زعازيع مصريه .. فى طريقك الى عش الزوجيه

من طرف **DeBo0o** الخميس نوفمبر 01, 2007 1:00 am

منذ قديم الأزل و الشعب المصري شعب إبن ستين نكتة يعشق المرح و الضحك

وإلا لذهب مع الريح من ايام الاسكندر المقدوني , أو العصر الجواريسي .
للشعوب في العالم عادات و تقاليد و اسلوب خاص في كل شيء
لغات ... لكنات ... طعام ... شراب ... ملابس ... أعياد .. طرق احتفال بالاعياد
حتى طريقة تناول الطعام ......
فالشعب الياباني يأكل الارز بالعصا اما نحن المصريين نستخدم جاروف او في بعض الاحيان يمكن الاستعانة برافعة ميناء الاسكندرية
حتى الاشياء المضحكة قد تختلف من شعب لاخر

لو شاهدت مسلسل

F.R.I.E.N.D.S

ربما تشعر بنوع من الارف
و تصيح ( هي الناس العبيطه دي بتضحك علي ايه لما بيشوفوا المسلسل ده )
و لكن شخص امريكي قد يصاب بتبول لا إرادي من كثرة الضحك
و العكس لو شاهد اللمبي او اي شيء مصري الهوية يضحك
قد يفعل ما فعلت و يصيح :

Ohhh...!! what a Nightmare

اما الزواج فهو شيء اخر
في كل تفاصيلة الدقيقة بداية من التفكير في مذاقة و القرار بخوض المغامرة و الي
" لو سمحت طلقني "

تجد اختلاف بين الشعوب , بل واهل البلد الواحدة احيانا
مثلا .... لو طلب شخص من زنوج الشوراع في نيويورك فتاة للزواج ستكون من المؤكد ساعدته في تهريب كمية من الويد او ساعدته في الهروب من جريمة قتل ارتكبها
فيصيح ......

oh baby baby what's up u r so hot comon let's do it

و يبدأ في الكلام القبيح .
اما عن رجل من الاثرياء البيض في l a
فعزومة عشاء علي اضواء الشموع مع الكثير من الورود الحمراء و يخرج علبة صغيرة بها خاتم ماسي و يفتحة في رقة
قائلا

would u marry me "

و اذا وقعت سيدة في حب رجل تصيح في جرأة

marry me .. chosse me .. let me make you happy

زي الست جوليا
اما عن اهل الجبنة و البرفامات الجريئة و الازياء نفسها طريقة الرجل الرومانتيكي بالورود و لكن النهايات تختلف
عندما يقرر عدم الزواج منها لانه وجد صورة لـ الان ديلون في حافظتها مكتوب عليها

mon amore Alan

و الشرق الآسيوي يختلف كتيرا
فمقاييس اختيار الزوجة القتال حتي الموت بإسلوب النمر او الافعى و اظهار مواهبها في الكونغ فو و جميع انواع الفو لتفوز بالزوج المنشود .

و عندنا شيء اخر فالاختلاف و التميز عندنا نحن
نحن شعب يعشق المرح .. احنا اللي بنينا الهرم
اربط حزامك ..

يتبع ...

من طرف **NonaAa** الخميس نوفمبر 01, 2007 1:23 am

باين عليه هيبقى جامد
زى ماانت ماعودنا ياديبو موضوعاتك كلها جميلة بجد
مستنية الزعازيع

من طرف **DeBo0o** الخميس نوفمبر 01, 2007 1:27 am

من عونيااااااااااااااا .. هنجيبهلكم زعزوع زعزوع علشان خاطر عيونكم

تابعونااااااااااااااااااااا

من طرف **RANEEM** الخميس نوفمبر 01, 2007 2:31 am

جامد جدا يا ديبو ]

من طرف **DeBo0o** الخميس نوفمبر 01, 2007 3:36 am

يقرر الشاب أنه يريد أن يتزوج و قد شاهد فتاة و تعرف عليها و يريدها زوجه ..
أو يقرر الشاب ان يتزوج و لكنة لم يعثر علي فتاة و يترك الامر لنساء العائلة من القرشانات
أو لا يريد الشاب ان يتزوج و لكن تلبية لرغبة و الدة الكبير سنا او امة الملحة يرضي بأن يخطو بخوف نحو المغامرة ..

نحن الان امام فتاة مناسبة قد يراها البعض كذلك فيقرر الذهاب لبيتها من الباب مستخدما الكلمة التي اكرهها كرة ارئيل شارون
رايح اطلب ايديها
تتجمع العائلة (اهل العريس )
من كل صوب و مكان في اليوم المنشود
فهذه عمتة التي لم يراها منذ كان يرتدي الكافولة القطنية

و الاخري خالتة التي اخدت اجازة من عملها في المكسيك لتبارك الزواج السعيد
وهذا خالة هرب من معتقل جوانتانمو لكي يحضر الامر المهم
والاخوة و الاخوات
طبعا الاب و الام
للسبب المقنع
"ملناش بركة الا هما"
الجدة و الجد و الجدة و الجد للام ( ان وجدوا )
الاصحاب الانتيخ و يكتفي بالصاحب الاكثر انتخة
الجيران الاكثر قربا و.. و...و....

