رد: محكمه الحب والرومانسيه

من طرف **little angel** الأربعاء ديسمبر 05, 2007 10:03 pm

ليه يا سيادة القاضى مش مقتنع أنى محبتش الحاجات اللى انت قريت منها شوية دى أنا بكتبها من وأنا ف ثانوى وطبعا مكنتش بحب ساعتها بس هقولك على حاجة ساعات اللى بيدور ع الحب بيبقى حاله أصعب من اللى لاقاه الحب قصدى بيحس بالحب أكتر وصدقنى أنا بيكفينى كلمة بحبك من واحدة صحبتى من ماما او بابا المهم احس انها طالعة من القلب وكفاية عليا اشوف الحب ف عيون الناس زيك كدة لما باشوف حبك لحبيبتك صدقنى بابقى ف منتهى السعادة

ثانيا مواصفاتى (طبعا يكون طويل انت عارف بقى هههههههههه)
ويكون رومانسى وجد ف نفس الوقت ولازم اكون اول حب ف حياتة ويكون طموح جدا جدا ويكون طبعا من عيلة محترمة ويكون بيعشقنى مش بيحبنى وبس ويكون طبعا متدين ويراعى ربنا فيا وتكون احلامنا واحدة وياريت لو كانت عنيه حلوة احم احم

من طرف **Crespowbas** الأربعاء ديسمبر 05, 2007 10:29 pm

برضو ما جوبيش

وسوف تاعقبين مرة ثانيه لانك بتخلفى قوانين المحكمه

وهى التحوير والالتفاف على المستشارين

انا كنت سالتك سؤال
بيقول
لو حد جيه قالك انا بحبك وكان فعلا بيحبك هتقوليه ايه وهيكون رد فعلك
(راى لو كان فى سننا ما توفقيش علشان صعب الجواز)

وكان شاريكى بس قدامه شويه اعبال ما يجى البيت
هتكلميه

ولو حسيتى انه بحبك من قلبه

هيكون ردك ايه

ثانيا

ايه معنى الحب بالنسبالك وايه اكتر حاجه بتحبيها فى الحب

من طرف **little angel** الأربعاء ديسمبر 05, 2007 10:47 pm

بص يا كرسبو الحب مش كلمة الحب فعل وانا عمرى كدة ماهصدق حد يجى يقولى انا بحبك لان الكلمة دى سمعتها كتيييييييير قبل كدة وطبعا مكنش ولا حد فيهم حب بجد بس كان معجب هاحس بجد انه بيحبنى اكيد من فعله واكيد هيكون دة الشخص اللى يستاهل انى اكمل معاه عمرى بس اكيد مش هارتبط بيه غير لما يجى البيت ويتقدم ممكن بس اديه وعد انى هستناه

وبحب ف الحب الحب نفسه بحب فيه الوفاء و الاخلاص والعشق والتضحية وبكره فيه الجرح والخداع والانانية والحب بالنسبالى يعنى بيت صغير وعش جميل مبنى بالحب ويكبر بالحب

من طرف **Crespowbas** الأربعاء ديسمبر 05, 2007 11:04 pm

يا واد يا جامد انت

اه نسيت دنا قاااااااضى مش مفروض اهزر

ما علينا
لقد لاحظ سيتى وانا القاضى انكى بنت زى السكر فى كلامك وبتحبى الحب كمان بس

ليه سؤال
لو فعلا واحد كويس وجيه اتقدملك وانتى حسيتى انه بيحبك واهلك مش حبينه ورفضينه

اى التضحيه اللى هضحيها لو انتى حبتيه كمان؟

ما تقوليش ان اهلك مش هيرفضوه علشان ما يزعلكيش

انا بقولك افرضى لابعد الحدود

من طرف **little angel** الأربعاء ديسمبر 05, 2007 11:57 pm

لا طبعا هافرض ودة احتمال وارد جدا بس لو انا فعلا حبيته وحبيته بجد يبقى هاعشقة واستحاله هاتجوز غيره وطبعا مافيش واحدة بتتجوز غصب عنها مهما كانت الظروف واكيد لو بحبه هقدر اقنع اهلى بيه وانشغل باى حاجة لحد مايقدر يثبت نفسه ويبقى قد المسؤلية ونتخطب رسمى

من طرف **ahmedelamir64** الخميس ديسمبر 06, 2007 2:36 am

نعتذر عن الغياب عن بدايه المحاكمه
لكن بعد الاطلاع علي ما سبق من القضيه
وجد ان هناك حكمين من القاضي ولم يتم تنفيذ اي منهم
ولذا سيتم استجوابك علي هذا السوال
وان لم تكن الاجابه مقنعه سيتم تنفيذ العقوبه علي هذه الاحكام (بسبب اخطاك في المحكمه)
اما اذا كانت الاجابه مقنعه سيتك العفو فقط علي العقوبات السابقه واستكمال استجوابك دون عقاب
(عشان احنا بلديات بس) مش هتتكرر تاني

ايه الصفه اللي ممكن تشوفيها في ولد وتخليكي تقرري انك تكوني مستنيه انه يقرب منك؟
ايه اسباب خوفك من الحب؟

انا بقصد حب بمعني حب
مش اعجاب وربنا يسهل ونستني انه يكون حب
عشان اكيد مفيش بنت ممكن ترضي بولد عشان معجب بيها
ووعي تنسي تقولي والله اعظيم هقول الحق
بلاش الذكاء في الاجابه علي الاساله والهروب منها بطريقه غير مباشره

من طرف **little angel** الخميس ديسمبر 06, 2007 5:54 pm

أولا دول سؤالين مش سؤال واحد والمفروض يا سيادة المستشار تاخد لفت نظر (بس برضه هسامحك عشان بلديات هههه) وهجاوب بص يا سيدى الصفة اللى ممكن تخلينى احب الشخص جديته يعنى يكون جد ف كلامه ف طريقة تفكيره مش معايا لوحدى مع الناس كلها ويتصرف ف المواضيع بمنتهى الحكمة يعنى يكون حكيم وعاقل وليه بخاف من الحب لان الحب ممكن يجيب جرح وفراق وانا على راى محمد فؤاد مابقتش حمل جرح وممكن عشان فعلا مش بفكر غير ف الدراسة واصحابى بس ف مش فاضية افكر ف حاجة تانية ولانى متأكدة انى لسه صغيرة

من طرف **Crespowbas** الخميس ديسمبر 06, 2007 9:44 pm

المستشار احمد لم بتعدى على قوانين المحكمه ولكن انهو من اهو مستشارين فى هذه المحكمه
ولقد اعجبنى كثيرا باسالته (واد روش)

