مدونة يوسف وسلمي

أوك..بس أنا قولت ف الأول أني هكون صريح معاكوا وأنا فعلا كنت كده وكل اللي قولته ده حصل..أه هو حصل بسرعه وممكن ناس كتير تشوف أن ده مش منطقي بس أنا عايز أقولكوا حاجه أنا قابلت سلمي ف عيادة دكتور عاصم وحصلت بينا قصة حب كبيره ممكن أكون معرفتش أعبر عنها كويس..بس لازم تعذروني لأن ديه مش أول الحكايه..

حكايتي أنا وسلمي أبتدت من 4 سنين كنت ف أخر سنه ف الكليه وف يوم وأنا راجع من الجامعه حصلتلي حادثه ونقلوني المستشفي وأنا مغمي عليه ولما فوقت لقيت سلمي قدامي وعرفت أنها هي اللي صدمتني بعربيتها بس الحمد لله جت سليمه شوية كدمات وأرتجاج بسيط ف المخ وكان لازم أفضل ف المستشفي كام يوم تحت الملاحظه وكانت سلمي كل يوم تيجي تزورني وتفضل معايا كتير..وعرفت أنها معايا ف نفس الجامعه بس ف كليه تانيه..المهم خرجت من المستشفي وأنا وسلمي أصحاب..

مش عارف أيه اللي شدني فيها أوي كده..يمكن عشان هي أجمل بنت شوفتها ف حياتي ولا عشان رقتها معايا ولا عشان فيه حاجات كتير مشتركه بيني وبينها..أنا وحيد وهي كمان وأحنا الأتنين ذوقنا واحد تقريبا وكمان أسلوب حياتنا واحد ومستوانا الأجتماعي قريب من بعض..كل ديه حاجات خلتني من أول م أشوفها أفكر فيها أنها ممكن تكون شريكة حياتي..

مكنش فيه حد ف حياتها وأنا كمان من أول م شوفتها وأنا بتمني أنها تفضل معايا علي طول..أتقابلنا كتير بعد كده وقربنا من بعض بسرعه..كل واحد فينا لقي نفسه مع التاني..عشان أجمل قصة حب ممكن حد يعيشها..سنه كامله بنعمل كل حاجه مع بعض..

فاكر أول مره خرجت فيها أنا وهي..روحنا المقطم وهناك قولتلها أني بحبها..بس هي قالتلي أديني فرصه أفكر..كنت عارف أنها هي كمان بتبادلني نفس الشعور..وفعلا بعد يومين قالتلي أنها هي كمان بتحبني وأنها متقدرش تستغني عني..ساعتها حسيت أن الدنيا كلها معايا وأن مفيش أي حاجه تانيه ممكن تهمني..

أتفقنا أني أول م أخلص السنادي هتقدملها..

وخلصت السنه..وطلبت منها تحددلي معاد مع باباها وروحت واقبلته وطلبت أيدها..وبعد كام يوم سلمي أتصلت بيه وقالتلي أن باباها وافق..وحصل خطوبه..

كان الأتفاق أن بعد سنه بعد م سلمي تخلص كليتها علي طول هيكون فيه فرح..ده كان الأتفاق..

أنا من عيله مرتاحه جدا ماديا بس أنا بحب أعتمد علي نفسي واللي شجعني علي كده وجود سلمي ف حياتي..

خروجاتنا قلت كتير عن قبل كده..يعني بعد م كنا بنخرج كل يوم بقينا نخرج كل أسبوع أسبوعين وساعات أكتر..بس كان اللي بيخليني أستحمل بعدها عني هو أني بعمل كل ده عشانها..

بس سلمي أبتدت تتغير معايا مبقتش هي سلمي اللي أنا أعرفها وبحبها وبتحبني..دايما ساكته..عايز أخرج معاها تقولي أنا تعبانه..تصرفاتها معايا بأة غريبه..حاسس أن فيه حاجه مخبياها عليه هي أيه..مش عارف..

وف يوم خرجنا مع بعض بعد أصرار مني..كنت عايز أعرف أيه اللي هي مخبياه عليه؟؟..وأيه سر تغييرها المفاجئ ده؟؟..

مكنتش أعرف أن كل حاجه أنا حلمت بيها معاها هتتهد ف اليوم ده..

ياريت يا جماعه يكون فيه تعديل للمواضيع فيه حاجات بتتنسي

المهم أنا هكتبها تاني

أوك..بس أنا قولت ف الأول أني هكون صريح معاكوا وأنا فعلا كنت كده وكل اللي قولته ده حصل..أه هو حصل بسرعه وممكن ناس كتير تشوف أن ده مش منطقي بس أنا عايز أقولكوا حاجه أنا قابلت سلمي ف عيادة دكتور عاصم وحصلت بينا قصة حب كبيره ممكن أكون معرفتش أعبر عنها كويس..بس لازم تعذروني لأن ديه مش أول الحكايه..

حكايتي أنا وسلمي أبتدت من 4 سنين كنت ف أخر سنه ف الكليه وف يوم وأنا راجع من الجامعه حصلتلي حادثه ونقلوني المستشفي وأنا مغمي عليه ولما فوقت لقيت سلمي قدامي وعرفت أنها هي اللي صدمتني بعربيتها بس الحمد لله جت سليمه شوية كدمات وأرتجاج بسيط ف المخ وكان لازم أفضل ف المستشفي كام يوم تحت الملاحظه وكانت سلمي كل يوم تيجي تزورني وتفضل معايا كتير..وعرفت أنها معايا ف نفس الجامعه بس ف كليه تانيه..المهم خرجت من المستشفي وأنا وسلمي أصحاب..

مش عارف أيه اللي شدني فيها أوي كده..يمكن عشان هي أجمل بنت شوفتها ف حياتي ولا عشان رقتها معايا ولا عشان فيه حاجات كتير مشتركه بيني وبينها..أنا وحيد وهي كمان وأحنا الأتنين ذوقنا واحد تقريبا وكمان أسلوب حياتنا واحد ومستوانا الأجتماعي قريب من بعض..كل ديه حاجات خلتني من أول م أشوفها أفكر فيها أنها ممكن تكون شريكة حياتي..

