العشق الحرام

من طرف **Crespowbas** الجمعة نوفمبر 23, 2007 8:41 pm

السلام عليكم

العشــق الحــرام

أولا خلونا نعرف إيه هو العشق الحرام هو الحــب اللى ملوش صلــة بالجـواز أو ليــه صلة

بالحواز يتوقعــه الطرفيــن بعـد 7 أو 8 أو9 سنين يعنى نفضل ماشيين مع بعض كل السنين دى و بعدين يا نتجوز

يا منتجوزش..

و النوع ده من العشــق أو الحب الحرام من أكثر الأشياء اللى بتفســد القلب حتى لو إدعــى الطرفيــن إنهم

بيعاونوا بعــض على طاعة الله .. طاعة إيه دى اللى فيها ولد و بنت و الشيطان ثالثهم ...

"قــال العلامــة إبن القيــم .. العشق خمــــــر الروح يسكرهــــــا فيحذفهــــــا عن محبة الله و الشوق إليــه

العشــــــــق الحــــــــــرام كالشــــــــرك فى محبــــــــة الله عز و جل"

يبقى إحنا كده بنضحك على نفسنا لما بنقول بنعاون بعض على طاعة الله...

وفكرة الموضوع حبينا نخليها على شكل الحوار ده مابين شخصين أحدهما مؤيد والأخر

معارض للفكره المطروحه داخل الموضوع وده عشان نوصل بسرعه لمغزى الموضوع...

مؤيـــد: أسكتـــى مش أنــا إرتبــــطت.

معـــارض : من غيـــــــــر ما تعزمينــــــــى !!

مؤيـــــــــد : إيه يابنتي إرتبط أنا وواحد زميلي في الكليه بنحب بعض أوي أنا عايشه

أسعد لحظات حياتي و بنتقابل فى الكلية و بنتكلم فى التليفون..

معارض : زميلك ! يعنى لسه فاضلكوا سنتين على ما تتخرجوا و سنتين على ما

يلاقى شغل ده لو لقى شغل و 4 او 5 سنين كمان على ما يقدر يجيب شقه و يفرشها ..

مؤيــــد : إيه ده اللي بتقوليه ده أقولك بحب تقفليها في وشي كده ياشيخه حرام عليكي..

معــارض : أنا مش بقفلها أنا بقول الواقع طيب هتفضلوا تتكلموا فى التليفون و بعد ما

تتخرجوا من الكلية تتقابلوا و تخرجوا لحد ما يقدر يقف على رجليه علشان يجى يتقدملك ؟ انتى متعرفيش ده

حـرام !

مؤيـــد : حرام إيه اللي بتتكلمي عليه ماكل الشباب كده دلوقتي إنتي إيه مش

عايشه في الدنيا ولا إيه مبتشوفيش إن في برامج للحب مخصوص إيه عمرك ماسمعتي عن اسامه منير مثلا؟؟

معارض : هو علشان كل النـاس بتعمل غلــط المفروض أعمل زيهم ؟

قــال الــلــه تــــعالــى .." يا أيـــها الذين آمنوا و لا تتبعوا خطوات الشيطان و من يتبع خطوات

الشيطان فانه يامر بالفحشاء و المنكر" صدق اللــه العظيــم

وبعدين إنتى عايزة تقنعينى إن الـ 9 او الـ 10 سنين اللى ماشيين مع بعض فيهـا من غير إرتبــاط شرعــى مش

هيحصــل أى حاجه حرام بينكــوا ؟؟

ده إنتى من دلوقتى بتقولى أنكوا بتتكلموا فى التليفون , إنتى متعرفيــش إن اللسان يزنى و زناه الكلام و الأذن

تزنى و زناها السمع ؟

مؤيـــــد : لااااااااااااا أنا شايفه إنك بتعقدي الامور خليكي إيـــــــــــزي كده شويه

مش كل حاجه هتقوليلي عليها حرام يارتيــني ياستــي ماقلتلك إني بحب قال حرام قال!!

معارض : : إسمعى الحديث ده علشان تعرفى حرام و لا مش حرام ..

قال رسول الله صلى الله عليه و سلم ..

