اسمع راي فى مشكلتك

من طرف **Crespowbas** الثلاثاء أكتوبر 23, 2007 2:50 pm

السلام عليكم

ازيكم يا شباب احلى منتدى فى الدنيا كلها ولاد او بنات

انا حبيت انهاردى اعمل موضوع يساعد الناس كلها

طبعا زى محنا عارفين اى واحد بيحب بيبقى عندة مشكله

سعات بيقدر الانسان دة يحل مشكلته

وسعات بيبقى عارف الحل بس بيتردد

احنا انهاردة عاملين الموضوع دة

علشان كل واحد عندة مشكله

ممكن يقولها ويشوف الردود وان شاء الله هيلاقى ردود واراء كتير

ممكن هو ياخد قرار منهم

هو كدة بيبقى القرار اللى واخدة صح واكيد مش هيندم عليه تانى

ويا رب نقدر نحل المشاكل ارجو من الجميع المشاركه ومافيش حد يتكسف يا جماعه كلنا

ستر وغطا على بعض

ولو مكناش هنساعد بعض دلوقتى هنساعد بعض امته

هعدها تانى

كلنا واحــــــــــــــــــــــــــــــــــــــــد

فمافيش حد يتردد

ويشارك بسرعه

انا مستنى ردودكم عليا اكيد

بالتوفيق يا شباب ويا بنات

مع تحيات

hamada

من طرف **snow white** الأحد أكتوبر 28, 2007 11:58 pm

بجد موضوع حلو جداااااااااااااا
ميرسي ليك
وفعلا احنا محتاجين موضوع زي كده
مش في حد في الدنيا مش عنده مشكله
ياريت نحس فعلا اننا اخوات في المنتدي وقريبين من بعض

من طرف **Crespowbas** الإثنين أكتوبر 29, 2007 12:01 am

يا رب يكون الكلام دة من قلبك فعلا وانا مستعد والله اننا نحل
مشاكل بعض بس نلاقى الاول مشاركه من الكل علشان الواحد يتشجع ويقول اللى
عندة يعنى وصدقونى لو احنا كلنا حلينا مشاكل بعض هنبقى كويسين قووى مع بعض

شكرا على ردك يا سنو وايت

من طرف **A.S.Shiko0o0o** الإثنين أكتوبر 29, 2007 10:53 pm

اوكى طيب يلا نبدأ بيك يا عم قولى بقى مشاكلك وابعتها على صندوق الشكاوى قصدى صندوق الرسايل السريعه

من طرف **Crespowbas** الثلاثاء أكتوبر 30, 2007 12:48 am

انا مشاكلى كتير يا عم شيكو اختار عاوز تعرف ايه وانا هقولك بس يا ريت تبدا انت لو عندك مشكله

من طرف **snow white** الثلاثاء أكتوبر 30, 2007 8:52 pm

هو ليه مش في حد عايز يبدأ بمشكلته يا كريسبووووووو

للدرجه دي بنخاف نواجه مشاكلنااااااااا ؟؟؟؟؟؟؟؟؟؟

ولا بنخاف حد يعرف اللي جوانااااااااا؟؟؟؟؟؟؟؟؟

انا هبدأ بأول مشكله

احنا جروب في الكليه

بنات واولاد

بس ليه مش بنحس ان اصحابنا الاولاد بيخافوا علينا؟؟؟؟؟

او بيهمهم اللي بنعمله ؟؟؟؟؟؟؟؟؟؟؟؟

حصل كذا موقف كنا غلطانين فيهم(اقصد احنا البنات) واللي نبهوووونااااااااا ناس من بره اننا غلطانين ونصحونااااااااااااا وبجد ميرسي ليهم

لكن المشكله ان اصحابنا كانوا بيشفونا بنغلط ويتفرجوا وهما ساكتين ومش حد حاول يلفت انتباهناااااا

وكان نفسي يعتبرونا اخواتهم زي ماهما اخواتنا ويخافوا علي شكلنا زي ما احنا بنخاف علي شكلهم وننصحهم لو غلطوااااااااااااااا

لكن للاسف اكتشفت ان مش اي صاحب يتصاحب

من طرف **RANEEM** الثلاثاء أكتوبر 30, 2007 9:12 pm

برافو عليكي يا سنو انتي بجد قولتي الي عاوزه اقوله وانا كمان حاسه بكده من زمان وبجد الموضوع ده مضايقني جداااااااااااااااااااا