و عندما يقرر الجميع الذهاب
تصيح الام
حبيبي يابني
نسينا خالتك ام ابراهيم في الشارع اللي ورانا حرام عليك يا حبيبي د انا سيبتك مره عندها و انت صغير و رحت الشغل

لازم ناخدها معانا
و ينطلق الابن مزمجراا الي الست ام ابراهيم و هي سيدة فحلة
تعشق النميمة

يركب الجميع الاتوبيس المكيف الذي استأجرة الوالد للذهاب اللي العروس
وما ان يقترب الاتوبيس من المنزل حتي تسمع زغروطة طويلة من كل النساء تشق عنان السماء

و بالمثل في منزل العروس
ينزل الجميع متجها الي المنزل وفي غرفة الضيوف التي اقترضت الام كل محتوياتها من جيرانها لتظهر بمظهر الانزحة امام اهل العريس
للاسف يشترك كل ثلاثه اشخاص في نفس الكرسي لان العدد كبير جداا لا يسمح بغير ذلك
كما ان العريس لم يجد مكان فجلس ارضا
قبل ذلك انتهت
مباراه في السلامات و التحيات و القبلات ثم السلامات و التحيات
والقبلات
و يستمر الامر اكثر من ساعتين لا تسمع الا كلمات
مثل :

انتوا شرفتونا
الله يشرف مقدارك
دي فرصه سعيدة و الله
احنا اسعد
والله فرصه سعيدة
و الله احنا اسعد
لا احنا اسعد والله
والله العظيم احنا اسعد
.....

وانتوا اخباركم ايه
تمام شرفتونا
الله يشرف مقداركم
ياله من ملل
ماذا لو العروس مسموح لها بالجلوس بعد ما تحمل علي ظهرها طنا من المشروبات و طنا اخر من الحلويات و تدخل تقدم الاشياء للضيوف بالترتيب الممل

تبدا ام العريس في الكلام الحلو المذاق للعروس

ايه الجمال ده ايه الحلاوة دي متجيبي حته يا بت ماشاء الله ماشاء الله ربنا يحرصها قمر قمر 14
تعالي اقعدي جنبي يا حبيبتي هنا
و يبدا الملل
شرفتونا الله يشرفكم احنا اسعد
لا احنا اسعد
لا احنا اسعد
ادخلي يا ستي هاتي لي مصحف احلف عليه ان احنا اسعد

و هنا يقرر الأاب أو الأم بدايه الكلام و يستمر الحوار الروتيني و تشعر أن الجوازه قد تمت بالفعل من كثرة المجاملات الكلامية الرقيقة

وغير مسموح إطلاقا لكل من العريس او العروسة بالكلام و كأنهم جدي و معزة سيتم زواجهم و المهر قيراط من البرسيم
وهنا
تبدأ أول الزعازيع المصرية

... يتبع ..

من طرف **NonaAa** الخميس نوفمبر 01, 2007 10:00 pm

[size=18]
الله عليك بجد ياديبو
والله العظيم انا اللى اسعد انى بقرا موضوعك الجامد ده
جميل اوى ياديبو ومستنية الباقى
بس متتاخرش علينا ياديبو[/size]

من طرف **MOoON Light** الخميس نوفمبر 01, 2007 11:11 pm

جميل يا حاج ديبووووو
فى انتظار الباقى

من طرف **silent** الجمعة نوفمبر 02, 2007 12:15 am

الموضوع جميل جددا بجد تسلم ايدك

lol!

و الاخري خالتة التي اخدت اجازة من عملها في المكسيك لتبارك الزواج السعيد
وهذا خالة هرب من معتقل جوانتانمو لكي يحضر الامر المهم
والاخوة و الاخوات
طبعا الاب و الام
للسبب المقنع
"ملناش بركة الا هما"
الجدة و الجد و الجدة و الجد للام ( ان وجدوا )
الاصحاب الانتيخ و يكتفي بالصاحب الاكثر انتخة
الجيران الاكثر قربا و.. و...و....

شرفتونا الله يشرفكم احنا اسعد
لا احنا اسعد
لا احنا اسعد
ادخلي يا ستي هاتي لي مصحف احلف عليه ان احنا اسعد

من طرف **MeRaMoRe** الجمعة نوفمبر 02, 2007 3:16 am

عسل ياديبو

بس ماتتأخرش بقىىىىىىىىىىىىىىىىىى

من طرف **DeBo0o** الأربعاء نوفمبر 07, 2007 1:35 am

زعزوعة مصرية

لو جلست مع احد يكبرك سنا و تحدث عن عروسة لابد ان يذكر شيء مهم
و هو ....

جالها دهب ب كذا

و كأن قيمتها بقيمه الذهب و المجوهرات التي تحصل عليها بالمسمى شبكة

بنت ابو اسماعيل جالها دهب ب 15 الف
لا ياعم دي متستاهلش دي حتى مش حلوة

بنت الحج ابراهيم الشرقاوي جالها دهب ب 30 الف
اه دي تستاهل دي بت زي اللوز اموت انا في الــ ............

