ام مصريه وحكايتها لشباب علوم بنها

من طرف **Crespowbas** الثلاثاء ديسمبر 11, 2007 2:14 am

انا قولت لا ماليش دعوة هى ناقصة وجع دماغ

طيب الراجل يعمل اية يعنى

يتصرف وانا مالى مش هقدر ياماما والله انتى ترضى لبينتك
انها تكون حزينة وملطشة

ماعاش ولا كان يابنتى بس انتى عارفة ان دية عاداتهم
يابنتى كل ولادهم بيسكنوا معاهم

انا ماليش دعوة "العادات
دية ايام سى السيد والافلام الابيض والاسود لكن دلوقتى انا عايزة يكون ليا حريتى

انتى فاكرة حنان بنت خالتى والعذاب اللى شافتة فى بيت
العيلة ولا منى ولا
هناء وانتهى الموضوع انهم اخدوا شقة برة من كتر المشاكل ترضيلى كدة
برضة ياماما داانا
بنتك اقنعية انتى لانى مش عارفة اقنعة هو مصمم انه ميسبش بيت اهلة ويختلف عن اخواتة

وخصوصيتى فى بيتى

طيب لية حاطة
فى دماغك الوحش بس ميمكن تعيشى معاهم فى امان الله مادام معاملتك كويسة ولا نسيتى امل بنت عمتك
عايشة فى بيت عيلة وسعيدة

امل حالة
مختلفة لان كل زوجات اخوات جوزها بيشتغلوا وحماتها طبعا مش هتعمل مشاكل من الهوا مهى مش لاقية
حد بيوقع ولا بيكلم على حد لانهم مش فاضيين وكمان فى ست بتخدمها لا ياماما الامر مختلف

مهما عملت انا بقة مش هينفع لان زوجات اخواتة ربات بيوت
وسوا بشتغل ولالا هيقرفونى انتى عارفة
نظام السلايف كل واحدة عايزة تثبت لحماتها انها الاحسن وانها
النظيفة والباقى
كلهم ولا ليهم لازمة والتوقيع بقة هيشتغل غسيلك

دة اية شقتك مالها كدة دة غير ان كل اسرارنا هتوصلهم انتى
عارفة بقة نظام تلميع الاوكر وانا نفسى اعيش فى امان وابدا حياتى فى دنيا جديدة مع جوزى دنيا خاصة بيا انا ومملكتى محدش
يدخل فيها

والله انا احترت
معاكى يابنتى مش عارفة اقنعك ازاى انتى كلامك معظمة صح بس دلوقتى الدنيا اختلفت وكل واحد لية مشاكلة ومشاكل
عيالة محدش فاضى يابنتى انه يشغل باله بحد

ماليش دعوة
مضمننش داانا اتعقدت من كتر الجوازات اللى فشلت فى عيلتنا بسبب بيت العيلة دة وكانت المشاكل
بتيجى من الهوا بصى انا زهقت بقة شوفيلى حل

خلاص يابنتى انا
عندى فكرة نعرض مشكلتك على شباب وبنات علوم بنها واصحبهم هما اللى هيفدوكى فى الموضوع دة نشوف مين اللى معاكى ومين
ضدك وهل كلامك صح ولا غلط

يلا ياشباب اوعوا تخذلونى قدام بنتى عايز اعرف رائيكوا
اية هل توافق ولا ترفض واية مميزات وعيوب بيت العيلة وياترى ممكن التغلب عليها ولا دة مستحيل لما نشوف بقة
هتساعدوها ولا اية بسرعة العريس عايز القرار مستقبل بنتى

