سبحان الله

بسم الله الرحمن الرحيم

الطمع وحش ومينفعش تطمع ولا يجب أنك تسمح لحد يطمع فيك وأنك تمنعه من مجرد التفكير في كده فهو لصالحه
وفي يوم وأنا بافكر في اللي بيحصل وقولت الحمد لله وأني بجد ماستحقش وأن بس ربنا هو الكريم
افتكرت مشاكل تانيه كتير وقولت يا رب وافتكرت أني مقصر اوي
وفكرت وقولت أنا طمعان في كرم ربنا
وافتكرت أني مبستجبش للطماعين وأذاي بعد كده أطمع في كرم ربنا وأن ربنا مش هيستجيبلي وهو كده غلط ؟وأنا مقصر أوي
وزعلت وبعد شوية فرحت
لأن ربنا مش زينا
ليس كمثله شيئ في كرمه
وفي كل شيئ
سبحان الله من معانيها ليس كمثله شيئ والله أعلم

بسم الله الرحمن الرحيم "قل لو أنتم تملكون خزائن رحمة ربي إذا لأمسكتم خشية الإنفاق وكان الإنسان قتورا" صدق الله العظيم ،،،، ربنا بيعرفنا اننا حريصين جدا علي اموالنا لدرجة البخل ولو كانت خزائن رحمة الله التي لا تنتهي تحت تصرفنا كنا هنمسك ادينا ونقول اننا بنصرف كتير ولا نتصدق ولا نفعل خير كتير فالمشكلة في نفسنا مش في ان فلوسنا كتير او قليلين وان ربنا هو الكريم ينفق ويعطي بغير حساب ،،،، بسم الله الرحمن الرحيم "يَدْعُو مِن دُونِ اللَّهِ مَا لا يَضُرُّهُ وَمَا لا يَنفَعُهُ ذَلِكَ هُوَ الضَّلالُ الْبَعِيدُ .. يَدْعُو لَمَن ضَرُّهُ أَقْرَبُ مِن نَّفْعِهِ لَبِئْسَ الْمَوْلَى وَلَبِئْسَ الْعَشِير‎"‎صدق الله العظيم،،،،،شوف الآية وحسها يعني مثلا إذا انت احتجت لحد وظنيت ان اللي انت عايزه عنده من غير ما تتوكل علي الله ولا تكون عارف ان كل اللي انت عايزه ده عند ربنا وان الحد ده مجرد سبب بس،، من غير متكون عارف كده وتقوله وتطلب منه فهو بأه ماديكش اللي انت عايزه ويضرك كمان،،،فيكون الحد اللي انت قصدته ده هو بئس المولي سيئ وتكون انت بئس العشير غبي انك تدعو ده من دون الله النافع الكريم الذي إن دعوته يسمعك وإن تقربت إليه يتقرب إليك لا يبتعد عنك وإن ذكرته يذكرك لا يتجاهلك،،،،، والله اعلم