رد: محكمه الحب والرومانسيه

من طرف nastooooo1512 السبت يوليو 05, 2008 3:31 pm

سؤال سهل اوى اوى

ربنا يكرمك يا شيكو

نظرتى عن الحب؟

الحب ده اجمل حاجة فى الدنيا واحلى وقت عيشته لما كنت بحب

كانت اجمل ايام حياتى

الحد لما يكون بيحب بيحس انه ماسك الدنيا ومالكها فى ايده

من ناحية حبيت؟
فأنا حبيت

عشته ازاى؟

عادى زى ما كل الناس بتعيش الحب

بالنسبة بقى للعافية مش انا اللى يتقلها عافية يا كرسبو

بس عشان خاطر انت كرسبو ايه يعنى لما تبقى فى عافية

اى خدمة يا باشا

nastooo
live to die

من طرف **Crespowbas** السبت يوليو 05, 2008 4:40 pm

هههههههههههههه

ماشى يا قمر

طب انتى بتحبى لسه يعى عايشه قصه حب

طب لو عايشه بتحبيه ازاى

لو لقدر الله مش عايشه

ممكن تحبى تانى لو حد قالك بحبك

من طرف nastooooo1512 السبت يوليو 05, 2008 4:46 pm

لا يا كرسبو انا مش بحب دلوقتى

او بحبه بس حصل مشاكل بعدتنا عن بعض

ومش ينفع احب بعده هو كان كل حياتى

بعد كده ممكن احل الحد اللى هيجى من الباب ويكون جوزى ان شاء الله

nastooo
live to die

من طرف **Crespowbas** السبت يوليو 05, 2008 4:52 pm

ان شاء الله

يعنى انتى متاكدة انك م هينفع تحبى تانى

ولا بتقولى كدة علشا ترضى ضميرك

طب لو مش هتحبى ايه السبب اللى خلاكى مش هتحبى

من طرف **A.S.Shiko0o0o** السبت يوليو 05, 2008 6:28 pm

طيب اللى يحب لازم يضحى ليه مضحتيش عشان يستمر الحب ده

من طرف nastooooo1512 السبت يوليو 05, 2008 10:35 pm

بص يا كرسبو موضوع الحب ده مش فيه ارضاء ضمير

انا والله كنت بحبه اوى ولسه بحبه

مش ينفع احب تانى عشان مش هلاقى حد زيه

عمرى ما هلاقى حد بيحب زى ما احنا كنا بنحب

كنا بنحب بطريقة مختلفة عن كل الناس

كنت بعرف هيقول ايه قبل ما يتكلم وهو كمان

كنت بحبه بقلبى وعقلى وكل ما فيا

مكناش بنعرف نزعل من بعض

هلاقى فين زيه

وبعدين بجد مش عاوزة احب تانى هو واخد قلبى عنده هحب بأيه برجلى

اما موضوع شيكو بقى فأنا فعلا ضحيت بس متأخر شوية كان هو زهق

هو بصراحة كان جاى على نفسه كتير بس انا ضحيت متأخر

وخسرت الاتنين

الحاجة اللى ضحيت بيها وحبيبى

اسألتكوا صعبة اوى

nastooo
live to die

من طرف **Crespowbas** الأحد يوليو 06, 2008 1:56 am

ولا صعبه ولا حاجه

هو ايه السبب ان حبيبك يبعد عنك

من طرف **A.S.Shiko0o0o** الأحد يوليو 06, 2008 2:05 am

ربنا يعينك على أسالتنا شكلك مجروحه اوى وانا مش هكتر عليكى شان حاسس بيكى ربنا يعوضك خير