كنت صغيرا ًَعندما طرقت سيدة من جيران امي الباب و دخلت ومعها علبة حمراء اللون بها خواتم وو حلى ذهبية كثيرة
و هنا فقعت امي زغروطه كبيرة طويلة وهي مشهورة بالزغاريد المجلجلة
و بعد مباراة معتادة و متكررة من القبلات و المباركات
و قبلات النساء غريبة نوعا ما فخمسين علي هذا الخد و خمسين علي اخد الاخر و كلها في الهواء كأنها تمثيل

شاهدت امي الذهب و باركت الامر و الف مبروك يا اختشي و
ذهبت السيدة الجاره
هنا سألت امي :

ماما هي لية العروسه بتجيب دهب

فضحكت و قالت :

عشان لما يتزنقوا في فلوس يبيعوه و ياخدوا تمنه يفكوا بية الزنقه

و قصت امي حكاية الضائقة المالية التي حدثت لابي عندما كنت حبيس ابن شهور و كيف ضاقت السبل عندما كان ابي يشيد المنزل الجديد و هنا قررت امي بيع كل الذهب كله
حتي ينفرج الحال
و هنا استغربت كثيرا فهناك عقدة غائبه في الموضوع

ذهبت العقدة بعدما قص لي ابي عن وصل الامانه بقيمة 80 الف جنيه الذي كتبة علي نفسه لامي حتي تبيع الذهب و قضي بسببه 45 عاما في السجن
هنا تأكدت انها امي
ست عظيمة عظيمة عظيمة

هل انت مستعد للذهاب الي شراء الذهب مع العريس
ام محبط
ربما لاتريد فلن تعثر علي مكان شاغر في الاتوبيس فكل العائله ذاهبة بالاضافة الي اتوبيس اخر به عائله العروس الكريمة

و بعد الاتفاق الناري علي قيمة الذهب و الاستعانة بخبير محلي لتتمين العروس و معرفة كم تساوي حتى لا يخرج تحد معترضا علي قيمة الذهب فلا بد من الاستعانه بخبير تتمين العرائس
و يدخل العريس الي محل الصائغ و معه العروس و الامهات و ربما الخالات و العمات
ولا ننسي ابدا ام ابراهيم الجارة
و يبدا مسلسل من الذغد و الرفس و النطح من قبل اهل العروس لكي تأخد ما ثقل وزنة و زاد ثمنه و كبر حجمة
و هنا يبكي العريس بكاء حار و هو يدفع
تحويشة العمر مقابل حصولة علي علبة حمراء تشبة علبة الصعيدي للحلويات وبها بسبوسة
و ترتفع الزغاريد
حتى يقول صاحب المحل

يا عريس المبلغ ناقص

يخجل العريس جدا فهذا كل ما معه من مال و كل ما في جيبه الان
و هنا يرقع ابو العريس الف يمين علي انه لن يدفع ولا مليم احمر صائحا

ولا مليم احمر معايا انا كتر خيري لحد كدا اتصرفوا انتوا بقا

و في اللحظه الحاسمة يخرج الخال او العم او الجار الطيب مساندا داعما العريس الغلبان بمبلغ المال

دائما تجد مثل هذا الشخص الذي يمتلك مفاتيح لحل العقد
و ستستغرب اكتر و تطول اذنك اذا عرفت ان المبلغ هو 32 جنية فقط لا غير
يخرج العريس سيجارة سوبر
ماركة حبيبة انطونيو
المشهورة بطولها الغير طبيعي و يبدا في حرقها قبل ان تحترق اعصابة

في انتظار الجديد ...

.... يتبع ...

من طرف **NonaAa** الأربعاء نوفمبر 07, 2007 1:45 am

بنت ابو اسماعيل جالها دهب ب 15 الف
لا ياعم دي متستاهلش دي حتى مش حلوة

ههههههههههههههههههههههههههههههههههههههههه
الله عليك ياديبو
بجد تسلم ايديك
وانت بجد نورت المنتدى برجوعك

من طرف **snow white** الأربعاء نوفمبر 07, 2007 2:02 am

هههههههههههههههههه

حلوه اوي الزعزوعه دي

بس السجاير اسمها كوكو الضعيف

حمد الله علي السلامه يا ديبووووووووو

من طرف **silent** الأربعاء نوفمبر 07, 2007 4:52 am

[center]WELCOME BACK
cheers

ذهبت العقدة بعدما قص لي ابي عن وصل الامانه بقيمة 80 الف جنيه الذي كتبة علي نفسه لامي حتي تبيع الذهب و قضي بسببه 45 عاما في السجن

[l!:

[/center

من طرف **ESSS** الأربعاء نوفمبر 07, 2007 10:53 am

ههههههههههههههههههههه

بجد الزعازيع دي جميلة اوي

انا مكنتش متبعة الموضوع من الأول معلش
بس لما قريته قولت اكيد هتبعه علطول

يالا بقى فين باقي الزعازيع؟؟؟؟؟

ومبروووووووك على الترقيه
ههههههههه
بجد تستهلها وربنا يوفقك
للأمام دايما يارب

من طرف **RANEEM** الأربعاء نوفمبر 07, 2007 10:01 pm

هههههههههههههههه جميله اوي بس فعلا احراج قوي لما يبقي باقي 35 جنيه ومش يكون مع العريس

من طرف **DeBo0o** الأربعاء نوفمبر 07, 2007 10:16 pm

ههههههههههههههههههههههههههههههههههههههههه
الله عليك ياديبو
بجد تسلم ايديك
وانت بجد نورت المنتدى برجوعك

المنتدى منور بوجودك انتى يا نونا .. و انا مبسوط اكتر انى موجود فى وسط احلى و اجمل و ارق اصحاب فى الدنيا

من طرف **DeBo0o** الأربعاء نوفمبر 07, 2007 10:19 pm

هههههههههههههههههه

حلوه اوي الزعزوعه دي

بس السجاير اسمها كوكو الضعيف

حمد الله علي السلامه يا ديبووووووووو

كوكو الضعيف دى الكيلوباترا يا سنو ..انما السوبر ماركه انطونيو دى حاجة تانيه

سجارة عامله زى نبوت الغفير كدة lol!

