الكذب واثره السلبي علي الفرد والمجتمع

أولا الكذب له أشكال كتير زي الكدب العادي اللي بنشوفه في حياتنا
وثانيا كذب اخر هو الشهاده الزور أنك تشهد بشيئ عكس ما رأيته في الحقيقه
ثالثا كذب أخر انك تخفي بعض الحقيقه عامدا متعمدا وتظهر البعض الأخر

وكل ده أكيد دافعه المصلحه
المصلحه في انك تكسب شيئ أكيد مش من حققك ومتستحقوش
أو انك تدفع عن نفسك ضرر أنت تستحقه لتبغي في الأرض بغير الحق

فالمتعامل مع الناس بالكدب أكيد أنسان ضعيف جدا وعاجز
لأنه لا يقدر بالحق أنه يكسب شيئ يريده
أ
و أنه انسان فاسد يريد الهرب من العقوبه
والهرب يعني الخوف

فالأنسان الكاذب
أنسان ضعيف عاجز جبان

وجرب تقابل واحد كداب
هتلاقيه كده


كما انه عشان يحافظ علي ما وصل إليه لابد من كذب أكبر وماراه للحقيقه أكبر ويكذب أكتر ويدعي أشياء ويحور ويألف حاجات محصلتش عشان يثبت انه جدير بما وصل إليه ويحصل علي ثقة الناس اللي يهموه طبعا أكتر من أي حد
واللي هو كدب عشان شكله قدامهم
ولأن الكدب دلوقتي بأه حلال وبأه سمة العصر للأسف
بأه أسمه شاطر
حتي لو أتكشف كدبه فهو أنسان ماكر يستطيع التعامل مع ذئاب المجتمع

وده طبعا بيعكس مدي الأنحدار اللي وصلناله

وفي النهايه بيسقط سقوط ميقدرش يقوم منه أبدا


بسم الله الرحمن الرحيم

"قد مكر الذين من قبلهم فأتى الله بنيانهم من القواعد فخر عليهم السقف من فوقهم وآتاهم العذاب من حيث لا يشعرون"

صدق الله العظيم

ودي سنة ربنا سبحانه وتعالي
وبيكون السقوط ده ليهم عذاب الدنيا لأنهم يفعلون المنكر
مينفعش نقول عليه أبتلاء او أمتحان من ربنا ليهم

فيا أصحابي من أصعب المنكرات في الدنيا هي الكذب

والرسول صلي الله عليه وسلم عندما سؤل:

"أيزني المؤمن قال نعم أيسرق المؤمن قال نعم أيكذب المؤمن قال لا"

وقال أحد الحكماء
أن اول عقوبه للكاذ من كذبه أن يرد عليه صدقه

يعني مهما يتكلم بعد كده مبيتصدقش دا كذاب



واللي مزعلني جدا اني شوفت ناس كتير جدا تكذب وبأه عاده والله يا اصحابي

ومبقاش حد يهتم بأن ربنا سبحانه وتعالي لا يحب الكذابين
وبأه عادي جدا عندنا الكذب وبقا اللي يقول الحق هو اللي مش مظبوط والغريب واللي جاي من كوكب تاني


رغم اننا لو نفتكر وللأسف برده
أن كلينتوت أتقدم للمحاكمه عشان كذب في فضيحته المشهوره
يعني الفضيحه بالنسبالهم مكنتش مشكله أد ان أذاي الريس يتاعنا يكدب كدبه صغيره أد كده

وكمان لما هرقل ملك الروم قابل وفد قريش وعلي رأسهم أبو سفيان بن حرب
وقدمه ليه وقال لأصحابه من وراه لو كدب قولولي أو شاورولي انه كدب
ورد أبو سفيان علي أسئلة هرقل عن محمد صلي الله عليه وسلم والاسلام
ورغم أنه مش مسلم واللي بيتكلم عنه ده أعدي أعدائهم
إلا أنه مكدبش وأتكلم عن الأسلام كانه كأنه بيدعو هرقل للأسلام
حتي أن هرقل قاله لو كان زي مبتقول كده هيحكم البلد اللي انا بحكمها ديه

وأبو سفيان قال بعد كده بيحكي عن الواقعه
كنت أعلم اني لو كذبت محدش كان هيكدبي من الناس اللي كانوا معايا
بس مردتش علي نفسي أنهم يمسكوا عليه أني كدبت وانا سيدهم ومقامي كبير في وسطهم


الكداب يا أصحابي مش أمين

والرسول صلي الله عليه وسلم

كانت شهرته وأهم صفاته

الصدق والامانه

الصادق الأمين صلي الله عليه وسلم


أحنا نسينا أحنا مين ولا المفروض نكون أذاي وبعدنا أوي أوي أوي

والصوره أتقلبت أوي أوي أوي

وبأه انت كداب وانا كداب مش مهم المهم بأه انت تقدر تنفذ كدبك
وتاخد فعلا اللي مش من حققك ولا لأ
ودخلنا في ظاهرة البلطجه اللي ماشيه في الشوارع اليومين دول
وأكل حقوق الناس وحاجات كتير


وربنا يرحمنا جميعا

وبعد كل ده تلاقي صوت بريئ طاعل يقول
هو أحنا حالنا بأه عامل كده ليه ؟؟؟؟
من سيئ لأسوء ويعد يعد حاجات كتير وحشه ورغيف العيش الوحش والمايه الوسخه والضرايب العقاريه
وأمريكا اللي ممشيه كلمتها علينا
واليهود اللي كل يومين يطلعوا يقتلوا كام مسلم في القدس

وانتوا عارفين الباقي


لازم يا أصحابي تلغي الكدب من حياتنا

ونأمر الناس بالصدق في أقوالهم
وأن أهم مظاهر القوه ان اللي جواك يكون هو اللي ظاهر عليك

وننهي الناس عن الكذب والغش
لأن النهايه هي الفضيحه أكيد
لأن هتعمل أيه قدام واحد يتكلم عنك بالكذب دايما مع أنه عارفك كويس

والكدب يعني ضعف وعجز وخوف من الحقيقه
زي اللي بني لنفسه بيت كبير من القش ويوق للناس احنا يتنا كبير ومع اول عاصفه طار البيت وظهر من جواه عريان
الكدب ضعف وفضيحه

انما الصادق بيته حتي لو كان علي مساحه صغيره فهو من حديد مبني صح مهما العواصف تيجي ومهما الناس اللي بيوتها طارت تحدفه بالطوب ثابت مبيجرلوش حاجه
الصدق قوه كبيره يا صحابي تثبتك في الأزمات


والسلام عليكم ورحمة الله وبركاته