ESSS** الجمعة نوفمبر 23, 2007 10:03 pm

ماشي يا سنو ميرسي ليكي

أنا بإذن الله أدها

بس أدعيلي أنتي

وربنا يستر

بس أوعي تكوني شمتانة فيا

زي ناس بيعزوني كدة

ههههههههههههه

من طرف medo_wahb528 الثلاثاء ديسمبر 18, 2007 3:59 pm

هاى يا جماعه
جميل قوى موضوعكم
وحلوه قوى الصراحه اللى موجوده مابينكم
اظن انتوا لسه ماتعرفونيش بس انا معاكوا اهه وقويب هتعرفونى
علو العموم انا..................
وعلى فكره انا عايز اسالك يا اس شويه اساله
بس ده هيحصل بعد ما تعرفونى
نلتقى قريبا جدااااااااااااااااااا

من طرف **MOoON Light** الأربعاء يناير 23, 2008 4:33 pm

شكرا يااس

على انك استحملتى اسئلتنا ال!!!!!! اوصفيها انتى بقى

ودلوقتى هنختاااااااااار عضو اخر
0
0
0
0
0
ميييييييييين ياترى

هنختااااار

mona_zaky شذى حاليا

يلا ياجماعة عايزاكم تهروها اسئلة

من طرف **MOoON Light** الأربعاء يناير 23, 2008 4:34 pm

هبدأ انااااا

اولا: عرفى نفسك

ثانيا: ايه سبب تغيريك لاسمك هنا ع المنتدى؟

ثالثا: ايه سبب تغيبك عن المنتدى هذه الفترة؟

رابعاا: ايه اكتر صفة بتحبيها فى نفسك؟

خامسا: مين اكتر الاعضاء هنا بتحبى تقرألهم ؟

ااااه وايه اكتر اغنية بتحبيها؟

جاوبى على دول دلوقتى ياقمر ولسه انا كده مش سألتك لسه اسئلتى جاااااااااااايه

اصببببببببببببرى

من طرف **شذى** الأربعاء يناير 23, 2008 9:29 pm

بسم الله الرحمن الرحيم

اولا

انا اسمى عبير اوaroma

وفى تالتة ميكرو وبحب الرسم جدااااااااا وبمووووووووووت فى القصص القصيرة

ثانيا

انا غيرت اسمى لاسم قريب من اسمى بس مع حبى لمنى زكى برده بس انا حبه اسمى اكتر

ثالثا

تغيبى الصراحة لانه كان فيه توبيكات مش تمام يعنى معجبتنيش مكنتش حابه انهها تتعرض على منتدانا احنا المهم ولان دى كانت اول مرة ليه اكون عضوة بمنتدى جايز اتصمدت لانى مكنتش متوقعه انه امر عادى فى المنتديات

رابعا

اكتر صفة بحبهها فيه انى بسامح بسرعة او نسايه زى ما بيقولو

خامسا

اس ومون لاين وانا كده وديبو

اكتر اغنية بحبهها بقه

مجتش ليه لجنات

من طرف **Crespowbas** الخميس يناير 24, 2008 2:00 am

انا غيرت اسمى لاسم قريب من اسمى بس مع حبى لمنى زكى برده بس انا حبه اسمى اكتر

يعنى ايه

تغيبى الصراحة لانه كان فيه توبيكات مش
تمام يعنى معجبتنيش مكنتش حابه انهها تتعرض على منتدانا احنا المهم ولان
دى كانت اول مرة ليه اكون عضوة بمنتدى جايز اتصمدت لانى مكنتش متوقعه انه
امر عادى فى المنتديات

ازاى يا شذى يعنى
انتى لقتى حاجه وحشه
قولى وانا هشوف وارد عليكى

من طرف **شذى** الخميس يناير 24, 2008 2:09 am

اولا

انا اسمى عبير يعنى
عطر الزهور او شذى الزهور او اريج اووووووووو حاجات كتير
وعلى فكرة aroma
يعنى عطر
بس انا فعلا حبه اسمى ومش شايفه انهها حاجة غريبة انى غيرت منى زكى عاااااااااادى
مجرد تغيييييييييييييير فقط
اما بقه موضوع التوبيكات فا عفينى من الرد