ولقد قررنا سيتى محمد باشا
قاضى هزة المحكمه

ان اسالك سؤال

وزى ما احمد ما قال (تحوير)

امته تعرفى انك بتحبى بجد مش مجرد اعجاب؟

وهل الحب عذاب زى ما بيقولو؟

قولى والله العظيم اقول الحق
ولا سوف يحزف ايجابتك
فورا

ويتدخلى القفص لمدة غير معلوم

ولقد اعزر من انزر

وشكرا على حسن استماعكم

من طرف **little angel** الجمعة ديسمبر 07, 2007 12:25 am

أولا يا سيادة القاضى (محمد باشا) شكلى هدخلك انت السجن دة بسبب اسألتكلان يعنى هعرف منين دة حب ولا اعجاب اكيد دى حاجة بتاعة ربنا واكيد ساعتها قلبى هيدلنى وثانيا الحب عذاب ولا لا اكيد انا لسة معرفش ولما اعرف هجاوبك وياريت تسأل أسئلة ليها اجابة عندى واه هو انا ممكن اوكل محامى؟

من طرف **Crespowbas** الجمعة ديسمبر 07, 2007 2:48 pm

لقد قرر (محمد باشا)
كما تطلقين عليه انا يجواب هو على الاساله التى سوف تدخلينه السجن علشانها
لانها اساله عاديه خالص خالص ممكن اى انسان يجاوب عليها يا متهمه(يا استاذه موده)

اولا بالنسبه هتعرفى ان ده حب ولا اعجاب

هقولك
انتى الانسان دة ممكن تضحى علشانه ممكن تعملى اى حاجه علشانه بتزعلى لما
يبعد عنك فى عشره ما بينكم كلمتم بعض كتير وبقيتو واخدين على بعض مش
متخيله انك ممكن تعيشى من غيرة بتسمعى كلامه بتاخدى برايه ما بتقدريش
تزعليه ولو زعلتيه ما تقدريش تباتى وهو زعلان منك حتى لو دة هيجى على
كرمتك وتتنزلى شويه وتقوليه انا اسفه
وكمان هتعملى اكتر من كدة

بس مش متذكر حاليا

دة كله يبقى انتى بتحبيه مش اعجاب
والاعجاب طبعا هيكون عكس دة

اما بالنسبه للحب عذاب ولا لا

اكيد عذاب لما يحصل حاجه ما بينكم

هتبقى مش طيقه تعدى ومش عارفه تعملى حاجه ومش عارفه تفكرى

دة لو بتحبى بجد

من الاخر اجابه السؤالين واحدة
بس اللى يفكر يا مودة

ما علينا

وشكلك كدة هتخدى حكم مش ولا بد فى المحكمه لو معدلتيش نفسك وفكرتى وخرجتى اللى جواكى بدون احراج

علشان مش هينفع تدارى اللى جواكى لاما هيكون دة فى صلحك
ولقد اعزر من انزر(السجن مدى الحياه يا امورة)

سؤالى اللى بعد كدة

وجاوبى عليه وفكرى فيه

هل تؤمنى بحب الاول نظرة ؟

لوكنتى بتحبى ايه اكتر حاجه هتعمليها علشان تثبتى حبك دة للى بتحجبيه؟

من طرف **little angel** الجمعة ديسمبر 07, 2007 3:23 pm

معلش يا محمد باشا ياريت والنبى ماتدليش حكم مدى الحياة انا مش حمل السجن (ربنا يخليلك حبيبتك)

وانا والله العظيم اقول الحق انا مؤمنة جدا جداااااااااااااااااااااااااااااا بالحب من اول نظرة وانا لو حبيت بجد هدى لحبيبى كل اللى يقدر يسعده هاسمع كلامه واحسسه انى بنته المطيعة وحبيبته الوفية مش هسامح نفسى ابدا لو زعل ف يوم وكنت انا السبب عمرى ما ابيته متضايق حتى ولو مش منى احسسه دايما انه افضل انسان عشان دة يديله الطموح والدافع انه يحقق احلامه اقف جمبه ف كل مواقفه اديله الحنان اكونله ام لما يكون وحيد والعشيقة لو كان متضايق والحبيبه لما يكون فرحان اكونله مروحة ف الحر ودفاية ف عز الشتا ويارب اخد حكم بالبراءة بقى او حتى اطلع بكفالة لان سجنكو بيخوفنى قوى وانا مش حمل بهدلة

من طرف **ahmedelamir64** الجمعة ديسمبر 07, 2007 5:33 pm

عند الاقتراب من النطق بالحكم
(ان شاء الله بالسجن)
نحتاج نحن المستشار
اللي مزيد من الاستفسارات
وجواب يكون نابع من القلب (دون خجل)
انتي ممكن تدوري علي الحب؟
بغض النظر عن اجابه السوال الاول
لو حسيتي انك بتحبي حد وهو قريب منك وحاسه انه بيحبك ممكن تصرحيه انتي بحبك؟
مع الاخذ بالاعتبار انك عرفه ان هيكون بينكوا قصه حب ناجحه جدا
يعني ممكن بسب الخوف علي كرمتك تضيعي حبك
اوعي تنسي تقولي والله العظيم هقول الحق

من طرف **little angel** السبت ديسمبر 08, 2007 7:26 pm

لا خالص انا مش من الناس اللى ممكن تجرى ورا اى حد بسبب انها حسيت انها بتحبه الحب بيجى لوحدة بيجى لو بصيت ف عين حد وعرفت من قلبى ان هو دة الشخص اللى بتمناه بيجى من كلمة اى كلمة قالها قدامى قلبى كلو يتنفض واكيد هستنى الحب دة لحد ما يجيلى

وبالنسبة للسؤال التانى انا من طبيعتى استحااااااااااااااااااااااااااااااااااااااااااااااااله اقول لاى حد انى بحبه حتى ولو كنت ميتة فيه ممكن كسوف خجل زايد احراج ممكن المهم انه استحاله حتى ولو هو فعلا الشخص اللى عايزاه ييجى يقولى ياما لا لا لا وخرجووووووووووووووونى بقى

من طرف **Crespowbas** الأحد ديسمبر 09, 2007 6:55 pm

عنيا هقولك الحكم بس اخر سؤال تجوبى عليه وهنطق الحكم على طول

خليكى فكرة انتى واحمد اللى هيسالو

اوك

انا اللى هدخل لو ما فيش حد رشح نفسه انه يخش

سؤالى قبل الحكم

لو كنتى بتحبى (افتراض ) ايه اكتر حاجه هتعمليها تقولى لحبيبك انك بتحبيه (قولى اللى ممكن تعمليه لو كنتى بتحبي وما تتهربيش علشان دة سؤال عادى )