تعرفيه ؟

و الله يسلمك يا جميل .. و انا رجعت علشان انا ما اقدرش ابعد عنكم اصلا

من طرف **DeBo0o** الأربعاء نوفمبر 07, 2007 10:22 pm

WELCOME BACK

Thanx alot silent

ur passing on ma topics make me feel more happy

i wish to see ur signature in all of ma topics and thank u again

من طرف **DeBo0o** الأربعاء نوفمبر 07, 2007 10:26 pm

ههههههههههههههههههههه

بجد الزعازيع دي جميلة اوي

انا مكنتش متبعة الموضوع من الأول معلش
بس لما قريته قولت اكيد هتبعه علطول

يالا بقى فين باقي الزعازيع؟؟؟؟؟

ومبروووووووك على الترقيه
ههههههههه
بجد تستهلها وربنا يوفقك
للأمام دايما يارب

ربنا يخليكى يا اس ... و يا رب دايما منورانا كدة

و ان شا الله تتابعى معانا و تعجبك باقى الزعازيع

من طرف **DeBo0o** الأربعاء نوفمبر 07, 2007 10:28 pm

هههههههههههههههه جميله اوي بس فعلا احراج قوي لما يبقي باقي 35 جنيه ومش يكون مع العريس

يا نهار يا نهار ... الست رنيم بحالها هنا عندنا ... منورانا cheers

بس هو فعلا انا معاكى انه موقف محرج بس ايه رايك لو تعملى انتى معاه حركه رجوله و تسلفيه ال35 جنيه

و اهو من قدم شئ بيداه التقاه و هنيالك يا فاعل الخير و الصواب

و يجعلو عامر

من طرف **MeRaMoRe** الخميس نوفمبر 08, 2007 12:44 am

ديبو جه ديبو جه هيييييييييييييييييييييييه

نورت المنتدى ياديبو

وزي ما اتعودنا منك الموضوع جميل جدا ودمه خفيف اوي

من طرف **DeBo0o** الخميس نوفمبر 08, 2007 1:03 am

ديبو جه ديبو جه هيييييييييييييييييييييييه

نورت المنتدى ياديبو

وزي ما اتعودنا منك الموضوع جميل جدا ودمه خفيف اوي

ميرسى يا جميل .. دة من زوقك بس يا ميرا

كويس ان المواضيع اللى باجبهالكم بيبقى دمها خفيف على قلبكو و بتعجبكو

انتظروناااااااااااااااااااااااااااااااا

من طرف **DeBo0o** الخميس نوفمبر 08, 2007 11:07 pm

من الجميل أن يتبادل أهل العريس و العروس الزيارات و العزومات الجميلة
و من الجميل ان تمتلئ المائدة بأصناف اللحوم و الاوز و البط المسكوفي منه و السوداني
لكن

لماذا تجتمع عائلة العريس مع عائلة العروس في مثل هذا اليوم
( يوم الذهب العالمي ) انها ليست مناسبة علي الاطلاق
حتي لو العائلات من نفس البلدة لابد من ملئ المعدة و الكروش عن اهل الموكوس ( العريس )

لا اعرف سببا ً لهذة العادة الغريبة و لكن لابد من أن يذهب أهل العريس للغداء عند اهل عروسة
بعد شراء الذهب
علي هذه السرية القتالية في القوات الجوية ان تأكل مالذ و طاب و يجب طهي الطعام جيدا جدا و الاهتمام به

و رغم كل الاهتمام لا يسلم الطعام من تريقة ام ابراهيم الجاره او ام احمد الخالة التي كانت تريد العريس لبنتها سوزي و لكن فشلت المخططات
ربما مازال الكثير لتفعلة لفركشة الزيجة
هناك دائما تلك المرأه التي تريد هدم الزيجه لاسباب خاصة
و لعل اهم سبب هو
أن العروس دمها تقيل علي قلبها

woman have a way to make every thing such hell
بالطبع ليست كل النساء
احترس انهم القرشانات

تمر الايام بعد ذلك كئيبة فالعريس مستمر في البكاء مع حرق السجائر اسفا علي تحويشه العمر التي ذهبت هباء
اما العروس و امها كل يوم يطوفون ارجاء المعمورة لتشاهد كل الجارات و السيدات الذهب و بالطبع عند السؤال المعهود عن قيمة الذهب لا تكذب اي منهما ابدا
لكنها تضرب الرقم في 3 اضعاف
وتعطي الناتج
و تتبخر تحويشة عمر العريس علي هذا الهراء بل و قد يستدين ايضا ً
وهنا احسن طريق للتخلص من هذه الزعزوعة ..
... اما طلب الزواج من عروس عمياء او بساق واحدة حتي يتمنها الخبير المتخصص بمبلغ قليل
... او تقدم رشوة للخبير مبلغ لايقل عن اربع ارقام
... او الاتفاق مع محل الصائغ علي عمل ذهب مغشوش له علي ان يسترد تحويشة عمرة بعد الحدث
كلها حلول قيد التطوير