من طرف **snow white** الخميس يناير 24, 2008 3:19 am

حبيبه قلبي
منوره
مهما كان بقي(عبير،مني زكي،شذي،اريج ) المهم القلب هو هو مش اتغير
اسأل بقي
امتي اكتر مره فرحتي فيها لدرجه انك بكيتي من الفرحه؟
امتي اكتر مره زعلتي فيها لدرجه ان دموعك اتخنقت في عيونك ورفضت تنزل؟؟؟؟؟؟؟
مين اكتر حد حسيتي انه يستاهل حبك؟؟؟؟؟؟؟؟؟(او حده طبعااااااااااااا)
ليه كنتي متغيره معايا الفتره اللي فاتت؟ ولسه شايله مني وبتكرهيني ولا لا؟؟؟؟؟؟؟؟؟؟؟؟؟
بس حتي لو لسه انا برده بموت فيكي

من طرف **شذى** الخميس يناير 24, 2008 4:19 pm

بجد اكتر مرة فرحت فيهها وكنت همووت من الفرحة لما ماما رجعت منم السعودية بجد كانت واحشانى موووووووت

اكتر مرة زعلت فيهها
اما اكتر مرة اتخنقت فيهها
مرة كده حد عزيز عليه قالى كلمة جرحتنى قوى بس دموعى نزلت جوايا فعلا مرضتش تنزل
بصى هو انا بحب نااس كتير بس كلمة يستاهل دى
مش لناس كتير
المهم اكتر حده فعلا تستاهل هى انتيمى اميرة صاحبتى وبعدهها مون واس وانتى يا جميل وكلكلو
الكلام بقه بينى وبينك على اخر سؤال

من طرف **شذى** الخميس يناير 24, 2008 4:20 pm

بجد اكتر مرة فرحت فيهها وكنت همووت من الفرحة لما ماما رجعت منم السعودية بجد كانت واحشانى موووووووت

اكتر مرة زعلت فيهها
اما اكتر مرة اتخنقت فيهها
مرة كده حد عزيز عليه قالى كلمة جرحتنى قوى بس دموعى نزلت جوايا فعلا مرضتش تنزل
بصى هو انا بحب نااس كتير بس كلمة يستاهل دى
مش لناس كتير
المهم اكتر حده فعلا تستاهل هى انتيمى اميرة صاحبتى وبعدهها مون واس وانتى يا جميل وكلكلو
الكلام بقه بينى وبينك على اخر سؤال

من طرف **Crespowbas** الخميس يناير 24, 2008 4:44 pm

برحتك

من طرف **MOoON Light** الخميس يناير 24, 2008 4:52 pm

ردودك عجبااااااااااااااااااااااااانى مووووووووووووووووووووووووت

يا mona_zaky

يوووووووه قصدى ياشذى

G0ooO0ooO0Oooo ON

من طرف **ESSS** الجمعة يناير 25, 2008 5:29 pm

ايه يا شذى الاجابات الجامدة دي

المهم انا بقى عايزة استلمك كدة في شوية اسئلة

خدي عندك بقى:

1- انت ايه رأيك في الصداقة بين الولد والبنت ؟

2- ايه اكتر صفة بتحبيها اوي وبتلاقيها في مين؟

3- ايه اكتر صفة بتكرهيها اوي وبرضه بتلاقيها في مين؟

4- ايه اكتر موضوع عجبك هنا في المنتدى وشدك اوي؟

5- ايه اكتر موضوع خنقك في المنتدى وحسيتي بعديه انك مش طايقة المنتدى ؟

6- ايه اكتر رد ضايقك اوي في اي موضوع مش لازم يكون بتاعك؟

7- ايه اكتر رد عجبك اوي وحسيتي انه دبلوماسي اوي؟

8- تعملي ايه لو كان معاكي حد بيستظرف كدة وانتي مش قابلة هزاره (مضطرة للتعامل معاه)؟

كفاية عليكي كدة بس المهم انك تجاوبي على كل الاسئلة

مش هسمحلك تستخدمي حق الفيتو معايا ابدا (محظور استعماله)

وعلى فكرة انا متبعاكي اهوه ولو حسيت انك بتتهربي من اي سؤالك هرجعك ليه تاني

انتي حرة بقى وعارفاني رخمة اوي في الحاجات دي (ههههههههههههههه)

