الحمد لله رب العالمين الرحمن الرحيم

هل يفرق مع الميت لو انه مات من مرض او مات من غير مرض او مات في حادثه او مات بأي طريقه
متفرقش معاه

اللي مات في حادثة عربيه ده اكيد اتألم كتير صح؟؟؟
بس هو برده اللي بيموت علي سريره بيـالم كتير برده
هو حد عارف
حاجه بتحصل قدامنا كل يوم ومحدش يعرف عنها غير اللي بيسمعه لحد ميجرب

طب اللي كان بيعدي الطريق وبعدين انشقت الأرض وطلعت عربيه وصدمته ومات مش ده أجله اللي ربنا كاتبهوله
طب مين اللي بعت العربيه ديه عشان تكون نهاية الأنسان ده تحت عجلها
ربنا

طب لو فكرنا ف حاجه تانيه غير الموت
الرزق
مين اللي بيرزق
مين اللي بعتلك حد عشان تكسب فلوس من تعاملك معاه
مين اللي هيأ الظروف عشان تستفيد منها وتكسب
ربنا

طيب انا أقدر اعرف ايه اللي في قلبك
أقدر اعرف ايه اللي في دماغك
مهما حاولت فأنا بجتهد بس مهما افكر ومهما اعمل عمري مهعرف اللي جواك زي م انت برده عمرك مهتعرف ايه اللي جوايه
كل واحد مغلق علي نفسه
بيشوف الدنيـابعنيه وبيحسها هو وبتحصل كل حاجه حوليه عشان يشوفها وممكن يستفيد منها وممكن يتضر منها وممكن حاجات كتير اوي تحصله
طب يعني ف الأخر كل واحد لوحده
وبيتعامل مع الناس من برده وعمره مبيعرف ديخل جواهم ولا يعرف نواياهم ولا يعرف اي حاجه وحتي لو عرف وحب يستفيد ممكن الظروف تيجي عكسه وبدل ميكسب يخسر وممكن تيجي معاه ويكسب وممكن تيجي معاه شويه وبعدين تتقلب عليه
الدنيـامش مفهومه زي م الناس مقفولين علي نفسهم
كل واحد مقفول علي نفسه
وربنا وحده هو اللي معاه وعارف ايه اللي جواه وهو بيقول ايه ومخبي ايه ونيته ايه
وربنا هو اللي بعت العربيه عشان تكون نهاية انسان تحت عجلها
زي برده مربنا كتب لواحد تاني يموت علي سريره
والأتنين بيتألموا ف اللحظه ديه ممكن يكون نفس الألم
وربنا هو اللي بيبعتلنا الرزق ويسير الناس عسان يكون ربقنا من تعاملنا معاهم
وربنا هو اللي بيبتلينا
وربنا هو اللي بيكتبلنا كل واحد هيكون ايه
ظابط وزير غفير سفير
ربنا هو اللي بيهيألنا كل حاجه عشان نكون زي م نكون ونعهيش حياتنا وبعدين نموت ف الوقت الليربنا محدده
وربنا هو اللي خلقلنا شكلنا
ده شكله كويس ده شكله حلو اوي ده شكله مش مقبول
دي حلوه دي عاديه
كل حاجه ربنا هو اللي بيعملها

طب ينفع انا اتكبر علي حد
واقول انا شكلي احسن منك
هو انا اللي عامله
ينفع اقول انا معايـافلوس اكتر منك
هو انا اللي جايبهم علي علم عندي
ينفع واحد تقول انا اجمل من التانيه وتتعالي عليها
هو هي اللي اختارت شكلها
ولا التانيه هي اللي اختارت شكلها

ممكن السفير ابن الوزير لو كان ابن واحد عادي مكنش يبأه سفير وكان يبأه موظف عادي مكان الموظف اللي بيتكبر عليه ويقوله انا سفير وانت موظف
والتاني ممكن يكون مكانه لو كانت الظروف اتهيأتله لو كان ربنا هيأهاله