وياريت اعرف هما ليه بيعملو معانا كده

من طرف **Crespowbas** الأربعاء أكتوبر 31, 2007 1:16 am

اقولكم ليه يا بنات الاصحاب دول اللى انتم بتعبروهم اصحبكم واخوتكم فى الكليه ميقدروش يقوللكم كدة علشان الناس ديه مش بتحبكم زى منتم بتحبوه ازاى مثلا اللى هممهم فى الكليه حاكه واحدة وبس انهم يبقى ليهم اصحاب من الجنس الناعم وخلاص ودة غلط انتم عارفين مثلا هما بيخافو يكلموكم فى حاجه غلط انتم بتعملوها ليه علشان بيخافو انكم تفهموهم غلط وتزعلو وهما طبعا اللى خسرانين انا عملت الموضوع دة قبل كدة واتفهمت غلط وطلعت انا اللى غلطان فى البكليه ووحش والكلام دة بس الحمد لله كل واحد عارف نفسه على ومن سعتها وابتاديت ابعد عن اى حاجه بتجبلى مشاكل وتخلى حد يزعل منى بس

من طرف **snow white** الخميس نوفمبر 01, 2007 3:55 am

بس احنا لما بنشوفهم بيعملوا حاجه مش صح بنقول ومش بنسكت

ومش بيهمنا هيزعلوا او لأ

تفتكر بقي احنا كده مش باقيين عليهم؟؟؟؟؟؟؟؟؟؟؟؟؟؟؟؟

ولا هما اللي بيكلمونا منظره؟؟؟؟؟؟؟؟؟؟؟؟؟؟

من طرف **MOoON Light** الخميس نوفمبر 01, 2007 9:34 am

سنووووووووووووووو
يابت
انتى يابت
انتى ايه اللى بتقوليه ده
انا حسة ان وجهة نظرك غلط شوية

بصى ممكن يكونوا الاولاد اللى انتى بتتكلمى عليهم دول بينصحوا بس بطريق غير مباشر
او هما اللى بيحاولوا يصلحوا من الموقف من غير ماانتى تحسى

والمفروض تكونى لاحظتى كده

لكن بقى ممكن اى ولد تانى يجى وينصحك وبطريق مباشر
وانتى اساسا مش عارفة نيته ايه
ممكن منظرة
وممكن حاجات تانية كتير

بس فى الاخر خالص لما تيجى تكلمى حد ياريت تختارى صح ومعنى انك بتتكلمى مع اى حد من الاولاد دول
يبقى انتى مختاره صح:::::::طبعا كله فى حدود الاحتراااااااااااااام

متخليش حد يأثر عليكى بالكلام
والحل عندكم انكم تقللوا شوية فى كلامكم والضحك وووووو....

ماتزعليش من كلامى

اوكى ياقمر

من طرف **Crespowbas** الخميس نوفمبر 01, 2007 11:02 am

كلامك صح يا مووووون بس يعنى لو حد نصحك على حاجه غلط يبقىدة يبقى بيتمنظر عليكى مثلا

طبعا مش صح علشان انتى مش عارفه نيته وعلى كرة كل واحد بيبان من
كلامه انه بيتمنظر ولا ما بيتمنظرشى لازم يعنى نحس دة من خلال كلامهم

واكيد يا مون لازم البنات لما تختار اصدقئهم االاولاد لازم يختارو صح ممكن
يكون اصدقاء دراسه عادين وممكن يكونو اصدقاء دراسه وكمان بنرتحلهم وبنقلهم
اللى مضايقنا بس لما نحس انهم فعلا بيخافو عليكم ومعتبرنكم زى اخوتكم مش
اصدقاء وخلاص وصدقونى فى ناس كويسه كتير ولما بيكلمو حد بيخلصو فى العلاقه
مش عاوزين يكلمو بنات وخلاص وقبل ما تستنى حد يخلصلك يا سنو اخلصيله الاول
ابدئى انتى علشان يحس انك معتبراه اخوكى وصدقينى هتلاقى معمله منه اتغيرت
تماما جربى مش هتخسر حاجه وبالتوفيق

من طرف **MOoON Light** الخميس نوفمبر 01, 2007 9:55 pm

كلامك صح يا مووووون بس يعنى لو حد نصحك على حاجه غلط يبقىدة يبقى بيتمنظر عليكى مثلا

اكيد لا مش فى كل الاحوال بيكون بيتمنظر
وانا هنا بتكلم على حالة معينة
وكمان حبيت اوضح لسنو وجهة نظرى
فى الناس اللى هى اتكلمت عليهم
وفى اصحابها الاولاد اللى هى تقصدهم
لانهم فعلااااا ونعمة الاخوات