مكنش فيه حد ف حياتها وأنا كمان من أول م شوفتها وأنا بتمني أنها تفضل معايا علي طول..أتقابلنا كتير بعد كده وقربنا من بعض بسرعه..كل واحد فينا لقي نفسه مع التاني..عشان أجمل قصة حب ممكن حد يعيشها..سنه كامله بنعمل كل حاجه مع بعض..

فاكر أول مره خرجت فيها أنا وهي..روحنا المقطم وهناك قولتلها أني بحبها..بس هي قالتلي أديني فرصه أفكر وأنها مش عايزه تتسرع..بس أنا كنت عارف أنها هي كمان بتبادلني نفس الشعور..وفعلا بعد يومين قالتلي أنها هي كمان بتحبني وأنها متقدرش تستغني عني..ساعتها حسيت أن الدنيا كلها معايا وأن مفيش أي حاجه تانيه ممكن تهمني..

أتفقنا أني أول م أخلص السنادي هتقدملها..

وخلصت السنه..وطلبت منها تحددلي معاد مع باباها وروحت واقبلته وطلبت أيدها..وبعد كام يوم سلمي أتصلت بيه وقالتلي أن باباها وافق..وحصل خطوبه..

كان الأتفاق أن بعد سنه..بعد م سلمي تخلص كليتها علي طول هيكون فيه فرح..ده كان الأتفاق..
أنا من عيله مرتاحه جدا ماديا بس أنا بحب أعتمد علي نفسي واللي شجعني علي كده وجود سلمي ف حياتي..أبتديت أشتغل والشغل خدني من سلمي..

خروجاتنا قلت كتير عن قبل كده..يعني بعد م كنا بنخرج كل يوم بقينا نخرج كل أسبوع أسبوعين وساعات أكتر..بس كان اللي بيخليني أستحمل بعدها عني هو أني بعمل كل ده عشانها..
بس سلمي أبتدت تتغير معايا مبقتش هي سلمي اللي أنا أعرفها وبحبها وبتحبني..دايما ساكته..عايز أخرج معاها تقولي أنا تعبانه..تصرفاتها معايا بأة غريبه..حاسس أن فيه حاجه مخبياها عليه هي أيه..مش عارف..

وف يوم خرجنا مع بعض بعد أصرار مني..كنت عايز أعرف أيه اللي هي مخبياه عليه؟؟..وأيه سر تغييرها المفاجئ ده؟؟..

مكنتش أعرف أن كل حاجه أنا حلمت بيها معاها هتتهد ف اليوم ده..

كنت فاكر أن سبب تغيير سلمي المفاجئ ده أني بعدت عنها كتير الفتره اللي فاتت مكنتش أعرف أن السبب حاجه تانيه..

..سلمي فيه أيه؟؟

..مفيش حاجه..

..أنا عارف أني أنشغلت عنك الفتره اللي فاتت بس ده كان غصب عني..أنتي عارفه أنا مضغوط أد أيه..

..عارفه..

..طب فيه أيه..أنا حاسس أن أنتي مخبيه عليه حاجه..

سلمي سكتت..كان واضح أن فيه حاجه هي عايزه تقولها ومش عارفه..

..سلمي ردي عليه..

..أنا مش عايزه أكمل..

كانت الكلمه ديه صدمه كبيره ليه..

..أنتي بتقولي أيه..

..مش هينفع نكمل مع بعض..

..أيه الكلام ده..أنتي بتهرجي..

كنت متأكد أن سلمي بتحبني..بس ليه بتقول كده..

..أنا بتكلم جد..أنا حاسه أني هظلمك معايا لو كملنا مع بعض..

..تظلميني!!..أنا مش فاهم حاجه..

..يوسف..أنا فيه حد تاني ف حياتي..

..أنتي بتقولي أيه..حد تاني أيه وتخريف ايه..

..أنا بحب واحد تاني يا يوسف..وحاسه أني لو كملت معاك هكون بظلمك..لأن قلبي مش هيكون معاك..

..أنا مش مصدق..أنتي بتكدبي عليه..

..لازم تصدق لأن ديه الحقيقه..

كان باين أنها بتتكلم جد بس أنا برده مكنتش مصدق أو مش عايز أصدق..مش معقوله كل الحب اللي بيني وبين سلمي ينتهي كده..

..وعرفتيه أمتي الحد ده..

..زميلي ف الكليه..أتعرفنا علي بعض..وحبينا بعض..معرفش ده جه أذاي بس أنا عرفت ساعتها أني بحبك بس مش حب واحده لواحد هي بتحبه..بحبك زي أخويا..

..أخوكي..بعد سنه ونص جايه تقوليلي أخوكي..بعد م خلاص هنتجوز كمان كام شهر جايه تقوليلي أخويا..

..أنا عارفه أن الكلام اللي بقوله ده صعب عليك..أنا كنت فاكره أني بحبك..بس لما عرفت أحمد عرفت يعني أيه حب وعرفت أني مش هينفع أكون معاك..

..أحمد..بس أحنا مخطووبين..والحب اللي مبينا..وأنا..

..يوسف هي ديه الحقيقه اللي لازم نواجهها أحنا الأتنين..أنا اسفه...

..أسفه..

..أنا عارفه أني ظلمتك معايا..بس لو كملنا مع بعض هكون بظلمك أكتر..

..أنتي عارفه يعني ايه بعد سنه ونص..حلم كبير أوي بعمل كل حاجه عشان أحققه..تيجي أنتي كده وبكل بساطه تقوليلي خلاص ولا كأن كان فيه بينا حاجه..ولا كأني كنت بني أدم لازم تحافظي عليه..أنتي أنتي.....

..ليك حق تقول عليه اللي أنتا عايزه..بس ده مش هيغير الحقيقه..

