كلنا في بيت واحد ...... تعالو نتخيل

من طرف **Just Zizo0o0o** الجمعة يناير 18, 2008 1:31 pm

بسم الله الرحمن الرحيم

بدون مقدمات

فكرة الموضوع دة كانت فى البداية عبارة عن حلم

كنت بحلم ان كل اعضاء المنتدي هنا موجودين فى بيت واحد
وبيروحوا وبيجوا ويهزروا وياكلوا مع بعض
من غير محد يزعل من التانى
يعنى كاننا قاعدين فى بيتنا
والى خلانى احس بكدة
ان فعلآ طول منا قاعد فى المنتدى هنا بحس انى قاعد فى بيتنا
ولما بمشى ببقى مستعجل عايز ارجع وافتح هنا تانى
فقولت اعمل لعبة نشترك فيها كلنا
واللعبة دية عبارة عن ان كلنا نتخيل اننا اخوات
وعيشين فى بيت واحد
وكل يوم نقول احنا عملنا كذا امبارح واحنا وكذا وكذا
يعنى من الاخر نعيش حياه اسريه مقالب فى بعض ضحك وهزار وكدا
انا هبتدى والى بعدى يكمل

وانا حبدا
يا واد يا كريسبو اصحي يلاا علشان منتاخرش على الجامعه
يلا قوام

ياجدعان حد يصحىالواد ده بدل متروح عليه نومة

نولني الجردل المايه الساقعه

يارب تكون اللعبه اتفهمت وكمان يكون في حمااس

من طرف **ahmedelamir64** الجمعة يناير 18, 2008 2:34 pm

طب يا واد يا زيزو

سيب النت وقوم ذاكر بقي تعتبت قلبي
موضوع جامد تسلم ايدك

من طرف **Crespowbas** الجمعة يناير 18, 2008 3:21 pm

يوووووووووووووووووووووووووووووووة يا عم سبنى شويه
هى الساعه كام؟............................
سبنى اكمل الحلم ما نبقاش رخم يا عم
انت روحت جبت العيش......................؟
طب اعبال ما تحضر الفطار
وتصحى الواد احمد او اى حد يصحى هصحى يا عم
سبنى بقى
طب انا مش هروح انهاردة الزفت هتنى نايم
سبنى بقى

من طرف **zy_elsoker** الجمعة يناير 18, 2008 4:48 pm

لعبة حلوها قوى

طيب انا اول بنت صحيت من النوم

عايز افطر او اتغدى اى حاجة يلا روح هاتلى اكل

يلا بش كسل انا جاعنة

وانت يا كرسبو انت و احمد صحو اخوتكم البقاين و جهزو السفرة على زيزو مايجى

اه انا عايزا انام king

تحفة الموضوع دا

من طرف **Just Zizo0o0o** الجمعة يناير 18, 2008 7:29 pm

قوم ياض ال ايه مش هيروح لا هتروح بلاش غلاسه بقي قوم وادي يا عم الشباك كمان هفتحو عشان ننور الاوضه وانتي يا ست سكر الفلبينيه الي بابه جبهالك روحي صحي البنات واعملي فطار يلا انا هزل اجيب العيش واجي ايه الكسل الي في البيت ده طب والله الي مش هيسمع الكلام لاقول لماما ما تديهوش مصروف يلا بقي

من طرف **little angel** الجمعة يناير 18, 2008 7:37 pm

زيزو ممكن وانت نازل تجديب الفطار تجيبلى شاور (لوكس) والشامبو بتاعى (سباركل) عشان عايزة اخد الشاور بتاعى قبل الكلية وماتنساش تجيبلى بيض عشان نفسى اكل اومليت وبسرعة والنبى متتأخرش ماشى عبال ماروح اصحى تويتى منكن؟

والموضووووووووووع جااااااااااااااااااااااامد تسلم ايدك وربنااااااااااااا يوفقك ياااااااااااااااارب ف امتحاااااااااناتك وتجيب امتياااااااااااااز

من طرف **Just Zizo0o0o** الجمعة يناير 18, 2008 7:43 pm

يا نهار دا انا فلبينيه فليبينيه يعني مش اي كلام علي العموم مش هزعلك يا ستي هجيبلك الي انتي عاوزاه وعلي حسابي كمان عشان الدعوتين دوول بس وشوفي تويتي لو عاوزه حاجه قبل ما انزل عشان لما اطلع مش هنزل تاني الولا كرسيبو صحي ولا اروح اكب عليه ميه شوفيه كده يا انجل عشان هنتاخر علي الكليه كده

