طريقه لإخراج من تحب من حزنه ...

من طرف **silent** الجمعة نوفمبر 02, 2007 10:00 pm

hi everybody

انا في عندي طريقه تخلليك تخرج اي حد عزيز عليك او بتحبه وقريب منك من مشكله
لو هو عنده مشكله جامده وزعلان او خسر شخص ما او حصله اي حاجه وهو زعلان جدا وانت عايز تهون عليه وتخرجوا من الموود اللي هو فيه تعمل ايه؟؟؟؟

اللي تعمله انك تحاول تدخله في مشكله تانيه.......طبعا الكل هيستغرب
انت حاول تفكر تدخله في مشكله تانيه طبعا ماتكونش اكبر من مشكلته وتكون حاطط لها حل يعني مثلا هات اي حد من اصحابه او حد من اللي عارفهم وخلليه يتخانق معاه على اي حاجه هبله ويشدوا مع بعض وخلاص وبعد كده يتصالحوا عادي
قولو مثلا في امتحان بكره في الكليه واللي مش هيحضر هيسقط ويعد يذاكر
لو كان في مثلا حاجه مهمه كان بيعملها وخدت منه وقت بوظهاله وخلليه يعد يعملها تاني مش تعرفه ان انت السبب يعني

المشكله اللي هتدخله فيها دي هو هيتشغل بيها وهتاخد شويه من تركيزه ويحاول يحلها وعلى مايحللها هيكون نوعا ما نسي مشكلته الأولى أو تأقلم معاها خلاص وهيخرج من الكآبه شويه ويبدأ تاني يفكر صح سواء في قرار أو في موقف هياخده

الطريقه آه طبعا مش على طول بتنفع ومش مع اي حد كمان ياريت بس يكون قريب منك عشان الموضوع مايقلبش بعكس
ولو هتعمل كده فعلا لازم تفكر كويس وتعرف هتعمل ايه بالظبط عشان ماتعكش الدنيا أكتر

بس صدقوني ساعات كتير بتنفع

ويارب لو في حد عنده مشكله يحلهاله من عنده ولو محنه يفرجها ويخرجه منها ولو هم يزيحه عنه ولو مرض يشفيه
ولكل واحد عنده هدف نفسه يوصله ويحققه والهدف ده في خير يارب حققهوله

قولوا آآآميـــــــــــــــــــــــــــــن

من طرف **MOoON Light** الجمعة نوفمبر 02, 2007 10:18 pm

أميييييييييييييين

نبقى نجرب الطريقة دى سايلنت
بس انا حسة ان تعملت معايا الطريقة دى وان كانت المشكلة اللى بتواجهنى تهمنى اوووى مفيش اى حاجة
تقدر تنسيهالى

وربنا يسهل ونقدر ننسى اى حزن

شكرا على التوبيك