تحب تعرف أفضل طرق المذاكره

من طرف **T.shahy** الجمعة مايو 15, 2009 10:34 pm

الموضوع ده منقول
بس انا حسيت انه حيفيدكوا زي ماافادني جدااا
خصوصا في قليل الادبمكوا الحلوه دي
ربنا معاكوا وينجحكوا يارب

تحب تعرف أفضل الطرق للمذاكرة ؟؟
تحب تشوف الذاكرة بتاعتنا ماشية إزاي ؟؟
تحب تخلي ذاكرتك دي طوع إرادتك ؟؟

طبعا الكلمة دي بتعمل عندنا قلق في البيت وتعلن حالة الطوارئ القصوى .. خصوصا لو كان في البيت واحد في
الثانوية العامة مش كده ؟؟

انا هقوللك أفكار رائعه هتساعدك وانت بتذاكر .
الافكار دي هتساعدك تعرف افضل الطرق للمذاكرة وتثبيت المعلومات ,,

أنـــــــواع الذاكــــرة ...

عشان نعرف نذاكر لازم نعرف الأول الذاكرة بتاعتنا بتشتغل إزاي .. وعن طريق معرفتنا دي ممكن نستخدمها أفضل
استخــدام ..

الذاكرة أيها السادة نوعـــــان ..
ذاكرة قصيرة الامد , وذاكرة طويلة الأمد ..

1_ الذاكرة قصيرة الامد : النوع ده من الذاكرة هو اللي متخزن فيه المعلومات العابرة خلال اليوم
فطرت ايه النهـــاردة ؟ عملت إيه امبــــارح ؟
المعلومات دي بتبقى معانا لفترة قصيرة وبعدين ممكن تنساها .. لو سألتك الأسئلة دي بعد سنتين , ممكن ماتبقاش
فاكر إنت فطرت إيه من سنتيــــــن ,,
الذاكرة قصيرة الأمد بتتخزن بسرعه عن طريق العقل اللاواعي ..
والذاكرة قصيـــرة الأمد سعتها 7 زائد أو ناقص معلومتين في المرة الواحدة , عايز تعرف إزاي ؟؟

يبقى إلعب معايـــا اللعبـــة دي :
احفــــــــظ الرقم اللي هيظهر قدامك ده 123313414515

ماعرفتش تحفظه ؟ عـــــــــادي ..
الرقم اللي قرأناه من شوية ده ماعرفناش نحفظــــــــه بسرعه عشان زي ما قلتلك , الذاكرة قصيرة الامد بتشيل بس
7 معلومات زائد أو ناقص اتنين ( من 5 إلى 9 معلومات في المرة )
فالرقم اللي شفناه ده مكون من 12 رقما .. يعني 12 معلومة , عشان كده صعب على الذاكرة قصيرة الأمد إنها تشيله .

يبقــــى إيـــه الحــــل ؟

عشان تحط الرقم ده بسهولة في الذاكرة قصيرة الامد ., ممكن تلعب لعبة جامدة جدا , ممكن بدل ماتخليه 12 معلومة
تخليـــه 4 معلومات بس !!

عارف إزاي ؟؟
بص على نفس الرقم لما كتبناه بأسلوب تاني :
123
313
414
515
سهــــــل يتحفظ كده ... صــــح ؟
كل اللي عملناه إننا قسمنا الرقم بشكل تاني .. بحيث نحفظ كل شوية مع بعض ( مش رقم رقم زي الاول ) الرقم الطويل
بقى 4 معلومات بس ... فبقى اسهـــــــل ,,

قاعــــــده مهمـــــــة ____
عشان تعرف تحفظ .. قسم المعلومات الكبيرة بطريقة سهلة الحفظ , واربط بين المعلومات وبعضها عشان تحفظها أسهل.

2_ الذاكــرة طويلــة الأمـــــد :
دي الذاكرة اللي بتشيل المعلومات المهمة جدا اللي من الصعب جدا إنها تتنسي ..
إسمــــــك إيه ؟
رقم تليفونـــــك ؟
وهكــــذا ,,

والذاكرة دي عشان تتكون , لازم تقوم بشوية مجهود في الأول , بعد كده هتثبت بطريقــــــة رائعــــــة ..
وهي دي المذاكـــــــرة بقــــى ,,

يعني إيــه مذاكــــرة ؟؟؟

المذاكرة دي ببساطة , هي إنك تنقل المعلومات من الذاكرة قصيرة الامد , للذاكرة طويلة الأمد ..
عشان كده لما حد يقوللك : عايزك تحفظ الدرس ده زي أسمك , يبقى كأنه بيقوللك : عايزك تحفظ الدرس ده بالذاكرة
طويلــة الأمـــد ..

لو ذاكرت درس ونسيته تاني يوم .. تبقى بتستخدم الذاكرة قصيرة الأمــد فقط ..