وبرده كل حاجة باديها هى اولا

من طرف **MeRaMoRe** السبت نوفمبر 03, 2007 2:05 am

انا معاك ياكرسبو في رأيك ومع سنو بس مش مع موون خالص

وفي مثل بيقولك اعرف صاحبك وعلم عليه

ولما الاقي حد مش مخلص ليه زي ما انا مخلصه له اكيد العلاقه هتبدأ تقل او هتبقى محدوده

اعتقد ان ده الحل

( على فكره موضوع ممتاز ياكرسبو وشكرا على مشاعرك الجميله دي في اننا نقرب من بعض كلنا)

من طرف **Crespowbas** الأحد نوفمبر 04, 2007 7:07 pm

شكرا قوووووى يا مرمر بس بجد هتبقى
حاجه جميله لو قربنا قوووووووووى من بعض وانتم عارفين مش لازم نحل المشاكل
العاطفيه وخلاص لا دة ممكن لو احنا عندنا مشكله فى مادى ولا حاجه ممكن حد
يساعدنا برضو يعنى اللى يقدر ينفع زميله او زملته ما فيش مشاكل انا مستنى
موضوع منكم يفتح اراء كتير

وكل سنه وانت طيبين بمناسبه عيد الحب (للحبيبه بس)

واللى مش بيحب يا رب يقع ويحب حيحس بجد بطعم الدنيا مع انه برضو هيشم ريحه
الدنيا الوحشه بس يعنى الحمد لله ربنا يبسط الناس كله وما يفرقشى ما بين
حد

قولو امين

من طرف **ESSS** الأحد نوفمبر 04, 2007 7:40 pm

معلش بقى يا جماعة انا مش مع سنو ولا رنيم ولا ميرو خاااااااااااااااالص
لأن اصحابنا الولاد مش كلهم كدة بيشوفوا وينفضوا لاء
كتير فعلا لما يلاقونا بنعمل حاجة غلط بيقولولنا
أقلها لما صوتنا بيعلى بينبهونا بالذات لو جنبنا ولاد بيبصوا علينا
وممكن فعلا زي ما مون لايت قالت يتصرفوا في الموقف من غير ما يحرجونا او يعرفونا اصلا
وبجد ده بيحصل
بس الحقيقة ان مش كلهم بيعملوا كدة فيه وفيه بصراحة
فمش ممكن نحكم على الموضوع كله بالسلب كدة!!!!!!!!
وممكن فعلا يكون خاف أي حد فيهم يتكلم ويتفهم غلط او نصده جامد
بس

واختلاف الرأي لايفسد للود قضية

من طرف **Crespowbas** الأحد نوفمبر 04, 2007 7:47 pm

وهو دة اللى انا قولته بجد يااااااااااااااااااااااااااااااااااااااااااااااااااااااا

انا مش عارف انادى اقول ايه بس عادى شكرا على تدخلك فى الموضوع وردك الجميل دة

من طرف **Totti** الأحد نوفمبر 04, 2007 10:27 pm

على فكرة يا سنو انتي ورنيم وميرو
ممكن يكونو بينصحو بطريق غير مباشر زي ما اس قالت
انا عن نفسي لو بنت غلطت ممكن مااقولهاش بصراحة لان انا اسلوبي ناشف اوي ويمكن هي متقدرش
وللاسف في ناس كتير فاكرين اني بنفض لكن والله انا بحب زمايلي البنات زي اخواتي بالظبط
انا مش بنفض في حاجة بس يا ريت الناس تقدر انا ممكن انصح اي حد بطريق غير مباشر
بس لو هو مخدش باله يبقى هو اللي ............ بلاش غلط احسن

من طرف **MOoON Light** الأحد نوفمبر 04, 2007 11:02 pm

بس لو هو مخدش باله يبقى هو اللي ............ بلاش غلط احسن

انا بهدى النفووووووووووووس بس

عادى يعنى

تيك ات ايزى ياااااااا

وبعدان مااحنا شكرنا فيكم انا واس اهو عادى يعنى

من طرف **ESSS** الإثنين نوفمبر 05, 2007 7:15 pm

ههههههههه هههههههههه هههههههههه
لازم يعني يا مون لايت تهدي النفوس
هم أصلا مابيصدقوا
هههههههههههه

وانت بقى يا توتتي أفتكر الجمايل دي
شوف بدافع عنكو ازاي
هههههههه

[/center]