..عندك حق..

وخلعت الدبله من أيدي وحطيتها قدامها..ومشيت..

سلمي لعبت بيه..سلمي مكنتش بتحبني م الأول..سلمي خانتني..وأنا..أنا كنت بموت ف الوقت ده...

ف يوم وبعد عزله طويله أوي فكرت أخرج ولقيت رجليه واخداني علي المكان اللي قابلت فيه سلمي أخر مره معرفش ليه أنا أخترت المكان ده بالذات..هو ينفع بعد اللي عملته سلمي معايا أني أكون لسه بحبها..معتقدش..الغريبه بأه أني لقيت سلمي هناك..لوحدها..هي سابته..ولا هو اللي سابها..ولا هي مستنياه ولا أيه..أنا ليه بسأل نفسي الأسئله ديه كلها..متولع هي وهو..بأه بعد كل اللي عملته معايا ده أفكر فيها..بعد مسابتني كده عادي أسأل نفسي وأتوه نفسي..سلمي بره حياتي من يوم م قلتلي أن فيه حد تاني ف حياتها..هي قلبت معايا كده ليه؟؟..وأنا مزعل نفسي أوي كده ليه..همثل بأه..أنا بقول الحقيقه..دي باعت كل حاجه..باعت خطيبها اللي هو أصلا حبيبها..أنا مزعل نفسي أوي كده ليه..

شويه ولقيتني سرحان ف أجمل أيام حياتي..أول مره جيت المكان ده أنا وسلمي..كنا لسه مخطوبين جديد وعايزين نروح مكان محترم..غير المقطم والهرم والأماكن المنعزله ديه..

كان زي النهارده..ومسكت أيدها وسرحت ف عنيها وقولت أحلي كلام..كانت كل حاجه ماشيه صح أيه اللي غيرها كده وقلب الدنيا كده وهي دلوقتي قدامي ف نفس المكان بس مش قادر أكلمها وبنبص لبعض وأحنا زي الأغراب..هي كانت بتبصلي كده ليه..أيه بتحبني!!..طب بعدت عني ليه وبوظت الدنيا ليه..وعشان خاطر ايه..أسئله كتير كانت ف دماغي مش أنا مبحبهاش طب بفكر فيها أوي كده ليه..مفيش أجابه..

كنت قدامها علي طول..وعنيه مش راضيه تنزل من عليها..وكل كلامنا القديم بيتعاد قدامي كلمه كلمه..

..تيجي نلعب لعبه..

..لعبة..د علي أساس أن أحنا أطفال بأه..

..لأ دي لعبه حلوه أوي..كل واحد فينا يقول أمنيه أتمناها وحصلت وأمنيه أتمناه برده بس محصلتش..

..الأمنيه اللي أتمنيتها من أول يوم شوفتك فيه..أننا نبأه مع بعض..وأحنا دلوقتي مع بعض..

..والأمنيه اللي محصلتش..

..كان نفسي ده يبأه من زمان..

..بس أحنا دلوقتي مع بعض..

..وعمري م هضيعك من أيدي..أنتي بأه..

..أنا ايه..

..الأمنيه اللي حققتيها..

..كان نفسي أعيش قصة حب كبيره وعشتها..

..أنتي بتخونيني ولا أيه..عشتيها مع مين يا بت أنتي؟؟..

..معاك طبعا يا حبيبي..

..أيوه أنا بحسب..طب والأمنيه اللي محققتيهاش..

..كان نفسي أدخل صيدله وأبأه دكتوره بس معرفتش..

..يوسف ايه هي أكتر حاجه خليتك تحبني..

..مجنونه..وأنا بحب المجانين..

..بس أنا مش مجنونه..

..هو كل المجانين بيقولوا علي نفسهم كده..

..يعني أنا ف نظرك مجنونه وديه أكتر حاجه حيبيتها فيه..طب أنتا عارف بأه أيه اللي بيخليني بحبك أوي كده..

..أيه؟..

..الأمان..

..تطلب حاجه حضرتك..

..سلمي..

..نعم!!..

..أهوه…...ساده..

ف اليوم ده هو مجاش..وفضلنا كده قدام بعض طول الليل..

عايز أفكركوا بحاجه..كل اللي أنا بقوله ده وسلمي بتسمعني وأنا بحكي..

جمييييييل اوي


بس انا بردو مش فاهمه ازاي اول مره اتعرفتو على بعض في الحادثه وبداية القصه وانتوا

عند دكتور عاصم وماكنتوش تعرفو بعض؟؟؟؟؟؟

بتبعديني عن حياتك بالملل
وخلتيني أقول خلاص مفيش أمل
أستمري هتخسريني
أستحاله هتكسريني
وحسسيني أنك حجر
أو ورده دبلت ع الشجر
صبرت صبر غريب رهيب لا يحتمل
بتبعديني عن حياتك بالملل
وخلتيني أقول خلاص مفيش أمل
وبتوهميني أني ظلمتك
وأني غربتك هزمتك
عملت أيه يجرح كرمتك
كل اللي ممكن أعمله معاكي أتعمل
بتوهميني أن الحكايه بتنتهي
أبعد وقبل ضياعي منك تندمي
مبقتش بعرف دمعتك من ضحكتك
أصرخ مفيش ولا صرخه مني تسكتك
معرفش ليه بتعذبيني
لو بجرحك أمشي وسبيني
ساكته الحياه بينك وبيني
أحساسي بيكي راح أكيد مش محتمل
بتبعديني عن حياتك بالملل
وخلتيني أقول خلاص مفيش أمل
أستمري هتخسريني
أستحاله هتكسريني
وحسسيني أنك حجر
أو ورده دبلت ع الشجر
صبرت صبر غريب رهيب لا يحتمل
بتبعديني عن حياتك بالملل

فاكره اليوم ده كويس كانت أخر مره أشوف فيها يوسف لحد م أتقابلنا تاني..معرفش ليه فضلت موجوده كتير ف اليوم ده مع أن كان المفروض أمشي لما أحمد أتأخر وأتأكدت أنه مش جاي..