من طرف **little angel** الجمعة يناير 18, 2008 7:54 pm

لا يا زيزو مش راضى خالص خالص ياريت تجيب تلج مش ميه بس مع انه متلف بمليون بطانية بس اكيد هتعرف توصله وحط التلج ف افاه دة هيجيب مفعول اسرع

وتويتى بتقولك هاتلها نسكافيه ثرى ان وان ومتتاخرش عشان نلحق نفطر

وماما بتقولك سوق على مهلك

من طرف **Just Zizo0o0o** الجمعة يناير 18, 2008 8:26 pm

ماشي يا انجل علي طول مش هتاخر هخش اشوف الولا ده وانزل هوا

انت يا عم كريسبو مش هتصحا بالزووق طيب ادي التلج شوف لو مستخطي بمليون بطانيه هحطو في قفاك برضو تريخ

تروخ تراخ بسس خلاص كده عشان مش راضي تقوم بالزوق قوم نشف نفسك بقي ههههههههههههه

انا نازل يا جماعه حد عاوز حاجه من تحت

من طرف **little angel** الجمعة يناير 18, 2008 8:37 pm

ياااااااا مووووووووون قومى بقى وانتى يا اس ماتشديش الغطا من على مراميرو ويا كابر اقفلى الحنفية شويه مش لازم عشان تغسلى وشك تدهولى الحمام مايه وانتى يا سكر هو مش زيزو قومك مرة ايه الكسلدة قومى بقى

ويا سايلنت ايه يا بنتى ىانتى رايحة فين مافيش نزول من غير فطار استنى زيزو زمانه جاى

ترن ترن ترن

حد يفتح الباب يعنى محدش راضى هو انا لازم اعمل كل حاجة ف البيت دة دة اكيد زيزو

اهلن يا زيزو رايحة الطعمية وهى سخنة كدة تجوع اكتر جبت البيض والشامبو بجد تسلملى يا اخويا بس ليه نسيت الشاور؟

بس يا هانى بلاش تنطيط وروح نادى لاحمد وكرسبو وادخل اودة سيكو وديبو وشيكو ناديهم

من طرف **Just Zizo0o0o** الجمعة يناير 18, 2008 9:18 pm

ايه ده لا منسيتش الشور اهو بس كان مستخبي تحت....... ايه العيال دول لسه مصحيوش يا نهااار قومو يا جدعاان الفطار جاهز يلا يا ديبو قوم يا سعداوي قوم يا عم ايه الكسل ده يلا يا شيكو يلا يا عم سايكو يا عم انت مش وراك مصالح النهارده هتعملها طب قومو افطرو ونامو تاني هو احنا هنقضي النهار اصحي فيكم ما تصحو يا جدعان ولا هو انا لازم اضرب يعني طيب ماشي

انا رايح افطر انا وانجل والي صحي من البنات الي عاوز يجي يجي مش عاوز عنو ما جه براحتكو بقي بس متسألوش عن الفطار تاني دا انتو عيله كسلانه اوي ايه ده

من طرف **ahmedelamir64** السبت يناير 19, 2008 12:55 am

ايه يا زيزو خلصت مذكره ولا ايه انا هحضر عشاء

حد هياكل ولا ايه وخلي كرسبوا يجلي البلكونه عشان
عاوزه ضروري
هو ميدو وهب رجع من بره ولا لا

من طرف **ahmedelamir64** السبت يناير 19, 2008 12:56 am

ايه يا زيزو خلصت مذكره ولا ايه انا هحضر عشاء

حد هياكل ولا ايه وخلي كرسبوا يجلي البلكونه عشان
عاوزه ضروري
هو ميدو وهب رجع من بره ولا لا

من طرف **little angel** السبت يناير 19, 2008 1:03 am

لا يا احمد كرسبو وميدو لسه مجوش من برة انا شايفة كرسبو متسحب وخارج من شويه شكله عندة معاد (عاطفى) بس عالله ابو البنت الللى بيحبها ميئفشوش زى كل مرة وهو واقف يبسبس تحت البلكونة ويعملنا مشاكل تانى