والحكم بعد المداوله مستنين ردك

من طرف **little angel** الأحد ديسمبر 09, 2007 7:54 pm

اكيد هحاول دايما احسسه بحبى واقف جمبه وهاسمعة واناقشه واكونله الصديق الوفى اللى لما بيتخنق من الدنيا كلها او يحس انه وحيد هو الوحيد اللى حاسس بيه وطبعا هاحسهه بكلامى وتصرفاتى ومخليهوش يشك للحظة ان حبى قل

وياااااااااااااااااااارب تتسجن بقى عشان اعمل فيك حاجة ولو نص اللى عملته فيا

من طرف **Crespowbas** الأحد ديسمبر 09, 2007 8:38 pm

لقد قررنا نحن قاضى القضاه فى هزة المحكمه
ببرائه المتهمه اعلاة (المدعوة سادو )بنت عمو
ان يخليى سبيلها من الاساله المنسوبه اليها

وقد قرننا بررائتها
ولقد ثبت من الادله اللى قدامى انها بنت حساسه جدا جدا(صدقونى انا اتاكدت)
ورمانسيه جدا جدا بس بتحاول تدارى علشان ما فيش حد يقع فى حبها زى اللى فاتو ( وهم كثيرون)

ونشكرها على طول بلها معانا

ولقد قررنا نحن القاضى

ضبط واحضار المدعو agm

الى المحكمه وتقديم نفسه للعداله
كما قررنا نحن القاضى
ان اتنحى عن منصبى مؤقتا للمستشارين
حيث ادخل فى قفص الاتهام مع المدعو اعلاه

واى حد من حقه يسالنى اساله
وطبعا اى واحد فى القفص هيرد على الاساله المطروحه تمام يا شباب

وشكرا

من طرف **HAMADA** الأحد ديسمبر 09, 2007 8:44 pm

من الامبراطور الى الاخ العزيز كرسبو
ارى انا المحكمه لا تتألف من 2قضاه فحسب (( يابا احنا مش فى محكمه اسره))هههههههههههه
لذك وبعد دراسه مع مديرين اعمالى (( زى مانتا عارف هما كتير ))هههههههههههههه
انا قررت اكون معالك بس اوعى تفتكر انى انا ممكن اكون اللا قاضى ومش اى قاضى رئيس محكمه انت عارف دا لو ابويا عرف يقتلنى بس لو مش هاينفع خلاص خليها قاضى قاضى ياللا
بس والنبى والنبى ماتقول لابويا استر عليا الله يستر عليك هههههههههههههههههههههه
يالا سلالالالالالالالالالالالالالالالالالام

من طرف **Crespowbas** الأحد ديسمبر 09, 2007 8:53 pm

ماشى يا عم حمادة
اتفضل اسال لو عاوز يعنى

بس مش هتكون قاضى
هتكون مستشار لو عجبك يعنى

وفين الاساله يا جماعه

واحب اعرفكم بنفسى

انا اسمى
محمد

18 سنه
من بنها

من طرف **ahmedelamir64** الأحد ديسمبر 09, 2007 10:31 pm

بعد طول الانتظار
سيتم استجواب المداعي كرسبو عن قضيته الاولي والاخيره في حياته (الحب)
ايه معني الحب من وجه نظرك؟
وايه المواصفات اللي كنت تتمانها في حبيبتك؟
اوعي تنسي تقول والله العظيم اقول الحق
ماحوظه (لن يتم مراعاه ايه وظاف سابقه يعني انسي انك كنت قاضي واحترم قواعد المحكمه)
لعدم وضعك تحت المساله القانونيه

من طرف **HAMADA** الأحد ديسمبر 09, 2007 11:20 pm

((اسأل انا))
احلف يميتك ارفع دراعك ورد على اسالتى
س_ايه الحاجه اللى شدتك لحبيبتك ؟
س_ايه الحاجه اللى ممكن تشدك لاى وحده عامتا؟
س_لو طلعت حبيبتك بتحب حاجه انت بتكرهه ((بتكرهه فعلا)) هاتعمل معاها ايه ؟
دى كانت الفقره الاولى من الاساله ورد وماتنساش تحلف

من طرف **Crespowbas** الإثنين ديسمبر 10, 2007 12:49 am

[

size=24]ايه معني الحب من وجه نظرك؟[/size

]

بسم الله الرحمن الرحيم
والله هقول الحقا

معنى الحب : الحب دة احلى حاجه فى الدنيا بعد طاعة ربنا عز وجل

الحب دة يعنى سعادة يعنى خوف على اللى بتحبه يعنى قلق لما يغيب عن
عينك لحظه

الحب دة يعنى عشرة ما تبقاش مستحمل انك يعدى عليك يوم من غير ما تشوفه او
حتى تكلمه

الحب دة احلى حاجه فى الدنيا لما الواحد بيحب بجد بيبقى مبسوط جدا وحاسس
ان الدنيا كلها حلوة
يا سعت الباشا لو احنا حبينا حب بجد هتلاقينى كلنا بنخاف على بعض وما فيش حد هيزعل من بعض

الحب يعنى تحافظ على اللى معاك ومتفرطشى فيه وبذات لو كان بيحب وتراعى
ربنا فيه علشان هو

يراعى ربنا فيك ويحافظ عليك فى غيابك يعنى لازم تعمل اللى انت ما ترضهوش
عليه علشان هو يعمل
اللى يرضيك فى الاخر.

الحب يعنى كل حاجه جميله حولينا فلازم نحافظ عليها ومنفرتشى فيها. lol!