كانت صدمه ليه أني ألاقي يوسف داخل الكازينو وأنا مستنيه..واحد تاني..كان شكله هيبأه عامل أذاي لو أحمد فعلا جه..

أحساسي بالذنب ناحية يوسف عمره م فارقني..كنت حاسه أني دمرت حياته خصوصا أني كانت عارفه ومتأكده أد أيه هو بيحبني..أنا كمان ليه عذري مش هقدر أخدعه ولا أخدع قلبي..

أنا بحب أحمد دلوقتي ويوسف أنا كنت سبب ف جرح كبير ليه..ياريت تفهموا مشاعري..

أتمنيت ف اليوم ده أن أحمد ميجيش وأفضل لوحدي زي يوسف م هو لوحده..كنت عارفه أني وحشاه..هو كمان كان واحشني..بقالي كتير متكلمتش معاه..نفسي أعرف هو بيعمل أيه دلوقتي وأتطمن عليه..

أصلا أستحاله يوسف يفكر فيه تاني بعد اللي قولتهوله واللي عملته معاه..وأكيد صورتي بالنسباله زباله دلوقتي..وأنا كمان سيبته عن أقتناع..شوفت أن ده ف صالحنا أحنا الأتنين..عارفه أنه هيتعب شويه بس بعد كده هيرتاح..أحسن من أنه يعيش مع واحده بتحب حد تاني..أكيد لو كان حصل ده وأنا متكلمتش ورضيت باللي أنا فيه عشان مجرحوش بس..هو اللي هيجي بعد كده بعد م يتعب هيجي ويقولي ياريتك صارحيني م الأول..

بس سنه ونص كتير..أحلام وكلام وحاجات بتتنفذ..وحلم شكله بجد هيتحقق..وبعدها أنفصلنا وكل حلجه حلمنا بيها راحت ضاعت..أكيد هو تعبان أوي دلوقتي..وأنا السبب..بس كده أحسن..لينا أحنا الأتنين..

كانت أخر مره أشوف فيها سلمي..وعدي شهرين لحد م حصلت حاجه..أخر حاجه كنت أتوقعها..

جواب من سلمي..بتقولي فيه..

يوسف

عارفه أن ديه أخر حاجه كنت تفكر أنها تحصل..بس أنا منسيتش أن أحنا ف يوم كنا نعرف بعض..

بكتبلك دلوقتي عشان عايزه أتطمن عليك..أنا قلقانه عليك جدا حاسه أن ربنا هيعاقبني علي اللي عملته معاك..نفسي تسامحني يا يوسف..ضميري بيعذبني..

سلمي بتعذبني..مش عايزاني أنساها..فكرت أرد عليها وقولها تبعد عني..بس رجعت فكرت تاني وقولت لأ..متستاهلش..

وأبتديت أعيش حياتي تاني..وفكرت أخطب بنت خالتي..بس بعد شويه لقيت أنه مش هينفع..مش هينفع أظلمها وأعمل معاها زي م أتعمل معايا..

كانت صورتها مبتفارقنيش..وحلمت بيها كتير أوي..عشت ف لوقت ده أسوء أيام حياتي..وبعدين أبتديت أفوق وأرجع لشغلي تاني والدنيا تاخدني..كنت فاكر أن كده خلاص عمري م هعرف سلمي تاني..وعمري اصلا م هحب حد تاني..لحد م ف يوم حصلت حاجه قلبت الدنيا كلها ف دماغي..

جواب من والدة سلمي..

يوسف

أبني يوسف..أنتا عارف أنتا عندي أكتر من أبني..سلمي بتتعذب يا يوسف..بنتي بقالها سنه وأكتر بتموت عشانك..عارفه أن أنتا مستغرب الكلام ده..وعارفه أن أنتا ممكن تكون بتكره سلمي دلوقتي ومش عايز تسمع أسمها ولا حد يفكرك بيها..بس اللي أنتا تعرفه يا يوسف مش الحقيقه..سلمي ضحكت عليك..مفيش حد أسمه أحمد..هي عملت كده عشانك..مش عايزاك تتجوزها لأن ده مكنش ينفع..الدكاتره هما اللي قالوا كده..

سلمي عندها القلب..ومكنش ينفع تتجوز..وعشان هي عارفه قد أيه أنتا بتحبها..وأن هي لو قاتلك مش هتسيبها وهتفضل معاها..وهتضحي بسعدتك عشانها..كدبت عليك..

من شهرين بس كنا ف أمريكا..وهناك سلمي عملت عمليه كبيره ف القلب..والحمد لله قامت بالسلامه..وهي مستنياك دلوقتي..عايزه تعرف أنتا بتحبها لسه لحد دلوقتي ولا عمرك م هترجعلها تاني..عايزه تعرف أنتا بتحبها قد م هي بتحبك ولا صدقت أنها ممكن تحب حد تاني..

هي متعرفش أني كتبتلك حاجه..هي مستنيه ترجعلها واحدك..ترجع تسأل عليها لو كنت لسه عايزها..لو جيت متقولهاش أني بعتلك حاجه..

