عاوز رايكم بصراحه

من طرف **Crespowbas** الإثنين نوفمبر 12, 2007 4:07 am

حوار ساخن جدا

__________

الموضوع ده بيحصل مع بعض الناس

******************************

البنت : مش تشوف شغل بقى يا حبيبي

الولد : والله العظيم بدور على شغل ليل نهار

البنت : يا حبيبي انا برفض عرسان كتير بيتقدمولى عشانك

الولد : والله انا بدور على شغل ومش ساكت

البنت : خلاص .. انا هديلك فرصه اسبوع لو مشتغلتش نبعد عن بعض احسن

الولد : واهون عليكي يا حبيبتي ؟

البنت : انا عايشه فى عذاب بسببك

الولد : ليه يا قلبي ؟

البنت : شكلي بقى وحش اوى فى البيت لما برفض اى عريس بيتقدملى

الولد : واذا معرفتش الاقى شغل فى خلال اسبوع ؟

البنت : يبقى نفترق انا مش عايزه اضيع وقت معاك

الولد : اوك .. خلى بالك من نفسك

الولد : لا اله الا الله

البنت : محمد رسول الله

البنت : باى

عاوز رايكم هل البنت ديه بتحب فعلا

هل دة اصلا حب والواحد يضحى علشانه؟

عاوز رايكم يا جماعه

من طرف **eman** الإثنين نوفمبر 12, 2007 4:48 pm

اولا ده مش حب ثانيا البنت دى بتشتغله وشكلها ومش شكلها هو يعنى لما يشتغل خلال اسبوع هيتقدملها يعنى وماله نعتبر انه حيتقدملها طيب وهيا حتقول ايه لما يتقدم انا برفض عريس جاهز علشان ده وبعدين هيا ممكن تكون مركزه مع حد تانى وعامله الموضوع ده حجه علشان تبعد عنه وهيا محسساه انها مطلوبه وكده يعنى حركه واصلا اصلا مفيش حد دلوقتى كده دى بقت موضه قديمه خلاص الناس اللى من نوعيه الولد ده خلصو هو بقى يحاول يغير من نفسه وعلى فكره انا بنت ومش متحامله على البنت دى بس مبقاش فى حب فى الزمن المنيل ده كل واحد بيدور على مصلحته فلو انت تعرف الولد ده قله يوفر تمن الدباديب والخروجات والكلام ده ويكون نفسه احسن ويدور عاللى حتقف جنبه فى مستقبله مع انى اشك ان فى ناس كده دلوقتى وميرسى لموضوعك بجد جميل

من طرف **Crespowbas** الإثنين نوفمبر 12, 2007 8:29 pm

اولا ربنا يخيليكى علشان ردك دة

ثانياا رايك منطقى وكل حاجه بس مش كل الحالات بنطبق عليه علشان فى ناس بتحب بجد يا امان

اه ممكن يكون فى ناس عايشه كدة وبتقضى وقتها وخلاص المهم فى الاخر مين اللى هيضحك على التانى هما فاكرين كدة ومشين على كدة

بص صدقينى فى ناس واخدة الحب دة بجد ومش هزار وانا هخليه يقرا رايك

شكرا على مرورك

من طرف FoOoFy الثلاثاء نوفمبر 13, 2007 11:56 pm

أنا مع ايمان في ردها
بجد ردك جامد يا ايمان و انت بنت من الآخر

من طرف **eamo** الأربعاء نوفمبر 14, 2007 1:27 am

لأ انا بقه مع كريسبو لأن فعلافيه حب بجد في الزمن ده وحب رائع كمان ومش شرط انه خلاص انا بحبه وهستناه لآخر عمري واكلام ده ولا انه يقول هاعمل المستحيل علشانها الكلام كتير بس ياريت يكون طالع من القلب لو كل واحد حب انه يوصل لحاجه هيوصلها وبطريقته محدش هيغصب حد على حاجه وقول لصاحبك ده ياكرسبو ان لو هي عاوزه متتجوزش غيره هتعملها ومش هتتجوز صدقني وخدها كلمه مفيش بنت بتتجوز غصب عنها بس ياريت يكون سند ليها ويقويها انها تستحمل اي حاجه ويكون هو يستاهل كل ده مش هي تضحي وخلاص وهو قاعدلي على القهوه طول الليل
والنهار خليهم يصبروا ويتوكللوا على الله

