يفعل الله ما يشاء

شايف خيرا إن شاء الله
كل حاجة بتتهيألي بشكل مش عادي
الحمد لله
اللهم أجعله خير
مفيش حاجة اسمها واحد بيعمل
ربنا هو اللي بيعمل
وتركلنا الأختيار فيما فرضه علينا
إنما في دنيتنا
أحنا بس بنعمل بالأسباب
والنتيجة بإيد ربنا سبحانه وتعالي
زي اللي زرع في الأرض بذرتين
واحده طلعت شجرة كبيرة
والتانية لأ
هو الفلاح كان يقصد يعمل كده
طب هو اللي خلي الشجرة الكبيرة في قلب البذره الأولانية الصغيرة
والتانية مخلاش فيها حاجة

لأ

بس هي إرادة ربنا يفعل ما يشاء

ويلاقي واحد لاهياه الدنيا
ويجي فيما فرضه الله عليه وميشغلش باله
مع أن التانية ديه هي عملك اللي أتخلقت عشانه وأختيارك وأمتحانك

"وما خلقت الجن والأنس إلا ليعبدون"

وربنا رحمته وسعت كل شيئ
يغفر الذنوب جميعا
ولو فضلت طول حياتك تغلط
بس انت أهتم
أدخل في رحمته
أعمل حاجة لله ومتشركش فيها حد
وربنا سبحانه وتعالي بيقول

‏"فمن كان يرجو لقاء ربه فليعمل عملا صالحا ولا يشرك بعبادة ربه أحدا"

ولا عشان رياء ولا أي حاجة
لله بس وخلاص

وقول دايما الدعاء ده
اللهم إني أعوذ بك أن أشرك بك ما أعلم واستغفرك لما لا أعلم

وصلي الله علي نبينا محمد وعلي آله وصحبه وسلم