فكرت كتير أوي..وف الأخر قولت لازم أتأكد..كان فات أسبوعين روحت عند بيتهم وسألت وعرفت أنهم سابوا البيت ده من فتره كبيره..طب راحوا فين..ورجعت من غير م أعرف حاجه..أول م دخلت البيت دخلت عشان اشوف العنوان اللي مكتوب علي الجواب الأخير..بس حصلت حاجه غريبه أديه وقعت علي الجواب اللي كانت سلمي بعتاه فتحته وقريته تاني..وبعدين لقيت الجواب التاني بتاع مامتها..وعرفت أني كنت غلطان هما عزلوا وكان المفروض أخد بالي من العنوان اللي مكتوب..وبالليل قبل م أنام فتحت الجواب ده وقريته تاني..وشكيت ف حاجه..وطلع شكي ف محله..سلمي هي اللي كاتبه الجواب ده..ومفيش أحمد وأنا كان عندي القلب..طب ممكن صح..وبعد كام يوم روحت ع العنوان التاني..بس عرفت هناك أنهم مسافرين من أسبوع..ورجعت سألت تاني وبرده نفس الكلام..محدش يعرف هما فين..سلمي أختفت..ورجعت رتبت كل حاجه ف دماغي تاني..هي اللي كاتبه الجوابين..ف الجواب الأولاني بتقولي أنها أسفه عشان هي حاسه أنها دمرت حياتي..يعني كانت عارفه أني بموت مش كويس يعني..وبعدين تبعتلي جواب تاني بأسم أمها وتقولي أيه بأه..بتقولي مفيش أحمد..وأنها سابتني عشان حاجه تانيه..عشان مش عايزاني أربط نفسي بيها..أنها عندها القلب زي ف الأفلام كده...وبعدين تختفي ومعرفش مكانهم..سلمي بتشتغلني..ملهاش حل تاني..

بس بعد كده عرفت أن أنا كنت غلطان ف ظني ده..

ف يوم بعد كام شهر كنت ف المصحه والممرضه بلغتني أن فيه حاله جايه المستشفي جديد وعندها أنهيار حاد ولازم أجي أشفها بسرعه..

طلعت هي..ف اليوم ده أنا مصدقتش نفسي..أنا وسلمي مع بعض دلوقتي ممكن وممكن أكلمها كمان..المفاجأه أني أشوفها قدامي خلتني أفكر كده علي طول..بس بعد شويه قولت لنفسي ليه..زيها زي أي مريض هنا..هشوف شغلي بس..عشت وقتها أحلي أحساس ف الدنيا..وعرفت أن أنا لسه بحبها..بعد كل اللي عملته معايا..

عارفين سلمي كانت جايه المستشفي ليه..وكانت منهاره من أيه..كان لازم أهتم بديه لأن ده أصلا أساس شغلي كطبيب نفسي..

سلمي حصلتلها حادثه من شهرين..كانت بتسوق بسرعه كالعاده..وعملت حادثه هي وأبوها وأمها..ولما فاقت عرفت أنهم هما الأتنين..الله يرحمهم..جالها أنهيار عصبي..ولما فاقت أتفاجؤا أنها بتنسي..ناسيه كل حاجه..

وراحت عاشت مع خالها ومراته ف شقتهم اللي ف المهندسين..ولأنهم مبيخلفوش حب الحكايه ديه..وقالوا لسلمي أنهم أبوها وأمها عشان متفتكرش أي حاجه عن الحادثه ديه..خافو أن ممكن ساعتها يجرلها حاجه..وهي أبتدت تتعامل طبيعي..وترجع تفتكر حاجات معينه..بس ماعدا الفتره اللي حصلت فيها الحادثه..كام سنه كده..نسيتني ونسيت أحمد..دا لو كان فيه أصلا أحمد..ونسيت كل حاجه عن الموضوع ده..بس بعد شويه أبتدت تحس أنها مش طبيعيه والجو اللي حواليها ده مش ماشي معاها وأن فيه حاجه غلط هي مش عارفه أيه هي..وأبتدت تروح لطبيب نفسي وأبتدت علاجها..كان الدكتور شايف أن أحسن حاجه أنه يصارحها بكل حاجه ويفهمها أن اللي حصل ده قدر ربنا..فضلت شهرين يلعب ع الحته ديه..ولما جه يصارحها بالحقيقه والصور..صورها هي وأبوها وأمها الحقيقيين..وبكل حاجه متعلقه بيها..وأنها هي اللي بتهرب من نفسها وعقلها الباطن هو اللي مسيطر عليها دلوقتي..وأنها المفروض تواجه حقيقتها..جالها أنهيار عصبي تاني..وجت عندي هنا المستشفي..

المفروض أن سلمي بتسمعني دلوقتي وأنا بحكيلها والكلام ده ف اليوم اللي عرضت عليها الجواز وهي وافقت..بعد الحته بتاعة الفيلم علي طول لو نفتكر..

الدكتور كان عنده حق ف رأيه..لازم سلمي تواجه الحقيقه..بس ممكن الأسلوب هو اللي غلط..أبتديت أتعامل مع سلمي طبيعي جدا..وأوافقها علي كل حاجه..وألعب معاها..وخرجت من المستشفي..

وبقت تجيلي العياده نكمل علاج وهي متعرفنيش..مش فاكراني خالص..

عارف أن أكبر غلطه ممكن يقع فيها طبيب نفسي أنه يحب الحاله بتاعته..بس أنا مش غلطان..أنا أصلا بحبها من زمان أوي..وهي كمان حبتني..شهرين..ولما جيت أقولها الحقيقه بعد خلاص أتفقنا علي كل حاجه..يجيلها أنهيار عصبي تاني وتنسي كل حاجه تاني..

وأنا أرجع أدور عليها..وأقابلها ف أي حته..ونتعرف..ونقرب من بعض..وترتاحلي..وتحبني كمان..وبعدين أجي أصارحها بالحقيقه ترجع تنسي تاني..

بقالي سنه علي كده..سبت عيادتي وخدت أجازه م المصحه..وأنا مع سلمي علي طول..مليش شغل غيرها..هي الحاجه اللي لو حققتها هبأه وصلت لكل اللي أنا عايزه ومش هتمني حاجه تاني م الدنيا..

عارفين عشنا القصه ديه كام مره..أربع مرت..وكل مره بتنسي..كان ممكن أكمل وأتجوزها كمان..بس خفت..خفت يكون فيه أحمد بجد وتفتكره وترجع تحبه تاني..بس ساعتها هتكون مراتي..المشكله أني مش هقدر ألومها ساعتها..لأني عارف..عشان كده كنت بوصل لحد هنا وأقف..وأحكي..وتنسي..