هناك مثل مصري يقول

كل حاجة بالخناق الا الجواز بالاتفاق

لا أؤمن بة اطلاقا فالزواج يحدث به خلافات و اشياء لا تحدث بين الاخوة و مع ذلك تجدة يستمر
و يستمر و يتوغل
حيرني كثيرا هذا الشيء العجيب المسمى بالمواسم و الاعياد
فهل هو اجباري ام اختياري
ما لم اتوقعه ولا يخطر علي عقل بشر ان الموضوع في كثير من الاحيان بالاتفاق
و العهدة علي صديقي الذي اخبرني بالامر
فأنا لا اعرف عنه شيء
بمعني ان العريس من الممكن ان يتفق من البدايه و يقول

يا جماعه انا مش هاجيب مواسم و مش عاوز منكم مواسم

المواسم هي الهدايا و الزيارات في المناسبات مثل عيد الام و الاعياد
وأعياد الميلاد ....
و رمضان و عيد الربيع و عيد الفطر و الاضحي و عيد تحرير سيناء و عيد الثورة و عيد الحب و عيد تحرير محافظة بور سعيد و عيد الجلاء
و شم النسيم والعيد القومي لمحافظة الفيوم و عيد ميلاد جوني ديب و براد بيت .... ..... .....

هل سألت يوما ماذا يفعل العريس الحزين لو كان يمر بضائقة مادية و جاء ميعاد موسم ماا
؟؟
نعم يقترض المال و يستدين
يستدين من اجل هدايا تافهة لا تعبير اصلا عن شيء
رغم اعتراضي علي هذا الشيء و كونة اجباري و لكني لست ضدة بالعكس الهدية شيء جميل و رائع و لكنها ليست اجبارية و يجب ان تعبر عن شيء ما
حتى و ان كانت بدون مناسبة
ماذا لو كان مطلوب من العريس شيء ما كهدية عيد الام لام عروسة او هدايا عيد الفطر و لم يفعل
و تأتي العمات و الخالات تلوم الام علي هذا العريس الايحة البخيل
مسلسل لا محل له من الاعراب و لا اصل لة من الموده و الحب
كيف نبني الحب علي اساس هدية او كيلو موز مغربي او حتى كيلو تفاح امريكاني من اللي بلزقة ده
هل يجوز ؟؟

لكن في حالة كيلو لحمة بناتي و بالاضافة إلي مواسير للشوربة فهذا وضع آخر

الان
هل تشعر بالتردد و تريد ان تكمل حياتك بدون زوجة
انتظر فربما تقرر في النهاية الانتحار و نستريح منك

... يتبع ...

من طرف **MeRaMoRe** الجمعة نوفمبر 09, 2007 2:28 am

ياعيني ياليلي عالعريس الغلبان ده

بس ده واقع فعلا وهو ده اللي بيحصل وعادات قديمه وفشخره عالفاضي مالهاش لازمه

بس المفروض العروسه والعريس يبعدوا عن التخلف ده والعروسه لو بتحبه عريسها بجد مش هتطلب منه الحاجات دي كلها

صحيح مش دايما بتقدر تقنعهم بس لازم تحاول لأن دي حياتهم مش حياة اهلها

ولازم تراعي ظروفه كويس عشان يقدروا يكملوا مع بعض وماتحملهوش فوق طاقته

وربنا يستر على الكل

ميرسي ديبو

من طرف **ESSS** الجمعة نوفمبر 09, 2007 2:52 am

والله يا ديبو احنا في زمن غريب اوي

الدنيا عمالة تتطور حولينا واحنا واقفين محلك سر

الكل متمسك بعادات وتقاليد تافه وملهاش لازمة

يالا مهي خربانة خربانة وربنا يستر

من طرف **silent** الجمعة نوفمبر 09, 2007 5:13 am

لمفروض العريس يتفق مع العروسه وطالاما متفقين خلاص يكملوا هم والأهل مالهمش دعوه بيهم وطالاما الاتنين بيحبوا بعض ومتفاهمين هيقدروا هم يمشوا نفسهم ويتصرفوا مع الأهل لكن لو الموضوع انهم عايزين يجوزوهم وخلاص وهو أصلا ولا بيحبها ولا حاجه جواز تقليدي يعني "اللي مش بكره أدو" واللي ناتج عنه دايما مشاكل وخناقات وكآبه
فالعريس احسن حاجه يعمل اللي شايفه واللي يقدر عليه عاجبهم عاجبهم مش عاجبهم خلاص يفركشوا الجوازه والعريس المستفيد....... في إنتظار القادم

من طرف **DeBo0o** الجمعة نوفمبر 09, 2007 10:52 pm

ياعيني ياليلي عالعريس الغلبان ده

بس ده واقع فعلا وهو ده اللي بيحصل وعادات قديمه وفشخره عالفاضي مالهاش لازمه

بس المفروض العروسه والعريس يبعدوا عن التخلف ده والعروسه لو بتحبه عريسها بجد مش هتطلب منه الحاجات دي كلها

