هههههه قصه بيومى وشهناز رايكم يهمنى ........!

بس الله الرحمن الرحيم



ما تزهقوش




عاوز رايكم


ابتدت الحكايه






المشهد نهار خارجى مكان يشبه القهوة البلدى مكتوب عليه (
قهوة و
كوفى شوب المعلم شحاتة ابو دقه)


على ترابيزة متطرفة
يجلس اتنين ( ابطال قصتنا بيومى و شاهيناز )يستمتعان بالاصوات الرومانسية المغردة

لبياع الترمس و اصوات الحمير التى تجر عربيات الكارو فى
الشارع و اصوات فرقعة الدومينو و الطاولة

التى لا تختلف كثيرا عن اصوات القنابل ناهيك عن الايقاع
المتناغم الصادر من السمكرى المجاور للكوفى شوب

من الاخر المنظر
عاطفى عاطفى عاطفى لابعد حد









بيومى : وحشتينى

شاهيناز: انت اكتر

بيومى []يلاحظ ان ايديها مربوطة)انتى اكتر ايه ده مال ايدك ؟؟(متسلبطا
عشان يمسك ايديها)

شاهيناز: (سايبة
ايديها و عاملة عبده العبيط) اصلى كنت بعمل صنية بطاطس امبارح و اتحرقت

بيومى :ايدك؟

شاهيناز: الاتنين
ايدى و البطاطس بس الحمد لله انا ايدى كويسة انما صينية البطاطس ماتت محروقه و
ماما زعقتلى و قالنلى انتى

مش حتعمرى بيت و مينفعش كدة

بيومى :ولا يهمك
لما نجوز مش حخليكى تعملى حاجة

شاهيناز:بجد
يا بيومى

بيومى :طبعا
و انا مستغنى عنك حد يقول القمر اطبخ بطاطس القمر وظيفته ينور بس

شاهيناز:القمر
مستعد يغسل و يطبخ و يكنس لو ده حيخليك مبسوط






بعد عامين و
بعد ماكوفى شوب المعلم شحاتة اتشمعت بالشمع الاحمر و الاخضر

و الموف كمان اضطر بيومى و شاهيناز يدخلوا عش الزوجية
السعيد بعد ما تسدت

كل الغرز قصدى كل السكك فى وشهم و ملقوش مكان يتلموا فيه

ليل داخلى

المشهد بيومى و شاهيناز فى ليلة
فرحهم


بيومي : انا مش مصدق نفسي
انتي خلآص بقيتي مرآتي

شاهينآز : اه يا حبيبي انا
كمان مش مصدقة معقولة اتقفل علينآ باب واحد

بيومي : و محدش هيفتحه يا روحي بحبك


شاهيناز : بموت فيك




بعد شهر و نص من الجواز
المشهد نهار داخلى /عشة الزوجية



بيومى :بقولك ايه يا شاهى

شاهيناز: ايه؟؟؟

بيومى :انت مش ملاحظة اننا من يوم ماتجوزنا
مكلناش سمك مشوى

شاهيناز:اه صحيح خلاص يا حبيبى النهاردة ان شاء
الله حترجع من شغلك تلاقى سمك مشوى



















نفس النهار الداخلى و نفس المشهد بس بعدها ب 8 ساعات على
الغدا



بيومى ينظر الى
الاكل فى ذهول
اكنه لقى فيل فى البكونة)ايه ده

شاهيناز:هو ايه اللى ايه ده ؟
مش فاهمة

بيومى :الرز

شاهيناز:ماله؟؟ نى ؟؟

بيومى :لا

شاهيناز: ناقص ملح؟؟

بيومى :لا

شاهيناز:حادق؟؟

بيومى :لا

شاهيناز:امال ايه؟؟؟

بيومى :ابيض؟؟؟


شاهيناز:نعم ؟؟؟؟؟( فى سرها :
نعم يا روح ....)

امال انت عاوزه ايه؟؟كاروهات؟؟؟

بيومى :انتى بتهرجى؟؟ هو
السمك بتاكل برز ابيض؟؟

شاهيناز:امال برز ايه؟؟

بيومى :مسمعتيش عن رز
الصيادية؟؟؟

شاهيناز:لا سمعت بس ده مع
السمك المقلى


بيومى :والله ده من امتى

شاهيناز:والله انا متربية على
كدة كول عمرنا بناكل السمك المشوى برز ابيض و المقلى بصيادية



و تبدا الصدمة الثقافيةالحضارية المتحجرة داخل

قوقعة اللاوجود المحورى لطرق طبخ الطعام المختلفة

للاتنين تظهر





بعد 3 سنين
المشهد ليل داخلى /حجرة
المعيشة امام التليفزيون



بيومى :هاتلناالقناه التانيه عشان الماتش


شاهيناز:انا عاوزة اتفرج على المسلسل


بيومى :مانتى طول النهارقاعدة متتفرجى فى
الاعادة


شاهيناز:اسم الله؟؟؟و انا قاعدة فاضية؟؟؟ مش
ورايا هم البيت دنا لسة مخلصة غسيل المواعين من 10 دقايق و بعدين مانت