من طرف nastooooo1512 الأحد يوليو 06, 2008 2:15 am

شوية مشاكل

وهو مقدرش يستنى شوية لحد ما اضحى بالحاجة التانية

ووقت ما انا ضحيت كان هو قرر انه يبعد

انا بصراحة لو مكانه كنت هعمل كده

بس حبيبى كان طيب اوى ووقت ما بعدنا او واحنا بنبعد شفت كمية قساوة منه غريبة

طلع قاسى اوى

وانا حاولت اجى على نفسى وعلى كرامتى فانى احاول ارجعه ليا معرفتش

فشلت

بس

اختاروا حد غيرى يتسأل مرسى لتعاطفك يا شيكو

nastooo
live to die

من طرف **Crespowbas** الأحد يوليو 06, 2008 4:08 am

احنا اللى نختار ونقول كفايه كدة يا ست ناستو

لازم نخلص ونطلعك برائه او نطلعك مزنبه

لو سمحتى تكملى معانا انا مش هسال غير لما تقوليلى انا موافقه

من طرف nastooooo1512 الأحد يوليو 06, 2008 7:50 pm

موافقة

كمل اسألتك يا سى كرسبو

nastooo
live to die

من طرف **A.S.Shiko0o0o** الأحد يوليو 06, 2008 10:55 pm

ربنا يعينك يا بنتى

من طرف **Crespowbas** الأحد يوليو 06, 2008 11:07 pm

اشطه يا قمر

اكمل بقى

انتى حبيتى كام مرة فى حياتك ؟؟؟؟؟؟؟؟؟؟؟؟؟؟؟؟؟؟

انتى ليه زعلتى حبيبك من الاول وعملتى اللى هو يزعله وبعد كدة بقيتى عاوزة تكسبى رضاه ؟؟؟؟؟؟

انتى بتعرفى تحبى بجد طب وايه دليلك على حبك للشخص اللى كنتى بتحبيه ؟؟؟؟؟؟؟

كفايه كدة دلوقتى

انا عاوز الصراحه يا نستو ومن قلبك بجد تردى

من طرف nastooooo1512 الإثنين يوليو 07, 2008 12:19 am

انتى حبيتى كام مرة فى حياتك ؟؟؟؟؟؟؟؟؟؟؟؟؟؟؟؟؟؟

مرتين

انتى ليه زعلتى حبيبك من الاول وعملتى اللى هو يزعله وبعد كدة بقيتى عاوزة تكسبى رضاه ؟؟؟؟؟؟

والله غصب عنى

انتى بتعرفى تحبى بجد طب وايه دليلك على حبك للشخص اللى كنتى بتحبيه ؟؟؟؟؟؟؟

ايوة طبعا بعرف احب انا مش زعلت حبيبى غير مرة واحدة وزعل مرجعش بعدها

والله كنت بعمله كل حاجة بترضيه

كنت بحبه وهو بيحبنى

كنت بحب اشوف فى عينه نظرة حب عمرى ما شفتها قبل كده

كنت بحبه لما يكون عاوز يقولى حاجة وانا اقولهاله قبل ما يقولها بثوانى

كنت دايما اقوله انت اجمل واغلى حاجة فى حياتى

انا واثقة انه كان بيحبنى وواثقة ان انا اللى غلطت

والله يا كرسبو انا بكلمك بجد انا عارفه انى انا اللى غلطت بس لو يرضى عنى ويرجع ليا والله مش هزعله تانى خالص

والله بحبه

ولا عمرى حبيت غيره

انا قلتله انت اللى فهمتنى معنى الحب قبل كده مكنتش بحب

بجد حسيت معاهمعنى الحب بجد

كفاية كده عشان هو قالى عمرنا ما هنرجع لبعض

nastooo
live to die

من طرف **A.S.Shiko0o0o** الإثنين يوليو 07, 2008 2:32 am

طب لو ممكن يعنى نعرف سبب اللى زعله منك ( الاجابه اختياريه)

من طرف **zantout** الإثنين يوليو 07, 2008 2:40 am

ايه يا جماعة كفاية كدة ع البت

ارحمو من ف الارض يرحمكم من ف السماء

من طرف nastooooo1512 الإثنين يوليو 07, 2008 2:53 am

مش موضوع اختيارية

بجد سؤال صعب اوى

شيكو ارحمنى

عاوزة اجاوب بس مترددة

nastooo
live to die

من طرف **zantout** الإثنين يوليو 07, 2008 3:24 am

انا لو منك متجاوبيش والله انتى الكسبانة العيال دى عالم فاضية

من طرف **Crespowbas** الإثنين يوليو 07, 2008 1:29 pm

تمام يا نستو انتى قولتى عمرة ما يرجع ليكى

طب لو انا رجعتهولك هتعملى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولو خلتينى ادخل وادخلت ورجعتكم توعديى بايه ؟؟؟؟؟؟؟؟؟؟؟؟؟؟؟؟

