والمكسب الكبير

المكسب أو إن صح المكاسب
بتنقسم لشقين
مادي ومعنوي

المكسب المادي
أولا
الأنتخابات هتتم في معادها
انتخابات نضيفة مفيهاش قلق وهيكون فيه مجلس منتخب يحط صابعه في عين التخين قريبا جدا إن شاء الله

ثانيا
هيكون فيه رئيس منتخب في أقرب وقت ممكن أعتقد أنه قبل شهر أربعة كمان عشان الناس اللي في التحرير مش ماشيين وواقفين فوق دماغ المشير لحد ما الليلة كلها تخلص علي خير إن شاء الله

ثالثا وأهم حاجة
الجيش بتاع الشعب
الشرطة بتاعة الشعب
الإعلام ملك الشعب
الريس شغال عند الشعب
وياخوفي من شعب ميعرفش أن كل ده ترتيب رب العالمين ويفتكرها بأة خماره وحرية وأفعال فاضحة في الطريق العام

وننتقل إلي
الشق المعنوي للمكسب

الشعب أقوي جهاز في الدولة

مواطن دلوقتي يعني أمن دولة

الحق فوق الجميع

الأخلاق الكويسة والنضافة أعتقد أنها هتسود بعد سنين خراب

ميدان التحرير هيبأه مركز القيادة في مصر
مكان الندوات
وطرح الأفكار
ولو واحد بس وقف فيه عشان يقول كلة كله هيسمعه
مكان المظلومين والمستضعفين عشان ياخدوا حقهم

المكسب كله من أول دلوقتي وتغيرات جزرية في أفكار كتير وتصرفات كتير
دا اللي أنا شايفه
خير كتير إن شاء الله
والله أعلم
والحمد لله رب العالمين

المكاسب والخسائر ليس لها علاقة بالحق والباطل
وإن كان قادة الجيش رضوا بالهزيمة واعترفوا بها من خلال افعالهم بعد احداث محمد محمود فوجب علينا الآن أن نعترف نحن بالهزيمة عشان نعرف أبعادها ونقدر نواجهها والعمل عن جهل يورث المزيد من الخسائر