الخلاصه احنا ملناش فضل ف الحاجات ديه كلها ولا ينفع نتكبر علي حد بيها

واللي انا عايز اقوله
انا ربنا هو اللي بيعملنا كل حاجه ف حياتنا
تاريخ ميلادنا وتاريخ وفاتنا والطريقه اللي نموت بيها ورزقنا وحياتنا

أمال احنا اتخلقنا ليه
ربنا خلقنا ليه طالما ان كل الحاجت ديه ملناش فضل فيها والظاهر اننا اللي بنعملها والحقيقه ان ربنا هو اللي بيعملنا وبيقدرلنا

ربنا خلقنا عشان نعبده
بس الشيطان بيضحك علينا
ويخلينا ننسي الصله عشان خاطر الفلوس
ويخلينا ننسي ربنا عشان خاطر دنيتنا
وربنا يدينا والشيطان يقول شوفت انا عملت معاك جميل انا اللي عملك كل ده خليك زي م انت
وربنا يعذبنا والشيطان يقول انت غبي كان لازم تفكر صح م الأول متعمل الخلطه اللي وقعتك ديه تاني وخليك زي م انت بعدك عن ربنا مش هو اللي عمل فيك كده

دايما ربنا هو اللي بيعمل والشيطان زينا مبيعملش حاجه غير انه يحط قدمنا الأختيارات الغلط لأنه مطرود من رحمة ربنا وعارف ان اخرته النار
ويبعد عننا الأختيارات الصح ان ربنا هو اللي عمل معانا كده
ان ربنا هو اللي ادانا ورزقنا عشان نشكره ونعرف اننا مقصرين معاه واحنا معرفناش
وربنا هو اللي قلل رزقنا عشان دعوه فيستجيبلنا
وربنا بيغفرلنا لو غلطنا
وربنا رحمته واسعه
واحنا اتخلقنا ليه عشان نعبده
وهو ربنا الرحمن هو اللي بيدينا وهو اللي بيقلل رزقنا وهو اللي بيحينا وهو اللي بيموتنا وهو اللي هيبعثنا
ويسألنا
ربنا مش هيسأل انت كان معاك فلوس أد ايه
ولا هيسألأ انتي كنتي حلوه ولا وحشه
ولا هيسأل انت موت اذاي ولا اتولدت امتي
لأن ربنا هو اللي عمل كل ده
ربنا هيسأل عن اللي خلقنا عشانه

وربنا قال في كتابه العزيز عشان يقولنا اننا لما نعرفه ونعبده حق عبادته
بسم الله الرحمن الرحيم
{ الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللَّهُ يَعِدُكُمْ مَغْفِرَةً مِنْهُ وَفَضْلاً وَاللَّهُ وَاسِعٌ عَلِيمٌ }
صدق الله العظيم

يعني ربنا هيغنينا
شوف فضل ربنا أد ايه بأه

وربنا قال
بسم الله الرحمن الرحيم
"وإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ "
صدق الله العظيم

يعني كل منشكر ربنا علي نعمه ادهالنا هيرزقنا أكتر ولو كفرنا بيها ومشكرناش ربنا ونسينا ان ربنا هو اللي رزقنا ممكن النعمه تزول وممكن النعمه تبأه نقمه وممكن ميكونش فيه راحه يعني فيه عذاب وخلاص
وعلي اد م رحمة ربنا واسعه وعلي أد م فضله كبير علي أد برده م عذابه شديد

وربنا قال

بسم الله الرحمن الرحيم
"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي"
صدق الله العظيم
وربنا هو اللي بيعمل كل شيئ
يعني ممكن اي حاجه تقف قدامك تدعي ربنا يستجيبلك وهيألك الظروف ويحققلك اللي انت عايزه
بس لازم تكون مؤمن اوي بالأيه ديه