هو بيعزنى وبيحترمنى وبيعتبرنى اخوة لو صغرتينى انتى وطلعتينى عل اعمل ايه ؟؟؟؟؟؟؟؟

قوليلى ردك على الاساله وانا هحاول

من طرف nastooooo1512 الإثنين يوليو 07, 2008 3:38 pm

ده جميل عمرى ما انسهولك

بس زى ما انا واثقة انى حبيته وهو حبنى واثقة انه مش هيرجع ليا

مش بشكك فى قدراتك بس هو قالى اكتر من مرة مش هنرجع لبعض

لو ده حصل هشيله جوة جوة عيونى وان زعلته تانى يعمل اللى يحبه وانت بأعتبارك اخويا من اليوم حقك تعمل اللى تحبه

بجد يااااااااااريت

nastooo
live to die

من طرف nastooooo1512 الإثنين يوليو 07, 2008 4:54 pm

تعرف يا كرسبو هو كمان نفسوا نرجع لبعض

بس المشكلة انه عنده مشكلة كبيرة اوى

كبريائه وكرامته مش يسمحوله انه يرجعلى او يرجع فى قرار اخده

هى دى المشكلة

nastooo
live to die

من طرف **Crespowbas** الإثنين يوليو 07, 2008 4:56 pm

خلاص اوكش

انتظرى

انتظرى مكالمه

من طرف **A.S.Shiko0o0o** الإثنين يوليو 07, 2008 10:00 pm

شكلك عملتى نصيبه يلا يا عم فاعل خير ربنا يعينك انت وخد ثواب فى الغلبانه دى

ام الكبرياء اللى هيودينا فى داهيه ده

من طرف saso mem السبت يوليو 26, 2008 9:44 pm

اية دة يا جماعة انتو بتتكلمو فى خصوصيات اخرج يعنى
سورى انا دخلت صدفة لاقيت الكلالام دة
مكنش قصدى ادخل يعنى
اسبكو تكملو

من طرف **zantout** الأحد يوليو 27, 2008 3:30 am

هو ف ايه بقى ؟؟؟؟؟؟؟؟؟؟؟

من طرف MIDO HYPER الثلاثاء يوليو 29, 2008 4:11 pm

انا عضو جديد يا جماعه واتمنى ان احنا نكون اصدقاء جامدين
على العموم انا مستعد يا كريسبو لاى محاكمه بس براحه عشان احنا الرجاله ضعاف فى المواضيع دى اوووووووووووووووى
ميدو

من طرف **Crespowbas** الثلاثاء يوليو 29, 2008 5:06 pm

وانا تحت امرك يا ميدو

وعنينا ليك

قولى

عرفنى بنفسك

اسمك
سنك
عنوانك

بتحب
لو بتحب احكلنا عن العلاقه

لو مش بتحب قولنا ايه مشكلتك فى الحب

كفايه دلوقتى اعبال ما تجاوب

رففعت الجلسه

من طرف **zantout** الثلاثاء يوليو 29, 2008 7:37 pm

جلسة ايه يا محمد براحة ع الواد ده تبعنا ولسه جديد

من طرف nastooooo1512 الثلاثاء يوليو 29, 2008 10:54 pm

الدور عليك يا اخ زنتوت بس بعد ما نخلص الاخ الجديد

مش تخاف هتلاقى اسئلة مش تخترلك على بال

معلش مش كنت بدخل لظروف خارجة عن ارادتى

nastooo
live to die

من طرف **zantout** الأربعاء يوليو 30, 2008 2:12 am

hhhhhhhhhhh

u dream

من طرف حبيبى انا الخميس سبتمبر 18, 2008 4:08 am

انا عضوه جديده ونفسى اكون صديقه ليكم
انا اسمى لورينا انا من القاهره
انا نفسى اشترك معاكوا فى الموضوع الجامد ده تسلم الايادى ياكرسبو
بس انا عيزه اسالك ايه معن كرسبو