وانت يا احمد لو هتذاكر بجد خليك انت ذاكر وانا هعملك العشا والنسكافيه واجيبهوملك لحد عندك ولو عايزنى اسمعلك حاجة كمان معنديش مانع

وممكن يا سايلنت انتى ومراميور توطوا صوت التى فى شويه عشان اخواتكوا عايزين يذاكرو

وانت يا هانى اطلع العب بكورتك دى ف الشارع ولو سمحت يا ديبو وطى صوت الكمبيوتر خلى الصوت على قد ودنك بعبد الحليم بتاعك دة

ويا جماعة ذاكرو كويس وارفعوا راسنا عايزين نفرح ماما بينا

من طرف **ahmedelamir64** السبت يناير 19, 2008 1:14 am

بس انا مش عاوز اتعبك معايا

بس يلا بقي ما انتي خلصتي وفاضيه وكده
بس يا رب تكوني بتعرفي تطبخي

من طرف **little angel** السبت يناير 19, 2008 1:26 am

اطبخ ليه يعنى انت طماع كدة ليه انت مش اخرك جبنه واوطة وحلاوة ومربى ولانشون يعنى حاجات كلها من التلاجة اما النسكافيه ف انا استاذة فيه ودلوقتى ادوقك بس ذاكر انت بس بدل ما ماما نبحت صوتها معاك من كتر زعيقها ليك ع المذاكرة

من طرف medo_wahb528 السبت يناير 19, 2008 1:38 am

هاى يا شباب ازيكو وحشتونى

ايه يا عم زيزو انت مقضيها مذاكره كده على طول ربنا يقويك يا عم
وتنجح بتقدير

والنبى يا ليتل اعملى حسابى فى العشاء اصلى ماكلتش من بدرى
وجعان قوى

يا كرسبو .....يا كرسبو قوم كلم احمد فى البلكونه هو عايزك

والنبى لما تخلصى الاكل يا ليتل ابقى ناديلى

من طرف **Crespowbas** السبت يناير 19, 2008 1:52 am

يووووووووووووووووووووووووووووووة
انتم ما فيش فى ام البيت دة غير كرسبو

انا مش هعرف انا ولا الصبح

ايد دة
ومكنتش بقابل يا ليتل وكدة يعنى بتدعى عليا
بتدعى على اخوكى يا بت
ماشى
ماشى
على فكرة انا عملكم موفجئه ديبو انا وهو بنحضر اغنيه
وهو هيغنيها قريب جدا (لما يخش بس ام المنتدى)
وانتى خلصتى الاكل ولا لا
انا جعان
عاوز اكل مكلتش من المغرب بقالى سعتين مكلتش اى حاجه
اعملى اي حاجه ونبى يا ليتل
وفى تويتى
انا مشفتهاش خالص
اكيد خرجت تعمل البرنامج بتعها دة اللى فرحانه بيه
او بتجيب نكت من حد
اتصلى بيها يا ليتل قوللها ما تتاخرشى
الدنيا هتتليل
ولو كدة اروح اجبها علشان ما فيش حد يعكسها ولا اى حاجه ولا يضايقها
شوفيها كدة
معاكى رصيد
طب خدى يا اختى
ها
ردت
ماشى

زى ما قولتلك بقى وما طوليش انا لسه شاحن

ولسه هبعت رسايل بليل

انت يله يا هانى
مش هنروح مشورنا ولا ايه
وفين الواد سعداوى
هو الواد سعيد انا مش فتهمشى خالص
حاضر يا ميدو

هو فين احمد
اه فى البلكونه

انا رايحله اهو اشوفه
كبيتين شاى ونى يا كابر

او اى حد من البنات
ويا ريت لو كان كاكاو

من طرف **little angel** السبت يناير 19, 2008 2:14 am

ايه دة كله الاوامر دى انا قلت هاعمل العشا لاحمد بس لانه هو اللى بيذاكر وكمان يا ميدو انا مش بعمل اكل اللى بيتاخر بره وطبعا كرسبو اصلا فاضى وواخد الاجازة يبقى المفروض يقوم يعمل لنفسه اتفضلوا انتو الاتنين اللى عايز حاجة يقوم يعملها انا خلاص خلصت اكل احمد وهوديهله وادخل انام واياك يا كرسبو حسك عينك تاكل من اكل احمد وانت واقف معاه ف البلكونه خليه ياكل ويعرف يذاكر