من طرف **شذى** الجمعة يناير 25, 2008 8:50 pm

اولا

الصداقة بمعناها الحرفى متنفعش بين ولد وبنت اصلى عمرى ماهقول لولد كل اسرارى ومش هينفع كمان اتكلم معاه فى كل حاجة طبعا انتى فاهمه قصدى لكن فيه مواضيع كده الولاد بيسدوا فيهها عن البنات ارائهم فيهها غلبا بتكون صح ومش كل الولاد طبعا
لكن انا من رائى انو استحالة تكون فيه صداقة صداقة بين بنت وولد
ممكن يبقى فيه زمالة مش صداقة
ثانيا
اكتر صفة بحبهها
الوضووووووووووووح
الصراحة مش بلاقيهها فى حد معين اكتر حد لاقيتهها فيه هو(شذى)
الغموووووووووض
بلاقيهها احيانا كتير بحس كل الناس غامضين او مش فاهمين نفسهم ولا عارفين هما عايزين ايه واحيانا بحس العكس بس اكتر حد مش قادرة افهم هو عايز ايه هو انتى يا اس
الصراحة معظم المواضيع كويسة
بس اكتر واحد عجبنى مؤخرا (الذكرى الطيبة)
اعذرنى مش هقول اسم الموضوع بس هو كان هنا فى عادى ماعلينا بس
انا عايزة اقول حاجة
انو مش كل حاجة يا جماعة هنتكلم فيهها ولازم يبقى فيه حياء
الايمان بضع وسبعون شبعبة الحياء احداهها
يعنى المؤمن بيتصف بالحياء
وربنا بيقول(يا ايهها الذين امنوا لاتسئلو عن اشياء ان تبدى لكم تسئكم)يعنى مش كل حاجة نتكلم فيهها ومش كل حاجة نسئل عنهها
شوفى الردود المتسرعة دايما بتكون مش صح المفروض نفكر فى كل كلمة نكتبهها وناخد بالنا من رد فعل اللى هيقرا الكلام مش نرد وخلااااص
ردووووود زيزو كلههااااااااااااا بتعجبنى وردودك يا اس وردود مون وكريسبو ردوده تحفة
محدش الصراحة اضطرنى انى اتعامل معاه وانا مش عايزة
وبعدين انا بكره اللى بيستظرفو مووووووووووت بس لو اتحطيت فى الموقف هتعامل معاه عادى بس اكيد مش هكمل معاه كتير

من طرف **A.S.Shiko0o0o** الجمعة يناير 25, 2008 11:37 pm

نايس توبيك يا بيرو ردود فى قمه الدبلوماسيه وادينى رجعت من تانى اهو اوك كله تمام والمنتدى ان شاء الله للامام واوعدكم بكل ما املك من طاقات وانا مستنى اتفرج انا ممكن اجاوب صعب اسال اوك يلا بابياى

من طرف **شذى** السبت يناير 26, 2008 3:15 am

شيكوووووووووووووووووووووووووو

ازيك والله ليك وحشة يا بنى انت فينك بس المنتدى كان مضلم من غيرك
ميرسى لردك يا شيكو

من طرف **A.S.Shiko0o0o** السبت يناير 26, 2008 2:31 pm

ده نورك يا عبير وان شاء الله اكون عند حسن ظنكم

من طرف **MOoON Light** السبت فبراير 16, 2008 12:13 am

جميلة ردودك ياشذى

انا حسة انك خلاص كده استكفيتى من اسئلتنا
وميرسى على الردود الصريحة دى

ودلوقتى هختار عضو بعدك
لانى مش عارفة انتو مش بتختاروا عضو بعدكم ليه

هختار مييييين

ميين
^
^
^

هختار عضو قال انه ممكن يجاوب لكن صعب يسأل
هختار

شيــــــــــــــــــــــــــــــــــــــــــــــــــــكوووووو
ShikOoOoo

يلا ياجماعة ورونى شطارتكم فى الاسئلة

من طرف **MOoON Light** السبت فبراير 16, 2008 12:14 am

هبدأ انا بقى بالاسئلة:

1/عرفنا بنفسك

2/ايه اكتر صفة تحبها تكون موجودة فى الشخص اللى ادامك؟

3/مين أكتر الاعضاء هنا بتعجبك مواضيعهم ومناقشتهم للمواضيع؟

4/ايه الحاجة اللى انت بجد مفتقدها فى حياتك؟

5/ايه أكتر صفة بتحبها فى نفسك وايه اكتر صفة مش بتحبها فيك؟

6/ايه هو اكتر موقف كنت حزيين اوووووووووووى فيه لدرجة ان قلبك يكاد يبكى؟

كفــــــــــــاية دول دلوقتى

من طرف **ESSS** السبت فبراير 16, 2008 12:59 am

ايه الجمال ده
اخيرا وقع شيكو في المصيدة

انا مش هقولك فرحانة فيك زي ما انت فرحت فيا
انا بس هسألك شوية اسئلة كدة على الماشي

