رد: كلنا في بيت واحد ...... تعالو نتخيل

من طرف **ESSS** الجمعة فبراير 22, 2008 10:31 pm

كمل عشاك نوم بقى يا شيكو
اصل احنا كلنا من زمان وانت اللي اتأخرت بقى
هههههههههههههههه

ايه اخبار الترم معاكو يا حلوين؟
شكله كدة تقيل صح؟

من طرف **Crespowbas** السبت فبراير 23, 2008 1:13 am

هههههههههههه

اه بيتهيقلى

انا مش عارف اى حاجه فى البتنجااااااااااااااااااااااان

انا نازل بكشكول بكرة وهحضر الساعه 9 صباحا ههههههههههه

يا مسهل يا رب اصحى قبل 11

نفسى احضر امنيه حياتى اكون انسان ملتزم مش عارف الامنيه ديه مش راضيه تتحقق ليه

ادعولى يا جماعه

من طرف **little angel** الأحد فبراير 24, 2008 2:42 am

هاااااااااااااى يا اخواتى يا مقطقطين

كدة اخث عليكوا هو عشان روحت لدكتور الثنان مع مامتى اجى الاقيكو نايمين كدة ومحدش عايز يطمن عليا وعملت ايه
طيب انا مخثماكو بس هه وهدخل انام كمان

من طرف **Crespowbas** الأحد فبراير 24, 2008 2:48 am

الف مليون سلامه ان شاله اللى يكرهوكى يا رب

سنتك بتوجعك يا اختى ورهالى كدة ...................... لا لا ما فهاش حاجه وان شاء الله هتخف بسرعه ما تلعبيش فيها انتى بس

وما تكليش سكر كتير
وهو ناااامو بعد ما قطعونى فى الالعاااااااااااااااااب

من طرف **ahmedelamir64** الأحد فبراير 24, 2008 8:25 pm

ازايكوا يا احلي اخوات

انا بقيت احس ان البيت بتعنا بيفضي كتير اوي
وكل يوم مفيش اكل كده
لزم البنات تعمل اكل
عشان الاكل هو اللي هيجمعني
بس فين زيزو حاسس انه واحش المنتدي
ولا ايه يا اخواتي
وطبعا الف سلامه يا انجل يا بنت بلدي (عارف انها متاخر بس متزعليش)

من طرف **RANEEM** الأحد فبراير 24, 2008 9:58 pm

الف الف سلامه يا ليتل
وانا كمان هحصلك وهروح انام

من طرف **ESSS** الإثنين فبراير 25, 2008 8:10 am

يالا بقى يا جماعة
كلو يصحى عشان الكلية
مش عايزين نبقى دايما متأخرين

يالا قومو بقى الله
يعني مفيش حد هيصحى ولا ايه؟

قومو عشان تشوفو وراكو ايه؟

يالا يا كتاكيت مش هقول تاني

اللي مش هيصحى بقى زنبه على جنبه
انا هخرج واروح الكلية وهقفل الباب ورايا
وهاخد مفاتيحكو كلكو ومش هتخرجو

بس طبعا اللي هيقوم علطول ويخرج معايا كدة بقى في الآمان

هااااااااااااااااااااه بسرعة يالا البسو

من طرف **little angel** الإثنين فبراير 25, 2008 7:09 pm

انا صحيت وروحت الكلية يا اس اس وانهريت 5 محاضرات لما دماغى بنجرت وكلهم organic ولا كنت فاهمه حاجة

يرضيكوايا اخواتى ان اخويا (ابن بلدى) يشوفنى وانا واقفة ومش لاقياه سوزوكى يروحنى البيت وهو يركب بسرعة ويمشى كمان لا واروح الموقف الااقيه كمان ركب ومكانش فيه ولا عربيه وكانت عيشة فل جدا

يالا ماعلينا خليها علينا المرة دى

من طرف **ahmedelamir64** الثلاثاء فبراير 26, 2008 1:11 am

ههههههههههههههههههههههههه

الظاهر ان الكلام عليا
والله كان معايا اصحابي
وحقك عليا بس الواحد لزم يتصرف في الركوب
والمره الجايه هحجزلك بس تدفعي انتي الاجره

بس تعمللنا عشاء دلوقتي عشان اكلك وحشنا
اتفقنا

من طرف **Crespowbas** الثلاثاء فبراير 26, 2008 1:17 am

اه يا ندل

بتسيب ليتل انجل يا واد وتركب اخص

انت كان معاك اصحابك
بنات ولا صبيان
اكيد بنااااااااااات

ههههههههههههههههههههههههههههههههههههههه

ولو صبيان يبقى انت عندك حق علشان يعنى .............................