من طرف **Just Zizo0o0o** السبت يناير 19, 2008 2:15 am

مساء معطر بالياسمين علي احلي اخوات في الدنيا ها عاملين ايه النهارده
انا جعان اوي يا تري بقي مين من اخواتي حبايبي هيعملي اكل اما اشوف بقي دا انا الي بتعب في صحاينكو الصبح ها مين محدش بيرد يعني طب يا ليتل واحد نسكافيه زياده معاكي معلش علي بال ما اشوف اي حاجه اعملها واخش اشوف العيال دي بتعمل ايه في البلكونه اي اي ايه يا هاني ما تلعب بالكوره دي تحت يا ابني عيني وجعتني مش هينفع كده هو الولا ديبو فين عاوزه ينضفلي وداني باغنيه حلوه كده يا ديبو يا ديبو الواد ده راح فييييين

من طرف **little angel** السبت يناير 19, 2008 2:21 am

حاضر يا زيزو بتحب عليه حليب معلش بقى هعمل لزيزو بس عشان جابلى الشاور والشامبو الصبح

من طرف **little angel** السبت يناير 19, 2008 2:29 am

زيزوالنسكافيه بتاعك اهو انا هدخل انام بقى بصراحه مش قادرة وعماله اتاوب تصبحوا على خييييييييييييييييييييييييير يا اخواتى يا حلوين

اتاخرى شويه يا مون

اخخخخخخخخخخخخخخخ

من طرف **Crespowbas** السبت يناير 19, 2008 2:38 am

ماشى اقولك على حاجه ما تعملهاش

ماشى
وربنا منا مديكى حاجه تانيه

ولا عملك حاجه

يلا
امشى
وهاكل مع احمد

بقى
وابقى ورينى هتعملى ايه

من طرف **ahmedelamir64** السبت يناير 19, 2008 2:49 am

هو اكل احمد الملطشه بتاع البيت

ده ولا ايه كل واحد رايح جاي يا اكل
والله هعيط واقبلكوا البيت
بس تسلم ايدك يا انجل علي العشاء اللي زي السكر ده

من طرف **Just Zizo0o0o** السبت يناير 19, 2008 10:58 am

اااااااااااه مشكله كل يوم الصحيان لا انا هقوم املا جردل الميه والي مش هيصحي مش هحميه بالميه انا مش فاضي انا عاوز اخرج بدري هقوم اخد شاور واشرب نسكافيه وامشي هيلا هوووووب

وم يا عم انت وهو عشان انا خارج ومش هتلاقو حد يصحيكو ومحدش كده هيروح في حته النهارده انا قلت اهو

ماشي براحتكم بقي انا خارج يلا سلاااام

من طرف medo_wahb528 السبت يناير 19, 2008 3:56 pm

صباح الخير يا زيزو
انا صحيت اهه ... بس المشكله انا مش بعرف اعمل اكل خالص واخواتى البنات كلهم لسه نايمين
اصحيهم الاول .....طب يالا يا جماعه اصحوا بقى وبعدين كلكوا فى كليه واحده يعنى هتمشوا مع بعض انا بقى اللى قدامى مشوار لسه

طب خلاص انا هلبس وامشى انا وبعدين اكل بره فى اى مكان

وبعدين متتغدوش الا لما اجى من الكليه
سلام

من طرف **Crespowbas** السبت يناير 19, 2008 4:52 pm

سلام
ما تقلقشى
انا بقى اللى هصححيكم انهاردة اللى وراه امتحان بكرة يقوم يذاكر يا ولاد ولا ماورهوش يتنو ناااااااااااايم
مش عاوزة يفوق

وانت يا واد يا هانى
انت مش باين من امبارحح ليه

عمال تلعب كورة وبس
تعالى يا عم صحى معايه البناتن دول علشان يقومى يححضرو الاكل
ولا يعملو اغى حاجه بدل ما هما نايمين

يلا بنوتات

انا هنزل اشوف اى حاجه كدة اجبها

سلام

لو رجعت وملقتكمشى صحين هموتكم

من طرف **AHLAWY** السبت يناير 19, 2008 5:03 pm

صباح الفل والعسل على احلى اخوات فى الدنيا انا بجد اسف على التاخير اصل انباح نمت برا