وايه المواصفات اللي كنت تتمانها في حبيبتك؟

هقولك

انا لو لاقى فيها عيب مش هععرف احبها الحب اللى بحبها دلوقتى حتى لو كان
فيها حاجه وحشه انا شيف الحاجه الوحشه اللى فيها ديه حاجه حلوة قووووووووى

ثانيا انا مش مخترها علشان مواصفات وانها حلوة وجميله والكلام الفارغ دة
انا مختارها علشان تحافظ عليا فى غيابى
ومختار وحدة تدينى حبها زى منا هديها حبى

من الاخر انا بحبها كلها على بعض
وبتهيقلى انا مش شايف فيها حاجه ناقصه بالعكس
الحمد لله هى عندى احلى واحدة فى الدنيا بحلها

صدقنى يا سعادة المستشار هو دة الحق
والله العظيم الحق

البنت ديه لو اعت اوصف فيها مش هدلها حقها علشان كل يوم الاقى فيها حاجه حلوة غير الثانيه
وربنا يكرمها حتى لو انا مكنتش من نصبها
اكيد ربنا هيكرمها علشان هى بنت كويسه
وان شاء الله هتكون من نصيبى

من طرف **Crespowbas** الإثنين ديسمبر 10, 2007 12:59 am

س_ايه الحاجه اللى شدتك لحبيبتك ؟

بس الله الرحمن الرحيم
والله العظيم اقول الحق
الحاجات اللى شدتنى ليها كتير يا فنان
اولا زى ادبها حاجات تانيه كتير
والحاجه الحلوة
انى حفيت علشان اعرف اكلمها

يعنى عملت حاجات كتير قوووووى علشان اعرف ابصلها بس واحس منها انها شيفانى وانا ببص عليها
بجد اعت كتير قوى علشان تعرف انى نفسى ارتبط بيها
وبعد دة كله موفقتشى
ودة شدنى اكتر ليها

وصممت انى بحبها ومش ممكن مكلمهاش وكدة
والحمد لله هى معايه دلوقتى وخليانى مش هقولك اسعد واحد فى الدنيا

س_ايه الحاجه اللى ممكن تشدك لاى وحده عامتا؟

تشدنى انى اروح اكلمها وكدة

بيتهيقلى ما فيش حاجه تشدنى فى البنت غير ادبها واحترمها لنفسها
وانا بحترم البنت اللى بتحترم نفسها بالادب والزوق.

س_لو طلعت حبيبتك بتحب حاجه انت بتكرهه ((بتكرهه فعلا)) هاتعمل معاها ايه ؟

لا لا
طبعا هحبها علشانها انت بتكلم فى ايه
انت بتقول حبيبتك
الكلمه ديه كبيرة يا حمادة
لازم غصب عنى احبها ولو مش هعرف احبها
هى من نفسها هتكرها علشان انا بكرها مش بنحب بعض

من طرف **ahmedelamir64** الإثنين ديسمبر 10, 2007 1:29 am

ايه الكلام الجامد ده
تعرف انه لو كان مع قاضي تاني
كان ممكن يديك البراءه من اول جلسه
بس لسه في كتير (لسبب هقولهولك عند النطق بالحكم)اعدام علي فكره انا بقولك الحكم مسبقا
انت ممكن تشوف ايه الغلطه اللي ممكن هي تعملها وتفرق بنكوا؟(تخيل لابعد الحدود)انت عارف يعني ايه تخيل
بعيد الشر والله انت عارف انا بتمنالك الخير قد ايه
انت ايه الاثبات اللي ممكن تعمله لحبيبتك عشان تثبت ليها انت قد ايه بتحبها؟
قول والله العظيم اقوال الحق

من طرف **Crespowbas** الإثنين ديسمبر 10, 2007 1:39 am

بسم الله الرحمن الرحيم
والله العظيم اقول الحق

بس يا سعادة القاضى
انا متخيل الغلطه بس هقولك حاجه

واحدة ما تعرفشى فى حياتها غير محمد هتعمل ايه غلط هههه
انت عارف والله انا اول واحد كلمته مكنتشى تعرف حاجه اصلا انا ختها وربتها على ايدى وكدة
يعنى هتغلط ازاى ما تعرفشى خالص وبعدين احنا متفقين على حاجات هى الحمد لله ماشيه عليهم تمام

الاثبات انى بحبها

والله العظيم بحبها
ومستعد اعمل اى حاجه فى الدنيا علشنها
اى حاجه فى الدنيا يا سعادت القاضى
وهى متاكدة انى بحبها
واناعلشان بحبها واثبت دة اولا قدام نفسى
بحافظ عليها فى غيبها وبحترمها كمان قوووووووى
ثانيا قدمها بثبته بكلامى وافعالى معاها

وهى ان شاء الله متاكدة من دة
بس هو دة الحق
وعارف انك بتحبنى يا احمد

من طرف **ahmedelamir64** الإثنين ديسمبر 10, 2007 7:53 pm

ماشي يا عم محمد
وبعد كده لما اقولك تخيل موقف (ابقي تخيل)انا قولتلك مفيش مراعاه اي حاجه هنا في المحكمه
والسوال التالي هو
لو قلتلك هاتلي اثبات انها بتحبك؟
يعني موقف بلاش الردود السطحيه (بتخاف عليه وكده) موقف حصل بينكوا حسيت انها بتحبك منه
اكيد كل واحد فينا بيزعل الناس اللي حواليه
حصل ده بنكوا
لو حصل
ايه المره اللي انت زعلتها
وايه السبب؟
ولو وهي زعلتلك مره
ايه السبب؟
واتكلم من قلبك عشان لو حسيت بالهروب من الاساله
هيكون الحكم باكتر من اعدام
علي فكره انا قولتلك ان حكمك اعدام

بس هقولك ليه في الخر
وطبعا اوعي تنسي تقول والله العظيم اقول الحق

من طرف **Crespowbas** الإثنين ديسمبر 10, 2007 9:06 pm

لو قلتلك هاتلي اثبات انها بتحبك؟

اقولك........... لو واحده يا احمد بتقولك
بحبك ومن قلبها بيبان ما فيش بنت بتضحك على راجل ومستعدة تديله كل حاجه فى
حياتها غير لما تكون شرياه والانسانه ديه شريانى وانا متاكد من دة
هقولك موقف
جت عليا فترة كدة وشوفت نفسى بس الحمد لله رجعت لعقلى دلوقتى
كان فى ناس راحو قالو(م) انى يعنى عاوز اكلم واحدة وكدة
بس وربنا يا سعادت القاضى ما كنت عاوز اكلمها خالص انت عارفنى بحب اهزر بس كنا بنعكسها بس وبنهزر معاها وكدة مش اكتر
فقولتلها انى بعاكسها وكدة قالتى ازاى تعاكسها وانت مالك بيها ومش عارف ايه
فشديت معاها جامد جدا وزعلت سعتها قوووووى
المهم اعدت فترة ما تتصلشى انت فاهم بقى دور التنفيض دة وانا كمان سؤت فيها ومكنتش بتصل ولابعمل اى حاجه
المهم بعد فترة كدة اتخنقت قووووى فرحت متصل وقولتلها كلام وحش انا زعلان لغايه دلوقتى من نفسى
وفى اخر المكالمه قولتلها كل واحد يروح لحاله وكل شئ اسمه ونصيب