إزاي ننقل المعلـــــومات للذاكرة طويلــة الأمـــد ؟؟

عشان المعلومات تتنقل للذاكرة طويلة الامد لازم نقوم ببعض المجهود زي ما قلنا .. لكن النتيجة بتكون رائعه ,,

1__ التكرار : هيخلي عقلك يتعامل مع المعلومـة باهتمام لأنها بتتكرر تبقى مهمة بالنسبة لك ..

2__ استخدام مراكز المخ المختلفـــة : الطريقة دي مؤثرة وفعالة جدا ..
إنت بتذاكر بعينك : يعني مراكز الإبصار في المخ اشتغلت على المعلومة دي ..
اكتب وانت بتذاكر : هيخلي مراكز المخ المخصصة بعملية الكتابة تشتغل على المعلومة دي ..
سمّع اللي ذاكرته : نشطت مراكز الذاكرة ومركز الكلام اشتغل برضه على نفس المعلومة لو كنت بتسمّع بصوت ..

بالطريقـــة دي يبقى المعلومة تغلغلت جواك بأكثر من طريقة .. يبقى ألف مبرووووووووك .....
3__ الحالة الذهنيـة : وانت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك ,,
لو ذاكرتها على اعتبار أنها معلومة مؤقتة عايزها للامتحان بس , عقلك هيتعامل معاها
على إنها معلومة تافهة ويحطها في الذاكرة قصيرة الامــد زي ماانت طلبت منـه !!

تخيل إنك بتحفظ المعلومات دي لأنك هتحتاجها بعد سنين طويلة , تخيل كده مش هتخسر حاجة ..
وهتندهش من النتيجة الرائعة اللي هتتحقق ,,

بالطرق دي هتلاقي ان اللي حفظته ده , هينتقل للذاكرة طويلة الامد وهتلاقي نفسك حققت النتيجة اللي انت عايزها

من طرف زائر السبت مايو 16, 2009 12:25 am

بحقيقي بحقيقي معلومات مفيده جدا

من طرف **Crespowbas** السبت مايو 16, 2009 3:04 am

شكرا

من طرف **T.shahy** السبت مايو 16, 2009 10:01 am

الحمد لله انها عجبتك

من طرف **T.shahy** السبت مايو 16, 2009 10:02 am

العفو

من طرف **zidane10** الخميس مايو 21, 2009 1:51 am

جزاكي الله خيرا
كلام جميل
ربنا يوفق الجميع
شكرا يا ...يا...ايه
ياخبر واضح اني لازم انقل اسمك في الذاكرة طويلة الامد!!!!!

من طرف **T.shahy** الإثنين يونيو 29, 2009 12:01 am

ههههههههههههه
جزانا وقليل الادبكم
شكلك معندكش ذاكره اصلا يازيدان
يالنهار عملت ايه بقي في الامتحانات بذاكرتك دي
؟؟؟؟؟؟؟؟؟؟؟؟؟؟

من طرف **zidane10** الأربعاء يوليو 01, 2009 2:12 pm

الحمد لله...
عملت الواجب وزيادة
بس تصدقي انا السنة دي في الترم الاول وشوية في الترم التاني
اول مرة تخوني الذاكرة....
انا كنت دايما مدام على الاقل قاري الحاجة
في الامتحان افتكرها...لكن السنة دي....مش عارف في ايه؟؟؟؟؟؟؟؟
لو ما راجعتش على الاقل مرة قبل الامتحان انسى كل حاجة....!!!!!!
عشان كده وقعت مني حاجات كتيرة!!!!
بس برضه الحمد لله......انا الترم ده حليت احلى من الترم الاول
....المهم
موضوعك جامد قوي....
تصدقي هو اللي ساعدني الترم ده ....بجد ...مش مصدقة ...صح؟
بجد الف شكر يا....ياا....ايه!!!!!!!!!!!!!!!!!!!

من طرف **T.shahy** الأربعاء يوليو 01, 2009 9:51 pm

لا واضح قوي انه ساعدك
وربنا انا اسمي شاهي
شاهي شاهي شاهي
احفظه بقي
معلش الذاكره احيانا بتيجي تخون كده
انا كان يتعمل فيا احلي فصل اما ابقي مذاكره الحاجه كويس واجي وقت الامتحان مش راضيه تطلع
عشان كده اتعودت اول ماادخل الامتحان اكتب المنهج كله الي فاكره في نقط في اخر صفحه
وده بجد كان بيساعدني كتير قبل ماانسي هههههههههه
ويارب يارب يكون بجد الترم دي احلم ترم وتجيب احلي تقدير

من طرف **zidane10** الخميس يوليو 02, 2009 2:01 pm

شكرا يا شاهي
منك للدكاترة...
......
حقيقي مش بهزر انا كنت بحاول استخدم اكتر من حاسة في المذاكرة الترم ده
....
بالمناسبة
انا اول ما قريت الرسالة كتبت اسمك على ورقة ...قبل ما انسى...ههههههههه

تحب تعرف أفضل طرق المذاكره

تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره

رد: تحب تعرف أفضل طرق المذاكره