اخر رساله

بسم الله الرحمن الرحيم

"ويدع الإنسان بالشر دعاءه بالخير وكان الأنسان عجولا"

صدق الله العظيم

الإنسان أصله من النسيان بينسي كتير بس بيرجع يفتكر تاني ويئمه يطنش أو يصلح

سؤال أتسألته وعليه أجاوب وربنا هو اللي بيعمل

الموصوع بأختصار بين أب وأبنه

الأب عايز يعلم أبنه حاجه تساعده ف حياته

فقاله لما الدنيا تقف قدامك فكر ف الماضي ودور علي علي ذنوبك وأستغفر ربنا كل متفتكر حاجه أستغفر ربنا وخليك واثق أن ربنا هيغفرلك لأن ربنا مش زينا ربنا ممكن تعصاه وتستغفره ويغفرلك طول حياتك تغلط وتستغفره ويغفرلك

وإذا لقيت برده الدنيا لسه واقفه قدامك دور ف ذنوبك دبه علي ظلمك للناس الناس اللي أنت ظلمتهم دور وفكر كويس وأفتكر ومتضحكش علي نفسك ولازم يسامحوك عشان ربنا يسامحك

ولما ربنا يغفرلك ويسامحك مشاكلك كلها هتتحل

وخلص الأب كلامه مع أبنه وخرج

كان كلامه مع أبنه لمس جواه هو حاجه

أصل فيه حاجه واقفه قدامه !!!!!

فيه مشكله كبيره هو عايشها لوحده محدش يعرفها غيره ومحيراه أوي ومصدعاه علي الأخر

الموضوع مش طبيعي

وكان كلامه مع أبنه فيه حل مشكلته هو

وأبتدي يفكر ويفتكر مين مين مين ؟؟؟؟؟

لحد م ظهر أسم قدامه أول م شافه رجعت بيه الذكريات سنين لورا

وسأل نفسه شوية أسئله

هو ممكن حد يلوم حد تاني علي حاجه هو نفسه اللي قايلها ومصدق عليه ومأكدها بما لا يدع مجال للشك فيها ؟؟؟؟؟؟

لأ

طب ليه أنت لومته علي كده

جوه نفسك ف مكان محدش يقدر يوصله غيرك عارف كويس ان اللي انت عملته زمان كان يأذي حد أذاك وبس بيأذيه هو أكتر

وهنا يبدأ صراع مع النفس

وتلاقيها بتقولك وكلامها صح لحد كبير وهي بيتقول

بس ده مسنود علي ده وعشان توقعه لازم تكسر عصايته وهو رجليه مبتشيلوش فهيقع لوحده

وعملت ومكرت

وفيه أيه بتقول

بسم الله الرحمن الرحيم

" ويمكرون ويمكر الله والله خير الماكرين"

صدق الله العظيم

مش هي ديه الحكايه اللي ربنا بيحققها دلوقتي

مش هي ديه مشكلتك وسرك اللي محدش يعرفه غيرك مهما يحاولوا او يخمنوا

أستغفر الله العظيم

ووقف برده قدام نفسه ف حاجه كبيره أوي

لما شوفته زي السمكه اللي بيطنطط قدامك وكل متمسكه بفلفص من أديك

ساعتها قولت ان الأسم اللي هيثبته وهو يستاهل دا هو معاه

ولعبت بيه وكملت وانت مش متأكد أوي منه بس اللي مقوي قلبك أنك متأكد م التاني زي م أنت متأكد ان انت اللي هنا دلوقتي

ولعبته وغلبت

بس هو مخسرش عشان هو معندوش حاجه يخسرها فقير أوي أكتر حاجه يعرف يعملها انه يكدب كدبه ويصدقها

واللي خسر هو اللي انت بتلوم نفسك عشانه دلوقتي

وانت عارف دلوقتي انه مكنش له دخل ف القصه ديه من أولها لأخرها وان ذنبه الوحيد اللي دخله ف حكايه ملوش فيها ان أسمه مربوط بصقيحة زباله من وجهة نظرك

وهي ديه الطوبه التقيله اوي اللي متعلقه ف رقبتك ومخلياك بعد الطريق اللي مشيته ده كله ومحدش يعرف انت بادي فيه من امتي مش عارف تبأه حر

وكان حل المشكله بالنسباله انه يرجع لمكان كان بيقابل فيه ناس كانوا أصحابه زمان من عشرين سنه ويكتب رساله إن مكانتش هتوصل لصاحبها فممكن تشفعله عند ربنا ويرحمه

الخلاصه

اللي خرج أبليس من رحمة ربنا مش انه عصي ربنا لكن انه اتكبر

واللي خلي بني أدم ف رحمة ربنا أن ادم لما عصي ربنا أستغفر ربنا ومتكبرش عشان كده ربنا رحمه وكتب علي نفسه الرحمه لكل أبن ادم إلا الكفار والمشركين والمتكبرين منهم