مش مطرود عادى كنت عند واحد صاحبى المهم ماتقومى يابنتى انت وهى انا مش بهزر فى الصحيان انا برش بمياة على طول مبهزرش

وانتى يا انجل قومى حضرى الفطار لاخواتنا اللى وراهما الامتحانات قومى يلا بسرعة بطلى

بطلى كسل انت نمت بدرى انبارح وفين توتيى هى هتقضيها الاجازة كلها براا ولا ايه

اتصل بيه شوفيها فين خليها تساعدك

على بال ما اروح اجيب الجريدة المساء واقرها تكونى عملت الفطار بسرعة

موضوع جامدة اوى يا زيزو يا جامد

من طرف **RANEEM** السبت يناير 19, 2008 5:29 pm

صباح الخير

هيه الساعه كام دوقتي ؟........................
ياخرابي ده انا كده هتاخر علي الامتحان
اما الحق البس وانزل وانتي يا ليتل صحي بقيت اخواتك
واعمليلهم الفطار كويس مش كده وكده

من طرف **MOoON Light** السبت يناير 19, 2008 7:12 pm

صباح النور ياأجمل اخوات

صباح الخير يارونى

يلا روحى الكلية بسرعة ولا أنتى متعودة دايما كده على التأخير

وانتى ياانجل يلا حضرى الفطار علشان نفطر

ومش تنسى تصحى منى وسنو واس وميرو

وبقيت اخواتنا

من طرف **Crespowbas** الأحد يناير 20, 2008 12:00 am

انتى مكسله تقولى اسامينا
كرسبو واحمد وهانى وزيزو
انا هصحيهم
اصلهم اخواتى
ولو شوفتك نايمه هبقى اسيبك بعد كدة

علشان تتاخرى

انا هنزل العب كورة بقالى كتير ملعبتش

وانت يا زيزو انت واحمد والواد الفنان اعدو ذاكرو ربنا معاكم

انا نازل بقى
سلام

من طرف **MeRaMoRe** الأحد يناير 20, 2008 1:26 am

صباااااااااح الخ....يييييييييي............ررر

ايه يا ولاد ازيكم عاملين اييييه؟؟

فطرتوا ولا لسه

بصوا لما تيجوا تفطروا قوموني عشان عايزه اناااااااااااااااا.........اااااااااااام

يلا تصبحو على خير

من طرف medo_wahb528 الأحد يناير 20, 2008 2:10 am

ازيكوا يا اخواتى عاملين ايه
ازيك يا مرمورا انتى لسه نايمه ليه هى الاجازه حلوه كده
يا بختكوا يا اللى خدتوا الاجازه ادعولى لانى عندى( building) بعد بكره
والواد كرسبوا فين اكيد بيلعب كوره منا عارفه ماهو خد الاجازه بقى

وشد حيلك يا احمد فى الماده اللى جايه ربنا يقويك يا حبى
وايه يا عم هانى برده كوره فى البيت تانى طب ماتنزل تلعب مع كرسبو تحت
ولا هو علشان لعيب يعنى
..... ازيك يا ليتل يا ترى عاملنا غدى ايه النهارده
انا عارفك بنوته زى العسل واكلك جميل
اعقبال لما اشوفك فى الفستان الابيض يا رب

طب انا هدخل اغير هدومى وانادى لكرسبوا يجيي علشان الغداء

من طرف **Just Zizo0o0o** الأحد يناير 20, 2008 3:37 am

هااااااااااا ياصباح العسل والسكر والمانجا والمربي انا بقي لا هفطر ولا بتاع انا هراجع سريع سريع عشان رايح الامتحان اهيء اهيء ادعولي والنبي ربنااااااا يستر اهيء اهيء اهيء

من طرف **AHLAWY** الأحد يناير 20, 2008 3:55 am

[size=29]ربنا معاك يا زيزو انا عارف عليك سهير ربنا يحننا قلبها عليكوا[/size]