ولما نقع في ذنب نصلي لربنا عشان يرحمنا وندعيه ونقول زي م سيدنا موسي قال
"ربي اني ظلمت نفسي فأغفر لي"
دي ايه تكملتها
"فغفر له"
يعني فيه سرعه في المغفره

ولما يصيبنا الضر ندعو ربنا برده ونقول زي م سيدنا ادريس قال
"ربي اني مسني الضر وأنت أرحم الراحمين"
وةتكملة الأيه
{{فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ }}
في سرعه برده في الرحمه

لو قرينا القرأن الكريم صح
هنلاقي كل شيئ بينطبق علينا وهنلاقي كلام لينا وهنلاقي حاجات بتحصل وحولينا دلوقتي
بس ناقصنا اننا نصدق ونؤمن

د فيه أيه ف القرأن بتقول
بسم الله الرحمن الرحيم

"مِنْ الَّذِينَ هَادُوا يُحَرِّفُونَ الْكَلِمَ عَنْ مَوَاضِعِهِ وَيَقُولُونَ سَمِعْنَا وَعَصَيْنَا وَاسْمَعْ غَيْرَ مُسْمَعٍ وَرَاعِنَا لَيّاً بِأَلْسِنَتِهِمْ
وَطَعْناً فِي الدِّينِ وَلَوْ أَنَّهُمْ قَالُوا سَمِعْنَا وَأَطَعْنَا وَاسْمَعْ وَانظُرْنَا لَكَانَ خَيْراً لَهُمْ وَأَقْوَمَ وَلَكِنْ لَعَنَهُمْ اللَّهُ
بِكُفْرِهِمْ فَلا يُؤْمِنُونَ إِلاَّ قَلِيلاً (46)

صدق الله العظيم

يعني حتي التريقه زي م بنقول ربنا ذكرها ف القرأن وقال ان اليهود بيقولوا كده ولو أتكلموا صح هيكون أحسن ليهم

الخلاصه

كل شيئ بأيد ربنا وكل حاجه بتحصلنا ربنا مقدرهلنا واحنا اتخلقنا عشان نعبد ربنا
وندعوه ونشكره علي نعمه
ونسأله بأي شيئ احنا عايزينه وربنا يستجيبلنا
طب لو احنا مش مع ربنا لو احنا ناسيين ان الخير والشر بأيد ربنا
ونقول اننا حصلنا كده من العلم اللي اتعلمناه او عشان حظنا حلو او وحش
ونختار في كل شيئ الغلط
لم ربنا دينا فلوس
نختار نشب بيها خمره ومنتصدقش
ولما ربنا يدينا صحه نختار ننصر الباطل علي الحق
ولما ربنا يدينا شكل مقبول نختار نتعالي علي الناس او نمشي في السكك الوحشه
كل حاجه فتنه المال والصحه والنساء
وفتنه يعني فيها خير وشر هنختار ايه
هي ديه الدنيـاالصح اللي لازم نفهمها
مش نشوف واحد صايع ماشي بالفهلوه ونقول هو ده اللي فاهم الدنيا
نشوف واحد ربنا اداله قوه وبيستخدمها غلط ونقول ده حقه
نشوف واحد بيتظلم ونقول يستاهل ضعيف
نشوف واحد بيكدب نقول ذكي
نشوف الحق بيتقلب باطل قدام عنينا ونسكت
نشوف الباطل يرقص قدام عنينا ونضحك ونفرح

يبأه احنا كده مش فاهمين الدنيـاصح

الأفكار أتغيرت بعض الشيئ

كل يوم بنعرف جديد
للي يهمه يعرف
والحمد لله رب العالمين

" إن معي ربي سيهدين "


تقولها بلسانك وبعقلك وقلبك ولو حصل ان انت تهوت في مكان ومش عارف توصل او مش فاهم حاجه معينه والأمور ملتبسه عليك