عااااااااااااااااااااااوز اكل بقى

من طرف **ahmedelamir64** الثلاثاء فبراير 26, 2008 1:23 am

بتهدي النفوس

ماشي يا عم الرجوله
لا هما كانوا صبيان
ومفيش اكل بقي
كمل عشاك نوم

من طرف **Crespowbas** الثلاثاء فبراير 26, 2008 1:27 am

هههههههههههههههههه

انت حبيبى وحبيب قلبى ما ينفعشى اعمل حاجه تزعل قلبى وبس

من طرف **MeRaMoRe** الثلاثاء فبراير 26, 2008 1:52 am

هااااااااااااااااااااااااااااااي شله

ازيكو عاملين اييييييييييييييه وحشتووووووووووووووووووني

MisS U So0o0o0o0o0o0o0o0o0o0o0o0o0o0o0o MUcH

البيت كان ضلمه من غيري انا عارفه عارفه

ربنا يخليكو ليه ومايحرمكوش مني قولوا اااااااااااااامين

وعشان انا رجوعي انا اللي هعمل لكم الغدا

والغدا النهارده
*
*
*
*
*
*
*
*

إنــــــــــــدومـــــــــــــي طعمها يجنننننننننننننننننننننننن

عارفينها ولا لاء لو مش عارفينها هعرفهالكو وصدقوني هتموتو فيها زي ما انا مدمناها كده

يلا اجهزوا

سلملم

من طرف **Crespowbas** الثلاثاء فبراير 26, 2008 2:02 am

الحمد لله انك قولتى اكله انا عمرى ما هسمع عنها
واكيد طبعا ما سمعتش عنها اساسا ولا اسم يشبهلها خالص

والله يا جماعه ماما واخواتى كمان بيعملو اكل حلو قوى بس مش بلاقى الحاجات اللى انتم بتقولو عليها ديه خالص

بس كويس يا مراميرو انك قولتيها علشان اسالك سؤال
انتى بتسافرى فين
السؤال دة ليه اسباب

اولا لانك بتتكلمى بالانجلش كتيررررررررررررررر قوى تقريبا كل ردودك فيها انجلش
ثانيا لما رجعتى المنتدى
اللى يعرفوكى بيقولولك حمد لله على السلامه
فانا صراحه هتجنن واعرف انتى كنتى مسافره فين
والانجلش دة قرصات ولا انتى بتتكلمى انجلش

طبعا باينى هتتجنن علشان شكلك هتنفضيلى
بس هتنى وراكى لغايه ما اعرف

وشكرا على حسن استماعكم

كرسبو من قطاع الشباب لشباب
سلام عليكم

من طرف **MeRaMoRe** الثلاثاء فبراير 26, 2008 2:10 am

ههههههههههههههههههههههههههههههههههههههههههههه عسل ياكرسبو

لالالا مش هنفض وهجاوبك

اولا الإندومي دي عباره عن مكرونه سريعة التحضير بتتباع في اكياس بنكهات كتيره يادوب بتحطها في الميه تغلي وتحط النكهات اللي جايه معاها بالكتير اوي 10 دقايق وتكون جاهزه
ابقى اسأل اسلام عليها وهتشوف شكلها

اما انا بقى بسافر فين انا ياسيدي بسافر السعوديه لأهلي انا واختي هنا في مصر عشان الكليه
فبروحلهم في الاجازه

اما الإنجلش ده لا باخد كورسات ولا حاجه كل الحكايه اني كنت بدرسه في المدرسه عن حب
وبموووووووووووووووووووووووت في الاغاني الإنجلش والأفلام والبرامج الإنجلش مش بشوف عربي الا ناااااااااااااااااااااادراااااااا جدا جدا جدا عشان كده متعوده عليه