أخر مره قابلت فيها سلمي كانت ف عيادة دكتور عاصم..كنت عامل فيها عيان..عشانها..وأتعرفنا علي بعض زي م أنتوا شوفتوا..وعشنا قصه كبيره..ولو ترجعوا هتلاقوها ف أول رد ليها قالت أنها بتحبني..أنها أد أيه بتحبني..ومتقدرش تستغني عني ولا تقدر تعيش من غيري..

أول م قولت كل الكلام ده لسلمي ف اليوم اللي أنا بحكي فيه ده..سلمي رجعت نسيتني تاني..هي دلوقتي ناسياني..بعد كل ده..ممكن عشان هي بتحبنيش بجد..ممكن عشان أحمد..ممكن عشان الصدمه مأثره فيها..مش عارف..نفسي أعرف سلمي بتحبني ولا لأ..ومش هعرف كده إلا لو هي أفتكرت كل حاجه..وهي تقولي..بتحبني ولا لأ ؟؟..

الحكايه خلصت..وأنا كنت سعيد جدا وأنا معاكوا..كان نفسي سلمي تكمل معايا..بس مين عارف..ممكن ف يوم تفتكرني..ونرجع هنا تاني..وساعتها هحكيلكوا اللي حصل..

مع السلامه يا أصحابي..

يوسف مشي..كنت عارفه أن هو ده كل اللي ف دماغه..بحبه ولا بحب أحمد..طب أنا مش ناسيه يا يوسف وأنا بحب أحمد..بحبه أكتر م حبيتك..

أول مره قابلت فيها أحمد كان صدفه..صدفه بجد مش زي الصدفه اللي يوسف عملها معايا عشان يتعرف عليه وكان هيموت نفسه وهيلبسني مصيبه..

وأنا اللي روحتله وكلمته..وطلبت أتعرف عليه..كنت فاكره أني أعرفه..بس هو طلع مبعرفنيش..عشت معاه أيام عمري م هنساها..

مره أتقابلنا..كان ف وقت الغروب كده..خدني ورحنا أسكندريه..وكنا الساعه عشره بالليل هناك..ياااااااااااه..عمري م هنسي اليوم ده..مش فاكره أمتي..بس اللي فاكره أن أحنا مكناش عايزين نمشي..

أنا وأحمد بنزعل من بعض كتير..وبصراحه كده بكون أنا السبب..بكون مش طايقاه ساعتها..وبفكر ف يوسف..أنا حالتي غامضه زي م دكتور عاصم قال عليه..ممكن أكون بحب الأتنين؟؟..مش عارفه..طب ممكن أكون مبحبش ولا واحد ف الأتنين؟؟..لأ طبعا..

ف يوم زعلت أنا واحمد وحصلت مشكله كبيره..عشان هو مجاش ف المعاد يوم م شوفت يوسف..وأنا اللي كبرت الدنيا ساعتها..ومن ساعتها وأحمد مختفي..ف الوقت ده بعت أول جواب ليوسف..كان نفسي يرد عليه..وأعرف أخباره..بس هو مردش..

وبعد كام يوم رجع أحمد ظهر تاني..ورجعنا لبعض تاني وقولتله أنا أسفه وأنا الغلطانه ونسيت يوسف خالص..

بس بعد وقت تاني رجعت عملت مشكله تانيه مع أحمد..أنا اصل بتاعة مشاكل عشان تكونوا عارفين..ساعتها بعت الجواب التاني ليوسف علي أني ماما..كان نفسي يفهم أن أنا اللي عايزاه..عارفه ومتأكده ألف ف الميه أنه بيحبني..بس بعد كده حصلت الحادثه اللي بيحكي عليها..

كانت صدمه كبيره ليه أني أودع أقرب أتنين ليه ف الدنيا..فاكره اليوم ده كويس..كنا رايحين المطار نستقبل خالي ومراته اللي راجعين من أمريكا وناويين يستقروا هنا..وبابا كان هو اللي سايق..وحصلت الحادثه..وعيشت أصعب ايام ف حياتي..وجالي أنهيار عصبي وكنت هموت نفسي كمان..ونسيت فعلا زي م يوسف بيقول..بس كان كفايه عليه صدمه واحده عشان أفوق..وأرجع أفتكر كل حاجه تاني..

وكان ده ف المصحه عن يوسف..وديه كانت الصدفه..

كنت عايزه أرجع يوسف ليه تاني..عشان كده عملت ناسيه..وأن أنا لسه مخفتش..ومثلت علي الدنيا كلها..سنه كامله بمثل علي كل اللي حوليه..وأولهم يوسف..

تعب معايا كتير..ساب شغله وساب كل حاجه ورجعلي تاني..

ساعتها أحمد أبتدي يظهر ف حياتي من جديد..بس أنا ف الوقت مبقتش عايزه أحمد ولا عايزه أشوفه تاني..أنا عايزه يوسف بس..

تسألوني بعذبه ليه؟..وبعمل فيه كل ده ليه؟..وسيبته ف الأول عشان خاطر أحمد؟..ولحد دلوقتي بعمل ناسياه ليه؟..هقولكوا ببساطه أوي أن يوسف..عنده أنفصام ف الشخصيه..يوسف هو أحمد..

مين قال أن الطبيب النفسي مش معرض للمرض النفسي..أنا أكتشفت الحكايه ديه من أول يومين عرفت فيهم أحمد..هو يوسف..وأتأكدت أكتر لما وصلته لحد البيت وهو عامل ميعرفتيش..أو هو فعلا ميعرفنيش..

وف يوم روحت لدكتور عاصم العياده..وحكيتله علي كل حاجه..وقررنا أننا نبدأ ف علاجه علي طول..بس من غير مهو يظهر ف الصوره..