حصل ان مره واحد كان رايح مكان في بلد غريبه عليه وفضل يدور علي المكان اللي هو رايحه ومش عارف ولا حد عارف يدله

فكر ف الأيه ديه وذكرها بلسانه وقالها كتير وهو مؤمن بيها وقال لنفسه ربنا هيدلني ومشي

فلقي نفسه قدام برج كبير بيسأل البواب عن المكان اللي هو رايحه وهو فاكره بعيد لقاه بيقله اه الدور السادس


بسم الله الرحمن الرحيم


" من ذا الذي يقرض الله قرضا حسنا فيضاعفه له أضعافا كثيرة ، والله يقبض ويبسط وإليه ترجعون "


حصل مره ان واحد خارج من الجامع لقي ست غلبانه شافت راجل كبير لابس عبايه غاليه قالتله يابيه انا جايه عشانك انت اديني حاجه لله ملتفتش

قام واحد تاني طلع جنيه وادهولها وهو ماشي حس بحاجه ف جيبه بيمد ايه لقي عشرين جنيه

ومره تانيه واحد أدي لراجل غلبان خمسه جنيه رجعتله ف نفس اليوم متين جنيه وتاني يوم ميت جنيه وربنا فتح قدامه باب رزق ممكن يطلع منه بألف جنيه


بسم الله الرحمن الرحيم


" وأما السائل فلا تنهر "


لما حد يسألك علي حاجه متتعالاش عليه ولما يسألك فلوس ولا اي حاجه اديهاله لو تقدر عشان ربنا هو قايل كده واللي عند ربنا مبيضيعش


وربنا قال ف أيه اللي قبلها


" ولسوف يعطيك ربك فترضي "


فليه نبخل لو بخلنا هنبأه بنبخل علي نفسنا لان اللي كنت هطلعه لوجه الله كان هيرجعلك أضعاف بس أنت بخلت علي نفسك




عايز اقول أن القرأن الكريم كلام الله وربنا قال


بسم الله الرحمن الرحيم


" قل لو كان البحر مداداً لكلمات ربي لنفد البحر قبل أن تنفد كلمات ربي ولو جئنا بمثله مدادا"


يعني كلام ربنا في كل العصور وكل زمان ,وكل مكان لا يتغير

فإذا انت قرأت ايه وفهمتها ممكن تطبقها علي نفسك حتي لو كانت الأيه نزلت في قوم نوح مثلا او اي قوم أخرين


إذا أمنا بكلام ربنا وصدقناه الايه هتتحقق فينا ف أمورنا كلها علي قدر إيمانا بيها وصبرنا


بسم الله الرحمن الرحيم


"فإن مع العسر يسرا * إن مع العسر يسرا * فإذا فرغت فانصب * وإلي ربك فأرغب"


يعني لو كان الواحد في ضيق من أمره او واقع في مشكله مش لاقيلها حل فيفكر علي طول ف كلام ربنا "إن مع العسر يسرا"

ويرغب لربنا يصلي ويسبح ويستغفر عشان يحقق الأيه عشان اليسر يجي

ده كلام ربنا في كل العصور وف كل وقت وفأي ظرف


تيجي بأه بعد كده تلاقي أنك

لما بتقع ف مشكله ربنا هو اللي بيخرجك منها

لما بتضل ربنا هو اللي بيرشدك

لما بتتصدق ربنا بيغنيك


لما دعيت ربنا عشان تاخد شقه انت شوفتها ولقيتها مناسبه اوي وقولت يارب تكون من نصيبي فبعد م كان كله متفق وكل الأمور سهله فجأه الدنيـاتتعقد وتاخدش الشقه وتدور علي شقق تانيه وفالأخر ترجع للسمسار عشان يقولك يلا تعالي عشان هنمضي عقد الشقه اللي شوفناها فالاول