بس ياسيدي هي دي قصة حياتي

يلا عايزين اندومي ولا اعمل لنفسي بس؟؟؟؟؟؟؟؟

من طرف **Crespowbas** الثلاثاء فبراير 26, 2008 2:26 am

على فكرة انا مش عارف اكتبها ومش عاوز اخدها كوبى برضو علشان مش هعرف اقراها
المهم مين اسلام دة
واحد صاحبنا يعنى ولا صاحب مطعم
اعزرينى يا اختى اصلى مبقاش فى ذاكرة

وثانيا
اقدر اقولك حمدلله على السلامه
انتى عارفه فى بالى قولت ايه قولت انك روحتى دوله مش عربيه (ولا موتسكل ههههههه) اجنبيه يعنى
ويا ستى احنا كلنا كنا بنحب الانجلش بس الحمد لله مبقاش فاضل حاجه خالص
بصى بقى مدام فتحتى
هرغى شويه اعزرينى
انتى عارفه يا مراميرو
انا كويس انجلش بس عيبى انى مش معتبرة حاجه اساسيه ود غلط

انا روحت فايزر شركه ادويا كنت رايح فاترة تمرين بس كانت وصايه شويه
فاختارو ناس الحمد لله كنت انا من ضمنهم ( بالكوسه) بالبركه فىالدكتور حاتم داود مدير الشركه

عملونا نظام اسبوع كدة نتكلم فيه بالانجلش بس وفى داكترة انجلش وكدة (بريتش ) واميركن

علشان كان فى ناس جايه من بره ولازم كنا نسمعهم وكدة وهما اجانب وكنا هنسالهم
شوفتى دة كله المفروض انى اكون عبقرى انجلش

بس للاسف باخد الفترة بفترتها وبنسى كل حاجه

ملخص دة
انك ربنا يوفقك واللغه ديه بجد فرصها كتير جدا
بس حبيها
انتى

وعلى مش انتى اللى بتسفرى لوحدك

انا بسافر الاقصر كتير
ههههههههههههههههههه

معلشى طولت عليكى

شكلك نمتى

تصبحى على خير

من طرف **little angel** الثلاثاء فبراير 26, 2008 5:12 pm

هاى يا اخواتى ازيكوا

مش معقول يا ميراميرو تكونى بتحبى الاندومى دى طعمها زبالة عارفة انا بحبها وهى ناشفة بفتح الكيس واكل منها كدة يالا كل واحد ودماغة بقى

وبالنسبة ليك يا كرسبو اسلام دة صاحب السوبر ماركت الوحيد اللى جمب الكلية ازاى ماتعرفوش دة نار على علم يا بنى

وبالنسبة للانجلش انا كمان بحبه قوى وبرضه بسمع اغانى اجنبى باعشق ويتنى يوستن وبادوب ف سلين ديون وموبايلى نصه تقريبا اغانى اجنبى

واكيد الافلام الاجنبى مالهاش حل احسن من العربى مليون مرة

من طرف **Crespowbas** الثلاثاء فبراير 26, 2008 11:35 pm

ههههههههههههه
عرفته خلاص

انتم كلكم كدة ولا ايه

انا غلبااااااااااااااااااااان يا جماعه براحه علياااا

من طرف **A.S.Shiko0o0o** الأربعاء فبراير 27, 2008 12:10 am

يا نهار النتيجه على الابواب والفضايح هتبقى للركب
وانا هعلقلكم بقى فى الطاله لوحه شرف واللى هيرتب هديله جايزه مش لازم احفزكم بقى وكده ولو حد تقديره عجبنى بس بحقيقى هديله لون اعلى ويلا شدوا حيلكم عشان لو كله نجح ورفعتم راسى وفرحتونا كده هعملكم رحله انا مش بهزر انا بتكلم بجد هنعمل استفتاء وهنطلع كلنا فى بيت واحد اسمه بيت شباب علوم بنها رحله وان شاء الله تكون رحله تمام اوى
بس
ربنا يسطر فى النتيجه وتعدى على خييير وكله يفرح يا رب واللى خايف عليهم يرفعوا راسى يا رب