1-مارأيك في الرجل الذي يبكي من اجل الحب ؟

2-ماهو السؤال الذي لاتحب ان يسالك بة احد؟؟
وان سألك لن تجيب؟؟

3-هل تفضل البوح بالسر وتفضفض بية والا تفضل كاتمة في صدرك؟؟؟

4-ممكن تحب واحدة كان اعز اصحابك بيحبها قبلك؟

5-هل تدين باعتذار لاحد ما؟؟؟؟؟من هو؟؟؟؟؟؟ولما؟؟؟

6- اية الرد اللي اتكتب علي موضوع لك واتضايقت منة جدا بس عديتة وخلاص؟؟؟

كفاية عليك كدة يا شيكو
بس على فكرة انا عندي اسئلة تانية
بس هخليها مرة تانية بقى

من طرف **A.S.Shiko0o0o** السبت فبراير 16, 2008 10:54 pm

moon light كتب:

1/عرفنا بنفسك

أحمد السيد أحمد السيد أحمد الشرقاى
مواليد 27/2/1988
فى السعوديـــــه
عايش فى جمهوريه زفتى
طالب فى كليه علوم جامعه بنها
ده اكيد طبعا بس عشان لو حد فاكرنى من حته تانيه ولا حاجه
فى سنه 3 ميكرو وكيمياء

moon light كتب:
2/ايه اكتر صفة تحبها تكون موجودة فى الشخص اللى ادامك؟

بصم بقى انا بكره حاجه اسمها كدب ونفسى كل الناس تبقى صريحه انا اكتشفت ده متاخر اوى فى الكليه كنت صريح مع كل الناس وكل الناس مش كانت صريحه

moon light كتب:
3/مين أكتر الاعضاء هنا بتعجبك مواضيعهم ومناقشتهم للمواضيع؟

ممممممم والله منا عارف بس يمكن انتى وشذى لما كانت نشيطه لانها تعتبر اكتر واحده كانت بتخترع المواضيع وديبو وزيزو
moon light كتب:
4/ايه الحاجة اللى انت بجد مفتقدها فى حياتك؟
انا مستنى الاقى الانسانه اللى تحبنى واحبها واكيد كل واحد فى سننا يبدا يبص لحياته ويدور على الانسان ده

moon light كتب:
5/ايه أكتر صفة بتحبها فى نفسك وايه اكتر صفة مش بتحبها فيك؟
بصى انا طيب اوى زى ما كلكم بتجمعوا على كده والصدق
اما اكتر حاجه نفسى ابطل الصراحه نفسى اتعامل مع الناس زى ما كل واحد بيتعامل معايا وكان ضحيه ده ناس والله كانوا غاليين عندى اوى اوى اوى لدرجه انى قررت انى معنتش حتى اقولهم سلاموا عليكوا واعذرونى

moon light كتب:
6/ايه هو اكتر موقف كنت حزيين اوووووووووووى فيه لدرجة ان قلبك يكاد يبكى؟

لما حد من اصحابى بيفقد اح ابويه ببص لنفسى لو انا مكانه فى اللحظه دى وحصلت معايا مع اتنين ربنا يسكنهم فسيح جناته

من طرف **A.S.Shiko0o0o** السبت فبراير 16, 2008 11:10 pm

ESSESSE كتب:

1-مارأيك في الرجل الذي يبكي من اجل الحب ؟

No Comment

ESSESSE كتب:
2-ماهو السؤال الذي لاتحب ان يسالك بة احد؟؟
وان سألك لن تجيب؟؟

السؤال اللى فات ده واحد منهم

ESSESSE كتب:
3-هل تفضل البوح بالسر وتفضفض بية والا تفضل كاتمة في صدرك؟؟؟

بصى يا بنتى انا مشكلتى الصراحه نفسى ابطلها بتودينى فى داهيه انتى لو عاوزه تعرفى حاجه انا عارفها هاتيلى 2 شيكولاته ومصاصه وايه انا هقولك كل حاجه