انت عارف يا احمد طول المكالمه ما بتكلمشى بس اتكلم فى الاخر وقالتلى انا حبيبتك انت وهفضل طول عمرى بحبك ومش هحب حد تانى وهستناك

وقولتلها لا ما تستننيش وكدة كل حاجه بتاعت ربنا وان شاء الله ربنا يكرمك بواحد يقدر يحافظ عليكى وسلاموروحت قافل
اعدت تبعت فى رسايل يا احمد لو اقول عليها هتقولى انت معندكشى دم ولا بتحس
كلام يا احمد ماشوفتش واحدة فى موقفها قبل كدة وتتصرف التصرف دة
واحد بيقولها انا مش عاوزك والثانيه بتقوله انا هفضل مستنياك ومش هكلم حد تانى وهفضل طول عمرى بحبك
انت متخيل يعنى ايه واحدة تعمل كدة
بزمتك ديه انا ما بوسشى التراب اللى هى ماشيه عليه
بص انا بحبها لدرجه يا احمد مش هقولك بحبها جدا ونفسى اخلص بجد علشان اخطبها وانفز وعدى ليها

وان شاء ما يحصلشى حاجه وانفز وعدى
بس عارف مع انى برضو مكلمتهاش بعدها بس احترمتها جدا من سعتها وقولت الانسانه ديه ليا ليا باذنك يا رب

والحمد لله رجعنا لبعض وكويسين مع بعض
دة الموقف يا احمد
وعلشان كدة انا متاكد انها بتحبنى وعلى فكرة مش الموقف دة بس دة فى مواقف كتير قوووووووووووى والمصحف بس هو دة اللى جيه فى دماغى

ايه المره اللي انت زعلتها

مش هكتر فى الكلام بس انا اللى غلطان فى اللى انا قولتهولك مش هى علشان انا عملت حاجه
مرضهاش اولا على اختى ثانيا عليها

ولو وهي زعلتلك مره
ايه السبب؟

هى مش بتزعلنى اصلا بس انا اللى بخلق الزعل
مش عارف ليه
غتت اوى انا
بس ما بتكونشى غلطانه فى الاول
وانا بغلطها عافيه واعمل عم الزعلان علشان تيجى تصالحنى ووكدة
بدلع عليها يعنى
وبعدين حد يلاقى دلع وما يدلعشى

من طرف **HAMADA** الثلاثاء ديسمبر 11, 2007 10:53 pm

نعتزر عن الانقطاع عن الاسأله لعطل فنى
المتهم محمد كلمنى عن انطباعك عنها اول ما شوفتها؟
هل سألتها انها كانت معجبه بك من اول نظره ام جاء الاعجاب بعد كلامك لها؟
مارأيك بالحب من اول نظره؟ وهل تؤمن به؟
ننتظر الاجابه التى يسبقها دائما القسم

من طرف agm الأربعاء ديسمبر 12, 2007 12:27 pm

معلش على التأخير ياجماعة

كان عندى مأمورية فى الشغل رجعت لقيت جواب استدعاء
جييت علىطوول
بس كدا انا هستنى كرسبو لما يخرج اوكى سلاموزز

من طرف **Crespowbas** الأربعاء ديسمبر 12, 2007 5:40 pm

منا بعتلك جواب استدعاء اعمل ايه بقى
ما تخفشى هخرج بسرعه

من طرف **ahmedelamir64** الأربعاء ديسمبر 12, 2007 6:19 pm

ايه يا جماعه
هي المحكمه مفهاش كبير ولا ايه
المتهم مش بيرد ليه
والقضيه اللي بعده
تستني الي النطق بالحكم
ومش المتهم هو اللي يقول هيخلص امتي

من طرف **AHLAWY** الأربعاء ديسمبر 12, 2007 10:01 pm

ايه ياض الهاصة

انا الكبير هنا

كله يلم نفسه

ولا ايه مابقاش فى احترام

من طرف **Crespowbas** الأربعاء ديسمبر 12, 2007 10:16 pm

انا اسف انا اسف يا سعادت القاضى
وهرد على السؤال حاضر

من طرف **little angel** الخميس ديسمبر 13, 2007 8:27 pm

[size=18]أعتذر عن عدم حضورى المناقشة والقضية من الاول (ودة لاسباب امتحانية) ودلوقتى بصفتى احد المستشارين بوجه سؤالى للمتهم كرسبو قول الاول قول الحق

بص يا بنى تعمل ايه لو انت طلبت من حبيبتك ماتكلمش اى ولد وجيت ف يوم لقيتها واقفة مع واحد انت بتتخنق منه وبتضحك معاه؟.
تانى حاجة ترضى ان اختك تيجى تقولك انا بحب واحد ولو قلت لا تقول لا ليه وانت اصلا بتعمل كدة؟[/size]

من طرف **Crespowbas** الخميس ديسمبر 13, 2007 9:09 pm

المتهم محمد كلمنى عن انطباعك عنها اول ما شوفتها؟

انطباعى
اقولك...............

انا اول ما شوفته حست انى اول مرة اكلم بنت ووشى احمر قوى وبان عليا انى مكسوف جدا ودة طبعا علشان انا بحترمها قوى ومكنتش عارف اقولها ايه ولا اعيد ايه
بس اول مرة انا فاكر انى مقولتش ولا كلمه
ومش عارف بقى هى فهمت ايه سعتها
بس كلمتها فى التلفون يعنى واعدنا نهزر وكدة

هل سألتها انها كانت معجبه بك من اول نظره ام جاء الاعجاب بعد كلامك لها؟

لا مسالتهاش
علشان اللى يهمنى من الاعجاب سواء كان زمان او بعد ما كلمتها

انها بتحبنى دولقتى وخلاص فا ميهمنيش اسال سؤال زى دة ليها علشان اجبتها
مش هضفلى حاجه انا بحبها . وهى بتحبنى

مارأيك بالحب من اول نظره؟ وهل تؤمن به؟

الحب من اول نظرة ما سمهوش حب اصلا دة اسمه اعجاب اعجاب اعجاب يا حماع مش حب

وانا قولت الحب يعنى ايه فى الجلسه اللى فاتت

اما انا بؤمن بيه ولا ما بؤمنشى بيه طبعا مش بؤمن بيه خالص

من طرف **little angel** الخميس ديسمبر 13, 2007 9:11 pm

مارضيتش عليا ليه يا متهم محمد انت بتستهر بسعادة المستشار خد بالك انا عمى قاضى بجد وهنزل اساله دلوقتى ايه عقوبة اللى بيبستهتر بالقاضى ماشى يالا رد ياما هنطق بالحكم (السجن مدى الحياة) دة بعد استشارة المستشار احمد واكيد هيوافقنى الراى

من طرف **Crespowbas** الخميس ديسمبر 13, 2007 9:31 pm

بص يا بنى تعمل ايه لو انت طلبت من حبيبتك ماتكلمش اى ولد وجيت ف يوم لقيتها واقفة مع واحد انت بتتخنق منه وبتضحك معاه؟.