من طرف **Crespowbas** الأربعاء فبراير 27, 2008 12:15 am

وديه تبقى احلى رحله فى التاريخ
بص سيبك من التقديرااااااااااااات اصل اللى اتكتب اتكتب

اقتراح حلو بجد

ايه
رايكم كل واحد فى بيته يقولهم ان فى رحله وكدة واللى موافق يدخل يقول انا
معاكم ونشوف الموضوع دة فى الكليه ونرتبه يعنى وكله على الله واهى تبقى
رحله بجد وبجد

والله يا شيكو انت واااااااااااد تمام

من طرف **RANEEM** الخميس فبراير 28, 2008 12:33 am

موضوع الرحله ده تمام بس بشرط يا شيكو
لازم تكون تع الكليه يعني مشرف في الكليه يطلع معانا عشان مامتي توافق
ويارب انجح وتنجحو كلكم يارب

من طرف **little angel** الخميس فبراير 28, 2008 2:23 am

هاى يا اخواتى انا سقعانة موت لسه واخدة شاور والدنيا تلج

انا متضايقة بيقولوا النتيجة الاسبوع الجاى ومفيش دكتور دخلنا

الا وخارج يشتم ف النتيجة جامد جدا

حتى د متولى يالاخير ربنا يستر بقى

من طرف **MeRaMoRe** الخميس فبراير 28, 2008 3:53 am

اااااااااااااااااااه يابني ياااااني ,, بني=بطني اصل انا لادغه في حرف الطاء

ماعلينا

اولا اولا بلييييييييييييييييز ماحدش يتريأ عالإندومي عشان دي اكلتي المفضله

ثانيا بلاش فضايح ياشيكو تقدير ايه وبتاع ايه احنا بتوع الكلام ده بردو

احنا اخرنا ننجح ان شاء الله ماحدش يجيب سيرة النتيجه الا لما تظهر عشان بني اوجعني

من السيره دي

ثالثا من اولها انا مش هقدر اطلع رحله بابا مش موافق خالص على اي رحله لا تبع الكليه

ولا تبع البطيخ اطلعوا من غيري

قلت اللي عندي

يلا سلام

(( واحده رخمه ))

من طرف **little angel** الجمعة فبراير 29, 2008 1:21 am

لا رخمة ولا حاجة

بس اوعى تكونى زعلتى من اللى قولته ع الاندومى

انا برضه حسيت انك استرخمتينى لما كنت واقفة معاكى

واذا كان ع النتيجة ال يخبر بفلوس بكرة يبقى ببلاش

من طرف **MeRaMoRe** الجمعة فبراير 29, 2008 1:28 am

لااااااااااااااااااااااا يا انجل والله انتي فهمتي غلط خالص انا والله مازعلتش ولا حاجه

انا عقلي يابنتي مش صغير والله مازعلتش انا بتكلم عادي جدا

ولا استرخمتك ولا حاجه خالص بالعكس انتي بنت عسوووله جدا انا بس ماكنتش بتكلم عشان

دي كانت اول مره اكلمك فيها يعني ماكنتش اعرفك انا كده مع اي حد اول مره اكلمه حتى اسأليهم

I`M Sorry cuz u feel like that u r so cute

من طرف **RANEEM** الأحد مارس 02, 2008 12:55 am

يا ليتل انتي بنت زي العسل والله انتي وتويتي
وميرو كده علي فكره هيه بس لما تتعودعليكي
انتي الي هتقوليلها انا زهقت منك
سوري يا ميرو انا بهدي هههههههههه

من طرف **A.S.Shiko0o0o** الخميس مارس 06, 2008 4:38 am

معلش عامل حداد وقافل على نفسى الاوضه محدش يدخل اكل ومحدش يخبط على الباب

انا جيت اقولكم انى جبت 68% ومعايا ماده رفع يا خساره تعبى وشقايا

مش هقول غير حسبى الله ونعم الوكيل
يا رب هاتلى حقى من تييييت وتييييت وتييييت

يا رب اشوفهم متعلقين من رقيتهم يا رب التلاته

وتيت هى كمان منقصانى 15% من التقدير الكلى

يارب عل الظالم يا رب يا رحيم

من طرف **DeBo0o** الخميس مارس 06, 2008 7:08 pm

هههههههههههههههههههههههههه

الف بركه يا شيكو .. انا جبت 60 % بالتمامو الكمال و معايا ماده رفع

غطونى و صوتو .. حسبى الله و نعم الوكيل

انا طالع الرحله lol!