ESSESSE كتب:
4-ممكن تحب واحدة كان اعز اصحابك بيحبها قبلك؟

مستحيـــــــــــــــل بس لما انا بكون بحبها وهو اللى يخطفها منى وبعد كده اكتشف اننا انا وهيا اتظلمنا لازم ارجعلها بس أصحاب

ESSESSE كتب:
5-هل تدين باعتذار لاحد ما؟؟؟؟؟من هو؟؟؟؟؟؟ولما؟؟؟

بصى يا اس انا لو غلطت فى حد مبعرفش انام الا وانا مصالحه واسألى شذى وهى تقولك ده طبعا لو يستاهل وغالى عندى

ESSESSE كتب:
6- اية الرد اللي اتكتب علي موضوع لك واتضايقت منة جدا بس عديتة وخلاص؟؟؟

كان توبيك كتبته ومخدش ردود وبعد كذا شهر بنت عملت نفس التوبيك خد ردود ايه

ههههههههههههههههههه

شكلى طولت عليكم
وبعدين يا اس خفى حبه عشان انتى تقريبا عارفه عنى كل حاجه يعنى
اعذرونى يا جماعه عارفه نقط ضعفنى فانا ممكن انفض لاسالتها
هههههههههههههههههههههه

[/quote]

من طرف **MeRaMoRe** الأحد فبراير 24, 2008 11:43 pm

Hello my friends MisS U SoOoOoOoOoOoOoOoO MucH

ازيك ياشذى وقعتي ولا حد سمى عليكي اولا اسمك عاجبني جداااااااااااااااااااااااااااا

ثانيا هفكر لك في اسئله حلوه

ايه رأيك في نفسك ؟؟ وايه رأيك في طريقتك في التعامل مع الناس عموما اصحابك واي حد؟

يعني انتي مبدأك في التعامل ايه؟

ممممممممم كفايه كده عليكي

من طرف **A.S.Shiko0o0o** الثلاثاء فبراير 26, 2008 11:38 pm

ايه يا اميره هو انا مش عاجبك ولا ايه انا اللى بتسال هنا وبعدين محدش بيسال طب انا اعملكم ايه بقى طب اختار حد غيرى؟

من طرف **MeRaMoRe** الخميس فبراير 28, 2008 2:10 am

OoooooooOPS

والله ياشيكو انا لما كتبت الرد ده ماكنتش الردود دي ظهرت ولا هم اختاروك

i`m SooooooooOOOOoo SoooOOOOoOrY

يلا اما اسألك

ايه السؤال اللي حسيت انك عايز تقوله لشخص بس ماكنتش عارف يعني السؤال اتحبس جواك؟

ايه هواياتك؟

ايه اكبر احلامك؟؟

Have FUn

من طرف **MOoON Light** الثلاثاء أبريل 01, 2008 11:36 pm

ايه ياااشيكووو

شكلك كده مش بقيت تدخل الموضوع ده

على العموم هختااار عضو بعدك ولماا تدخل الموضوع ابقى جاوب على اسئلة ميروو

هختااااااار مييييييييييييين
!!!!!!!
!!!!
!!!

هختاار عضو جديد شويه هنااا على المنتدى

هختاااااااااااار
*
*
*
*
USA

من طرف **MOoON Light** الثلاثاء أبريل 01, 2008 11:38 pm

وهبدأ بالاسئلة

ياااااااااااااااااااااااااريت الاجوبة تكوووووووون بصرااااااااااحة

اولا: بياناتك الشخصية؟
ثانياا: ايه اكتر موقف أثر فيك اووووى (اثر بالايجاب او بالسلب؟)
ثالثا: ايه رأيك فى المنتدى هنا؟ ومين اكتر الاعضاء اللى بتعجبك مواضعيهم وأرائهم؟
رابعاا:أمتى حسيت انك فعلااا ندماااان؟على اى حااجة

كفايااا كده دلووقتى
بس هسئل تانى ان شاء الله

من طرف **RANEEM** الأربعاء أبريل 02, 2008 11:53 pm

وانا هسالك
ايه اكتر حد حسيت انو يستاهل حبك؟
ايه اكتر موقف محرح حصلك؟
انت انجرحت ولا لا ؟ ولا اه يقي مين؟
كفايه كده