من طرف **zantout** الخميس سبتمبر 18, 2008 4:34 am

منورة المنتدى كله

و كرسبو هو اللى يرد عليكي احسن

من طرف **Crespowbas** الأربعاء نوفمبر 12, 2008 1:06 am

معلشى هى متاخرة قووووووووووووووووى

بس كرسبو دة
اسم لاعب كورة قدم

اسمه هرنن كربسبو من الارجنتين

بحبه كدة

وبحب لعبه قوووووووووووووووى

علشان كدة انا سميت اسمى

بس

وانتى منورة يا عسل المنتدى

من طرف **Crespowbas** الأحد نوفمبر 30, 2008 1:20 am

فينك يا مريم

ادخلى عرفى نفسك
وكل حاجه عنك الاول كدة علشان نسالك

من طرف **MARYEM** الأحد نوفمبر 30, 2008 1:36 am

اوكشن

انا مريم 19 سنة وفى 2 كلية اداب قسم تاريخ شعبة عامة

كفاية كده ولا ايه

من طرف **Crespowbas** الأحد نوفمبر 30, 2008 2:00 am

طبعا
كفايه
اهلا بيكى الاول

انتى منورة وشرفتى وكنت مستنيكى من زمان

هبدا الاساله

انتى حبيتى وانتى عندك كام سنه؟؟؟؟

من طرف **MARYEM** الأحد نوفمبر 30, 2008 2:06 am

طبعا
كفايه
اهلا بيكى الاول

اهلا بيك ياجميل

انتى منورة وشرفتى وكنت مستنيكى من زمان

انت اللى منور ربنا يخليك

هبدا الاساله

ربنا يستر
انتى حبيتى وانتى عندك كام سنه؟؟؟؟

كنت حوالى 12 سنة كده كنت بالظبط داخلة تانية اعدادى

من طرف **Crespowbas** الأحد نوفمبر 30, 2008 2:09 am

وكنتى عارفه يعنى ايه حب ؟؟؟؟؟؟؟؟؟
طب حبتيه ازاى ؟؟؟؟؟؟؟؟؟؟؟؟؟؟

من طرف **MARYEM** الأحد نوفمبر 30, 2008 2:24 am

وكنتى عارفه يعنى ايه حب ؟؟؟؟؟؟؟؟؟

بامانه مكنتش جربته بس كنت عارفة ان صحابى بيحبوا وكده وكانوا بيحكولى
طب حبتيه ازاى ؟؟؟؟؟؟؟؟؟؟؟؟؟؟

والله ماعارفة انا حبيبته ازاى انا لقيت نفسى دايما ببقى بفكر فيه وبفرح لما بشوفه وببقى مبسوطة اوى لما اعرف انه جايلنا زيارة وفى فترة كان بيجلنا كل يوم وكنت اتعودت على انى اشوفه كل يوم وجه خلاص بقى مبقاش يجى كنت بعيط بالدموع انى مش هشوفه خلاص

من طرف **Crespowbas** الأحد نوفمبر 30, 2008 2:41 am

بامانه مكنتش جربته بس كنت عارفة ان صحابى بيحبوا وكده وكانوا بيحكولى

كانو صحابك يعنى بيحبو قريبهم برضو ولا ناس غريبه

طب كانو بيحبوهم من غير ما يكلموهم
ديه مش اساله متجوبيش عليها يعنى الاساله فى الاخر

طب حبتيه ازاى ؟؟؟؟؟؟؟؟؟؟؟؟؟؟
[quote]

والله ماعارفة انا حبيبته ازاى انا لقيت نفسى دايما ببقى بفكر فيه وبفرح لما بشوفه وببقى مبسوطة اوى لما اعرف انه جايلنا زيارة وفى فترة كان بيجلنا كل يوم وكنت اتعودت على انى اشوفه كل يوم وجه خلاص بقى مبقاش يجى كنت بعيط بالدموع انى مش هشوفه خلاص

[/quote]

دة اسمه اعجاب مش حب
الحب اصله اعجاب لكن الحب عشره فا متقوليش حبيته ديه تانى
لاما بقى كنتى بتعودو انتم الاثنين
وتقوليله ايه اللى بيريحك وهو كذالك بيقولك برضو

وبتكلمو وبتحبو وبتزعلو من بعض وكدة
انتى بتقولى مافيش الكلام دة
يبقى اعجاب مش اكتر