دنا هزعل منها قوووووووووووووى لو واقفه اصلا مع واحد انا عرفه وبيتكلمو عليه فى الخير كمان هى ممكن تكون عارفه ناس لكن متكلمهشى غير فى حلات
زى مثلا لو حد عكسها وزاد فيها وانا مش هقدر اجلها على طول علشان اربى الناس ديه فا ممكن تقول لاى واحد وتكونى قايلالى انها عارفاه اخوات واخوات جدا مش معنى كدة يعنى تكلم اللى معاها فى الكليه لا دة واحد او اثنين او ثلاثه بالكتير قوووووووووووووووووووووووووووووووووووووووووووووووى
وزى ما قولتلك اكون عارفهم ويكونو مش اى حد

لكن رخمين ومش بحبهم كمان دة يبقى زنت على خراب بيتها
طبعا هزعلها دة طبعا لو ما روحتهاش معيطه ومش هكلمها خالص خالص غير لما تقولى انا اسفه يا محمد ومش هعمل تانى كدة
بس اللى انا متوقعه انها اصلا مش هتكلم حد خالص خالص

علشان هى ما بتعرفشى حد اصلا غير بنات
بس طبعا انا قايلها لو حصل حاجه تروح لمين وتعمل ايه بس

تانى حاجة ترضى ان اختك تيجى تقولك انا بحب واحد ولو قلت لا تقول لا ليه وانت اصلا بتعمل كدة؟

ههههههههههههههه

لا سؤال صعب بس انا هجوبلك عليه علشان بس ما تقولوش انى بتهرب يا سعادت القاضى احمد
انت والمستشرين الاجلاء
اولا ديه اختى وما فيش حد يرضى ان اخته تكون بتكلم حد بس يجى يبص على نفسه يقول منا بكلم البنت ديه ليه
واللى مرضهوش على اختى مرضهوش على اى حد تانى
اقولك يا ستى
النظيف نظيف يعنى

لو انا والله متاكد ان اللى هيحب اختى ديه هيحافظ عليها وهيراعى ربنا فيها وهيكون ليها الحيطه الحنينه

صدقينى مش هخليهم بعاد عن بعض بس هخليهم قريبين فى الصح
يعنى مش هخليهم يكلمو بعض الصراحه
بس هوعدة وعد انها تكون ليه واول واحد هقف معاهم لما هو يجى يتقدم (علشان اختى مش علشان اى حد تانى وانا بحبها برضو ومرضرهاش الضرر ولا ارضرها انها تكون حزينه وزعلانه )

بس

انا اسف للاطاله بس الاساله كانت محتاجه لشى من التفسير
شكر يا سعادت القاضى لصدر الرحب بسماع اجاباتى

ومستنى اسالتك

من طرف **little angel** الجمعة ديسمبر 14, 2007 1:04 am

احم احم.......قدرت تضحك على هيئة المحكمة كالعادة وممكن نخفف الحكم

بس نسمع اجاباتك
س:تعمل ايه لو باباها عرف بحكايتكو وزعقلها جامد وزعقلك وهانك وصمم انه مايجوزهلكش؟
س:تعمل ايه لو فوجئت ان واحد من اصحابك راحلها وحاول يوقع مابينكو وهى صدقت كلامه عليك تفهمها الحقيقة ولا تزعل انها صدقته اصلا(افرض) وطبعا تحلف الاول

من طرف **Crespowbas** الجمعة ديسمبر 14, 2007 1:20 am

بسم الله الرحمن الرحيم

والله العظيم هقول الحق

احب اشكر هيئه المحكمه على تعاطفهم معا يه

وهجواب على اسالتكم

س:تعمل ايه لو باباها عرف بحكايتكو وزعقلها جامد وزعقلك وهانك وصمم انه مايجوزهلكش؟

اعمل ايه
اولا باباها عرف وزعقلها وعمل حاجات تانيه غير انه زعقلها فعلا
انا كلمتها برضو
بس هو ما جاش زعقلى خالص مش عارف ليه يمكن انه مش مصدق اصلى انا ليا كلام معاه وعارفنى كويس يعنى وعارف العيله بتاعتنا
ولو هانى يا ستى هعتبرو الحج حامد وغلط بقى .........وانتى عارفه لما الناس ديه بتكبر بتقول كلام وحش

بس لو صمم انه ما يجوزهليش
مع انها مش هتحصل بس انا هتجوزها غصب عن اى حد فى الدنيا ما دام هى موافقه بيا
لو هموته بس هتجوزها وبعدين هو بيحبنى جدا ولغايه دلوقتى بعد ماعرف لسه بيكلمنى وبيهزر معايه عادى خالص
حبيبى اصلا بحبه جدااااااااااااااااااااااااااااااااا
وان شاء الله مش هترفض لو هروح 20 مرة بس هخدها هخدها لو هى ما زهقتشى منى بقى

س:تعمل ايه لو فوجئت ان واحد من اصحابك راحلها وحاول يوقع
مابينكو وهى صدقت كلامه عليك تفهمها الحقيقة ولا تزعل انها صدقته
اصلا(افرض) وطبعا تحلف الاول

اولا ما فيش حد يقدر يروح او يتجرا يكلمها اصلا وربنا تبقى اممه دعيه عليه
بس اصحابى عارفين انى اقبل اى حاجه غير ان واحد يروح ياذى علقتى معاها
والحمد لله
صحابى بيحبونى وانا بحبهم ومش بعمل حاجه وحشه فى حد منهم
واظن لو هما عاوزين يضرونى برضو هيبقى عندهم دم ومش هيضرونى فى حاجه زى كدة
علشان هما اكتر ناس فى الدنيا ديه عارفين انى بحبها اد ايه