من طرف **Crespowbas** الأربعاء نوفمبر 14, 2007 2:02 am

ايه الكلام دة رايك فعلا جامد يا ايمى

بس انتى عارفه لو كل البنات فاهمه اللى انتى بتقوليه دة وعارفاه بجد مش كلام وخلاص هتلاقى الدنيا ديه جميله قوى

وما فيش حد يسيب حد علشان الثانى معندهوش شغل يعنى هو لقى شغل وما شتغلشى
ومش زنبه يعنى انه مش ابن وزير او ابن ناس مهمه علشان يعرف يشتغل فى البلد
ديه

يا ناس صدقونى مش بالفلوس كل حاجه هتتحققق فى ناس معها فلوس بالكوم ومش
لاقيه توديها فين وفى ناس برضو غنيه اه بس ربنا بسطها علشان ما بيتنطتوش
على خلق الله

وفى ناس غلابه مستريحين بس على قدهم يعنى مش زنبهم انهم كدة

كل واحد يرضى باللى قسمهولو ربنا

علشان ممكن البنت ديه تتجوز واحد وغنى ويطلع عينها وفى الاخر هتاخد ايه؟

من طرف **MeRaMoRe** الأربعاء نوفمبر 14, 2007 10:53 pm

موضوع جميل ياكرسبو

انا عندي رأيين على حسب الحاله

1) ممكن البنت تكون عارفه انه لعبي وبيستهبل عليها وبيقولها كده وخلاص وهي زهقت وقالت له الكلام ده وفي

الحاله دي هي معاها حق

2) لو هو بقى كويس فعلا وبيحاول يأمن نفسه ويرضيها بس مش عارف وهي قالت له الكلام ده فهي مش بتحبه

خاااااااااااالص وعايزه تخلص او زهقت وعايزه تشوف حد تاني ده اذا ماكانش فيه اساسا وهي بتخترع قصه

اللي بيحب حد عمره مايقدر يستغنى عنه ولو هي اصيله وبتحبه فعلا هتستناه العمر كله وتوقف جنبه وتشجعه

مش تعايره وتحسس بالنقص انا متغاظه منها ماتستاهلش

Thx crespo

Have a nice day

من طرف **silent** الخميس نوفمبر 15, 2007 1:53 am

البنت : خلاص .. انا هديلك فرصه اسبوع لو مشتغلتش نبعد عن بعض احسن

أنا رأيي بصراحة إن هي أول ماتقوله كده المفروض الولد يقوللها آه أنا شايف نبعد عن بعض أحسن من دلوقتي
ويسبها ويمشي أحسن له لأنها بجد بتستهبل ومش بتحبه خااااااااااااالص
واللي بتعد تقول برفض عرسان عشانك ولو مالقتش شغل نبعد أحسن والكلام ده فدي بصراحه واحده عايزه تتجوز وخلاص وولا في عرسان بيتقدمولها ولا حاجه لأن لو في فعلا كانت وافقت على طول على أي حد كويس يتقدم لها لأنها مش بتحبه أصلا
أنا ممكن أكون متحامله على البنات شويه بس طبعا أنا مش بعمم بس في بنات فعلا بتغاظ منهم بسبب الضغط على الأولاد بخصوص الفلوس والشغل ده آه طبعا في اولاد كتير مستهتره ومش أد مسؤوليه بس بردو فيه اللي بيحاولوا وبيبذلوا جهدهم بجد هيعملوا إيه يعني وطبعا أي شاب حتى لو بيشتغل هيبقى لسه مبتدئ انتم متوقعين معاهم كنوز يعني ولا إيه
الأحلى ان انتي اللي تبقي معاه وهو بيكبر" مش قصدي بيكبر في السن لأ أقصد في المكانه والرتبة"
والولد بردو المفروض مايتخذش أي خطوه ومايبديش أي حاجه للبنت غير لما يحس انه مستعد فعلا أو عالأقل راسم خطة لمستقبله"بس مش خطة خيالية يعني ويعيشها الحلم "
أنا آسفه عارفه اني طولت عليكم