من طرف **Totti** الثلاثاء نوفمبر 06, 2007 2:14 am

ماشي يا اس
ميرسي ع الجمايل دي انتي وموني
ويا ريت عم محسن Wink

يفهم ويبطل يهدي النفوس بطريقته

من طرف **MeRaMoRe** الثلاثاء نوفمبر 06, 2007 2:36 am

اوكي حلو تهدية النفوس دي

وزي ما اس قالت الإختلاف في الرأي لايفسد للود قضيه

وكل واحد شايف انه عمل اللي عليه وان الوضع عادي

وناس تانيه شافت انه مش عادي في كل الاحوال كل واحد بيعمل الحل اللي يريحه

ها ياترى ايه المشكله اللي بعد كده؟؟

من طرف **Crespowbas** الثلاثاء نوفمبر 06, 2007 3:52 am

هو ليه الحب مبقاش حلو زى الاول ما بقاش فيه اخلاص زى زمان مثلا

انتم عارفين فى واحد من اصحابى بيحب واحدة جدا فى يوم زى يوم الاحدما فيش
حد قال للثانى كل سنه وانت طيب وانا بيتحكيلى كنت هموت من الاسغراب
الاثنين بيحبو بعض وبسمع قصص من الاشعار بيقلوة لبعض وحاجه صغيرة زى كدا
ميقلهاش لبعض حاجه غريبه

فانا عاوز اعرف دة بقى برود يعنى فى الحب

ولا كل واحد عرف نهايه القصه وما بيحولشى يبقى هو الجديد ويعمل غير الناس اللى بتخلى النهايه وحشه

مش عارف السبب بس احب اعرف منكم السبب

من طرف **ahmedelamir64** السبت ديسمبر 08, 2007 8:49 pm

تسلم ايدك يا محمد عل افكارك في المواضيع
بس ليه المواضيع المهمه مظلومه في المنتدي
يعني في مواضيع كتيره اوي مهمه جدا ومظلومه عشان مش عندنا الجراءه اننا نتكلم بصراحه
ونكمل موضوع ممكن يصلح بينا وحللنا كتير من مشاكلانا
بس علي العموم تسلم ايدك يا محمد
وممكن انا وانت نكمل لوش مفيش حد في المنتدي عنده مشكله
علي العموم تسلم ايدك يا حبيب قلبي

من طرف **eamo** السبت ديسمبر 08, 2007 11:19 pm

تسلم ياكرسبو على موضوعك الرائع كالعاده بارد عليك واقولك الحب مش هو اللي اتغير لأ الناس اللي اتغيرت بقت مش بتفكر الأبالحاجه الماديه حتى الحب بقه التعبير عنه لازم يكون بحاجه ملموسه بس صدقني في ناس بتخلص في الحب بشكل يخليك تحس ان اصلا الحب اتوجد على ايد الناس دول وبعدين الحب قيمته قلت من الناس اللي مش كويسه وانت عارف بقه الحاجه الوحشه هي اللي بتظهرو لوكانت قليله بس بجد مش عارفه ارد عليك لأني فعلا انا كمان باسأل نفسي نفس السؤال ولحد دلوقت مش لاقي ه اي جواب وصدقني متتعبش قلبك مش هتلاقيله جواب المهم حب انت بطريقتك وميهمكش من اللي حواليك

من طرف **Crespowbas** الأحد ديسمبر 09, 2007 2:22 am

لا ان شاء الله هنلاقى حل بس لما نشوف نفسانا فى الدنيا ديه

تسلم ايدك يا جميل على ردك يا قمر

من طرف **mido19** الإثنين ديسمبر 10, 2007 1:32 am

انا بقى عندى مشكلة يا جماعة
مش عارف حلها وبردة محدش هيلاقى حل ليها
قلبى مش عارف يحب
كل مشوف واحدة تعجبنى اسئل نفسى هى دى خالص الى قلبى اختارها
وامشى كمان شوية الاقى واحدة تعجبنى بردة اسئل نفسى نفس السؤال00؟
تعرفوا يا جماعة انا عندى كام واحدة بحبهم فى دفعتى بس او معجب بيهم يعنى ((3))
امال لو رحت برة الكلية او الدفع التانية
والله مش هلاحق
حد بقى لقى حل ولا هى مش مشكلة اصلا يا عم ((كرسبو منير))

