ثلاثه نساء ... و حرامى غسيل

من طرف **DeBo0o** السبت نوفمبر 10, 2007 12:58 am

محكمه...

نطقها ذلك الفحل وهو يقف شامخا علي مدخل الباب الداخلي لمحكمة جنايات القاهرة
تمهيدا ً لدخول القاضي و المستشارين
بدأ الجميع في الجلوس و ساد هدوء نسبي في القاعة
فكلمة " محكمة " هي جرس الإنذار دوما للجميع
و بعد لحظات ......
دخل المستشار الأيمن متمايلا متبخترا مجلجلا يطوف حوله عطر أخاذ
بمجرد ان يلامس انفك وتبدأ في لعن افروديت و فينوس وربما
انجرد برجمان

اما المستشار الأيسر فاكتفى بحذاء طويل مسمى ببوت
ما ان تسمع دقاته يدق ارض المحكمة دقا حتى تكاد تخلع حزامك لتتحزم به و ترقص في وسط قاعة المحكمة الموقرة

وترتفع الرقاب و يتدفق الدماء في العروق الآدمية بدخول القاضي
لأول مرة ترى قاضي لا يرتدي الشيء الأسمر الطويل الكئيب و اكتفى بفستان احمر به نافذة علوية
من الممكن أن يستخدمها ميعو اونيل بدلا من السلة لكي يلعب فيها لعبته المفضلة ... بجانب تسجيل عضويات بالتأكيد

يدخل القاضي في هدوء و اتزان و يقف بجوار مستشاريه ثم يقول :

- العواف عليكوا ياجماعة

تسري في القاعة ضحكة آدمية ساخرة في خبث
و يبدا الفحل في المناداة علي القضايا ...
- السيدة ايمان سوسن ابراهيم
ضد المدعو سمسم الشهير بسمسم حرامي الغسيل

فيقف سمسم في القفص ولا يتكلم
لكنة يخرج مشط صغير
من جيبة الخلفي و يبدا في تمشيط شعرة الطويل
و هو يرمق المستشار ذو العطر الاخاذ بنظرة لا تصيب اي سيدة متزوجة الا عندما يظلط زوجها جوزين حمام زعلول ......

ثم قال القاضي الموقر بصوت نسانئ يفيض نعومة :

- الدفاع يتفضل
فين الدفاع ياجماعة !!!

يجيبها مساعد المحامي و هي بنت تحت التدريب عمرها 20 سنة :
- يافندم المتر في الحمام يتظبط مكياجها ...

وهنا تعلو الهمهمات و الزمجرات و يبدا الحاضرين في الكلام الجانبي فتصيح القاضي ..
سكوت من فضلكم
سكوت لو سمحتم
ياجماعة سكوت

ولا يعيرها احد اي اهتمام بل كل ما تحصل علية هي نظرة ساخرة من عيون الحاضرين ثم يستمرون في احاديثهم ..

تميل القاضي علي مستشارتها يمينا و تسألها
- ايه اخبارك النهاردة شكلك تعبانة اوي ..
- اه تعبانة و دايخة

- مانت اللي حمارة في واحدة في الشهر الرابع و تلبس بوت عالي كدا يابنتي بطلي هبل
ومال البوت
- و مال الحمل و بعدين ايه رأيك مش باين عليا خالص
- حلو مش احسن ما تفضحينا و تدخلي القاعة بطنك قدامك

- اما انا عملت امبارح صينية بطاطس باللحمة في الفرن بس ايه زي العسل يا ختي بس الطماطم غلت اوي دي بـ 2.5 الكيلو شفتي

- د انا جايباها امبارح ب 1.5 من عند ابو احمد بتاع الخضار اللي
في اول الشارع اللي ساكنة فية بطه بنت ام مروه ....

- اه صحيح هي اخبارها ايه مش بتسأل عليا خالص

- معرفتيش دي اتطلقت من شهرين

- ياحرام ..

- بس ايه طلعت بتفهم اخدت منه الشقة بيع و شرا قبل ما يطلقها ...
- شقة ايه ضل راجل ولا ضل حيطة
- اسكتي دي الحيطة دلوقتي احسن منهم
دا امبارح اتعشينا و قاعدين ياختي و الاقي الراجل يسيبني و يجري علي المصارعة و الراجل الفحل اللي اسمه ممدوح فرج
اقوله ياراجل دي حلقة متسجلة يقولي و انت مالك انت
- وبعدين و بعدين

- هي فيها بعدين قمت لميت الغسيل و نمت بلا نيلة

- د انا اتهريت من الغسيل امبارح محدش عنده راحمة جبل هدوم قد كدا
و الواد احمد جايب صحابه عشان الـ.....