بين ايديكوا

من طرف **NonaAa** الجمعة ديسمبر 14, 2007 4:15 am

تسلم ياكرسبو موضوع فعلا يستحق النقاش
بس انا رأيى انى مادام بحب الانسان اللى هرتبط بيه يبقى اكيد هستحمل اى حاجة
وكمان دلوقتى بيت العيلة بقى مختلف كتير عن زمان
انا منكرش ان ممكن يحصل مشاكل بس اى زوجة فى ايدها انها تمنع المشاكل دى او حتى تجتنبها
بس اهم حاجة انى اعامل اهل جوزى بمثابة اهلى بالظبط
واتقى ربنا فى معاملتى معاهم اكيد ربنا هيحببهم فيا
اقولك على حاجة ياكرسبو بجد والله ساعات كتير بيبقوا اقرب ليك من اهلك
على الاقل هما اول ناس هتلحقك لو لا قدر الله حصلك حاجة لانهم معاك مش معنى كدة ان الاهل بعيد لا طبعا
اما بقى حكاية السلايف دى .........ساعتها اللى احس منها انها مش كويسة معايا
احاول اجتنبها منعا للمشاكل مش معنى كدة انى ماكلمهاش خالص لا بس اكون حريصة شوية فى معاملتى معاها مش اكتر
انا عارفة انى طولت عليكم
بس رايى من الاخر ان الزوجة تقدر تعيش فى اى مكان بس تعرف ازاى تكيف امورها مع اللى حواليها واهم حاجة ان يكون جوزها فعلا بيحبها ساعتها هيهون اى شى
انا عارفة ان كتير ممكن يكون ضدى بس ده رايى الشخصى
وتسلم ياكرسبو
واسفة على الاطالة

من طرف **ahmedelamir64** الجمعة ديسمبر 14, 2007 4:55 pm

محمد الموضوع ده مهم اوي
وياريت كتير من الناس ترد عليه
بس انا راي ان لو الاتنين بيحبوا بعض اكيد مش هيبقي في مشاكل كتير
يعني وهو معاها اكيد هي مش هتحس ان في مشاكل
بس المشكله
ان في بيت العيله ده
الزوج بيحب يبين لاهله انه بقي راجل
وده علي حساب زوجته يعني يقف معي اهله ضد زوجته عشان يحساسهم انه بقي راجل وبيعرف يتخانق مع مراته
وانه هو اللي ممشي مراته علي العجين متلخبتوش
فكر غلط جدا
يا محمد لو الزوج عرف ازاي يعامل زوجته لو قاعدوا في جزر القمر اكيد هيكونوا مبسوطين
وطبعا لزم يكونوا بيحبوا بعض

من طرف **Crespowbas** الأحد ديسمبر 16, 2007 7:37 am

ربنا يخليكو ياجماعهوانتى يا نونا حافظى على جوزك فى غيابه علشان هو يعملك حساب فى بيك فهمانى طبعاوانت يا ابو حميد ربنا يخليكوتسلم ايديكم يا جماعه

من طرف **Crespowbas** السبت فبراير 23, 2008 1:11 am

هاااااااااااااااااااااا

خلصتم ولا ايه

انا عاوز افتح المواضيع ديه

علشان المواضيع ديه مهمه جدا يا شبااب

من طرف **snow white** السبت فبراير 23, 2008 3:25 am

انا رأي زي نونا بالظبط
وكمان بيت العيله بجد ممكن في بعض الحالات يكون مهم اووووووي
يعني في فرحتك تلاقي عيون فرحنالك
وفي حزنك تلاقي عيون بتبكي عشانك
ووقت الشده تلاقي ايد بتتمد لك
يعني بعد الشر لو حد تعب في نص الليل تلاقي حد جمبك
مش لسه تستني حد يجي يقف معاك
الموضوع ده معتمد بس علي الزوجه ومعاملتها
اعتقد هي لو كويسه وحنينه وبتراعي ربنا في اهل الراجل اللي بتحبه
يبقي محدش هيعمل معاها مشاكل من الهوي يعني

من طرف ozy313 السبت فبراير 23, 2008 4:05 am

انا رايي من راي الجميع ان بيت العيلة مفيهوش مشكلة بس ده بيرجع للزوجة والزوج لو هي كويسة واهل البيت كويسين حتبقى احلى عيشة ولو اهل البيت هم اللي مش كويسين في الحالة دي يكون جوزها هو المسئول

ام مصريه وحكايتها لشباب علوم بنها

ام مصريه وحكايتها لشباب علوم بنها

رد: ام مصريه وحكايتها لشباب علوم بنها

رد: ام مصريه وحكايتها لشباب علوم بنها

رد: ام مصريه وحكايتها لشباب علوم بنها

رد: ام مصريه وحكايتها لشباب علوم بنها

رد: ام مصريه وحكايتها لشباب علوم بنها

رد: ام مصريه وحكايتها لشباب علوم بنها