ويا سعادت القاضى احمد خلى مسشارينك يخفو عليا ششويه لو سمحت

من طرف **little angel** الجمعة ديسمبر 14, 2007 1:26 am

معلش استحمل انت متهم وبلاش التوسلات دى مش هتأثر ف الهيئة المهم

س:تعمل ايه لو لقيت رقم غريب على موبايلاها كلمها او بعتلها مسج حب وقلتلها مين قالتلك صحبتى وهى مرتبكة شوية هتشك فيها ولا هتصدقها علطول؟
س:لو ف يوم جاتلك الكلية فجأة ولقتك مع واحدة وقاعد معاها ع السلم وبتتكلموا عادى قامت جريت ومشيت وحاولت تفهمها مافهمتش وقفلت موبايلها؟
طبعا القسم الاول وجاوب بقى يا فالح

من طرف **Crespowbas** الجمعة ديسمبر 14, 2007 1:44 am

ماشى يا محكمه

بسم الله الرحمن الرحيم
والله العظيم اقول الحق

س:تعمل ايه لو لقيت رقم غريب على موبايلاها كلمها
او بعتلها مسج حب وقلتلها مين قالتلك صحبتى وهى مرتبكة شوية هتشك فيها ولا
هتصدقها علطول؟

تصدقى بالله انهاردة مسكت الموبيل بتعها وعمال اقلب فيه كان نفسى اتخانق موووووووت
معرفتش اوصل لاى حاجه غريبه
والناس اللى بترن عليها معايه نمرهم
وبيرنو عليها وبعدين يرنو عليها (اصحابها)
بس كان فى رقم جديد رن عليها طلع بتاع واحد صحبتها لسه مغيراه وهى اللى قالتلى فى رقم رن مش عارفه بتاع مين خد شوفه
وانا اصلا ما ختش بالى ان فى حد رن هى اللى قالتلى من نفسها
منى يا مستشارة تمام كدة lغلبانه موووت ملهاش فى العب دة
لما بتحب تغظنى
ما ترنشى كتير
ما تبعتشى رسايل كدة
لكن تعمل حاجه غير كدة ما بتعرفشى خالص

س:لو ف يوم جاتلك الكلية فجأة ولقتك
مع واحدة وقاعد معاها ع السلم وبتتكلموا عادى قامت جريت ومشيت وحاولت
تفهمها مافهمتش وقفلت موبايلها؟

هههههههههههههههههههه
على السلم اشمعنا ماشى يا انجل

اولا انا بحب اعرفها على اى حاجه جديدة فى حياتى ومش بعمل حاجه وحشه من وراها صدقينى

وهى عارفه كل حاجه كل حاجه وبرضو انتى عارفه انى ما ليش فى السكك ديه

هى ماليه عنيا قووووووووى ومكفيانى لما ما تبقاش ماليه عنيا
ابقى اعد مع اللى يعجبنى

بس

من طرف **ahmedelamir64** الجمعة ديسمبر 14, 2007 2:22 am

بسم الله الرحمن الرحيم
والله العظيم هقول الحق

لو هي جت في يوم وقلتلك انا مش هقدر اكمل معاك؟(
هتعمل ايه)
وعرفت انها معجبه بواحد تاني وقالتلك انها كانت معجبه بيك

بص يا احمد انا بجد مش هعرف اجاوب على الاجابه ديه زى منتا عاوز ولو عاوز تسجنى اسجنى انا تحت امرك
علشان ما ينفعشى اتخيل حاجه مستحيل تحصل ولو اتخيلتها يبقى انا ممكن اشك فيها وانا عمرى ما اشك فى الانسانه ديه
انا اسف بجد
وانا تحت امر معاليك باى حاجه
بس دة فعلا اللى جوايه انا عمرى ما اقدر اتكلم عليها فى الغلط

يااااااااااااااااااااااااااااااااااريت
متقوليش انها بتحبك وانها مش ممكن تعمل حاجه تزعلك
انا بقولك ان لو اليوم ده جه هتعمل ايه

اليوم دة مستحيل يجى
احنا ممكن نسيب بعض اه لكن

تعمل اللى انت بتقول عليه دة
ما ينفعشى ويا ريت تفهمنى يا باشا

وايه الحاجات اللي انت ممكن تعتبرها خيانه ليك؟

الحاجات كتير بس مين اللى هيعملها وزى منا قولتلك يا سعادت القاضى
مش هينفع اتكلم عليها بالغلط
هى بتغلط اه وكل حاجه لكن مش زى منتا بتقول كدة

خيانه ومش خيانه

بس انا بعتبر اى حاجه هى بتعمله مش متفقين علشها خيانه

وهي لو عملتها انت هيكون رد فعلك ايه؟

طبعا مدام هى عملتها هتكون مش عوزانى

ومدام هى مش عوزانى يبقى احنا الاثنين مش عاوزين بعض
ونسيب بعض بالذوق وبالادب
بعد الشر يعنى

من طرف **Crespowbas** الجمعة ديسمبر 14, 2007 10:51 pm

معلشى بقى يا احمد
بس الاساله موجودة
والله
انا جيت اعمل كويت علشان اخد الاساله بتعتك دخلت على حاجه تانيه خالص

بس الموضوع يعنى كدة عادى ولا يهمك ولو عاوز اغيرهولك وتسال من الاول واجاوبك قولى وانا تحت امرك يا باشاا

من طرف **ahmedelamir64** الأحد ديسمبر 16, 2007 1:53 am

بسم الله الرحمن الرحيم
اما بعد
علي المتهم عدم التهرب من الاساله وتخيل بعد الواقف التي تطلب المحكمه منه تخيلها
واذا لم تكن اجابه المتهم السابقه مقنعه
الا انها تكن في صالحه مستندا الي انه لا يستطيع تخيل انه من الممكن ان يبعد عنها
ونرجوا من المستشار
اعطاء رايه في اجابات المتهم حتي يتم المداوله حتي النطق بالحكم
السؤال التالي
طبعا مفيش انسان كامل وكل انسان به عيوب
انت شايف يا محمد ايه العيوب في حبيبتك؟
وايه اكتر طلب انت بتطلبه منها؟
وطبعا انت عارف انك لزم تقول
والله العظيم اقول الحق

من طرف **HAMADA** الأحد ديسمبر 16, 2007 3:20 am

والله ياسياده القاضى انا شايف ان المته بتاعنا عايز يعمل هيئه القضاه مالهمش لزمه وبيرد على الللى يعجبه واللى ما يعجبهوش واتهرب فى كل الاسئله الاخيره ودى هتبقى طبعا نقطه النيابه هتستند عليها عند مرافعتها ضده
اما عن سؤالى
انت ممكن تتنازل لحبيبتك عن حاجه انت ممكن متكونش راضى عنها لو فى ظرف عاديه؟
تعمل ايه لو جالك ميراث كبير جدا وكان شرط انك تورث انك تتجوز من واحده قريبت المورث اى نعم تكون جميله بس مش حبيبتك ؟
رد واحلف بالله لتقول الحق وترد على الاسئله السابقه للقاضى اولا بدون تهرب