محكـــمة

يقذف بها كل الحاضرين ذلك الفحل و كأنة يضرب الجميع بقوالب من الطوب الحراري
انه عم اسماعيل حاجب المكمة
رجل ذو شارب خفيف
فحل طويل عريض
ربما كان يعمل عشماوي في بعض الاحيان
وقف الرجل بنظرة آسي
بكل الحزن و الاسي ينعي ايام القضاة الاجلاء
و يضرب نفسة 100 برطوشة علي استمرارة في العمل مع قاضي يسمى هيام
و اخر يسمى سلوى

لكنة تطور الحياة الذي يفرض علي الانسان اشياء لا يستطيع تجنبها ....

من طرف **DeBo0o** السبت نوفمبر 10, 2007 1:08 am

وهنا وصل المحامي
سيدة في الاربعينيات من العمر ملامحها جافة و صلبه ترتدي جينز
و في تلك اللحظه مالت القاضي علي المستشار الايمن تسأله ..

- هي القضية سرقت غسيل ؟
مش المفروض دي تبقي جنحه ولا حتي يطلعوه برأه دا غسيل مش مشكله يعني ..

- يا فندم القضيه قتل انت الملف اللي معاكي غلط ...

شهقت القاضي و هي تنظر الي الملف الذي امامها فقد احضرت الملف الخطأ
في اثناء الحديث ساد جو من الهرج في القاعه و بدأ الجميع في الحديث مجددا ..

- طيب هاعمل ايه دلوقتي ارجع اجيب الملف من علي المكتب ...
- لا لا خلي عم اسماعيل يجيبه ...

طار العم اسماعيل مسرعا و هو يصب لعناته علي الحال و الاحوال ..
و جاء يحمل الملف ...

هنا بدأت المرافعه .
يا حضرات المستشارين
ان هذا الرجل الماثل امامكم

ضحية من ضحايا المجتمع الغاشم

ماذا يفعل فقد احب هذه المرأه من كل قلبة
و تخرج المحامي منديلا ورقيا لتجفف دموعها ثم تقول ..

المحامي - تصوري يا أختي دا سرق لها في عيد الحب دبدوب ب 800 جنيه ..
الايسر - وااااااااااو البني اللي بفيونكه حمرا
د انا كان نفسي فيه بس جوزي جابلي بداله ..........

الايمن - اححححم احم .. من المستشار الايمن الي الايسر احذر يا صديقي حول ...
الايسر - اسف ياواد انت يا مخربش حوووول ل ل

كملي مرافعه يا فندم...

فمن هنا سيادتكم اطالب بالافراج و بدون أي ضمانات عن موكلي
فالغايه تبرر الوسيله و الضرورات تبيح المحظورات
ماذا فعل هذ المسكين
ذبح زوج زوجته تكرهه ولا تريده
خلصها من وجهه الكريه

ثم مالت تقول للمستشارين
تصوروا كان بيقومها الساعه 11 بالليل من النوم عشان تعمل له العشا و هو جاي من الشغل

- يااااي ياحرام ايه التخلف داا
- متوحش مش انسان ابدا
- دا يستحق الشنق

لقد خصلنا هذا المدعو سمسم
من صورة متكررة من هذا الكائن المتوحش المسمى ادم
صورة ادم الذي اغتصب حريه حواء منذ فجر البشرية
و كبلها بسلاسل من الذل و المهانه ...

وااا.....

و وال

.. المهم يافندم ان المدعو سمسم رجل لا يستحق الا كل تقدير و احترام

و تترقرق الدموع في عيون الحاضرين من النساء
اهئ اهئ اهئ

لا يقطعها الا صوت القاضي معلنا برأة سمسم من كل التهمة المنسوبة اليه
مع تعويض قدرة مليون دولار

وترقع النساء في القاعه الزغاريد من النوع المجلجل و تتعالي الهتافات
سمسم سمسم

سمسم ....
الذي لا يشغله شيء الا خصلات شعرة التي اخد يمشطها في نظرة كلها وقاحه لاحد القاضاة التي تبادله نفس النظرات

من طرف **DeBo0o** السبت نوفمبر 10, 2007 1:11 am

رغم عدم اقتناعي أبدا بالأسباب المانعة لتولي المرآة
القضاء في مصر
زي المزاج و الحالة النفسية و حالات الحمل و العاطفة الزيادة

اللهم السبب الديني اللي قريته في كتير من المواقع
ولو فعلا حقيقي اعتقد انه كافي ...