وبعدين يحصلك فيها حاجات كتير وكأنها مسكونه بالعفاريت والشياطين ولما تشرب فيها مخدرات العفاريت تيجي وتخوفك ولما تخاف تيجي تشغل الموبيل اللي كنت مشغله علي أخره بأغاني تيجي تشغل عليه قرأن والصوت يوطي تيجي تعلي تلاقي زرار التعليه باظ من غير سبب مع أنه كان شغال من دقيقه وتجرب الزار اللي بيوطي تلاقيه بيوطي وصوت القرأن يوطي خالص والراديو مش مظبوط علي قرأن وبعدين تدخل تتوضي وتصلي وانت خايف فتطمن

عشان تاني يوم تفتكر انك دعيت ربنا ان الشقه ديه تكون بتاعتك فربنا عمل المشكله اللي كانت حصلت وحلها برده عشان يقولك ان الشقه ديه هبه من ربنا ليك

وكأنك بتشوف لأول مره بعد شهرين ساكن ف الشقه اليافطه الصغيره اللي متمسمره علي باب الشقه من بره وكأنها حته من الباب ومكتوب عليها " الله " وتعرف ان المكان ده مينفعش تغضب ربنا فيه وإلا هتحصل حاجات انت مش قدها وانت خلاص عرفت


يعني ربنا قادر علي كل شيئ وربنا مش ف الأخره بس د ربنا في كل مكان هو اللي بيعملنا كل حاجه وهو اللي بيقدرلنا كل حاجه

ممكن أقول يارب انا عايز الشقه اللي انا ساكن فيها ديه ف يوم من الأيام تباه ملكي وأشتريها وربنا يقدرني اعمل كده

ممكن اقول يارب فيه ناس كتير بتمكر بيه ساعدي يارب

ربنا يساعدني ويعليني عليهم كلهم

ممكن أقول يارب أنت عارف اللي في نفسي يارب يسرهولي يارب اكتبهولي واجلي فيه خير لا إله إلا أنت سبحانك وحدك لا شريك لك لك الملك ولك الحمد وانت علي كل شيئ قدير

كل حاجه انت عايزها مش بعيده علي ربنا دي صغيره اوي عند ربنا فإذا كنت بتصلي وعارف ربنا تبأه الحاجه ديه خير ليك

ولو كنت مش بتصلي ولا عارف ربنا تبأه شر ليك والحاجه ديه همومها هتتقل عليك

أصل كل حاجه ف الدنيـاليها هموم

الحاجه الحلوه عيال جواز فلوس كل ده له هم وفيه تعب


وأخيرا


إذا لقيت نفسك ف موقف محتاج صبر اصبر لأن الصبر بيجي بعده خير كتير


بسم الله الرحمن الرحيم


" وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ"

بسم الله الرحمن الرحيم

" أصبر وما صبرك إلا بالله "

بسم الله الرحمن الرحيم

"ا أيها الذين آمنوا استعينوا بالصبر والصلاة إن الله مع الصابرين"

بسم الله الرحمن الرحيم

"رب السماوات والأرض وما بينهما فاعبده واصطبر لعبادته هل تعلم له سميا"

بسم الله الرحمن الرحيم

"إن الله مع الصابرين"


كل ده قوه كبيره تخيل انت مش قوتك ف نفسك ولا ف عقلك ولا ف عضلاتك قوتك انك بتتوكل علي ربنا


بسم الله الرحمن الرحيم


"لله غيب السماوات والأرض وإليه يرجع الأمر كله فاعبده وتوكل عليه"


وكل شيئ بتعوزه بتطلبه من ربنا

وربنا بيذكر فضله علينا


بسم الله الرحمن الرحيم


"َآتَاكُم مِّن كُلِّ مَا سَأَلْتُمُوهُ"

من كل ما سألناه وما لم نسأله لعدم علمنا بيه وبأهميته بالنسبالنا حيث أننا لم نكن لنعلمه لو أن الله لم يمنحنه لنا