"اليــد تزنى و زناها اللمس و العين تزنى و زناها النظر و الاذن تزنى و زناها السمع و اللسان يزنى و زناه الكلام و

الرجل تزنى و زناها المشى و الفرج يكذب او يصدق "

يعنى لمســــــة الإيد بينك و بينه دى تعتبر زنـــــا , لما تبصى بعينك لحاجه حـرام ده زنـــــا , لما تتكلمــى معاه

فى كلام يثير الشهوات أو حتى بحبك و الكلام ده يعتبر زنـــــــــــا , و سمـاعك للكلام ده يعتبر زنـــــــــا بردو ,

مشيــك للاماكن الحرام يعتبر زنـــــــــا ..

عرفتى بقا حرام و لا مش حرام ؟

مؤيـــــد : على فكره بقـا أنا قايله لماما على كل حاجه ومش مخبيه إرتباطى بزميلى عنها...

معارض : إنتى عايزة تفهمينى بما إنك حاكيه لماما يبقى العلاقة كده حلال ؟ مع

إحتـــرامى لمـامــا بــس مــامــا كده بتعاونك على علاقة محرمة و ماما هتُســأل عنك يوم القيامـة..

قال الله تعالى ..

"يا أيــهــا الذين آمنــوا قــوا أنفسكــم و أهليكـم ناراً وقودهـــا النـــــاس و الحجــارة عليهــا ملائكــة غــلاظ

شــداد لا يعصــون الله مـا أمرهــم و يفعلــون ما يؤمــرون " صــدق اللـه العظيــم

و قال رسول الله صلى الله عليه و سلم ..

"كــلكـم راع فمسؤول عن رعيته، فالأميــر الذي على الناس راع وهو مسؤول عنهم، والرجـــل راع على أهل

بيته وهو مسؤول عنهم، والمـــرأة راعية على بيت بعلها وولده، وهي مسؤولة عنهم، والعــبد راع على مال

سيده وهو مسؤول عنه، ألا فكـــلكـم راع وكـلكـم مسؤول عن رعيته)

مؤيــد: يييييييييييييييي زهقتيني بصي أنا مقتنعه جدا باللي أنا بعمله وشكرا أوي عالنصيحه دي..

معــارض: عالعموم أنا كنت فعلا بنصحــك لوجه الله بس الظاهر إني مالقيتش صدى

قبول لنصحيتي عنــدك اللهــــــــــم بلغــــــــــت اللهــــــــــم فاإشهــــــــــــــد...

إحنا بقا عاوزينكم ياشباب تشاركونا باآرئكم ونشوف مين فينا هيبقى مع المؤيد ومين فينا هيبقى مع المعارض..

من طرف همس العيون الجمعة نوفمبر 23, 2007 10:55 pm

انا ياكريسبو وانت عارف طبعا هبقى ايه قبل ما ارد لان صعب الواحد يمشى فى طريق وهوه عارف انه غلط صحيح الحب احساس جميل اوى والكل نفسه يحب بس لما الواحد يحب صح وبطريقه صح وفى النور بيبقى احلى كتييييييييييييييييييييييييييييييير اوى وليه طعم واحساس تانى خااالص علشان كدا انا هبقى مع المعارض مش مؤيد وميرسى ليك على موضوعك الجامد والجميل والتحفه ومش عارفه اقولك ايه تاانى بصراحه غير ان ربنا يوفقك يارب

من طرف **Crespowbas** الجمعة نوفمبر 23, 2007 11:00 pm

يسمع منك ربنا يا جميل

وشكرا على مرورك

من طرف **ahmedelamir64** الجمعة ديسمبر 07, 2007 6:31 pm

بص يا محمد
ممكن يكون الحب حرام
بس هو خلني اعمل حاجات كتير كويسه
وخلني معملش حاجات كتير غلط
ولو حد بيحب حد اوي من قلبه
اكيد هيخاف عليه ومش هيرضي انه يظلمه
يعني هيخلي العلاقه ماشيه في الصح
بس لحظ اننا في مجتمع بقي ا كتر الاشياء حرام
يعني لو اتنين بيحبوا بعض اوي هيساعدوا بعض علي الصح
بس انت يا محمد انا شايف ان ده الموضوع الواحيد اللي مقولتش فيه رايك
مستني ردك انت
اكيد هيفرق معايا