من طرف **Crespowbas** الإثنين ديسمبر 10, 2007 4:17 am

ههههههههههههههههههههههههههه
يخربيتك يا ميدو
بس انا هقولك الحل يا عم
اللى انت بتشوفهم دول كلهم هتلاقسهم عندهم حاجات بتخليك تتشد ليهم
الغى فكر عن البنات انك لازم تكلم وحة حلوة واحلى وحدة فى الدفعه ودور على
واحدة تطملها من جواك كدة حتى لو مكنتش كلمتها قبل كدة هتلاقى اكيد واحدة
انت بتستريحلها بالفطرة كدة
دور عليها واسال عنها وروح كلمها

دة كله مش هيبقى حب
هتعرف انك بتحبها ولا مش بتحبها لما تخدو على بعض اكتر واكتر وتحس ان فيه قلفه ما بينكم كدة

يعنى من الاخر يا ميدو اى واحدة انت بتحبها (بتقول بتحبها) 3 بنات اللى قولت عليهم
دة مجرد اعجاب مش حب خالص
فهمنى
ولو وجهتك اى مشاكل انا معاك هنا

ابقى تعالى واحكيلى وانا اقولك راى بصراحه

من طرف medo_wahb528 الأربعاء ديسمبر 19, 2007 3:18 am

هاى يا جماعه
اخوكمmedo_wahb
هكون معاكوا على طول
انا فى مشكله مغلبانى
بس هى مش معايا
هى مع واحده زميلتلى
هى كانت فى جامعه وحولت جامعه تانيه
بس المشكله ان كان فى ولد معاها بيحبها مووووووووووووت لدرجت انه عيط علشان يكلمها
واتصدم قوى لما حولت
كلم مامته وراحولها البيتوطلبوها من والدها
الصراحه الولد كويس
بس هى مش عايزه خالص الولد ده
بس الولد عاجب اهلها جدا
واهلها بيضغطوا عليها جدا
ومفكرنها مش موافقه علشان فى حد فى حياتها
وهى مش عارفه تعمل ايه وطلبت رايئ
وبصراحه انا محتاج رايكوا

من طرف medo_wahb528 الأربعاء ديسمبر 19, 2007 3:19 am

هاى يا جماعه
اخوكمmedo_wahb
هكون معاكوا على طول
انا فى مشكله مغلبانى
بس هى مش معايا
هى مع واحده زميلتلى
هى كانت فى جامعه وحولت جامعه تانيه
بس المشكله ان كان فى ولد معاها بيحبها مووووووووووووت لدرجت انه عيط علشان يكلمها
واتصدم قوى لما حولت
كلم مامته وراحولها البيتوطلبوها من والدها
الصراحه الولد كويس
بس هى مش عايزه خالص الولد ده
بس الولد عاجب اهلها جدا
واهلها بيضغطوا عليها جدا
ومفكرنها مش موافقه علشان فى حد فى حياتها
وهى مش عارفه تعمل ايه وطلبت رايئ
وبصراحه انا محتاج رايكوا

من طرف **Crespowbas** الأربعاء ديسمبر 19, 2007 3:42 am

بص يا باشا المفروض انها تعمل حاجه صغيرة كدة
علشان المشكله دلوقتى مضش مع اهلها المشكله مع الولد
انا رائ انها تروح تقول للولد دة انها مش عاوزة ترتبط رسمى دلوقتى باى حد وتقوله الصراحه
واكيد هو هيحس وهينسحب من حيتها بالزوق وبدون مشاكل كمان تحصلها
علشان ما فيش حد يرضى يتجوز حد ما بيحبهوش
وربنا معاها

من طرف medo_wahb528 الأربعاء ديسمبر 19, 2007 9:51 pm

شكرا يا كرسبوا على المساعده
بس فى مشكله ان الولد لما بتكلموا بيعيطلها فى التليفون
وانت اكيد عارف النوع ده من الشباب
وانا قولتلها زى منتا قولت كده بالظبط قبل كده وهى كلمته
ام عيط وهو عمال يقولها (طب جربى ترتبطى بيا وانا هسعدك واكيد هتحبينى)
والبنت اتخنقت منه جداااااااا
لدرجت انها بجد كرهته
وفكرت انها ترتبط بيه وتكرهه فيها بس انا قولتلها مش هو ده الحل
بجد انا مش عارف اقولها ايه
وانا محتاج رايكم فى الموضوع ده
مستنى ارائكم
باىىىىىىىىىىىىىىىىىىىىىىىى