الغريبه أن يوسف وأحمد (أو يوسف بس بشخصية أحمد) كانوا بيحبوني بجنون..وأنا كمان كنت عارفه أد أيه يوسف بيحبني..وكان لازم صدمه كبيره ف الأول..كان لازم يوسف يخسر حاجه..وأحمد يكسب الحاجه ديه..وعملت كده لما سيبته ف الأول بعد م كنا خلاص هنتجوز بعد شهور..وقولتله أني بحب واحد تاني أسمه أحمد..بعد كده عشت مع أحمد أيام عمري هنساها..أنه بحبه أصلا..م هما الأتنين واحد..

بعد فتره حسينا أن الموضوع ماشي غلط..وعرفنا أن اللي أحنا بنعمله ده مش هيخلي يوسف يقف قدام نفسه ولا يفهم الحقيقه لواحده..ف فكرنا نموت أحمد خالص..وعملت كده برده وبعدت عنه وبقيت علي طول ف مشاكل وخناقات معاه..وبأه أحمد أو يوسف بشخصية أحمد يختفي شويه وبعدين يرجع يظهر تاني..وأزعله مني ويسيبني ويمشي..وبعدين يرجعلي تاني..

ف القوت ده بعت لأحمد الجواب التاني..بأسم ماما..نفسي يرجعلي..ويفوق من شخصية أحمد اللي هو عايشها ديه..بس ده محصلش..وحصلتلي الحادثه..وقابلته صدفه..وأبتديت معاه تاني..وهو فاكر أن هو اللي بيعالجني..ويفكرني وأنا أرجع أنسي..ويفكرني تاني وأنا أرجع أنسي تاني..

دكتور عاصم كان عايز يقابله..وطبعا من رابع المستحيلات أني أقنع طبيب نفسي أنه عنده مرض نفسي ولازم يروح لدكتور..صعبه أوي ديه..

كان يوسف دايما هو اللي بيقابلني بعد كل مره بنساه فيها..هو بيحبني..كنت عايزه المرادي يقالبلني عند دكتور عاصم ف العياده..مكنتش بخرج من بيتنا غير عشان أروح هناك بس..وأستنيت كتير لحد م ف الأخر أحمد جه وقابلته وقابلته تاني وعملت معاه مشكله من غير مبرر..وخليت دكتور عاصم يعرفنا علي بعض..أصلا كل حاجه كانت بترتيبه..وعشت أخر قصه مع يوسف ف عيادة دكتور عاصم..وهو رجع يحكيلي تاني ويفكرني زي م قالكوا من شويه..وقال أني رجعت نسيت تاني..وأن هو راجع يدور عليه..طب أنا نسيته المرادي كمان ليه..وف كل مره بنساه ليه؟؟

لأن أحمد رجع يظهر تاني..وكنت لسه معاه من كام يوم..

مش عارفه يوسف هيفوق أمتي؟..خايفين نواجهه بالحقيقه لأن رد الفعل مش محسوب..عايزه أقوله أن اللي أنتا فاكرني بحبه ده هو أنتا..وأن اللي أنا قولتلك أني بحبه ده هو أنتا..مش حد تاني..أنا أصلا عمري م حبيت ف حياتي كلها حد غير يوسف..ومستعده أفضل معاه كده علي طول..أنا مش تعبانه من حاجه..

يوسف مشي وممكن ميرجعش تاني..أو ممكن يرجع بس بشخصية أحمد..بس أنا هفضل علي طول معاه..

بص يا باشا أنا عارف أنها جكايه ملعبكه حبتين..بس ممكن نختصرها وواحده واحده..

1- أول القصه يوسف بيقابل سلمي ف عيادة دكتور عاصم اللي عرفتهم علي بعض بعد المشكله اللي حصلت زي م شوفنا..تمام..

2- يوسف بيحضر جلسة العلاج الجماعي وبيتكلم شويه ف الطب النفسي وبيقول أنه حاسس أنه بأه طبيب نفسي من كتر م أتكلم مع دكتور عاصم..

3-سلمي بتقول ف جلسة العلاج الجماعي اللي قابلت بعدها يوسف أنها حاسه أن أبوها وأمها متغيرين..وبتقول كمان أنها بتشو ناس وتحس أنها عارفاهم بس هي ف الحقيقه متعرفهمش..هي قالت كده..

4- وسلمي بتتصرف تصرفات غريبه وبترمي نفسها علي يوسف وبتقوله أنها حاسه بوحده وبيخرجوا مع بعض..

5- بيحبوا بعض وبيطلب يتجوزه وهي بتوافق..

6- بيحكيلها علي كل حاجه..

المفروض أن سلمي بتسمعه..من دلوقتي وهو بيقول كلام هي متعرفوش..وإلا لو كانت تعرفه هيقوله ليه..

1- بيحكي حكايته هو وسلمي م الأول وبيقول أنه عرفها من 4 سنين وخطبها وبعدين هي سابته..

2- شافها تاني ف نفس المكان اللي قابلها فيه أخر مره وفشكلوا كل حاجه..وكانت لوحدها..وفضلوا كده كل واحد فيهم لوحده..وأحمد اللي سلمي مستنياه مظهرش..

3- سلمي بعتت جواب ليوسف بتقوله فيه أنها حاسه بالذنب ناحيته وعايزه تطمن عليه..وهو مردش عليها..وأفتكر أنها مش عايزاه ينساها..

4- بعد كده أحمد جاله جواب من والدة سلمي بتقوله فيه أن سلمي سابته عشان هي عندها القلب وكانت خايفه تقوله الحقيقه عشان ميربطش نفسه بيها عشان كده سلمي مثلت عليه الفيلم ده..وأصلا مفيش حد أسمه أحمد..

5- يوسف حب يتأكد..ف أكتشف أن الجوابين سلمي اللي بعتاهم..حب يتأكد برده لأن ممكن تكون سلمي كتبت الجواب بأسم والدتها عشان مكسوفه هي تقوله..

6- راح العنوان اللي كان مكتوب ع الجواب..ملقهاش..سأل تاني ربده معرفش هي راحت فين..

7- رتب كل اللي حصل ووصل لنتيجه واحده..أيه هي؟؟..سلمي بتلعب بيه..هو أستنتج كده..بس مفيش تأكيد للأستنتاج ده..

