تقبلى شبكه فضه بدل الذهب

من طرف **Crespowbas** الجمعة أبريل 03, 2009 7:52 pm

بسم الله الرحمن الرحيم

انا عاوز اخد رئيكم فى حاجات مهمه بالنسبه لينا كلنا

طبعا كلنا عارفين ان الدهب بقي غالي ومبقاش في متناول كل الناس

في قريه في محافظة قنا لما الدهب بقي غالي عملوا اضراب عن الدهب خصوصا الشبكه

وقالوا هنجيب الشبكه فضه

انت لو بنت توافقي ان شبكتك تبقي فضه ؟

ولو انت ولد تجيب لخطيبتك الشبكه فضه ؟

ياريت ياجماعه اعرف رايكو في الموضوع ده

من طرف **AHLAWY** الجمعة أبريل 03, 2009 11:45 pm

لاءطبعااااااااااااااااااااااااااااااااااااااااااااااااااااااااااااااااااااااااااااااا

مش هجيب فضة لما اما اجيب دهب لا اما لاء

ماجبش

من طرف **Crespowbas** السبت أبريل 04, 2009 3:09 am

ربنا يكرمك يا هانى يارب

بس على فكرة ديه مش قله ايمه منك
انك تجيب فضه يعنى

بس انا بايدك برضو

من طرف **MARYEM** السبت أبريل 04, 2009 8:39 pm

امممممممممم مفكرتش فى السؤال ده قبل كده

بس هو اكيد لو بيحبنى مش هيستخسر فيا ومدام ظروفه مش مساعداه انه يجيب على الاقل دبله دهب هقف جانبه واكيد لما يبقى معاه هيجيبلى كل اللى انا عوزاه

من طرف **RANEEM** السبت أبريل 04, 2009 11:04 pm

لا طبعا مش عاوزه فضه
لو هو مش هيقدر يجيب شبكه مش مهم
كفايه اوي الدبله بس تبقي دهب اظن كده مش هتبقي غاليه

من طرف **takatiko** الأحد أبريل 05, 2009 9:19 pm

على فكرة يا جماعة الفضة مش رخيصة ولا وحشة زى ما انتوا متخيلين
انا دخلت محل اسمه
argento silver
عندنا فى بنها المحل ده فيه حاجات وهمية ولعلمكو غالية مش رخيصة
ولما دخلته مع صحابى عجبتنا حاجات كتير هناك وكنت انا وواحدة صاحبتى كمان عندنا استعداد نجيب الشبكة فضة
ودخلته مع ماما بس لما سالتها ينفع اجيب شبكتى فضة بصتلى وسكتت شكل الكلام مش عاجبها
بس انا بصراحة معنديش مانع اطلاقا

لالالالالالالا الشبكه تبقي دهب الدهب كمان

ولو مش قادر دلوقتي يبقي تصبر شويه

من طرف eslamy sr 7yaty الإثنين أبريل 06, 2009 12:29 am

انا ليا رأى فى الموضوع ده
هى الفضه مش وحشه بالعكس بحس انها شياكه
والدهب الناس لبساه كتير بس الفضه الفضه الاصلى مش كتير بيلبسها
وزى ماتكتك قالت هى مش رخيصه بس مش غاليه زى الدهب
لو هو فعلا مش قادر يجيب دهب تبقا الفضه حلوه مش وحشه
لكن لو هو بخل كده
لا طبعا
ده رأيي

من طرف **Crespowbas** الإثنين أبريل 06, 2009 1:51 am

هو عيب لما الواحد يجب فاضه

طب يعنى مافيش حد هيتجوز لو محدش جاب فاضه

طب لو حد بيحب حد ومش قادر حتى يجبله شبكه

يروح ينتحر علشان مش قادر يجيب وعاوز يخطب ويتجوز

دة الرسول كان بيجوز حد الصراحه مش فاكر بالظبط

بس المضمون
كان بيقوله لو معاك خاتم يبقى دة مهرها

ولا كان دهب
ولا كان فاضه ولا نحاس حتى

فهمين يا جماعه

مش قصه مظاهر

ماممكن الواحد يجيب دهب انهاردة ولما يتجوز يبيعهولها

وممكن الواحد يجيب اللى يقدر عليه

وبعد كدة ينغنغها ويخليها عايشه متهنيه وسعيده ومبسوطه وجايبلها من خيرات الله

لا يا جدعان مش قصه دهب وفاضه

قدرت تجيب دهب هات
قدرت تجيب فضه هات
الواحد اللى يقدر عليه يجيبه

وزى ما تكتك قالت

فى فاضه اغلى من الذهب بكتير كمان

من طرف **HAMADA** الإثنين أبريل 06, 2009 4:17 am

هو اى حاجه بيضه تبقا فضه دا بلاتين اللى بتقولوا
عليه فضه ده ودا اغلى من الدهب فعلا
لكن ده مش موضوعى
انا تعليقى هايكون صغير جدا
الرسول قال " اذا جائكم من ترضون دينه وخلقه فزوجوه"
صدق رسول الله صلى الله عليه وسلم
ما قالش اللى معاه فلوس ويعرف يجيب دهب ولا فضه
كده كفايه ولا اكمل؟

من طرف **Crespowbas** الثلاثاء أبريل 07, 2009 1:41 am

انت كلامك
جاب من الاخر يا حمادة

تسلم بجد

من طرف **RANEEM** الثلاثاء أبريل 07, 2009 11:41 pm

ماشي كلامكم صح جداااااااااااااااا
وانت ياحماده كلامك تمام
بس ياجماعه خلينا واقعيين شويه
لما تروح تتقدم لوحده وتقلها انا هجيبلك شبكتك فضه هيه ممكن توافق عشان بتحبك
لكن اهلها مش اظن انهم يوافقو

وبعدين زي ما بتقولو الفضه اغلي من الدهب
يبقي خلاص بقي قلنا مش عاوزين شبكه ياعم
كفايه دبله وتويز بس يكونو دهب واظن هيبقي سعرهم اقل من الشبكه الفضه
ولا ايه برضه

لو مفيش توينز يبقي مش مشكله برده كفايه دبله حلو كده بس دهب برده
خليكم واقعين شويه بلاش الخيال ده

من طرف **HAMADA** الأربعاء أبريل 08, 2009 1:07 am

لا انا مع انى اجيب دهب وهجيب دهب ان شاء الله
وهجيب كتير قوى
ههههههههههه
بس انا بقول حاجه على زكر حاجه محمد حامد بيوضحها
انما الحديث واضح ودا الرسول ومش بيقول حاجه يكون فيها نقاش
لكن احنا الزمن ده بقا غير
الناس زى مايكونوا بيأمنوا بنتهم بالدهب والقايمه الكلام ده

من طرف **dondon** الجمعة مايو 22, 2009 10:05 pm

طبعا اقبل فضه ايه المشكله

وبعدين يا جماعه هيا الشبكه دى دليل ايه يعنى ؟؟؟؟

دليل اد ايه انا غاليه يعنى ولا ايه؟؟ لو كده تبقى البنت بتتباع بالرخيص اوى

ياجماعه الشبكه دى هديه من العريس لعروسته والدبله بقى دى عشان الناس كلهاا تعرف ان البنت

دى مخطوبه يعنى تبقى دهب او فضه مش مهم المهم التوافق والتفاهم بين الاتنين