من طرف **Crespowbas** الأحد ديسمبر 16, 2007 4:47 pm

بسم الله الرحمن الرحيم
والله العظيم هقول الحق

انت شايف يا محمد ايه العيوب في حبيبتك؟

هقولك اللى مش شايفه حلو
بتبقى على ناس ما يستهلوش على حساب ناس يستهلو هى عارفه انهم بيحبوها ومش هيزعلو منها
دمغها ناشفه شويه بس مش عليا طبعا انت فاهم

وايه اكتر طلب انت بتطلبه منها؟

انها تبصلى

من طرف **Crespowbas** الأحد ديسمبر 16, 2007 8:10 pm

والله ياسياده القاضى انا شايف ان المتهم بتاعنا عايز يعمل هيئه
القضاه مالهمش لزمه وبيرد على الللى يعجبه واللى ما يعجبهوش واتهرب فى كل
الاسئله الاخيره

لا والله يا سيادة القاضى انا بجاوب على الاساله
كلها ولو واحد مكانى كنتم هتحبسوة من اول جلسه علشان الاساله كانت صعبه
صعبه بجد والله والحمد لله ما اترهبتش من ولا سؤال

وشكرا ليك

انت ممكن تتنازل لحبيبتك عن حاجه انت ممكن متكونش راضى عنها لو فى ظرف عاديه؟

لو كانت حاجه هتمشى مراكب واقفه ولو قولت (لا) وهتوقف المراكب ديه

يبقى الاحسن اوافق بس فى حدود
مش كل حاجه يعنى
هتقنعى واقنعها

تعمل ايه لو جالك ميراث كبير جدا وكان شرط انك تورث انك تتجوز من واحده قريبت المورث اى نعم تكون جميله بس مش حبيبتك ؟

مش هتصدقنى لو قولتلك انى هختار حبيبتى علشان والله الحب دة مش بيتقدر تشتريه ولا بملاين الدنيا كلها
دة حاجه من عند ربنا كدة
الفلوس بتروح فى ثاينه وبتيجى اسهل من ما تتخيل
لكن الحب ....................................................!

وبعدين احنا عايشين علشان نجيب فلووووس بس
ي ابنى احنا هنموووووووووووووووووووووووووووت والفلوس ديه هتطير لناس ثانيه الله اعلم بقى هيصرفوها فى ايه ولا هيعملو بيها ايه

قوووووووووووول يا رب

من طرف **kaber** الأحد ديسمبر 16, 2007 11:35 pm

الموضوع جميل جدا يا كرسبو
وانا عندى استعداد اكون اى حاجة ان شا اللة قاضى مش مشكلة
مع الوقت وهبقى متهمة هههههههههههههه
انا موافقة انى اكون متهمة
----سؤالى بقى لاحمد سمير
اية هو بالنسبالك الحب الحقيقى
وممكن تضحى اد اية علشان اللى بتحبة

من طرف **Crespowbas** الأحد ديسمبر 16, 2007 11:45 pm

اولا مش احمد سمير هو اللى فى المحكمه واهلا بيكى معانا بس ان شاء الله هيجيلك جواب استدعاء لو عاوزة اهلا بيكى

اوكى واحمد هو اللى هيرد عليكى على السؤال اللى انتى سالتهوله

وشكرا

من طرف **ahmedelamir64** الإثنين ديسمبر 17, 2007 2:19 am

بسم الله الرحمن الرحيم
اهلا يا كابر في موضوعنا المتواضع
بس نظام المحكمه ان بيبقي في قاضي ومستاشرين يسالوا واحد وهو المتهم
ومحمد هو المتهم دلوقتي
بس انا هجوبك علي السؤال (علي فكره انا مجاوب علي السؤال ده وان متهم )
بس هجوبك تاني
الحب هو سعاده ومشاركه بين حبيبين وفرحه وتضحيه وامان واستقرار وكل لحظه حلوه ممكن الواحد يعشها
والحب اتفاق وتوافق ومشوار لاخر العمر مع شريك حياتك اللي انت اتختارته
اما ممكن اضحي اد ايه عشان اللي بحبه
انا اضحي بحياتي عشان احس بس انها مبسوطه وسعيده
ولو رجعتي لصفحه اتنين وتلاته في الموضوع هتلاقيني كنت مجاوب علي اساله محمد
ودلوقتي
انا هسال المتهم
سوالين غراب شويه
الاول
ايه السؤال يا محمد اللي وانت داخل المحكمه خفت ان المحكمه تساله ليك؟
اكيد فكرت في سؤال وخفت يتسال ليك ولو مفكرتش قبل كده
فكر دلوقتي وقالي ايه السؤال اللي تخاف اننا نساله ليك؟
الثاني
ايه السؤال اللي كنت حابب اننا نساله ليك وحابب انك تجاوب عليه؟
وهو اتسال ولا لسه؟
وطبعا عارف انك تقوال والله العظيم اقول الحق

من طرف **Crespowbas** الإثنين ديسمبر 17, 2007 9:05 pm

بسم الله الرحمن الرحيم
والله العظيم هقول الحق

انا هجوبك يا احمد

بس هكتبلك حاجه حلوة فى الاخر لما اطلع برائه ان شاء الله
دة لو طلعت يعنى برائه
انا هوريك حاجه حلوة
توصف اللى جوايه
تجاها

ايه السؤال يا محمد اللي وانت داخل المحكمه خفت ان المحكمه تساله ليك؟

السؤال هو

لو هى لقدر الله حصلها حاجه انا ممكن اتجوز حد تانى
انا مكنتش خايف من السؤال مش علشان هعرف اجاوب ولا مش هعرف
بس كنت خايف انى اتخيل الموقف علشان بجد مش عارف هعمل ايه
وربنا يستر عليا سعتها

الثاني

ايه السؤال اللي كنت حابب اننا نساله ليك وحابب انك تجاوب عليه؟
وهو اتسال ولا لسه؟

حابب انكم تسالونى مش متهم ومتشكوش انى بحبها
يعنى كنتم تقولولى مثلا انت بتحبها اد ايه
علششان بنبسط جدا لما امدح فى الانسانه ديه
واعرف الدنيا كلها انى بحبها

هتختار مين يكون معانا فى المحكمه