من طرف **Crespowbas** الخميس مارس 06, 2008 10:42 pm

وانا معاك

بس انجز فيها بقى

وطبعا انا بتقديرى هكون المشرف على الرحله

ههههههههههههههه

من طرف **AHLAWY** الخميس مارس 06, 2008 11:24 pm

وانا معاك طبعا يا برنس نفس الحال يا جماعة اخوات نعمل ايه بقى

من طرف **MeRaMoRe** الجمعة مارس 07, 2008 2:33 am

مبرووووووووووووووك ياجماعه عالنتايج بتاعتكم وعقبال الترم التاني يكون احسن

قولوا ااااااامين

ايه اخباركم بقى

فين الشاي ؟؟؟؟؟؟؟؟؟؟؟

من طرف **tweety** الجمعة مارس 07, 2008 3:07 am

أميييييييييييييييييييييييييييييييييييييييين

الشااااااااااااااااااااى الشاى الشاى
ع الناااااااااااااار يا ميرا
بس أنا اللى حطيته انتى اللى تصبيه (بعمل كده مع اختى )

هوا مفيش أى حاجه تتاكل مع الشاى
ده ايه البيت ده ؟؟؟؟

من طرف **Crespowbas** الجمعة مارس 07, 2008 3:46 am

مش عارف بقى

ايه البيت ديه

اشطه يا هانى يا حبيب قلبى من جوة

طبعا اخوات
فى كل حاجه اخوات

ودة بان طبعا فى النتيجه

بالدرجات يا ناس بالظبط

يا سبحان الله
مع انه فى لجنه وانا فى لجنه

يلا بقى وله فى ذالك حكم

من طرف **RANEEM** الجمعة مارس 07, 2008 4:21 pm

انا عملتلكم صنيه كيكه عشان تكلوها مع الشاي
بس انا مش بحب الشاي اعملولي حاجه تانيه
عادي ياكرسبو
انا وسنو كده بنجيب نفس التقديرات ونفس المجموع
وحتي واحنافي سنه اولي شلينا نفس المواد لدرجه
ان اصحبنا بيقوللو ان احنا بنقعد ورا بعض في الجنه
بس احنا بعاد عن بعض خالص في اللجنه

من طرف **MeRaMoRe** الجمعة مارس 07, 2008 4:56 pm

لا يارنيم بلييييييييييييييييييز ماتعمليش كيكه هنجيب جاهز احسن

احنا عايزين صحتنا

اسكتوا عاللي عملتوا لعبت في ال PIN Code والشريحه بتاعتي باااااااااااااااظت

قلبي وقع والله كنت هعيط تقريبا عيطت يعني

بس الحمد لله عرفت اني اقدر ابدل الشريحه بنفس الرقم

اصلي بحب رقمي اووووووووووووي

ادي جزاة اللي يلعب في حاجه مش عارفها

حد يواسيني

من طرف **RANEEM** الإثنين مارس 10, 2008 2:10 am

ليه يا بت يا مير ده انا هعملكم كيكه هتكلم صوابعكو وراها

مش تاكلي انتي لو مش عاوزه بقيت اخواتي هيكلو

من طرف **ahmedelamir64** الإثنين مارس 10, 2008 2:18 am

[size=18]وانا موافق احسن من العيش والحلوه اللي

في السجن[/size]

من طرف **Crespowbas** الإثنين مارس 10, 2008 7:44 pm

طبعا يا رنيم يا سكر انتى تعملى حاجه وما تتكلشى
لا دنا هاكل ايدى مش صاوبعى معاها من حلوتها

بس اعملى وانا اعد فى الكليه ابعتيلى حتتى ههههههههههههههههه

ما تنسيش ماشى

او اى حاجه من اللى انتو بتجوبها ديه
ابعتيلى بس ومالكيش دعوة

من طرف **ESSS** الإثنين مارس 10, 2008 9:29 pm

ازيك يا جماعة؟ وحشتوني اووووي
معلش انا بقالي كام يوم كدة مدخلتش البيت خالص
يالا المهم اني شوفتكو واطمنت عليكو
بس فين بقيت الناس بقى
مش بيجو ولا ايه؟