من طرف **ESSS** الجمعة أبريل 04, 2008 1:38 am

USA

اهلا منور والله يا باشا

انا بقى طبعا لازم اسألك عشان انت تحت المجهر
يعني العين عليك بس انت شكلك كدة مش بترد
وده اكيد مش في مصلحتك يا باشا
المهم انا عندي كام سؤال بسيط كدة
واتمنى انك ترد عليهم

1-هل انت راضي عن نفسك ؟
2-هل تعترف بشيء اسمه الصداقه بين الرجل والمرأة ؟
3-عاده تفعلها دائما تتمنى ان تتركها ؟
4-(( انت كل شيء بحياتي )) لمن تقولها ؟
5-(( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

عندي والله اسئلة تاني كتييييييير
بس كفاية عليك كدة خلاص
عشان متزهقش مني

من طرف **USA** الجمعة أبريل 04, 2008 2:24 am

أاااااخ
أنا وقعت تحت المجهر

ربنا يستر

هبدأ: مووووووون
اولا: بياناتك الشخصية؟
الاسم : Usa او oso او os os او Usama

تاريخ الميلاد : 8/8/88 الساعة 8 صباحا
الفرقة : الثالثة جيولوجيا وكيمياء

ثانياا: ايه اكتر موقف أثر فيك اووووى (اثر بالايجاب او بالسلب؟)

أكتر موقف أثر فيا بالايجاب : هو نتيجة الترم الأول لانه الحمد لله الحمد لله كان يفرق معايا جامد اوى لانه كان معتمد عليه حاجات كتيرة اوى.
زى مثلا انى اقدر اوفق بين الكلية والشغل والحمد لله قدرت وبحمد ربنا وبشكر فضله.
أكتر موقف أثر فيا بالسلب فى حياتى :يوم وفاة والدى الله يرحمه.

ثالثا: ايه رأيك فى المنتدى هنا؟ ومين اكتر الاعضاء اللى بتعجبك مواضعيهم وأرائهم؟

دى مش محتاجة اجابة طبعاً.لانى لو شايف ان المنتدى غير كده مكنتش دخلت فيه لكن والله ده احلى منتدى اشتركت فيه فى حياتى وده لسبب بسيط هو روح التعاون اللى بين اعضاء المنتدى كلهم ودى حاجة جميلة جداً.
أكتر الأعضاء اللى بتعجبنى مواضيعهم وأرائهم: كلهم بلا استثناء مواضيعهم جميلة جدا وأرائهم زى العسل وخصوصا مواضيعك انتى ياموون واس ورنيم وسنو وليتيل انجل وكريسبو وهانى وحازم امام والله انا مش عايز انسى حد بس كلكم زى العسل والله.

رابعاا:أمتى حسيت انك فعلااا ندماااان؟على اى حااجة؟

مرتين بس للأسف ندمت وده بسبب انى اتخذت قرار سريع من غير تأنى بس الحمد لله على كل شىء وقدر الله وما شاء فعل ومحدش بيتعلم ببلاش.

ميرسى جداً ياموووون وانا عارف مش دى بس الأسئلة اللى انتى عايزة تسأليها.مستنى بقيت الأسئلة Smile

أما رنيم بقى

ايه اكتر حد حسيت انو يستاهل حبك؟

مفيش حد بيقف على حد

فى موقف محرج حصلك؟

اه طبعا مواقف كتيرة
أكتر موقف محرج حصلى
كنا فى سنة اولى بنقضى شم النسيم مع واحد زميلنا اسمه خالد فى اسكندرية كنا جروب انا وعشرى ومرضى وعاشور وسليمان وماندو وظاظا . المهم كنا قاعدين على الشاطىء لقينا اتنين بيغرقوا رحت انا نازل احاول انقذهم.الحمد لله قدرت اجيب واحد وبتاع الانقاذ جاب التانى .المهم الحمد لله طلعته على الشاطىء وبفوقه المهم وانا بفوقه لقيت فى صدره سلسلة عليها + فزمايلى لما شافوا كده كانوا عايزين يرمونى انا مكانه.
ههههههههههههههههههههههههههههههههه

انت انجرحت ولا لا ؟ ولا اه يقي مين؟
لا تعليق

ميرسى رنيم

أما اس بقى

1-هل انت راضي عن نفسك؟
لا

2-هل تعترف بشيء اسمه الصداقه بين الرجل والمرأة ؟

زمالة مش صداقة.

