لكل ولد وكل بنت تعالو بسرعة .............

كويس انى لحقت اول رد .. على العموم انتى اثرتى نقطه مهمه جدا و حيويه و هيا عمل المراه

نرد واحده واحده بقى

فمنهم من يقول : انا بحب زوجتى تشتغل عشان ماتبقاش زى ستات البيوت

وكمان تكون على علم بالحياة العملية والعلمية ومتفتحة

انا ما بحبش النوعيه دى من الرجاله ... مش فاهم يعنى يخرجها تشتغل علشان ما تبقاش زى ستات البيوت
طيب ما يقعد هو بقى فى البيت و هيا تصرف و هو يبقى يرضع العيال و خلاص دة حتى اريح يعنى و
هيا كدة كدة هترجعله متفتحه ما يقلقش من النقطه دى

ومنهم من يقول :انا بحب زوجتى تكون قاعدة فى البيت

عشان مااحبهاش تختلط مع ناس معرفهاش

ده راجل محترم بيحافظ على اهل بيته طبعا و مش عايزلها المهانه (( بالبلدى بيستتها ))

ومنهم ايضا من يقول :عادى براحتها وزى ماهى عايزة

بس انا افضل انها تقعد فى البيت

لا طبعا مش براحتها و لا بمزاجها ... دة قرار الرجل و هو اللى يقول الكلمه الاخيرة فيه

اما بالنسبه للبنات

منهم من تقول: انا لازم اشتغل مقدرش اقعد فى البيت

لازم اخرج كل يوم واشوف الدنيا

دى ما تلزمش اصلا .. يعنى اية عايزة تشوف الدنيا مش فاهم انا

الست لو ما عرفتش انها بعد الجواز دنيتها هيا جوزها و بيتها و عيالها يبقى لا تصلح انها تكون زوجه من اساسه

وبنات تانية تقول :انا مش بحب الشغل

انا بحب البيت واعدة البيت وشغل

ست بيت محترمه و عارفه واجبتها و عارفه هيا اتخلقت ليه

وبنات مش فارقة معاهم : فى شغل كويس ماشى مفيش خلاص مش مهم

ده نوع كويس مش وحش .. و واضح انه بردو هيخضع لراى الزوج فى الاخر

يعنى لو قالها اشتغلى هتشتغل و لو قلها لا يبقى لا

الشغل للبنت مش عيب ولا حرام

يابنات احنا اكيد اتعلمنا عشان نبقى حاجة كويسة

مش عشان نقعد فى البيت

ما حدش قال عيب و لا حرام بس جوزك مش عايزك تشتغلى و الله هو حر انتى راضيه على كدة اكيد هيقولك اهلا و سهلا .. مش راضيه يبقى اكيد هيقولك اتجوزى شغلك و بالسلامه انتى وهو

انا رايى محدد فى الموضوع دة و صريح مفيش حاجة اسمها شغل للست بعد جوازها

شغلها الشاغل هو انا و البيت و الاولاد و دى اكبر و اهم و ارقى شغلها فى حياتها و اللى اتخلقت علشانها

و انا لما اكون مش مكفى بيتى تبقى تخرج هيا تصرف عليا بقى

البنت المحترمه اكيد هتعرف ان بيتها هو الاساس مش اللى عايززة تشوف الدنيا

طبعا فى بنات هتقولى هو انت متجوزها تحبسها ... ليه كل البنات بتبص على ان البيت سجن مش عش زوجيه

و مش معنى كدة كمان ان الواحد يخنق مراته لا طبعا هيا ليها حقوق و فسح و خروج طبعا

بس كل بالمعقول و بالحدود .. مش يوميا خروج و يوميا شغل .. دى حاجة اى راجل شرقى لسه عنده دم ما يقبلهاش اصلا

و شكرا يا نونا على الموضوع الجميل ده و يا رب يكون ردى عجبك

<P>[size=18</P>
<P>شكرا ليك انت ياديبو على مرورك وكمان على ردك </P>
<P>بس انا كنت عايزة من الموضوع ده سبب رفض الزوج لعمل المراة</P>
<P>واكيد طبعا الست المحترمة هى اللى بتطيع زوجها </P>
<P>قالها اشتغلى تشتغل قالها لا اكيد هتبقى لا </P>
<P>بس انا معترضة معاك فى حاجة يعنى اية زوجها مش عايز لها المهانة </P>
<P>الشغل عمره ماكان مهانة وكمان هى اكيد مش هتبقى اول مرة تتعامل مع الناس </P>
<P>يعنى اكيد فاهمة هى بتتعامل مع مين وازاى </P>
<P>وبجد شكرا ياديبو على ردك[/size]</P>