من طرف **ESSS** الأحد يناير 20, 2008 6:21 am

ربنا معاك يا زيزو

بدعيلك والله أنت و ميدو

ربنا معاكو يارب في الامتحان

ان شاء الله هتجيبوا احلى التقديرات

وأنتوا يا بنوتات يا حلوات يا قمرات

أوعوا طبعا تنسوا تعملوا حسابي في الأكل

معلشي بقى يا جماعة اتأخرت عليكو اوي

بس بجد يا زيزو فكرة في منتهى الجمال تسلم ايدك

وأنا بقرأ الردود كدة حاسة بجد ان احنا اسرة واحدة جميلة اوىىىىى

ربنا ميحرمناش من بعض كلنا يارب ويجمعنا على الخير

معلشي يا جماعة طولت عليكو أصلي مبسوطة أوي

عشان ليا اخوات كتير بيخافوا عليا ويحبوني

من طرف **ELLoOoRD** الأحد يناير 20, 2008 7:32 am

صباح الخير على احلى اخوات ف الدنيا معلش انا اتاخرت بره امبارح وجيت مسحب علشان محدش يصحى وكويس ان محدش خد باله

امال هوفين كرسبو هو خلع ولا ايه انت ياعم انت فين تعالى علشان فيه حاجه حصلت امبارح كدا هقولك عليها ف السر
وياريت ياهانى وانت بتجيب الجريده تجيبلى شويه فول من عند عمك صلاح علشان انجل تعملهم معاها وهيه بتحضر الفطار بس ياريت تعرف تعمل عليهم الخلطه ايه يانجل هتعرفى تعملى الخلطه ع الفول ولا اخلى هانى يجيب الفول بالخلطه من المحل
وربنا معاك ياعم زيزو
وياريت يارنيم تنجزى بسرعه علشان الوقت ومتتاخريش زى كل مره واسمعى كلام موون وانا هروح اصحى الباقين
يالا ياجماعه اصحا يانايم وحد الدايم

من طرف **ELLoOoRD** الأحد يناير 20, 2008 7:39 am

طبعا يااس كلنا هنا اخوات وبنخاف على وبنحب بعض
ويالا قومى انتى كمان خشى المطبخ مع اخواتك علشان تحضرى معاهم الفطار ولا الرجاله هما اللى يقومو ولا ايه ما تكلمو ياجماعه ولا انت شايف ايه ياعم احمد انت لسه نايم اه ياعم ما انت تلاقيك نايم تقيل وداببها ف العشا زى كل مره

من طرف **Crespowbas** الأحد يناير 20, 2008 3:47 pm

انا صحيت خلاص
اهو
سعداوى هو الواد زيزو واحمد وميدو جوهم من الامتحان
طب ما اتصلتش بيهم شوفتهم عملو ايه
انا راحت عليا نوما والله
كنت هرحلهم اشوفهم بس يا خسارة بقى ما ليش نصيب
انا كدة كدة هشوف زيزو هروح انا وهو العيال نلعب كورة بعد المعغرب كدة
اس انتى خارجه ولا هتروحى فين ما تتاخريش بقى لو خارجه علشان الدنيا برد قوووووى
وانتم ياجماعه الدنيا هتبقى سقعه قوى بليل تقلو قوى علشان البرد
وانا جاى هبقى اجيب فرختين مشويتين علشان نبقى نكلهم
ما تعملوش اكل يعنى
اعملو سلطات
ولو مش عاوزين تعملو انا ممكن اجيب وانا جاى

ماشى

سلمولى بقى على اللى مشوفتهوش

انا نازل بقى
هروح مشوار وراجع

من طرف **ahmedelamir64** الأحد يناير 20, 2008 4:57 pm

ازيكوا عاملين ايه
وبعدين فين الغدا
يعني الواحد يرجع كده ميلقيش حاجه يكولها
وبعدين كده يا اس انتي بتدعلي لزيزو وميدو ومش مهم الباقي
ماشي
وفين انجل يا انجلللللللللللللللللللللللللللللللللللللل
انتي فين مش باينه من ساعت العشاء
انا هنام شويه واصحي عشان انهارده اجازه بقي

من طرف **ESSS** الأحد يناير 20, 2008 8:29 pm

هو أنت يا احمد كان عندك امتحان انهاردة

والله مكنتش أعرف بحسبك خلصت

وطبعا مقدرش ازعلك

أنا هدعيلك من غير امتحانات

وطبعا بدعي لكل أخواتي هنا في المنتدى

وأنا يا كريسبو مش ناوية أخرج الجو سقعة

يمكن بكرة بقى أخرج شوية مع اصحابي القدام أصلهم وحشوني اوى

من طرف **snow white** الأحد يناير 20, 2008 11:07 pm

هاي يا جماعه انا جه
ازيكوا يا احلي اخوات
سوري جداااااا علي تأخيري بس انتوا عارفين الامتحانات بقي والكمبيوتر مش كان شغال اصلا
بس انا جت خلاص ونورت بيت العيله اكيد ههههههههههههههههههههه
اعملوا حسابي في الاكل بقي عشان بيني وبينكواااااااا ............مش بعرف اطبخ خاااااااااااااااااالص