زي م ورد في الحديث الشريف

" لا يدخل الجنه من كان في قلبه مثقال ذره من كبر "

صدق رسول الله صلي الله عليه وسلم

بسم الله الرحمن الرحيم


التجربه أثبتت نجاحها للمره التانيه

حاجه كانت واقفه بقالها شهور

فتحت تاني يوم علي طول

الحمد لله




المهم انا جاي أقول ان محدش يعرف الغيب غير ربنا سبحانه وتعالي

وأحنا بس بنحاول نفهم

وربنا يغفرلنا تسرعنا

ويرحمنا

أمين

وأخر حاجه

بسم الله الرحمن الرحيم

" رَبُّكُمْ أَعْلَمُ بِمَا فِي نُفُوسِكُمْ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا "

صدق الله العظيم

بسم الله الرحمن الرحيم


رمضان شهر المعجزات

كل اللي مقدرتش تحققه ف السنه كلها ممكن تحققه وأكتر ف رمضان

وكله عن تجربه

أصل ربنا مش ف الأخره بس
ربنا له ما في السماوات والأرض

اللي عايز الدنيا والأخره لازم يكون مع ربنا اللي بيعملنا كل شيئ
اللي يبدبر أمورنا
ويمنع عننا
عشان ندعوه
ويوهب لنا
عشان نشكره

واللي مش مع ربنا ولا بيصلي وبيكذب وينافق ويخدع الناس ومفكرها شطاره
وفرحان بنفسه
كل اللي هو بيعمله ملوش لزمه
هشيم تزروه الرياح

مهما يوصل ومهما يعمل
ولا بيرتاح ولا هيرتاح عمره

أصل ربنا خلقنا محتاجينله
ولما أحنا نتمرد علي فطرتنا
نكون أغبيه
أو نقول بلسانا احنا مؤمنين ومسلمين
وأحنا أعمالنا كلها مفيهاش حاجه بتقول كده
نبأه بنضحك علي نفسنا

وربنا قال
بسم الله الرحمن الرحيم


"
وَمَا خَلَقْنَا السَّمَاء وَالأَرْضَ وَمَا بَيْنَهُمَا لاعِبِينَ
لَوْ أَرَدْنَا أَن نَّتَّخِذَ لَهْوًا لّاتَّخَذْنَاهُ مِن لَّدُنَّا إِن كُنَّا فَاعِلِينَ
بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ وَلَكُمُ الْوَيْلُ مِمَّا تَصِفُونَ
وَلَهُ مَن فِي السَّمَاوَاتِ وَالأَرْضِ وَمَنْ عِندَهُ لا يَسْتَكْبِرُونَ عَنْ عِبَادَتِهِ وَلا يَسْتَحْسِرُونَ
"

صدق الله العظيم

وربنا قال

بسم الله الرحمن الرحيم

"
وَلَقَدْ كَتَبْنَا فِي الزَّبُورِ مِن بَعْدِ الذِّكْرِ أَنَّ الأَرْضَ يَرِثُهَا عِبَادِيَ الصَّالِحُونَ
إِنَّ فِي هَذَا لَبَلاغًا لِّقَوْمٍ عَابِدِينَ
"

صدق الله العظيم

وسبحان الله اللي خلي واحد بشر لواحده يثبته ويقويه قصاد ضغوط وصعاب كتيره وأبتلاءات كتيره وبعدين يأمن ناس قليلين بيه برسالته اللي ربنا بعته بيها وبعدين يهاجر للمدينه هو وأصحابه وبعدين يبدأ حروب كتيره وغزوات
وبعدين يرجع ف الأخر لوطنه اللي أتولد فيه فاتح عظيم بإذن الله
وبعدين تنتشر الدعوه في العالم كله
ويبأه أتباعه هما أسياد العالم

سبحان الله اللي أختاره علي الناس كلها وثبته وأيده بنصره
وصلي اللهم علي سيدنا محمد وعلي أله وصحبه وسلم



وربنا سبحانه وتعالي اللي خلقنا وبيدبر أمورنا وشؤننا
ربنا سبحانه وتعالي اللي كتب علي نفسه الرحمه بعباده
والخزي علي أعداءهم
ربنا الرحمن الرحيم فرض علينا الصوم في رمضان
ولا ناكل ولا نشرب ونمتنع عن حاجات كتير من الفجر لحد المغرب
ونعاني الجوع والعطش
في الشهر ده بس من السنه
عشان في الشهر ده خير كتير
لازم نعمل عشانه حاجه عشان نستاهله
وعشان الخير درجات برده
ولازم حاجه تميز بين الناس
فيه اللي مش هينوبه حاجه منه خالص
وده اللي معملش بيه أو نافق الناس بس
وفيه اللي هياخد شويه صغيرين علي أد ايمانه
وفيه اللي هياخد خير كتير علي أد أيمانه برده وتعبه

والله أعلم


رمضان كريم

هنستعدله أذاي بأه

هو ده السؤال ؟؟؟؟؟؟؟؟

إصلاح النية لله