من طرف medo_wahb528 الأربعاء ديسمبر 19, 2007 9:53 pm

شكرا يا كرسبوا على المساعده
بس فى مشكله ان الولد لما بتكلموا بيعيطلها فى التليفون
وانت اكيد عارف النوع ده من الشباب
وانا قولتلها زى منتا قولت كده بالظبط قبل كده وهى كلمته
ام عيط وهو عمال يقولها (طب جربى ترتبطى بيا وانا هسعدك واكيد هتحبينى)
والبنت اتخنقت منه جداااااااا
لدرجت انها بجد كرهته
وفكرت انها ترتبط بيه وتكرهه فيها بس انا قولتلها مش هو ده الحل
بجد انا مش عارف اقولها ايه
وانا محتاج رايكم فى الموضوع ده
مستنى ارائكم
باىىىىىىىىىىىىىىىىىىىىىىىى

من طرف **Crespowbas** الأربعاء ديسمبر 19, 2007 10:21 pm

بص يا حبى
هو من النوع المتمسكن على نفسه

اقولك
هى تروح تقوله انا عمرى ما هرتبط بيك ولو فكرت اتجوز مش هتجوزك
لو عاوزنى اعمل مع اهلى مشاكل هعمل مشاكل بس مش هرتبط بيك مش هرتبط بيك
لو عملت كدة بدل ما اخدك اخ ممكن استشيره فى حاجه
هخدك عدو اول ما افكر اخون هخونك انت وهكرهك
لو عاوز نفضل حبايب ابعد عنى
بس
ولا عاند قولى انا عاليه وانا هعرف اتصرف معاها علشان هو كدة مش هيبقى عندة دم

بجد ابقى هاتلى رقم تليفونه وانا اهزقه سعتها

من طرف medo_wahb528 الجمعة ديسمبر 21, 2007 3:42 am

merci
يا كرسبو على رايك الجامد ده وبجد ده حل كويس
جدا وبجد والله انا قايلها تعمل كده
بس بتقوللى انها خايفه تقوله كده
علشان مايوصلش كلامها معاه لمامتها
احسن تكبر المشكله ومامتها تزعق معاها تانى
بس ادام انت متفق معايا فى الراى ده
انا هحاول ااثر عليها واقنعها ان ده هو الحل الوحيد
بس بجد يا جماعه اللى عنده حل احسن يا ريت يقولهولى
وتانى احب اشكرك يا كرسبو على مشاركتك معايا فى المشكله

من طرف **takatiko** الثلاثاء يناير 29, 2008 1:53 am

اولا يا كرسبو انا هرجع لاول مشكلة اللى عرضتها بوتى عن اصحابنا الاولاد فى الجروب بتاعنا بص انا شايفة ان هما كويسين كلهم وبيحاولوا يعملوا حاجة بس بامانة مش دايما يعنى ساعات بيشوفوا حاجات و يسكتوا عليها بس للامانة برضه ومن غير ماحد يزعل منى وكلهم عارفين اللى هقوله ان اكتر واحد كنت بحس انه ما بيسيبش حاجة تعدى هو صادق ربنا يمسيه بالخير بقى كان لو حاجة حصلت ما عجبتوش بيعمل حاجة من اتنين يا اما تلاقيه اتنرفز و زعق او يتريق ع اللى ادامه عشان يعرف غلطه
ثانيا بقى بالنسبة لمشكلتى انا واخدة قرار فى حاجة و عارفة ان القرار ده هو الصح بس المشكلة انى مش قادرة انفذه؟؟؟؟؟؟؟؟؟

من طرف **snow white** السبت مايو 31, 2008 4:17 am

بصي يا تكتك
انا هسألك سؤال الاول
وردي عليه وبعدين نتناقش في مشكلتك
انتي تحبي تعملي اللي انتي شايفاه صح ولا اللي يريحك؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس ردي بصرااااااااااااحه

