أنا زهقان ....أعمل ايه....؟؟؟

من طرف **ESSS** الخميس نوفمبر 29, 2007 9:15 pm

بسم الله الرحمن الرحيم

كل يوم

بيمر علينا

بنفكر

بنتسائل

.

بكره

.

.هنعمل ايه ...؟

ويجي بكره ....ويجي بعد بكره وتتكرر الأيام ويتكرر السؤال؟؟؟

ومنلقيش اجابة للأيام الجايه

معا ان عندنا وقت فراغ كبير...

يبقى فيه مشكله

.

فيه مرض دلوقتي اسمه الملل والزهق >>>الاحباط>>>الفشل

(يا راجل ده مرض ...ازاي ؟)

لما كده تقعد وتلاقي نفسك فاضي وموركش أي حاجه تعملها

وملكش كده هدف ومتلاقيش أي طعم لأي حاجه كنت انته بتعملها

هوة ده الزهق والملل

.

يا ترى الواحد مننا يمكن يعمل ايه عشان يعالج المرض ده ؟

1.أول حاجه لازم يكون لكل واحد فينا هدف في الحياة

2.كمان قوة الايمان بالله تعالى وقضاء لله وقدره...

3.لو
الواحد تاه في الدنيا او لقى نفسه مخنوق او الملل سيطر عليه يذكر ربنا
الأول وده بجد بيريح النفس وبيدي دفعه معنويه قويه ويطمئن النفس

4.لازم الواحد يشوف ايه الي نقصه يبتدي يدور على حاجه جديده يبقى مبتكر ويكون على دراية كامله بكل شيء جديد

5.لازم الانسان يحس انوا محبوب مش منبوذ او مكروه وده يدي دفعه قويه للعمل ويرفع قدر الهدف الي هوةي هيسعى ليه ...

6.بجد الأصدقاء كنز ....لازم الواحد مننا يكون ليه أصدقاء يملوا عليه حياته والخيره في أصدقاء الخير الي دايما هيوجهوه للطريق الصح

7.لازم
نعرف ان مش كل هدف سهل اننا نوصله ...أكيد ليه المصاعب الي تخليه صعب
المنال ...وده يستلزم العمل بجد عشان نوصله ..يعني لو وقف بيك الطريق
متقولش بأه ايه ده انا اتخنقت وتخلي الاحباط يأثر فيك ...وده يؤدي الي
الجلوس وتصبح عديم الفائده وتبتدي تشعر بالملل (تلاشي الأهداف)

8.أخيرا
ليه انته تحس انك أقل من غيرك ....انته انسان مميز ...ربنا خلقك لشيء معين
لسبب معين ..عشان كده لازم تكون مقتنع بالتميز ده ....وتثق بنفسك..

أكيد دي بعض الأفكار ....دوركم بقى يا شباب ..

ايه الأفكار او الحلول لمشكله الزهق والملل في رأيكم ....؟

وهل المشكله دي فعلا بتصادفها ولالأ...؟

مستنية ردودكم...

لا اله الا انت سبحانك من الظالمين....

من طرف **mido19** الجمعة نوفمبر 30, 2007 12:48 am

بصراحة ردى على الموضوع ان كل واحد فى الدنيا لازم يكون عامل لنفسة خطة لبكرة وبعدة بكدة مش هيحس بفراغ ودى راية وانا مشترك جديد على المنتدى سلالالالالالالالالالالالالالالالام