صحيح مش دايما بتقدر تقنعهم بس لازم تحاول لأن دي حياتهم مش حياة اهلها

ولازم تراعي ظروفه كويس عشان يقدروا يكملوا مع بعض وماتحملهوش فوق طاقته

وربنا يستر على الكل

ميرسي ديبو

و الله يا ميرا انا معاكى فى كل كلمه قولتيها ... بس انتى قولتيها حكمه اهى عادات قديمه و فشخره على الفاضى

و بعدين الموضوع مش بيبقى بايد العروسه .. دة بيبقى فى ايد امها و خالتها و ام ابراهيم الجارة و طنط ام اسماعيل مرات البواب

هما دول اللى فى الاخر بيقولو على العريس ايحا و جلده حنفيه لما بينفض لموسم من المواسم الى زكرناها دى

انا نفسى نفوق بقى من التخلف و العادات اللى مالهاش اى قيمه دى

و يجعلو عامر

من طرف **DeBo0o** الجمعة نوفمبر 09, 2007 10:54 pm

والله يا ديبو احنا في زمن غريب اوي

الدنيا عمالة تتطور حولينا واحنا واقفين محلك سر

الكل متمسك بعادات وتقاليد تافه وملهاش لازمة

يالا مهي خربانة خربانة وربنا يستر

يعنى افهم من كدة يا اس ان انتى لو عريسك جه فى مولد سيدك العاصمى ما جبش اتنين كيلو جوافه و جه البيت

و الحاجه قالت عليه ايحا ... هيكون ردك انتى اية ؟؟

من طرف **DeBo0o** الجمعة نوفمبر 09, 2007 10:58 pm

لمفروض العريس يتفق مع العروسه وطالاما متفقين خلاص يكملوا هم والأهل مالهمش دعوه بيهم وطالاما الاتنين بيحبوا بعض ومتفاهمين هيقدروا هم يمشوا نفسهم ويتصرفوا مع الأهل لكن لو الموضوع انهم عايزين يجوزوهم وخلاص وهو أصلا ولا بيحبها ولا حاجه جواز تقليدي يعني "اللي مش بكره أدو" واللي ناتج عنه دايما مشاكل وخناقات وكآبه
فالعريس احسن حاجه يعمل اللي شايفه واللي يقدر عليه عاجبهم عاجبهم مش عاجبهم خلاص يفركشوا الجوازه والعريس المستفيد....... في إنتظار القادم

احنا بنتكلم على عادات يا سايلنت هما ماسكين فيها بايديهم و سنانهم و من غير ما يفكرو فيها

و خدى بالك ان ما حدش هيسمحلك بالتدخل فى الحاجات اللى زى دى

كدة كدة ام ابراهيم و ام زغلول ما بيرحموش ... و دى هترميلها كلمه و دى كلمه و ما خفى كان اعظم

و يجعلو عاااااااااااااااااامر

من طرف **silent** السبت نوفمبر 10, 2007 12:10 am

أحسن حل عشان خاطر أم إبراهيم وأم زغلول إن الموضوع يتم في سرية تامه
مايعرفوش غير قبل الفرح وياريت مايعرفوش أصلا عشان مايحضروش كمان

أو العريس والعروسه يتفقوا زي ماقلت وإذا الأهل ماوافقوش العريس يقولهم مش هحضر الفرح هو والعروسه هو التهديد اللي ينفع

والأحسن بصراحه بقى من ده كله أن مايبقاش في جواز أصلا لو الموضوع كده

من طرف **DeBo0o** السبت نوفمبر 10, 2007 12:31 am

تمر الشهور سريعاً فيصبح العريس نحيلا من فرط مسك الحزام و المصاريف فمعتدة لم تعد تعرف معني الكوارع ولا طواجن اللحمة بالبامية في الفرن و نسى طعم المكرونة بالفراخ و الكفتة المتبلة

و هنا تقرر الام قبل ليلة الزواج بشهور علف هذا العريس و كأنه دكر بط ...
و تمر الايام و يأتي الزواج السعيد وو ليلة الفرح بما فيها من افراح و احزان و اللوان و مصاريف تطير في الهواء ..

فسعد بك الصغير رفض حضور الفرح الا لو قبض مبلغ 15 الف جنية مصري علي الطربيزة نظير ساعة من الهلس و هز الوسط الرجالي

و لذلك لان ابو العروسة رقع مليوني يمين علي ان ابنتة لن تتزوج الا علي انغام سعد الصغير

و يبدا اصحاب العريس في شحذ همتة فهذا يناولة خنجر و الثاني يعطية حربة و هذا يعلق في رقبته كلاشبنكوف
( سلاح الي روسي )

اما الام فتكتفي بأطنان اللحوم و البط و الحمام الزاجل و كأنة الملك فاروق
في تقنين للمسأله بمسمى العشا .. اطنان من الحمام و البط و الاوز العراقي و اللبناني
وياحسرتاة هل تظن انه يأكل اي من هذة الاشياء
انه لا يأكل اي منها
انه يظلطها ظلطا