3-عاده تفعلها دائما تتمنى ان تتركها ؟

طبعا انتى عارفاها. اللى لونها ازرق وبتتحول من صلب الى غاز ومبيعملش اشنبه Laughing

4-(( انت كل شيء بحياتي )) لمن تقولها ؟
طبعاً:

هى

أمى

ربنا يخليهالى يارب

5-(( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
أقصد بها مثل انجليزى كان جالنا فى الامتحان بتاع الانجليزى السنة اللى فاتت يقولك ترجم: لاتبكى على اللبن المسكوب.ومثل تانى يقولك: ايزى كم،ايزى جووو، ايزى عليه العوض.

ميرسى اس
وميرسى ليكوا كلكوا

من طرف lovlygirl الجمعة أبريل 25, 2008 2:17 am

هااااااااااااااااااااااااااااى USA
1- مين اقرب حد ليك؟
2- لما بتكون مخنوق ومضايق بتتكلم مع مين؟
3- انت بتحب؟(اختيارى)
4- ايه هى الصفات اللى تحب تكون فى حبيبك؟
5- ايه اكتر حاجة بتعجبك فى الكلية والمنتدى؟
6- ايه اكتر حاجة مش بتعجبك فى الكلية والمنتدى (بردو)؟
7- اكتر صفة بتحبها؟ اكتر صفة بتكرها؟
معلش طولت عليك
يا رب مكنش ضايقتك

من طرف **MOoON Light** السبت أبريل 26, 2008 7:37 pm

ايـــه يايو اس ؟

مش رديت على الاسئلة اللى فاتت ليه؟

على العموم انا هسئل ... انا قايلالك من الاول انى هسئل تانى ... مش تقول انى رخمة

**لو أنت كنت بتحب حد وشايفه بيتعذب أدامك هتحاول تخفف عنه تعبه ده؟
ولا هتقول ماسيبه يومين كده لحــــــد مااشوف ايه اللى هيحصل؟
مع العلــم انك انت اللى بايداك انك تخليه ينسى همومه شويه

**ايه أكتر أغنية بتحبها؟ وبتحب تسمعها من وقت للتانى؟

**ميــــن قدوتك فى الحياة؟

**ايه أكتر حاجة بتحبها فى شخصيتك؟

جـــــاوب بقى على الاسئلة دى وأسئلة lovely girle

من طرف **USA** الأحد أبريل 27, 2008 2:10 am

size=29]]هاى Lovely girl

1- مين اقرب حد ليك؟
اللى يحبنى

2- لما بتكون مخنوق ومضايق بتتكلم مع مين؟
مع اللى أقدر أحكيله كل اسرارى واقوله كل اللى فى قلبى من غير اى قيود ويسمع لى ويصون الأسرار دى.

3- انت بتحب؟(اختيارى)
طبعاً بحب

بحب اللى خلقنى

ثم

بحب حبيبى وعمرى وحياتى
رسول الله صلى الله عليه وسلم

ثم ثم ثم ثم ثم ثم

أمى ربنا يخليهالى يارب

4- ايه هى الصفات اللى تحب تكون فى حبيبك؟

الصراحة :ميخبيش أى حاجة عليا مهما كانت صغيرة

5- ايه اكتر حاجة بتعجبك فى الكلية والمنتدى؟

فى الكلية:أحلى فترة الواحد ممكن يعيشها فى حياته هى فترة الكلية والدليل على كده الناس اللى اتخرجت بتتمنى يوم واحد من ايام الكلية وبيقولولى بتبقى أحلى زكرى هى الكلية.
فى المنتدى:روح التعاون والاحترام اللى بين كل الأعضاء فى المنتدى

6- ايه اكتر حاجة مش بتعجبك فى الكلية والمنتدى (بردو)؟

فى الكلية : فى ناس كده فى الكلية الواحد لما يصطبح بيهم فى الكلية على الصبح كده يحس إنه داخل معهد فنى صناعى أو داخل فى حديقة الحيوان مش كلية علوم.
فى المنتدى : لحد دلوقتى ما شوفتش حاجة مش عاجبانى .

7- اكتر صفة بتحبها؟
الحب

اكتر صفة بتكرها؟
الظلم،اللعب بمشاعر الناس وأحاسيسهم.