من طرف **takatiko** السبت مايو 31, 2008 9:20 pm

مش هرد عليكى عشان المفروض انك اكتر حد حاسس بيا ولا ايه؟؟؟؟؟؟؟؟

من طرف **Crespowbas** السبت مايو 31, 2008 9:29 pm

ممكن تكون هى حاسه بيكى وعارفه كمان

بس عاوزة تسمعها منك ليه ما تقولهاش

هتخسرى حاجه لو هتخسرى يبقى نخش فى مشكلتك على طوووووووووووووووووووول

من طرف **takatiko** السبت مايو 31, 2008 9:33 pm

لاء يا كريسبو انا هسكت وهى اللى هترد بدالى

من طرف **Crespowbas** السبت مايو 31, 2008 9:35 pm

باين

ولا انتى هترد ولا هى هترد بدالك

ماشى

برحتكم

من طرف **takatiko** السبت مايو 31, 2008 9:45 pm

وقت الموضوع ده ما اتكتب انا كنت بعمل اللى يريحنى لكن انا بقالى فترة بعمل الصح

وبعدين الموضوع خلاص اوشك على الانتهاء
حلوة الحتة العربى الاخيرة دى

من طرف **snow white** الأحد يونيو 01, 2008 12:26 am

ياتكتك يا قلبي انتي اللي مش فهمتيني
انتي عارفه كويس اوي اني حسه بيكي
وفهماكي من غير ما تتكلمي
بس بحاول اساعدك انك تفهمي نفسك
وتعرفي انتي عايزه ايه بالظبط
لو جاوبتي علي السؤال ده بصراحه بينك وبين نفسك هتعرفي تعملي ايه
وحكايه ان الموضوع قديم انا لو كنت حسه انه انتهي مش كنت رديت عليه
بس ده انسب وقت انك تناقشي مشكلتك.........ده رأيي

من طرف **Crespowbas** الأحد يونيو 01, 2008 12:35 am

كويس كويس

من طرف **takatiko** الأحد يونيو 01, 2008 11:57 pm

هوه ايه اللى كويس بالظبط يا كريسبو انت داخل تسخن؟

من طرف **snow white** الإثنين يونيو 02, 2008 5:12 am

هيسخن ايه يا تكتك؟
احنا قاعدين في مطبخ؟

من طرف **takatiko** الثلاثاء يونيو 03, 2008 6:46 pm

هيسخن حلة البامية يا ختى

من طرف كوكو الثلاثاء يونيو 03, 2008 11:53 pm

انا بقى مشكلتى مشكلة عويصة موت من زمان وانا متأكدة انى مافيش صداقة بين ولد وبنت وكانت وجهة نظرى انى البنات ما ماتوش علشان اسيبهم واصاحب الولاد وفوق ده وده ليس لى اخوة اولاد فكانت مغلقة من كل الجهات ولما دخلت الكلية فضلت مغلقة وبقيت اتفرج على المجموعات والشلل الجميلة اللى مش بيبطلوا ضحك طول النهار وماخبيش عليكم كنت ببص لهم بعين الحسد تقريبا لانى هم بيكلموهم امام الناس مش فى مكان كده ولا كده وارجع واقول لا غلط حتى الاختلاط وفى الاخر زهقت ولما روحت اتدرب واشتغل دلوقتى فى التحاليل اكتشفت الكارثة انى مابعرفش اتعامل مع الاولاد وانى لو رجل او شاب بيعمل تحليل واعمله له فعلاصح واجى اسلم نتيجة افضل اتهته مع انى بتكلم كويس وماعنديش حروف ضايعة بس وربنا انا متضايقة خالص وشكلى هاسيب الشغل واقعد فى البيت جنب ماما فى حد عندو حل تانى ؟؟؟؟

من طرف **Crespowbas** الخميس يونيو 05, 2008 4:33 pm

انا بقى مشكلتى مشكلة عويصة موت

اتفضلى احنا سمعينك

من زمان وانا متأكدة انى مافيش صداقة بين ولد وبنت وكانت وجهة نظرى انى البنات ما ماتوش علشان اسيبهم واصاحب الولاد

هى ديه المشكله بصى ما فبش حاجه صح وتبقى مشكله فى يوم من الانا قليل الادبم مدام انتى مقتنعه بحاجه فاباذن الله مش هتبقى مشكله
وانا معاكى اهو لغايه ما اشوف المشكله
يا مسهل

وفوق ده وده ليس لى اخوة اولاد فكانت مغلقة من كل الجهات

اولا دة بتاع ربنا فا متفكريش فى اى حاجه علشان ربنا اكيد عامل دة فى مصلحتك
مش جايز لو كان ليكى اخ كنتى زهقتى وكان هو قارفك كدة قولى الحمد لله وخلاص

وبعدين احنا برضو اخواتك اهو ولا يهمك يعنى

كلنا شوفى بقى بقى ليكى كام اخ افرحى يا ستى بس يا ريت ما تزهقيش مننا

ولما دخلت الكلية فضلت مغلقة وبقيت اتفرج على المجموعات والشلل الجميلة اللى مش بيبطلوا ضحك طول النهار

