ليه الطلاب بيفشلوا؟؟!!

من طرف **MeRaMoRe** الخميس ديسمبر 20, 2007 6:30 am

مش غلطة الطلبه لما يسقطواعشان السنه فيها 365 يوم بس وبتبقى فيها مشاغل كتير :

1_
52 يوم جمعه في السنه وطبعا ايام الجمعه بتبقى عشان الراحه من تعب الإسبوع يبقى اللي فاضل 313 يوم.

2_
50 يوم اجازة صيف والجو بيبقى حر مووووت وصعب الواحد يذاكر فيه يبقى اللي فاضل 263 يوم.

3_
8 ساعات نوم عشان صحة الطالب بردو يبقى راح 130 يوم وفاضل 141 يوم.

4_
ساعه واحده لعب في اليوم ( عشان الحاله النفسيه للطالب ) وده يعني 15 يوم واللي فاضل 126 يوم.

5_
ساعتين اكل في اليوم مع المضغ جيدا والبلع ايضا جيدا عشان ( مايزورش ) وده يعني 30 يوم راحوا وفاضل 96 يوم

6_ساعه واحده للكلام مع الناس في التليفون او من الشباك مع الجيران اكيد لأن الإنسان اجتماعي بطبعه وده يعني 15 يوم يبقى فاضل 81 يوم.

7_
ايام الإمتحانات بتبقى عالأقل 35 يوم يبقى اللي فاضل 46 يوم .

8_
40 يوم في السنه اعياد دينيه ووطنيه وعيد العمال وعيد الأم وشم النسيم واعياد شعبيه وهنديه ....... يبقى كده فاضل 6 ايام .

9_
ايام المرض بردو بتاخد وقت عالأقل 3 ايام يبقى اللي فاضل 3 ايام .

10_
ساعات التلفزيون والأفلام والمسلسلات والبرامج الغير المفيده والأغاني بتاخد عالأقل يومين يبقى اللي فاضل يوم .

11_
وده بقى ياشاطر يوم عيد ميلادك لازم تحتفل بيه يبقى هتذاكر ازاي ( يلا كل سنه وانت طيب )

يبقى كده فاضل zero

يبقى الطالب هيعدي السنه ازااااااااااااااااااي ؟؟؟؟؟؟!!!!!