ميرسى خالص يا Lovely girl
نورتى الموضوع

[/size][/center]

من طرف **USA** الأحد أبريل 27, 2008 2:54 am

Moooooooooooooooon

لو أنت كنت بتحب حد وشايفه بيتعذب أدامك هتحاول تخفف عنه تعبه ده؟
ولا هتقول ماسيبه يومين كده لحــــــد مااشوف ايه اللى هيحصل؟
مع العلــم انك انت اللى بايداك انك تخليه ينسى همومه شويه؟

اممممممممممم
هو السؤال مش مفهوم بالظبط لكن اللى فهمته ان فيه عذاب وتعب وهموم وربنا يتولانا برحمته.

ايه أكتر أغنية بتحبها؟ وبتحب تسمعها من وقت للتانى؟

والله أغانى كتيرة جدا بحبها.ومش أحب اركز على اغنية معينة.
يمكن أكتر أغانى فى الوقت الحالى هى
كان بينا حب لحمادة هلال،
جرب بقى لايهاب توفيق،
انا بعشق الغنا لامل ماهر،
كدب فى كدب لمجدى سعد..

ميــــن قدوتك فى الحياة؟

أكيد بدون شك
هو قدوتنا كلنا

ويارب نكون كلنا بنمشى على سنته الصحيحة

فداك أبى وأمى يا رسول الله

ايه أكتر حاجة بتحبها فى شخصيتك؟

ياريت فيه مراية تخلى الواحد يشوف شخصيته فيها
مش انا اللى اعرف الحلو والوحش فى شخصيتى
اللى بيتعامل معايا واللى واقف ادامى هو اللى يقدر يحدد مش أنا
وأكيد كل انسان فيه الحلو وفيه الوحش

ميرسى جداً يامووون وأظن كفاية اوى كده عليا
وشوفوا حد تانى بقى

من طرف **Crespowbas** الأحد أبريل 27, 2008 3:15 am

كدب فى كدب

الاغنيه ديه انا بعشقهااااااااااااااااااا

من طرف **zantout** الجمعة يوليو 04, 2008 4:43 am

علي فكرة الداخل هنا مفقود

انا قريت شوية اسئلة ده انتو عملتو الناس عصير

من طرف **A.S.Shiko0o0o** السبت يوليو 05, 2008 5:34 am

انا هكمل انا بقى شوفتم الشجاعه بس بليييز محدش يسال اسئله محرجه ماشى يا اس انتى بالذات يعنى لو ينفع متشاركيش يبقى احسن

ههههههههههههههههههههههه

من طرف **A.S.Shiko0o0o** السبت يوليو 05, 2008 6:07 am

MeRaMoRe كتب:
ايه السؤال اللي حسيت انك عايز تقوله لشخص بس ماكنتش عارف يعني السؤال اتحبس جواك؟

اكيد واحده عجبتنى اوى اوى اوى وكنت عاوز اسالها انتى مرتبطه ولا لأ من غير سؤال امفروض تفهميها لوحدك هههههههههههه

ايه هواياتك؟

ممممممممممممممم هواياتى اللى بحبها ولا اللى متمكن فيها
انا فى البلاى استيشن مستوايا عالى
كره القدم طبعا بس كمن وزنى بدأ يزيد بدأت اقابل صعوبه بس بحاول انزل تانى

بحب القرايه كنت على طول انزل اسكندريه اجيب قصص رويات الجيب من محطه الرمل مكان مشهور جدا يعنى

ايه اكبر احلامك؟؟

لالالالالالا مفيش حاجه اسمها اكبر احلامى كل انسان حاطط قدامه حاجه لما يخلصها يبص للى بعد كده دلوقتى عاوز اخلص الكليه

من طرف **zantout** السبت يوليو 05, 2008 1:09 pm

ايه ياد الحلاوة دى انت بقيت دبلوماسى
اوى ينفع انا اسال

من طرف **A.S.Shiko0o0o** السبت يوليو 05, 2008 6:41 pm

انت يا حبيبى تتفرج وبس مش عاجبك متجيش هنا تانى اصلا

انت لو اتكلمت اصلا هتفرج الناس عليا يرضسيك يعنى

من طرف **zantout** الأحد يوليو 06, 2008 2:13 pm

لا والله
دا انا غلباااااااااااااااااااااااااااااااااااااان

من طرف **A.S.Shiko0o0o** الأحد يوليو 06, 2008 4:38 pm

ها محدش عنده سؤا عاوززين نستنفع كده باى حاجه