انتم اعتو مع بعض 3 سنين صح ؟؟؟؟؟

عرفتى ازاى انه بيحبك ؟
طب اصلا حسبتى 3 سنين ازاى وابتدى تحسبيها من امته ؟؟؟؟؟؟؟؟؟؟؟
ا

انتى اتخطبتى امته وازاى ولنفس الشخص ؟؟؟؟؟؟؟

جاوبى

من طرف **MARYEM** الأحد نوفمبر 30, 2008 2:58 am

احنا كقرايب كنا بنحكى لبعض وكنا قريبين اوى لبعض وكان فى حد تالت قريب لينا احنا الاتنين وقريبنا برضه وده كان ساعات كتير بقى هو اللى بيقوم بدور الوسطة علشان احنا منكلمش بعض

انتم اعتو مع بعض 3 سنين صح ؟؟؟؟؟
صح
عرفتى ازاى انه بيحبك ؟
طب اصلا حسبتى 3 سنين ازاى وابتدى تحسبيها من امته ؟؟؟؟؟؟؟؟؟؟؟

انا الاول كنت معجبة بيه بس فى سرى طبعا ولا بينتله خالص وكان فى ارتياح لما نتكلم مع بعض وحسبت ال 3 سنين اول ماقالى بحبك

عرفت انه بيحبنى لما اتغير كتير اوى علشانى وكان اى حاجة بتضايقنى وهو عارف انها بتضايقنى مش بيعملها واتاكدت من انه بيحبنى لما حكيت لماما وهو كمان بعديها جه وقالها انه بيحبنى معتقدش هيكون بيتسلى وهيقول لماما

انتى اتخطبتى امته وازاى ولنفس الشخص ؟؟؟؟؟؟؟

مكانتش خطوبة كانت قراية فاتحة علشان كان سنى صغير وكنت ثانوية عامة اتخطبت وقبل مادخل تانية ثانوى 16/9/2004اه اتخطبت لنفس الشخص ازاى دى بقى كان عندنا فرح اخوه واخوه متجوز قريبتى وكانوا كلهم عندنا قبل الفرح بيوم وقالى مريم لو فستانك معجبنيش وكان عريان هسيب الفرح وامشى كان قدام اختى وبقيت قرايبنا البنات قولتله وانت بتكلم كده بصفتك ايه سبنى ونزل ولما روحوا خالى اتصل بينا وقال لماما احنا عاوزين نخطب مريم لاحمدواول كلمة قالهالى تانى يوم فى الفرح من حقى دلوقتى انى اتكلم على فستانك وليا صفة وبس ياسيدى (للعلم الخطوبة اتفركشت مكملتش )

من طرف **Crespowbas** الأحد نوفمبر 30, 2008 11:19 pm

هههههههههههههههههههه

دلوقتى يا مريم انتى قولتيله صفتك ايه ليه ؟؟؟؟؟؟؟
طب انتى مقتنعه كدة انكم مكنتوش بتعملو حاجه غلط طول 3 سنين؟

مريم

ايه رئيك لو قولتلك مافيش حب الا بالعشرة علقيلى على الجمله ديه وايه رئيك فيها ؟؟

هما المرتبطين من وجه نظرك بيبقى ازاى وبيفرقو ايه عنك؟؟؟؟؟؟؟؟؟

من طرف **MARYEM** الإثنين ديسمبر 01, 2008 12:37 am

هههههههههههههههههههه

اضحك اضحك Twisted Evil

دلوقتى يا مريم انتى قولتيله صفتك ايه ليه ؟؟؟؟؟؟؟
طب انتى مقتنعه كدة انكم مكنتوش بتعملو حاجه غلط طول 3 سنين؟

اه مقتنعه انى مكنتش بعمل حاجة غلط ازاى غلط بقولك قرايب دلوقتى انت معندكش بنت عم بنت خال اى حد يقربلك بنت مش بتقعد معاها وبتكلم معاها عادى وبتحس انك بترتاحلها فى الكلام ده غلط ؟؟؟؟