8-قابل سلمي ف المصحه اللي هو بيشتغل فيها..وهنا بنعرف أن يوسف أصلا دكتور نفسي..طب فيه سؤال هنا!!..أذاي هو دكتور نفسي..وفأول الحكايه كان بيتعالج عند دكتور نفسي..تمام..

9- يوسف بيعرفنا حقيقة مرض سلمي..وأن سلمي عملت حادثه هي وأبوها وأمها وكانت سبب ف موتهم وجالها صدمه عصبيه ولما فاقت منها أتفاجؤوا أنها ناسيه كل حاجه..وراحت عاشت مع خالها ومراته اللي فهموها أنهم أبوها وأمها وفرحوا بكده برده عشان هما مبيخلفوش..

10- وديه أخر حاجه يوسف بيقولها..أنه حاول يعالجها..بس عشان هو لسه بيحبها..حبها تاني..وهي كمان حبته وهي متعرفش هو مين لأنها ناسيه الفتره اللي عرفت فيها..

11- يوسف بيقول أنهلما كان بيعالجها وصل معاها لمرحلة أنه خلاص هي بتحبه وهو بيحبها وهيتجوزوا..وساعتها هو بيصارحها بالحقيقه عشان تفتكر..ويعرف بجد هو فيه أحمد ولا مفيش..ولو هو موجود فعلا طب أيه اللي حصل؟؟..وقال كمان أنه كان ممكن يكمل ويتجوزها من غير م يفكرها بحاجه..بس ممكن بعد كده تفتكر كل حاجه وتطلع بتحب أحمد بس كانت نسياه..وساعتها هو مش هيقدر يلومها علي حاجه لأنه عارف م الأول أنها بتحبه..هي قالتله كده زمان..عشان كده كل ميوصل معاها لمرحلة أنه هيتجوزوا خلاص وأتفقوا علي كل حاجه..يجي هو ف الوقت ده ويحكيلها علي كل حاجه ويفكرها..ف ترجع تنسي تاني..ويرجع يقابلها ف مكان تاني وتكون نسياه..ويتعرف عليها ويحبوا بعض..ويرجع يفكرها وترجع تنسي..وأخر مره حصل فيها كده لما قابلها ف عيادة دكتور عاصم علي أنه عيان وأتعرف عليها هناك..وجه بيفكرها دلوقتي..رجعت نسيت تاني..وهي دلوقتي ناسياه..وهو هيرجع يدو عليها تاني..لأنه بيحبها..بس عايز يعرف هي بتحبه ولا بتحب أحمد د لو كان فيه أصلا أحمد...

(هي ديه المأساه يعني..ولو لاحظنا ف الأول أحد حكي حلم أنه بيطلع فوق حاجه عاليه وبعدين بيقع..وده بيشرح الحاله اللي هو فيها..كل م يوصل لسملي ترجع تنساه تاني..وهكذا..دايره مبتنتهيش)

مين اللي قالك أني حزين
منا عشت بعدك ياما سنين
كنت بحلم كنت بفرح
كنت مليان شوق وحنين
والسنين دواره دواره
عيون حزينه قلوب محتاره
واللي فاتك النهارده
بكره يرجع يبكي سنين
يبكي علي أييام وليالي
أنه ضيع حبه الغالي
ضيع عمره ضيع حلمه
ضيع نفسه ف غمضة عين
مين اللي قالك أني هضيع
قلبي خلاص علمته يبيع
ينسي حبك ينسي قربك
ينسي كل دقيقه معاك
ينسي أسمك ينسي كلامك
ينسي صوتك حتي سلامك
هتجيني نادم وتقولي أسف
وتقولي أرجع بترجاك
أرجع أيه متسيبني ف حالي
م كفايه ضاع من عمري ليالي
جنب منك شوفت منك
العذاب والويل والأه
والسنين دواره دواره
عيون حزينه قلوب محتاره
واللي فاتك النهارده
بكره يرجع يبكي سنين
يبكي علي أييام وليالي
أنه ضيع حبه الغالي
ضيع عمره ضيع حلمه
ضيع نفسه ف غمضة عين
والسنين دواره دواره

أنا قولت ف الأول خالص أني هكون صريح معاكوا وبصراحه الحكايه مش كده..أنا وسلمي أتقبلنا وأتعرفنا علي بعض وبقينا أصحاب أوي..أتقابلنا فين؟؟...أتقابلنا هنا..مش عارف ليه كنت صريح أوي معاها وقولتلها كل حاجه عني..أنا مريض نفسي..مش مجنون أوي بس أنا ساعات بيتهيألي حاجات محصلتش وأفتكر أنها حصلت وياما وقعت ف مشاكل بسبب كده..كنت خايف لما أقولها تخاف وتبعد عني بس كان لازم أقولها..وهي كمان مخافتش ولا حاجه بالعكس وقفت جنبي وفكرت معاييا أذاي أعدي الأزمه ديه..وف يوم قالتلي أكتب حكاييات كل حاجه أتنا بتتخيلها أكتبها..مكنش فيه ف دماغي حاجه ساعتها..قالتلي أبدأ بس وأنتا هتكمل..جت ف دماغي علي طول فكرة المدونه ديه وأبتديت أكتب وأنا مش عارف أنا رايح علي فين..ولما كانت الأحداث بتقفل معاييا كانت هي بتحلها بس الحل ده بيكون علي حسابها هي وصورتها اللي بتطلع وحشه كل شويه..كانت ف كل مره بتدخل فيها وبتتكلم كنت فعلا ببأه ف ورطه كبيره وهي بتخرجني منها..وأنتهت القصه علي خير والحمد لله...

ودلوقتي لازم نكمل الفكره اللي أبتديناها..المدونه..فكره بسيطه أوي وحلوه أوي..كل واحد فينا أنا وسلمي هيكتب أي حاجه حصلتله أو اي مشكله قابلته أو أي حاجه هو بيتمناها..أي حاجه..بس كده...