من طرف **RANEEM** الثلاثاء مارس 11, 2008 12:00 am

حمدلله علي السلامه يا اس
كنتي غايبه عن البيت الفتره دي ليه
هو حد كان طردك ولا ايه
قولي لو حد كان طردك انا هشكره
هههههههههههههههههههههه
وبلاش تغيبي بره البيت تاني

من طرف **Crespowbas** الثلاثاء مارس 11, 2008 12:34 am

وحشانا يا اس

من طرف **little angel** الثلاثاء مارس 11, 2008 4:37 pm

وانا مش وحشاكو ولا ايه

داخلاها بلطجة كدة من اولها يالا بقى

ومحدش يتكلم ف النتيجة بليييييييييييييييز

بس اللى مصبرنى ان كل الناس اظلمت وانا زعلانة قوى لان فيه واحدة صاحبتى اتظلمت جدااااااااااااا

ربنا ع الظالم والمفترى بس يارب بجد نعوضها الترم التانى

اسكتوا اسكتوامش امتحانات العملى 10_4 والنظرى 26 ومحمد حلمى اكد هذة المقولة

بجد انا بطنى مكركبة انا معرفش حاجة ولا اعرف اسامى المواد حتى

من طرف **RANEEM** الثلاثاء مارس 11, 2008 11:36 pm

ينهار طبعا وحشتينا ياليتل هو حد ينكر كده
وبعدين ياستي خلاص النتيجه ظهرت وخلصت
ومش تفكري فيها كتير وربنا علي الظالم
وبعدين انا مش بعرف احنا هنمتحن في ايه بالظبط
احنا لسه مش اخدنا حاجات كتير ده حتي لسه اول مره ناخد سكشن
لدكتور رضوان امبارح سبحان الله اظاهر البلد خربت ربنا معايا
ومعاكم يا احلي واجمل اخوات في الدنيا

من طرف **Crespowbas** الأربعاء مارس 12, 2008 12:05 am

انتى مش عارفه اسامى الدكاترة يا ليتل

ينهار
دنتى بقى مش شاطرة

هههههههههههههههههههههههههههههههههههههههههههههههههههههههههههههههه
امال انا بقى اقول ايه

انا مش هتكلم

من طرف **little angel** الأربعاء مارس 12, 2008 1:22 am

على فكرة يا كرسبو مايغركش المنظر خالص يعنى

انا بحضر محاضرات المهمة بس وباكنسل محاضرات كتير واحيانا سكاشن انا مش موس يعنى

ومجموعى دجة بالنسبه للدفعة بتعتنا لا يعنى شىء يعنى كلنا سواء ف البادنجان

من طرف **tweety** الخميس مارس 13, 2008 10:40 pm

هههههههههههههههههههههه
تصدقى بدأت أكرهه البتنجاااان ده
ايه الدفعه دى يابنتى
دا الواحد جاب جاز والله انا مخنوقه خنقه سودااااااا
مش عارفه احنا فينا حاجه غلط
ولا ممكن مثلا هما اللى صح اوى فباينين احنا غلط
ولا ايه
هوا فى حاجه مش صح
انا هموووووووووووووت واعرفها
ولا معرفهاش مش فارقه كتير
خلينا عايشين

من طرف **little angel** الجمعة مارس 14, 2008 2:19 am

يا بنتى احنا دفعتنا دى محصلتش ولا هتحصل

تقريبا الناس اللى فيها بيذاكروا ف الاجازة للسنة اللى بعدها واللى يغيظك

ان احنا بنشترى نفس الكتب ونجيب نفس الورق وبنحضر نفس السكاشن

سبحان الله وله فى خلقه شؤون

من طرف **Crespowbas** الجمعة مارس 14, 2008 2:57 am

سبحان الله

من طرف **AHLAWY** الجمعة مارس 14, 2008 4:49 am

سبحان الله فعلاااااااااااا

من طرف **little angel** الجمعة مارس 14, 2008 5:57 pm

يا سلام

ماشى سبحان الله

انتوا بقوا بتقولوا كدة على ايه يعنى؟