مريم

ايه رئيك لو قولتلك مافيش حب الا بالعشرة علقيلى على الجمله ديه وايه رئيك فيها ؟؟

علشان احب حد اصلا لازم اكون عارفة طباعه ايه انا مش هحب حد علشان امور ولا شكله لفت نظرى وعجبنى ومدام هنعرف طباع بعض اكيد هتبقى فى علاقة بينا قرابة صداقة جيرة ( والعلاقة دى هى العشرة ) لانى بعاشره هنا كقريب او صداقة او جيرة فبيبقى الانسان بيتعامل بطبيعته مش بيحاول يتجمل لكن مش العشرة انى كل يوم والتانى معاه على الكورنيش وبناكل ترمس وعايشين حياتنا وبكده اننا نتعرف على بعض

هما المرتبطين من وجه نظرك بيبقى ازاى وبيفرقو ايه عنك؟؟؟؟؟؟؟؟؟

اول حاجة بيبقى ناوى يتقدم بجد على الاقل يكلم مامتها ولو ظروفه متسمحش يجيب دبلة او خاتم او كده فى حاجة اسمها ربط كلام ومتقوليش مبيحصلش والارتباط مش بالخروج وبحبك وكل شوية نتكلم فى التليفون الحب فعل انا بحب الحد ده يبقى اثبتله بافعالى انى بحبه
لا بيفرقوا احنا مفيش مرة خرجنا مع بعض لوحدنا لو خرجنا بتبقى خروجة عائلية وفى مناسبة عادى زى اى قرايب لما بيخرجوا فى عيد مثلا ومفيش مرة اتكلمنا فون غير لو رديت عليه صدفة وهو بيتصل فى البيت ومقولتلوش بحبك غير يوم ما حط خاتم قراية فاتحته فى ايدى لكن دلوقتى فى اتنين مرتبطين ماقلتلهوش على الاقل بحبك ولا كل يوم والتانى مع بعض والتليفونات على طول صح ولا لا ده غير طبعا بحبك ووحشتينى والكلام ده

من طرف **Crespowbas** الثلاثاء ديسمبر 02, 2008 3:06 am

لو مكنتوش قرايب وكنتى انتى بتحبيه ومافيش مواقف تجمعكم ببعض هتنكو متشوفوش بعض ولا تكلمو بعض ؟؟؟؟؟؟؟؟؟؟؟؟

انتى ليكى اصحاب مرتبطين ارتباط غير رسمى ؟؟؟؟؟؟؟

طب طول 3 سنين بتتقابلو .......ومفيش مرة قولتيله يا (...) متعملشى كذا عليان بضايق
طب هو مقلقيش يا مريم انا مش بحبك تعملى كدة ؟؟؟؟

من طرف **MARYEM** الثلاثاء ديسمبر 02, 2008 3:19 pm

لو مكنتوش قرايب وكنتى انتى بتحبيه ومافيش مواقف تجمعكم ببعض هتنكو متشوفوش بعض ولا تكلمو بعض ؟؟؟؟؟؟؟؟؟؟؟؟

اه اكيد مكنتش هشوفه ولا اكلمه

انتى ليكى اصحاب مرتبطين ارتباط غير رسمى ؟؟؟؟؟؟؟

اه

طب طول 3 سنين بتتقابلو .......ومفيش مرة قولتيله يا (...) متعملشى كذا عليان بضايق
طب هو مقلقيش يا مريم انا مش بحبك تعملى كدة ؟؟؟؟

لا مقولتلوش كده لانه مكنش بيعمل حاجة تضايقنى على الاقل قدامى
مكنش يقولى بحبك تعملى كده كان مريم انا شايف متعمليش كده وبرضه انتى حره براحتك وساعات بقى لما نحب نستفز بعض نعمل اللى بيضايق بعض

من طرف **Crespowbas** الثلاثاء ديسمبر 02, 2008 6:15 pm

اه اكيد مكنتش هشوفه ولا اكلمه

طب كنتى هتحبيه ازاى ؟؟؟؟؟؟؟؟( مش انا وانتى اتفقنا ان
الحب عشرة وانتى واللى بتحبيه كنتو قرايب فكنتو قريبين من بعض بحكم
القرابه وكده وعلشان كدة حبيتو بعض علشان كانت ظروفكم كويسه وتتيح ليكم
انكم تشوفو بعض قدام الناس كلها عادى )