طب ليه انتى مش بتضحكى انت كمان
ليه مش كنتى بتحاولى تكونيلك شله كويسه من البنات اللى زيك وتعدو برضو تضحكو وتهزرو

اقولك
على حاجه ما بينى ومابينك ((((((((( اى شله بيكون فيها اختلاط بتبقى كلها
مشاكل فى مشاكل والمشاكل بتعتها مش بتتحل بسهوله وبتبقى اغلبها نكد
))))))))))) انا مجرب ديه وديه والحمد الله بقيت اكبر دماغى لحاجات كتير
وودخلت فى شله بحسد نفسى انى فيها يعنى كلها شباب زى الورد وجدعان موووووووووووووووووت مقولكيش

ما علينا

كملى كملى

وماخبيش
عليكم كنت ببص لهم بعين الحسد تقريبا لانى هم بيكلموهم امام الناس مش فى
مكان كده ولا كده وارجع واقول لا غلط حتى الاختلاط

وانتى صح والله العظيم

وفى
الاخر زهقت ولما روحت اتدرب واشتغل دلوقتى فى التحاليل اكتشفت الكارثة انى
مابعرفش اتعامل مع الاولاد وانى لو رجل او شاب بيعمل تحليل واعمله له
فعلاصح واجى اسلم نتيجة افضل اتهته مع انى بتكلم كويس وماعنديش حروف ضايعة
بس وربنا انا متضايقة خالص وشكلى هاسيب الشغل واقعد فى البيت جنب ماما فى
حد عندو حل تانى ؟؟؟؟

حلوة اتهته ديه
وطبعا ما تسبيش الشغل والكلام اللى انتى بتقوليه دة ( ال تعدى جنب ماما فى
البيت ال ) دة لما ان شاء الله لما ربنا يكرمك وتتجوزى تبقى تعدى فى البيت
لو هو عاوز لكن حد لاقى شغل
المهم بقى

تعملى ايه

اولا تفتحى علاقاتك الصيحه ((((( بمعنى ايه ))))))) ........... انك
لازم تكلمى اقرب الناس اللى حواليكى دلوقتى سواء رجاله او بنات وتحكيلهم
على اللى جواكى وبصراحه

وتدخلى معاهم فى نقاشات

زى هنا فى المنتدى مثلا

انا عرضت موضوع ادخلى معانا قليل الادب فى نقاش واطرحى اسالتك وهاتى اجوبه لاساله موجودة كدة يعنى

بعد كدة هتلاقى العمليه بتاعت الكلام ديه والتهته بقت بسيطه
روحى الشغل اتعملى مع جميع الناس سؤال رجاله او بنات او شيوخ او
ستات اتعملى معاهم كانك بتعملى شخص واحد وانسى انك بتعملى الانسان
دة مودة طويله ....... لا دنتى بتعمليه شغل .........5 دقائق وهينتهى
...... مش محتاجه القلق اللى انتى فيه

هو هيكلنى يعنى لما اكلمه (((((( حطى فى دماغك الكلمه ديه ))))))

كلمى ازمايلك اللى فى الشغل كتير احكلهم عن نفسك خليكى يعنى مش مقفله وحسسى الناس بكدة

علشان لو اللى حواليكى حسو بكدة(((((((( انك مش منغلقه مع نفسك يعنى
)))))))) هما اللى هيزيلو الرهبه من عندك وهيخلوكى تتعملى معاهم بطلاقه
كمان

بس دة كله وما تتخليش عن مبئك علشان لو تخليتتى عنه صدقينى هتخسرى كتير وكتير قووووووووووووووى

وبس

ومش عارف لو كنت قدرت افيدك ولا .....................يارب اكون قدرت افيدك يا كوكو

وكله على الله

من طرف كوكو الثلاثاء يونيو 10, 2008 1:22 am

والله العظيم ياكريسبوا انت مخك ده الماظ مشاء الله ياعنى بس واللع كفاية ردك ده ريحنى وطمنى وكمان انا معانا قليل الادب دكتور دايما يقولى الكلمة دى هما هايكلوكى بجد انت انسان مفكر وعاقل ربنا يوفقنا جميعا انا اتأخرت فى الرد كان النت فاصل بس بجد كل اصحابى العسل كانوا فى بالى واكيد انت اولهم واسنو وايت والبرنس والملاك وكلهم جمال والله

من طرف **Crespowbas** الثلاثاء يونيو 10, 2008 3:21 am

ربنا يخليكى يا جميل

ويارب تكونى قدرتى فعلا تتخطى العقبه ديه

وربنا معانا كلنا