من طرف **Crespowbas** الإثنين يناير 21, 2008 12:26 am

يا وكستى يا وكستى يا نا

مش بتعرفى تضبخى امال انا اللى هروح

على العموم انا جبت الفراخ خلاص وجبتلكم سلطات كمان
نادو بقى للعيال
وتعالو ناكل

انا جعان والله

كنت بلعب كورة وهمدان للركبى
د

من طرف **snow white** الإثنين يناير 21, 2008 2:10 am

انا جيت اكل وجعانه موووووت
وبعدين انا مستنيه ليتل انجل تعلمني
سمعت ان اكلها تحفه
بس دوقتي خلينا في الفراخ

من طرف **ahmedelamir64** الإثنين يناير 21, 2008 2:17 am

ازايكوا يا اجمل اخوات

امال فين الشباب انهارده
انا لسه جاي من بره
وبمانسبه اننا كلنا خلصنا امتحانات
عاوزين نعمل حاجه زي حفله سمر انهارده
بس يارب نكون كلنا موجودين

من طرف medo_wahb528 الإثنين يناير 21, 2008 4:14 am

وحشتونى يا اخواتى
عاملين ايه وبعدين انت يا احمد هتعمل حفله سمر وانا لسه بمتحن
ماشى يا عم انا هذاكر كويس دلوقتى علشان افضى ساعه بالليل علشان الحفله
بس المهم انا جعان دلوقتى وبعدين سنو وايت قالتلى ان كرسبو جايبلنا فراخ النهارده
طب ايه رايك يا ليتل تحضريلينا الصفره علشان جعان موت
معلش انا عارف انى بتقل عليكى يا ليتل بس معلش بقى انا مبعرفش اكل الا من ايد اختى ليتل

يا اس يا سنو يا احمد يا سعداوى يا هانى تعالو بسرعه كلكوا
ليتل حضرت الاكل وكرسبوا هيخلصوا كله
تعالواااااااااااااااااااااااااااااااااااااااااااااااااااااااااااااا

من طرف **Just Zizo0o0o** الإثنين يناير 21, 2008 12:25 pm

يعني محدش نادي عليا وقالي تعالي كل طب انا بقي معنتش هصحي حد الصبح وهعمل اكل لوحدي ومش هاكول معاكو بقي .... انت عملت ايه يا احمد صحيح في الامتحان اصل الدكتوره سهير دي مش ناويه تجيبها لبر ابداا اما انا عكيت عك بس خير الحمد لله ... وانت ياعم كريسبو بطل اكل واستني اخواتك ايه ده اكل اكل اكل وانتي يا سنو نادي البنات ايه نازله اكل زمش ساله في حد انا رايح اشوف حاجه في المطبخ بقي وامري لله

من طرف **MOoON Light** الإثنين يناير 21, 2008 3:39 pm

خلاص خلصتوا أكل

معلش بقى يازيزو علشان مفيش حد ندالك على الاكل

يلا ياسنو بعد ماتخلصى اكل قومى صلى ونظفى الشقة كويس علشان اخواتك لما يجوا

من طرف **Crespowbas** الإثنين يناير 21, 2008 4:37 pm

لا عيب يا زيزو انا مخبيلك ورك اهو
مظبطك يعنى
مش كفايه احنا خسرنا فى الماتش بتاع امبارح لازم ارعيك
انا بجد تعبان قوى جالى برد ورجليه بتوجعنى قوى
خليى بالك بقى من اخواتك يا زيو عبال ما اجى علشان انا هروح للدكتور
وبعدين هروح اعد فى البيت بتعنا شويه كدة
يلا بقى سلام

من طرف **snow white** الإثنين يناير 21, 2008 4:57 pm

الف سلامه عليك يا كريسبوو
ومبروك الخساره يا شباب ههههههه
يلا خيرها في غيرها
وانتي يا مون هتنضفي الشقه معايا مش هعمل كل حاجه لوحده
وانتي تفضلي قعده كده يلا اومي