هو انتى لسه بتحبى ؟

انتى ليكى اصحاب مرتبطين ارتباط غير رسمى ؟؟؟؟؟؟؟

اه

بيحبو بعض ازاى ؟( وهاتيلى مثال ونبى )

لا مقولتلوش كده لانه مكنش بيعمل حاجة تضايقنى على الاقل قدامى

هو عارف كمان اللى بيضيقك واللى مش بيضيقك ؟؟؟؟؟؟؟؟؟؟

اه

فهمتك انتى قصدك يعنى مايشربشى سجاير قدامك

مايكلمشى بنات وانتى اعدة

يهزر مع بنات العيله بس فى حدود وانتى اعدة

مش انتى قصدك على الحاجات ديه ولا اقصدك على ايه ؟؟؟؟؟؟

مكنش يقولى بحبك تعملى كده كان مريم انا شايف متعمليش كده وبرضه انتى حره براحتك

هو كان بيقولك كدة على ايه مثلا
اه فهمت
يعنى الفستان دة وحش عليكى وانتى حرة برضو
يقولك مثلا زاكرى يا مريم وانتى حرة برضو
هو كان بيقولك كدة
ولا كان بيقول ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وساعات بقى لما نحب نستفز بعض نعمل اللى بيضايق بعض

بتستفزو بعض ازاى بحاجات
اه فهمت
لا لا لا لا لا لا لا لا

ديه بقى اللى انا مش فاهمها
ايه هى الحاجات اللى بتخليكو تستفز بعض ؟؟؟؟؟؟؟؟؟؟؟؟؟؟؟؟؟؟؟

من طرف **MARYEM** الثلاثاء ديسمبر 02, 2008 7:06 pm

طب كنتى هتحبيه ازاى ؟؟؟؟؟؟؟؟( مش انا وانتى اتفقنا ان
الحب عشرة وانتى واللى بتحبيه كنتو قرايب فكنتو قريبين من بعض بحكم
القرابه وكده وعلشان كدة حبيتو بعض علشان كانت ظروفكم كويسه وتتيح ليكم
انكم تشوفو بعض قدام الناس كلها عادى )

قبل ما هتحب اكيد اكيد هتكون اتعاملت معاه الاول ( صداقة او جيرة او قرابة او حد معرفة حد ) المهم هيكون فى تعامل خلاك تحبه مش اول مرة تشوفه هتحبه
هو انتى لسه بتحبى ؟

مش فاهمه قصدك scratch

بيحبو بعض ازاى ؟( وهاتيلى مثال ونبى )

بيحبوا بعض بالطريقة اللى عجباهم ومقتنعين بيها

المثال :- عندى واحدة صحبتى بتحب واحد زميلنا بس فى كلية تانية معانا فى المجمع برضه واكبر مننا بس هو سنة 4 بيتقابلوا كل يوم وبيكنسلوا محاضراتهم وبيفضلوا طول اليوم مع بعض بيتمشوا فى الكلية وساعات يروحوا على البحر وكده

هما حرين مش هحكم على تصرفاتهم

هو عارف كمان اللى بيضيقك واللى مش بيضيقك ؟؟؟؟؟؟؟؟؟؟

ايون

اه

فهمتك انتى قصدك يعنى مايشربشى سجاير قدامك

مكنش بيدخن

مايكلمشى بنات وانتى اعدة

لا بيكلم بس فى حدود
يهزر مع بنات العيله بس فى حدود وانتى اعدة

ايون

مش انتى قصدك على الحاجات ديه ولا اقصدك على ايه ؟؟؟؟؟؟

اه

هو كان بيقولك كدة على ايه مثلا
اه فهمت
يعنى الفستان دة وحش عليكى وانتى حرة برضو

ساعات
يقولك مثلا زاكرى يا مريم وانتى حرة برضو

لا المذاكرة كنت مش بقصر وكان ساعات بيذاكرلى
هو كان بيقولك كدة
ولا كان بيقول ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اه وكان مثلا فى حد من قرايبنا يقولى مريم متتكلميش معاه كتير وانتى حره انا بس بقولك متهزريش مع فلان كده يعنى وكان بيحدد اتنين من قرايبنا بالاخص