فيدخل الطور المسعور لا يسمع الا نداء اشياء معدودة
المعدة و الطبيعة و قبلهم نداء هرمون التستيرون
من اكثر الاعداء للقلب و احد الاسباب المهمه لامراض الشرايين و التصلب
الكربوهيدات و الدهون

fats & carbohydrates

كما ان هذه الكميات التي لا توصف الا بالغباء الفاحش لا تأتي بجديد في الحياة الجنسية ربما يكون لها تأثير سلبي
بسبب الضغط الكبير علي شرايين القلب و حالة الكسل التي تنتاب اي انسان بعد ضرب كميات لا بأس بها من الدهون و الكاربوهيدرات

قال لي صديقي الذي تزوج وهو ابن 20 عاما ً استجابة لرغبة والدة المسن

بص يابني الجواز ده عامل زي بير المية و انت ماشي في الصحراا بقالك يومين من غير مية
اول ما تشوف البير بتفضل تشرب تشرب تشرب
و بعدها بطنك توجعك من كتر المية اللي شربتها

فقلت له في استغراب

و انت شربت كام لتر يا حوده

فقال لي بضحكة كبيرة :

انا رميت نفسي في البير بهدومي

وتستمر الاشياء الغريبة قبل و بعد ليلة الزواج
تأتي عادة نسائية غريبة

رغم كونها تافهه و لكن الغريب في الامر استمرار هذه العادة في جميع محافظات مصر الشرقية منها و الدقهلية و حتي في القاهرة
عادة غريبة لا اعرف اصلها ولكني عندما عرفت بها ضحكت في جنون

بالطبع العروس قد انفقت مبالغ طائلة علي الملابس البيتية والمخصصة للخروج
تقوم العروس بغسيل كل ماتملكة من قطعة ملابس حتى لو جديدة ولم تستعمل
كل الملابس الخاصة بها
و تقوم بنشرها في تنسيق رائع معروف "" القصير قدام و الطويل ورا "" في اول اسبوع من الزواج

لماذا تفعل ذلك؟؟

ام انها تجد متسع من الوقت و تريد كسر الملل في اليوم الثالث من الزواج
تفعل ذلك بغرض خروج النساء حولها و جيرانها من القرشانات و البنات لمشاهدة ملابسها الجميلة و مدح شطارتها في الغسيل و التنشير

عادة قد لا تكون منتشرة في كثير من البلدان و لكنها موجودة و مستمرة بين
ابناء الريف و المدن الكبري ايضا ً
..
يتبع

من طرف **RANEEM** السبت نوفمبر 10, 2007 10:47 pm

جميل يا معلم

في حاجه كمان ميستر الانجليزي كان دايما يقولنا الجواز عامل زي البطيخه اما قرعه او حمره وانت وحظك يا مان ههههههههههه
مش تتاخر علينا

من طرف FoOoFy الأربعاء نوفمبر 14, 2007 12:33 am

ههههههههههههههههههههههههههههههههههههههههههه
الله عليك يا ديبو
جامدة الزعازيع دي ، للأسف انا تابعتها متأخر بس أنت اكتر واحد عارف انا ليه مش بدخل كتير ، بس ربنا يقدرني و أكون متواجد اكتر من كده
الى الأمام يا حبي

من طرف **MeRaMoRe** الأربعاء نوفمبر 14, 2007 11:11 pm

ياسلام عليك

انا اول مره اعرف حكاية

((تقوم العروس بغسيل كل ماتملكة من قطعة ملابس حتى لو جديدة ولم تستعمل))

هههههههههههه غريبه والله

مستنيين الباقي

من طرف **DeBo0o** الخميس نوفمبر 15, 2007 8:46 pm

جميل يا معلم

في حاجه كمان ميستر الانجليزي كان دايما يقولنا الجواز عامل زي البطيخه اما قرعه او حمره وانت وحظك يا مان ههههههههههه
مش تتاخر علينا

و الله يا رنيم هو عنده حق ... و لو انى شايف ان تالت اربعهم بقوا قارعه دلوقتى lol!

من طرف **DeBo0o** الخميس نوفمبر 15, 2007 8:48 pm

ههههههههههههههههههههههههههههههههههههههههههه
الله عليك يا ديبو
جامدة الزعازيع دي ، للأسف انا تابعتها متأخر بس أنت اكتر واحد عارف انا ليه مش بدخل كتير ، بس ربنا يقدرني و أكون متواجد اكتر من كده
الى الأمام يا حبى

مش مهم انت تابعتها متاخر و لا بدرى المهم انك وقعت و اثبت حاله و جود و مشاركه معانا فى الموضوع

و كويس ان الموضوع عجبك

من طرف **DeBo0o** الخميس نوفمبر 15, 2007 8:51 pm

ياسلام عليك

انا اول مره اعرف حكاية

((تقوم العروس بغسيل كل ماتملكة من قطعة ملابس حتى لو جديدة ولم تستعمل))

هههههههههههه غريبه والله

مستنيين الباقي

دى حاجة اساسى ... من باب الفشخرة بس مش اكتر

بكرة تتعرفى الزعازيع دى كلها يا ميرا بس وقت الجد
lol!

من طرف **DeBo0o** الأحد نوفمبر 18, 2007 2:35 am

الأن بالطبع تريد ان تعرف ماهي الخيارات المتاحة لك
امامك 4 اختيارات..