بتتغلب كل مرة و تنكد على امى


بيومى :انت اللى وشك وحش


شاهيناز:خلاص انزل اتفرج عالماتش عالقهوة عشان
تبعد عن وشى الوحش




بعد 10 سنين

ماشاء الله عندهم مرسى و نانسى

التغيرات الناتجة بسبب عوامل التعرية و التغطية و البلا الازرق

بيومى ظاهرة التصحر بدات تجتاح شعره مع تغير ملحوظ فى
بنيه الجسم التى اصبحت اشبه بالتلاجة

مع ظهورانبعاج عند منطقة البطن فبقى شبه تلاجه قرعة و
حامل كمان

بالنسبة لشاهيناز الحمد لله شعرها موقعش لانه مش عارف
يقع اصلا لانه بقى كتله واحدة ضد الوقوع و الكسر

و المية و التسريح حتى لما بتستحمى بيفضل ناشف و هذه
معجزة فى حد ذاتها اما بالنسبة للجسم فحدث

ولا حرج انبوبة بوتجاز ماشية تتمختر بشعرها الغجرى
المجنون ابن المجنونه

المشهد ساعة عصرية ولا مغربية كله شبه بعضه مبقتش تفرقو
هى قاعدة تذاكر للعيال و حاطة مجموعة من

الاسبحة المتنوعة لزوم المذاكرة ( فردة شبشب -مسطرة-عصايا-خرطوم) طبعا نزع السلاح المستخدم تحدده

طبيعة الغلط











شاهيناز:بت عارفة لو كلمة نزلت من على السطر و
دينى شوفى و دينى لاعيدك الواجب كله و حتضربى

انت يا زفت يا مرسى (بالمناسبة مرسى مستخبى فى الحمام لان
الشهادة فيها كحكة)ماشى و انت حتقعد طول عمرك فى الحمام اول

ماتطلع حتضرب انا قاعدالك النهاردة و اما اشوف بقى



















بعد ساعة و كله خلص الواجب و الواد مرسى اضرب العلقة بتاعه
الشهادة بيومى

افندى راجع من الاوفر تايم بالجرنال و البطيخة











بيومى : يا مدااام
الاكل جاهز؟؟


شاهيناز:ربع ساعه حسخن الاكل


بيومى:يعنى انتى مش عارفه معاد رجوعى و انا
كنت متجوز عشان افضل جعان برضه؟امال انا اتجوزتك ليه؟


شاهيناز:ليه و انت اتجوزتنى عشان اخدمك و لا
ايه؟


بيومى:طبعا احمدى ربنا اصلا انى اتجوزتك


انت مبتبصيش لنفسك فى المرايه ولا ايه مش بتشوفى الستات
شكلها ايه


شاهيناز:ده على اساس انك كريم عبد العزيز و
بعدين و انا فاضية؟؟منا ورايا 60 حاجة اه ابنك جاب كحكة


بيومى:ماهو ربايتك حتى العيال حتخيبى املهم ده
كان يوم اسود يوم ماتجوزتك


شاهيناز:ليه الله يرحم ايام الحب دنتا كنت بتيجى
فى نص الليل و انت هلكان و تفعد عالقهوة اللى قصاد بيتنا عشان


بس تشوفنى من البلكونه 5 دقايق


بيومى:كنت اعمى و حمار مكنتش فاكر كده كانت
السكينه سارقانى


شاهيناز:انت برضه بعد مل الى بعمله لاحمد ولا
شكرانيه دانت عيشتك تقرف و صابرة و ساكته فالح تبص

عالستات التانية عاملة ايه طب ياخويا هاتلى زى ماجواز
الستات التانية دول بيجبولهمو انا القى احلى منهم و ادى

العيال دروس يدل منا قاعدة ليل و نهار اذاكرلهم عشان
اوفر عليك مصاريف الدروس و يا ريته عاجب











(باقة متنوعة من الشتايم
المركبه من نوعية ( يا ولود كذا ويا ولود كذا )و كلمة منه على كلمة منها قلم منه على قلمين منها طبعا الباقى
معروف....)



و دى نهاية قصة حب بيومى و شاهيناز
السؤال ليه الحب اترمى فى مزبلة
التاريخ


العيال؟؟


الفقر؟؟


الملل؟؟


عدم تقدير كل واحد لحجم مسئوليات
التانى؟؟

تسلم يا معلم هاااااااااااااااااااااااااااااااااانى يا كبير قوى قوى


حبيبى يا مظبطنى يا هانى


اما انتى يا سنو يا حته سكرة فا متخفيش دنتو هتتخطفو والله هما العرسان هيلاقو زيكم فين
دحنا والله حلوين يعنى مش وحشين كدة خالص


وانتى يا اس

انا بقيت اشوفك كدة بقيتى حزينه هو فى حاجه مزعلاكى ولا اايه

مضحكتيش زى عتك


لو فى حاجه ممكن تقولى كلنا هنا زى اخواتك

ولو كان علشان النتيجه يا ستى احنا هناخد منها ايه

منا اهو
متزفت على عينى وشكلى ............. هعد السنه ديه وفرحان والحياه زى الفل


سيبك بقى ما تبقيش رخمه وفكيها

انتى عسل لما بتكونى بتضحكى

ربنا يخليك يا ابو حميد يا حبيبى
ومش انا اللى هعمل فتنه
هى معموله خلقه