المعني ربنا أسمه الكريم


فهي قوه كبيره ان احنا نبأه مع ربنا

خير لينا اننا نقرأ القرأن

وخير لينا اننا نصلي ونصوم

خير ف الدنيـاوالأخر


بسم الله الرحمن الرحيم


"يَا أَيُّهَا الَّذِينَ آَمَنُوا هَلْ أَدُلُّكُمْ عَلَى تِجَارَةٍ تُنجِيكُم مِّنْ عَذَابٍ أَلِيمٍ


تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ذَلِكُمْ خَيْرٌ لَّكُمْ إِن كُنتُمْ تَعْلَمُونَ


خير الأخره الأول لان الاخرة خير وأبقي


يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِن تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ذَلِكَ الْفَوْزُ الْعَظِيمُ


وخير الدنيا


وَأُخْرَى تُحِبُّونَهَا نَصْرٌ مِّنَ اللَّهِ وَفَتْحٌ قَرِيبٌ وَبَشِّرِ الْمُؤْمِنِينَ " صدق الله العظيم



" وفتح قريب " أي غنيمة في عاجل الدنيا





السؤال بأه بعد كل ده


هل لما اكون مش بصلي ولا بتصدق ولا بصوم ولا بدعي ربنا

هل فلوسي تبأه خير ليه

هل كل حاجه احنا بنسميها نعمه هي خير



" أَيَحْسَبُونَ أَنَّمَا نُمِدّهُمْ بِهِ مِنْ مَال وَبَنِينَ نُسَارِع لَهُمْ فِي الْخَيْرَات بَلْ لَا يَشْعُرُونَ "



السؤال الأشمل


هل انا لما اكون مش بصلي ولا بتصدق ولا أعرف ربنا إلا ف وقت الشده بس

هل انا كده ذكي وبفهم

لما أفرح بحاجه انا وصلتلها وأنسي أصلي مع اني لو صليت وشكرت ربنا علي نعمته ربنا هيزودهالي أصلها من الأول ربنا هو اللي مديهالي

بس انا هفرح بنفسي وباللي عملته ولا هفتكر ربنا اللي أداني لما سألته


لما تحس بالقوه ديه كلها وبعدين متصليش وتسأل نفسك

مين وكيلي ؟؟؟؟
مين يخلصني ؟؟؟؟
مين ينجيني ؟؟؟؟
مين يعطيني ؟؟؟؟
مين يفعل لي أي شيئ ؟؟؟؟

تحس ساعتها انك ضايع بمعني الكلمه
أو تدرك أهمية صلتك بالله ولازم تقويها أوي
وتقرأ قرآن
وتتصدق
وتفعل كثيرا كثيرا لله وحده
وربنا يهدينا جميعا
آمين

التغيير بس في شيئ
أو توضيح صغير

كل هذا وسائل لأجل غاية ما
فأنت تعلم أن ملك كل شيئ هو الله
فأنت تسترضيه لتحصل علي غايتك
وهو عين العقل وعين الصواب
إذا سألت فأسأل الله
وإذا أستعنت فاستعن بالله
صدق رسول الله صلي الله عليه وسلم

لكن الخير كل الخير في أن تكون غايتك هي
وجه الله الكريم

مأقصدش زهد الدنيا وهو خير
ولكن إصلاح النية
فكل شيئ تفعله تفعله لله
هتلاقي نفسك بتعمل كل شيئ صح كما كنت تفعله ولكن كل شيئ له أجر وله ثواب
وكل شيئ تتركه لله وفيه فائدة أن تتركه كما أن له أجر فهو لله
إصلاح النية
أو إخلاص النية
مهم جدا جدا جدا
والله أعلم

اللهم إني اعوذ بك من النفاق والرياء والكبر والغرور
اللهم إني اعوذ بكل ان اشرك بك ما اعلم واستغفرك لما لا اعلم
وصلي اللهم علي محمد وعلي آله وصحبه وسلم