الخيار الاول

عاملا بالمثل الانجليزي القديم
( ياحسرة قال بعد ما شاب ودوة الكتاب )
ان تصبح شخص عادي كاي شخص يتزوج زيجة عادية و تصبح بعد اسبوع شخص من الاف المتزوجين اللذين ينطحون رؤسهم في الصخر ....

الخيار الثاني
عاملا بالمثل البلدي المصري الفحل
( الباب اللي يجيلك منة الريح سدة و استريح )
او تقرر اعتزال النساء و تكتفي بميلودي و مازيكا و هيفا وهبى
و قتها لن يكتب احد اسمك في ابحاث

الخيار الثالث

عاملا بالمبدأ الشكسبيري
( اكون او لا اكون )
ان تقرر كسر كل هذه القواعد و عندها ستفعل الاتي :

تقتل جميع اقاربك و اهلك لكي تذهب الي منزل العروس وحيدا مع ابوك و امك و الاخوة لكي لا يحزن احد من الاقارب الذين تم قتلهم انه لم يحضر ...
و تجلس سعيدا شامخا علي كرسي بمفردك

قبل ذلك استأجر احد البلطجية ليعطي عروسك ضربة موس في وجهها حتي يقال عليها لا تساوي الا 120 جنية ذهب ..
عند الذهاب الي الصائغ لا تنسي قتل باقي العائلة بما فيهم ابوك الذي حلف انه لن يساعدك بالمال في حالة التعثر و لن تحتاج الي جارك الطيب فالمبلغ هين هذه المره ...
لا تنسي ايضا قتل الجار الطيب فهو قد يطالبك يوما برد الجميل التخيلي ....

الان انت و العروس بمفردكم ..بعد شراء خاتم خفيف كالريشة
قم بوضع مخدر حتى تنام العروس و تنعم انت بالغداء بعد الذهب و تأكل كل الطعام

ادعي المرض في الاعياد و المناسبات حتي تفلت من المواسم و الهدايا
كن دنيئا تري الوجود جميلا

ا قتل سعد الصغير و شعبان عبد الرحيم و كل المطريبين حتي لا تضطر الي دفع مبلغ 15 الف جنيه لقرد يرقص او لمكوجي رجل

اشتري اسلحتك الخاصة حتي لا تسمع كلمات شحذ الهمم من اصدقاءك
ولاتنسى الكلاشينكوف و ما اجمل

f 14 virtical tackoff from air craft carrier

بعد الزواج ادعي ان ملابس زوجتك بها فأر و انت تخاف منهم فقم بحرقها بالكامل
او اكسر الغسالة كي لا تغسل و تنشر الملابس
او حتي اقطع جميع احبال الغسيل

اما الاختيار الرابع و الاخير

ان تقرر مره اخري قرأه الموضوع من اوله فتصاب بتخلف عقلي عند تخيل نفسك في وضع العريس
و قتها ستعيش سعيدا ..في العباسية
او تقتل نفسك

نعم اسمعك
اسمعك تصرخ في وجهى وتقول
و ما هو اختيارك ايها الانزوح الصغير
...

اختار الخيار الخامس

عاملا بالحكمة البطيخية
( اذا كان هناك شيئان انقسم الناس عليهما .. و نفسك تحدثك بفعل ثالت ... فلا تستمع لها .. و انتظر ظهور شيء رابع

حتى لاتفعلة

و افعل الخامس )

الاختيار الخامس غير متاح

لو الجواز بالطريقة دي
فأنا مش عاوز اتجوز

تمت lol!

من طرف **MeRaMoRe** الأحد نوفمبر 18, 2007 3:30 am

يااااااااااااه خلصت

ياخساااااااااااااااره طب هشوف ايه لما الزعازيع دي تخلص؟

هتوحشني اوي

بس موضوع جميل جدا ياديبو

الحمد لله اني بنت عشان ما اخترش لأن مافيش ولا اختيار كويس

الله يعينكم ياشباب بجد قلبي معاكم

Well Done Debo0o0

Keep it up

C u & Take care All of U

من طرف FoOoFy الأحد نوفمبر 18, 2007 5:28 pm

بصراجة يا جماعة الزعازيع دي كانت من اجمد الموضيع في المنتدي
برافو عليك يا ديبو يا جاااااااااااااااااااااااااااااااااااااااااااااااااامد

من طرف **DeBo0o** الأربعاء نوفمبر 21, 2007 7:06 pm

يااااااااااااه خلصت

ياخساااااااااااااااره طب هشوف ايه لما الزعازيع دي تخلص؟ Sad

هتوحشني اوي

بس موضوع جميل جدا ياديبو

الحمد لله اني بنت عشان ما اخترش لأن مافيش ولا اختيار كويس

الله يعينكم ياشباب بجد قلبي معاكم

Well Done Debo0o0

Keep it up

C u & Take care All of U

مير سى بجد يا ميرو على زوقك و مرورك الكريم ده

و بعدين مش تزعلى ما هو كل شئ له نهايه .... منورررررررررررة Razz

من طرف **DeBo0o** الأربعاء نوفمبر 21, 2007 7:07 pm

بصراجة يا جماعة الزعازيع دي كانت من اجمد الموضيع في المنتدي
برافو عليك يا ديبو يا جاااااااااااااااااااااااااااااااااااااااااااااااااامد

ربنا يخليك يا فوفى باشا .. الحمد لله انها عجبتك