بتستفزو بعض ازاى بحاجات
اه فهمت
لا لا لا لا لا لا لا لا

ديه بقى اللى انا مش فاهمها
ايه هى الحاجات اللى بتخليكو تستفز بعض ؟؟؟؟؟؟؟؟؟؟؟؟؟؟؟؟؟؟؟

فهمت ولا مش فهمت

اقولك ساعات كتيييييييير كنا بنناكف فى بعض عادى غتاتة قرايب بقى فكان نتعمد نستفز بعض يعنى اشوف فلان اللى قالى متكلمهوش واتعمد اكلمه واهزر معاه رخامة وهو يقوم راددهالى الاقيه مسك التليفون وازيك يافلانة وحشانى والله والحركات دى بقى

من طرف **Crespowbas** الأربعاء ديسمبر 03, 2008 1:39 am

انهاردة اجازة علشان تفكى منى شويه وبكرة نكمل

بس على فكرة انتى بنت زى العسل

واوعى تزعلى منى ...انا بس عاوز اوصلك لحاجه وخلاص

على فكرة يا مريم كل واحد بيحكم على ظروفه بس

وبيحرم ظروف ناس تانيه مفروض عليهم انهم يعيشو كدة

اه صحيح

انا على فكرة مش بشوفها كل يوم وكدة
دة سعات مرة فى الاسبوع او كل اسبوعين على حسب
والتلفونات يعنى

فانا مش برضو بخرج كل يوم ومقضيها لف وكدة على ادى يعنى

بس الصراحه انا اتمنى اشوفها كل شويه

وهقدر برضو احافظ عليها واصونها

وكمان عاوز اوصلك حاجه ........الدنيا كلها عارفه انى بحب فلانه فا مش بنحب بعض من ورى الناس يعنى لاننا مش بنشوف بعض كتير

وهكمل الاساله بكرة

علشان احكم عليكى واقولك رئى بقى وتشوفى انا عرفت افهم دماغك ولا ايه

من طرف **MARYEM** الأربعاء ديسمبر 03, 2008 1:51 am

انهاردة اجازة علشان تفكى منى شويه وبكرة نكمل

هييييييييييييييييييييييه اخدت اجازة Very Happy

بس على فكرة انتى بنت زى العسل

شكرا شكرا

واوعى تزعلى منى ...انا بس عاوز اوصلك لحاجه وخلاص

ربنا مايجيب زعل ياجميل

على فكرة يا مريم كل واحد بيحكم على ظروفه بس

وبيحرم ظروف ناس تانيه مفروض عليهم انهم يعيشو كدة

امممممممم ممكن برضه

اه صحيح

انا على فكرة مش بشوفها كل يوم وكدة
دة سعات مرة فى الاسبوع او كل اسبوعين على حسب
والتلفونات يعنى

امممممممممم حو مش اوفر يعنى

فانا مش برضو بخرج كل يوم ومقضيها لف وكدة على ادى يعنى

بس الصراحه انا اتمنى اشوفها كل شويه

وهقدر برضو احافظ عليها واصونها

كلام جميييييييييل

وكمان عاوز اوصلك حاجه ........الدنيا كلها عارفه انى بحب فلانه فا مش بنحب بعض من ورى الناس يعنى لاننا مش بنشوف بعض كتير

كويس بس برضه لما تبقى فلانة لابسة دبلتك هيبقى احساسها مختلف وربنا يكملك على خيييييييييييييير

وهكمل الاساله بكرة

ان شاء الله

علشان احكم عليكى واقولك رئى بقى وتشوفى انا عرفت افهم دماغك ولا ايه

وانا مستنية رايك واشوفك عرفت تفهم دماغى ولا ايه

من طرف **Crespowbas** الأربعاء ديسمبر 03, 2008 2:09 am

ان شاء الله هكون قدرت افهم دماغك

وان شاء الله هعنلبس برضو الدبل قريب

بس كله على الله ولما الظروف تسمح هلبس على طوووول من غير ما افكر لانى اتجننت خلاص

اشوفك بكرة بقى بس مش هتكونى فى القفص هتعدى عل كرسى واسالك

هتختار مين يكون معانا فى المحكمه