الدنيا من غير مكياج أجمل وأسهل وهي تعقيدات الناس وعقدهم

حقيقي النفس اليشرية معقدة جدا وكل إنسان غير التاني
وسؤال هل إذا حققت المجد في شيئ حبيته وإذا محققتوش يبأه أصلي مبحبوش
من رأيي أن التفكير ده غلط لأن الدنيا بنعيشها وإذا كان ده تفكيري يبأه مش هحس بكل حاجة فيها وأحسن ما فيها ودايما هيبأه فيه حاجات كتير غامضة بالنسبالي لأني
هكون حريص جدا علي نفسي وخايف عليها عشان أبقي أقول لما أشعر الخسارة بتقرب أصلي مكنتش بحبها أوي
هبأه في البحر بس دايما رجليه لامسه الأرض دايما محافظ علي نفسي أني أكون في أمان زيي زي كل الناس ونسبة صغيرة جدا أني أحقق ما لما يحققه كتير ما يسمي بالمجد وبيكون عن طريق حاجة جت كده

وهو شيئ مبحبوش ولكن

إذا انا حبيت حاجة بأحقق فيها شيئ كبير في أي حاجة أقدر أصنع حاجات كتير وأحقق أحلام كتير وأعدي من صعوبات كتير بإذن الله إن شاء الله
وإن وصلت أو موصلتش دي مش بأيدي
لكني عشت الدنيا علي حقيقتها وبطل الفيلم اللي هيمثل حكايتي ويجسد شخصيتي مش هيقدر يمثل فرحي في موقف كنت فرحان فيه لأني كنت فرحان أوي ولا هيقدر يمثل زعلي في موقف كنت زعلان فيه

أعتقد أن كده أحسن
أنا اللي عايش في الدنيا وكنت مؤثر مش الدنيا هي اللي عيشتني حياة كل الناس ومستني الصدفة اللي تنقلني لمكان تاني أحسن
ممكن أبدأ من أي نقطة وفي أي مكان ومع أي حد وأكون زي ما أنا دايما وأعمل حاجة
متهيألي أن كده أصح
قوتي في نفسي مستمدة من ربنا اللي معايا في أي مكان لا يتركني
مش من الدنيا بكل ما فيها من مناصب أو سلطان ممكن يزول فمبقاش قوي زي ما كنت ولأني فاكر أن منصبي وسلطاني هما سبب قوتي فلما زالوا زلت ولا من خاتم سليمان اللي لو لقاه عدوي هنتبادل الأماكن القوي والضعيف
ولا من الناس اللي هما أضعف من أنهم يحققوا لأنفسهم شيئ عشان يحققوه ليه ولو كانوا عايزين وهيسيبوني وهسيبهم
كده أحسن وكده الصح وكده الحقيقة