من طرف **zy_elsoker** الخميس نوفمبر 15, 2007 2:09 am

البنت لما بتحب بجد بتضحى عشان حبها

بتستحمل كل الظروف وبتساعد

حبيبها لو تقدر

حكايتك دى مش حب اصلا

دى بنت عايزة بس عاريس

وخلاصصصصصصصصص

من طرف **Crespowbas** الخميس نوفمبر 15, 2007 10:37 am

شكرا يا جماعه على رايكم دة

انا مع رايكم برضو ان البنت ديه مش بتحب واللى بيضحك على الناس يبقى عمرة ما هيعرف يتجوز

وهى فعلا بتمثل لما قالتله انها بترفض عرسان وكدة علشان هى لو بيتقدملها عرسان هتوافق

شكرا يا جماعه على اراكم مرة ثانيه

من طرف **Crespowbas** الجمعة يناير 18, 2008 2:25 am

ايه
وقفت كدة ارئكم فى الموضوع اشيله يعنى
انا عاوز اعرف ايه رايكم لو حصلت حاجه زى كدة بجد
وازاى الولد يكتشف دة من بدرى ما يستناش انه يسمع الكلام دة
ايه اللى يبين يعنى

من طرف **ahmedelamir64** الجمعة يناير 18, 2008 3:09 am

محمد المشكله مش مشكله الولد ولا البنت
المشكله ان التلاتنين مش ليهم اي ذنب
يعني الولد مش ذنبه انه مش لاقي شغل
والبنت برده صعب انها تفضل مستنيه ولد كتير
في وقت بيجلها عرسان كتير
طب هي شكلها ايه ادام اهلها يعني ممكن يجلها عريس فيه كل الواصفات اللي تحلم بيها اي بنت
اكيد صعب عليها انها تفضل ترفض من غير سبب
واحنا نعمل ايه مفيش شغل
لا وتروح تخطب بقا اللي انت بتحبها
تلاقي الكارثه
بابها عايز شقه عشر اوض وتلات حمامات وخمش مطابخ وملعب جولف في الصاله(اصل هو اصله فرنسي وكده)
وعايز شبكه بخمسين الف جنيه وعاوز يوسع شقته هو كمان علي حسابك
وفرح في دار الدفاع (كان طيار الله يرحمه)
وعايزك تشبط شقتك وشقه ابنه كمان
احنا بقا نعمل ايه ناكل عيلنا ولا ايه
واحنا اصلا مش لقين مكان في القهوه نقعد فيه
بجد يا محمد البنت لها عذرها
واحنا مش عارفين نعمل ايه مفيش اي مجال للشغل
بس دي مشكله مجتمع رافض الحفاظ علي ابنائه
وده اللي مخلي دول العالم كلها مستفيده بخيره شبابا مصر ومصر كل يوم بتزيد جهل وتخلف
مش هقدر اني اقول ربنا يرحمنا ويرفع غضبه عننا
اسف اني طولت عليكوا

من طرف **Crespowbas** السبت يناير 19, 2008 2:16 am

لا والله
بجد يا احمد هو دة الواقع واللى يقول غير كدة
يبقى مش عايش بج

ربنا يترها يحبيب قلبى

شكرا يا باشا على مرورك

من طرف **RANEEM** السبت يناير 19, 2008 6:05 pm

موضوعك جميل اوي يا كربسبو

بص باه انا مش هقولك ان البنت لما تحب والولد الي بتحبه ده مش لاقي شغل يقي لازم تستناه العمر كله ولو مش استنته يبقي مش بتحبه لا طبعا
البنت لما بتحب بتحب بجد وبتبقي عاوزه تعمل اي حاجه عشان الي بتحبه ده يبقي من نصبها
يبقي الولد برده لازم يحاول يشتغل مش يقعد في البيت او في القهوه ويقولك انا مش لاقي شغل ياحبيبتي اعمل ايه
هو مسيتني الشغل يجي لغايه عنده مثلا

بس الواضح من موضوعك ان البنت اصلا مش كانت بتحب الولد ده
انها تقوله قدامك اسبوعين طب ما تقف جنبه وتحاول تدور معاه