المهم رغم عدم اقتناعي بالاسباب
لكن مش شايف أي جديد ممكن المرأة تضيفه في المجال القضائي

و مش شايف الا تصريحات من كل ست تدعي الانفتاح العقلي في النفوخ
و الثقافة ان دا نصر تاريخي للمرأة
وعلامة فارقة في تاريخ العمل النسائي
و فرصتون
حيقيقيتون
لتحقيق
الذاتوو
و اثبات ان المرأة
المصرية تدخل عصرا جديدا من عصوري الحريتي و الديموقراطيتي و ال
Pla pla pla pla pla pla pla plaaaa

ارحمونا شويه من التصريحات في الجرائد و التليفزيون اللي كلها فزلكة و انزحة

من طرف **RANEEM** السبت نوفمبر 10, 2007 10:40 pm

ههههههههههههه يخرب عقلك يا ديبو انا تصورت الموقف موت من الضحك
بس انا شايقفه من الموضوع ده انك مش تحب ان البنت تشتغل
انا من رايي ان البنت لها اعمال معينه غير الراجل يعني مستحيل يكون في بنت تبقي قاضي مثلا هتتعامل ازاي مع المجرمين
بس بجد التوبيك جامد

من طرف **snow white** الأحد نوفمبر 11, 2007 2:57 am

توبيك دمه خفيف موووووووووووووت يا ديبوووووووو
بس انا رأيي زي رنيم
رقه المرأه تمنعها انها تتعامل مع مجرمين
في شغل ينفع للراجل بس
وفي شغل تاااااااااااااااني ينفع للبنت بس

من طرف **A.S.Shiko0o0o** الأحد نوفمبر 11, 2007 10:28 pm

كلام تماوووووز اوى الستات ليهم شغل خاص بيهم هم بس مش نافعين غير عاوزين مساواه ولو جبت لواحده شغلانه فيها شحططه وبهدله تيجى تقولك انت بتعاملنى كده ليه هو انت شايفنى راجل طب يا ستى متتلمى بقى وتعرفى ان الراجل له شغل والست ليها شغل

من طرف FoOoFy الأربعاء نوفمبر 14, 2007 12:32 am

التوبيك ده هو كمان جاااااااااااااااااااااااااااااااااااااااااااااااااااامد يا ديبو

من طرف **MeRaMoRe** الأربعاء نوفمبر 14, 2007 11:34 pm

جميل اوي ياديبو انا بكره الستات اللي بيقولو المساواه والهبل ده

ماينفعش ابدا ومستحيل يكون في مساواه بين المرأه والرجل الا في الاحكام الدينيه والشرع والتعليم وبس

اما حكاية الشغل فالمرأه ماينفعش تشتغل في كل حاجه الراجل بيشتغل فيها لأن طبيعتها مش هتستحمل

وربنا قال ( الرجال قوامون على النساء)

يعني هم اقوى وهيستحملوا فمافيش داعي الستات يتحشروا وكل واحده تعمل فيها طرزان ويفهموا الكلام ده كويس

تسلم ايدك موضوع جميل

من طرف **zy_elsoker** الخميس نوفمبر 15, 2007 1:37 am

والله مفيش احلى من ان الست

تعيش ملكة

حياة لزيزة بدون تعب

بسسسسسسسسسسسسس

المجتمع محتاج عمل المراه

ولكن فى اعمال مناسبة

لطبعيتها كمخلوق رقيق و حساس

من طرف **DeBo0o** الخميس نوفمبر 15, 2007 8:53 pm

يوم ما سمعت ان المرأة هتصبح قاضية
اتجننت و جريت علي النت ادور علي حاجه اقراها او تفاصيل اكتر
لقيت ايه ؟؟
كل قاضي او مستشار ممانع للامر بيقول اسباب في قمة التفاهة و الغرابه
واحد بيقولك لما تبقي حامل و التاني يقول لما تبقي في فترة حيض
وواحد يقولك عاطشفيين
وواحد يقول مش بيغسلوا وشهم الصبح
وواحد يقول دول ريحتهم وحشة
اسباب غريبة جدااااا
و من قضاة
!!

و دا فكرة الموضوع
يعني الرد الانسب دلوقتي علي كل الناس
هو
اعععععععععععععععععععععععععععععع ء

wrong answer

من طرف **Totti** الجمعة نوفمبر 16, 2007 12:46 am

ههههههههههههههه
والله عندك حق الموضوع مخنق بجد
المراه تنفع قاضي في محكمة الطبيخ والمسح و .............. الخ
مش بسبب رقتها لا سمح الله بس هي متنفعش في حاجة تانية
دول عالم دماغهم فاضية يا عم
بس بجد التوبيك جامد طحن

من طرف **DeBo0o** الأحد نوفمبر 18, 2007 2:16 am

تسلم يا توتى ... دايما منورنا كدة بردودك الى زى العسل

و دعنى احييك تحيه خاصه علشان البقين الى انت قلتهم فى حق الجنس الظريف دول

ربنا يقدرنا على فعل المصايب يا ولاد

و يجعلو عامر

ثلاثه نساء ... و حرامى غسيل

ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل

رد: ثلاثه نساء ... و حرامى غسيل